Mwakoro 49
Moormon ao Ana Angareirei
Ao imwin te tai ae maan angiia nikabane aomata a bane ni buakaka, taian Nibwaite ao Reimwanaite.
Te mwaane ae raoiroi, Amaron, iai irouna rekooti aika tabu. Te Tamnei ae Raoiroi e tuangnga bwa e na karabai bwa a na mano.
Amaron e tuanga Moomon, te ataeinimwane ae 10 ana ririki, mwiin te rekooti ake a karabaaki. Amaron e ataia ae e kona n onimakina Moomon.
Ngkana e koro 24 ana ririki, Moomon e na karekei ana bwaatua Nibwaai ao ni koroboki iaoia taekaia ana aomata.
Ngke Moomon e koro 11 ana ririki, e a waaki te buaka imarenaia Nibwaite ao Reimwanaite. Nibwaite a tokanikai, ao e a manga reke riki te rau.
Ma tenaan Nibwaite a rangi ni buakaka n te aro are te Uea e a anaiia taian reirei ake teniman , ike e a toki iai makuri ni kakai ao katoki aoraki. Te Tamnei ae Raoiroi e aki kairiia aomata.
Ngke Moomon e koro 15 ana ririki, Iesu Kristo e kawaria. Moomon e reiakinna riki taekan te Tia Kamaiu ao ana raoiroi.
Moomon e tangiria ni kabwarabwara nakoia aomata, ma Iesu e tuangnga e na aki ibukina bwa aomata a rangi buakaka. Nanoia e matoa ni kaaitara te Atua.
N te tai ae waekoa e a manga teirake te buaka. Moomon e bon bubura ao e aintoa, ao tenaan Nibwaite a rineia bwa e na kaira aia taanga ni buaka.
Tenaan Nibwaite a buakaniia taian Reimwanaite inanon ririki aika mwaitin. Moomon e kataia n kaungaiia ana aomata ni buaka ibukin aia utu ao mweengaia.
Tenaan Nibwaite a manga riki ni buakaka, ngaia, are te Uea e aki buokiia.
Moomon e tuangiia tenaan Nibwaite bwa a na kamaiuaki ti ngkana a rairinanoia ao ni bwabetitoaki. Ma aomata a rawa.
A kamoamoa n taekan korakoraia, n taku bwa a kona n tiringiia nikabane tenaan Reimwanaite. Ibukin buakakaia tenaan Nibwaite, Moomon e a rawa ni kan kairiia riki.
Reimwanaite a moanna ni kokonaiia Nibwaite ni katoa aia bubuaka. Moomon e iangoia bwa e na manga kaira ana taanga ni buaka Nibwaite.
E ataia bwa tenaan Nibwaite ake a buakaka aki kona n tokanikai n te buaka. Aki rairinanoia ke n tataro ibukin te buoka are a kainnanoia.
Moomon e anai ni kabane rekooti man te tabuki ike karabaki iai iroun Amaron ao e koroboki nakoia aomata ake a na wareki rekooti n te bong teuana.
E tangiriia ni kabane, n reitaki ma Iutaia, n ata Iesu Kristo, n rairananona ao ni bwabetitoaki, ao maiuakina te euangkerio ao ni kakabwaiaaki.
Te Tamnei e kaunga Moomon ni katikui ana bwaatua Nibwaai aika uarereke, are inanona taeka ni burabeti ibukin rokon Kristo, ma ana bwaatua Moomon.
Moomon e kairiia tenaan Nibwaite nakon te aba ae Kumora, ike a na katauraoia ni buakaniia riki tenaan Remwanaite.
Moomon e rikirake ni kara. E ataia bwa aio e na riki bwa te kabanea ni buaka. E aki tangiria bwa tenaan Reimwanaite a na kunei rekooti aika tabu ao ni kamaunai.
Ngaia are e anga ana bwaatua Moomon nakon natina te mwaane, Moronaai, ao e karabai nikiran bwaatua n te Tabuki Kumora.
Tenaan Reimwanaite a ekinakoiia ao n tiringiia nikabane ma ti 24 nikiraia Nibwaite aika aki mate. Moomon e ikoaki.
Moomon e bon nanokawaki ngkai a mwaiti Nibwaite aika mate, ma e ataia bwa a mate ibukina bwa a kaakea Iesu Kristo.
Moomon e a tia ni kataia n reireiniia tenaan Nibwaite te koaua. E a tia n tuangiia aron kakawakin karekean te onimaki iroun Iesu Kristo.
E a tia n reireiniia ni karekea te kantaninga rinanon ana Mwakuri ni Kamaiu Iesu Kristo ao ni karekea te tangira ae aki bwaka, are bon ana tangira Kristo ae e itiaki.
Ao Moomon e a tia ni korei reeta nakon natina te mwaane, Moronaai, are e reireiia te euangerio nakoia Nibwaite.
Moomon e korei taekan kakamakun buakakaiia tenaan Nibwaite. E tuanga Moronaai n tiku n onimaki iroun Iesu Kristo.
Tenaan Reimwanaite a tiringa Moomon ao ni kabane Nibwaite ma ti Moronaai, are e kabanei ni korei tenaan rekooti.