Mwakoro 19

Natin Motiaea Mwaane A Riki n Mitinare

Motiaea iai aman natina mwaane: Amon, Aaron, Aomna, ao Imnaai. A bon raona Aramwa te Ataei ngke e kaoti te anera nakoina.

Motiaea 27:11, 34

Natin Motiaea mwaane a tia n rairinanoia man aia bure ao a bon nanokawaki n te kaangaanga are a karaoia. Ataia bwa te euangkerio e bon koaua, ao a tangiria n reireiniia tabeman taekana.

Motiaea 27:35–36

Natin Motiaea n tatabemaniia a rawa n riki ni Uea. Ma e ngae n anne, a tangiria n riki bwa mitinare nakoia Reimwanaite ao n tibwaua te kakabwaia man te euangkerio ma ngaiia.

Motiaea 28:1, 10; 29:3

Te uea ae Motiaea e tataro n kan ataia ngkana e riai ni kanakoia natina mwaane. Te Atua e tuangnga bwa e na kanakoiia bwa ana bon kawakinaki. A na mwaiti Reimwanaite ake ana kakoaua aia rongorongo.

Motiaea 28:6–7

Natin Motiaea mwaane a nako n reireiniia Reimwanaite. Aki mamatam ao a tataro bwa a na riki bwa mitinare aika tamaroa.

Motiaea 28:9; Aramwa 17:9