Mwakoro 42
Kanikinaean Taurakin Kristo iaon te Kaibangaki
Tenibwi ma teniua te ririki n tia nako ngke aomata a tia n noori kanikina ni bungiakin Kristo.
A taraa ngkai kanikinaean matena: teniua te bong ae rootongitong.
Tabeman a aki kakoaua bwa e na roko te kanikina. A kauntaeka ma koraki ake a kakoaua.
Te bong teuana e roko te angibuaka ae kakamaaku. Iai te ang ae kakamaaku.
E kia te iti, ao te baa e ioioa te aonnaba ae bwanin.
Te kawa ae Taraemera e bue. Te kawa ae Moronaai e inako i taari. Te kawa ae Moronaaia e taunaki.
Mwaingingin te aba e ioioa te aonaaba ae bwanin. Kawai a uruaki, ao kateitei a bwaka. Kaawa aika mwaiti a uruakaki ao a mwaiti aomata aika tiringaki.
Te angibuaka ao te mwaingiing e waakinako inanon teniua te aoa.
Ngke toki te angibuaka ao te mwaingiing, te rootongitong ae matenten e rabuna aon te aba. Akea te oota n taabo nako. Aomata a kona n namakina te rootongitong.
E reitinako te rootongitong inanon teniua te bong. Taura nenea a aki kona ni ura, ao aomata a aki kona n noora taai, namwakaina, ke itoi.
A tang aomata ibukin te rootongitong, urubwai, ao te mate. A nanokawaki ngkai aki kaman rairi nanoia man aia bure.
Ngkanne aomata a ongo bwanaan Iesu Kristo.
Iesu e tuangiia aron te urubwai ae kakamaaku inanon te aba. E taku bwa aomata aika moan te buakaka a tia ni kamateaki.
E taku bwa koraki ake a aki kamateaki a kainnanoa te rairanano. Ngkana a karaoia ao n nakoina, e na kakabwaiaia.
A miimi aomata imwin ongoraia te bwanaa ao e toki tangiia. A bane n rau bwaai ni kabane inanon aua aika bati.
Ngkanne e a manga taetae Iesu, e taku bwa e kataia ni buokia aomata n taainako. Ngkana a na rairi nanoia ngkai, a kona n oki nakoina.
Imwiin teniua te bong ao e toki te rotongitong. A manga kukurei aomata ao ni kaitaua te Uea.