Mwakoro 4

Bwaatua Buraati

Riaai e tuanga Nibwaai bwa te Uea e tangiria ao tarina bwa a na okirikaaki nako Ierutarem. A na karekei tenaan bwaatua buraati mairoun te mwaane ae arana Raban.

1 Nibwaai 3:2–4

Bwaatua aika buraati bon te rekooti ae kakawaki. A taekinaki taekan ana bakatibu Riaai ao inanona ana taeka te Atua are kaotaki rinanon te burabeti.

1 Nibwaai 3:3, 20

Reimwan ao Remuera aki tangiria n okirikaaki n anai bwaatua buraati. A taku bwa e rangi ni kaangaanga karaoana. Akea aia onimaki iroun te Uea.

1 Nibwaai 3:5

Nibwaai e tangiria n ongotaeka iroun te Uea. E ataia bwa te Uea e na buokia ma tarina n karekei tenaan bwaatua buraati mairoun Raban.

1 Nibwaai 3:7

Reimwan, Remuera, Taam, ao Nibwaai a mwananga n okirikaaki n nako Ierutarem n anai tenaan bwaatua buraati.

1 Nibwaai 3:9

Reimwan e nakon Raban ao e bubuti ibukin taian bwaatua.

1 Nibwaai 3:11–12

Raban e rangi n un ao e aki angan Reimwan taian bwaatua buraati. Raban e tangiria n tiringa Reimwan, ma Reimwan e rabanako.

1 Nibwaai 3:13–14

Reimwan e tuangiia tarina bwa tera ae riki. E bon mwaaku ao e bwarananona ao e a kan okirikaaki nakon tamaia inanon te rereua.

1 Nibwaai 3:14

Nibwaai e taku bwa aki kona n okirikaaki ngkana aki reke taian te bwaatua buraati. E tuangiia tarina ni karekea riki aia onimaki iroun te Uea ao a na kona ni karekei taian bwaatua buraati.

1 Nibwaai 3:15–16

Nibwaai ao tarina a manga okira mweengaia ngkoa i Ierutarem ao anai aia koora ao aia tirewa ike a na kaibibitia ibukin taian bwaatua.

1 Nibwaai 3:22

A kaoti kaubwaia nakon Raban ao a tuangnga bwa a na kaibibitia ma taian bwaatua. Ngke Raban e noori aia koora ao tirewa, ao e mataai nanona iai, ao e kakioia nako.

1 Nibwaai 3:24–25

Raban e tuangiia ana tautia bwa a na tiringiia natin Riaai mwaane. Nibwaai ao tarina a biri ni karabaia n te nangananga. Raban e taui aia koora ao aia tirewa.

1 Nibwaai 3:25–27

Reimwan ao Remuera a un iroun Nibwaai. A batiboiia Nibwaai ao Taam ma te kai.

1 Nibwaai 3:28

E kaoti te anera ao e tuanga Reimwan ao Remuera bwa a na toki. E taku bwa te Uea e na buokiia ni karekei taian bwaatua. E taku naba bwa Nibwaai e na riki bwa te tia kairiiri iaoia tarina.

1 Nibwaai 3:29

Nibwaai e tuangiia tarina bwa a na riai ni iai aia onimaki iroun te Uea ao a na aki maaka Raban ma ana mwaane. Nibwaai e kaungaia tarina bwa ana okirikaaki nako Ierutarem.

1 Nibwaai 4:1–4

N te tairiki anne tarin Nibwaai a karabaiia itinanikun te kaawa ngke Nibwaai e karabaa n rinnako. E nakonako ni kaineta ana auti Raban.

1 Nibwaai 4:5

Ngke e a uakaan Nibwaai nakon ana auti Raban, e noora te mwaane ae manging ni wene iaon tano. Bon Raban.

1 Nibwaai 4:6–8

Nibwaai e noora ana kabaang Raban ao e anaia. Te Tamnei ae Raoiroi e tuanga Nibwaai bwa e na tiringa Raban, ma Nibwaai e aki tangiria n tiringnga.

1 Nibwaai 4:9–10

Te Tamnei ae Raoiroi e a manga tuanga Nibwaai riki bwa e na tiringa Raban bwa e aonga ni karekei taian bwaatua buraati. Ana utu Riaai a kainnanoa taian bwaatua bwa aonga n reiakina te euangkerio.

1 Nibwaai 4:12, 16–17

Nibwaai e ongo iroun te Tamnei ae Raoiroi ao e tiringa Raban. Nibwaai ngkanne e karini iaona ana kunnikai ao ana bwai ni buaka Raban.

1 Nibwaai 4:18–19

Nibwaai e nako nanon ana auti Raban ao e kaaitibo ma Tioram, ana toro Raban. Nibwaai e nooria ao e bwanaa n ai aron Raban.

1 Nibwaai 4:20

E tuanga Tioram bwa e na anai bwaatua buraati. Tioram e taku bwa Nibwaai bon Raban, ngaia are e anganna taian bwaatua. Nibwaai e tuanga Tioram bwa e na rimwiina.

1 Nibwaai 4:21, 24–25

Reimwan, Remuera, ao Taam a noora Nibwaai bwa e a roko ao a maaku; a taku bwa Raban. A moanna ni birinako ma a toki ngke e weteiia Nibwaai.

1 Nibwaai 4:28–29

Ngkanne Tioram e a ataia are Nibwaai bon tiaki Raban, ao e kataia ni birinako. Nibwaai e taua Tioram ao e berita bwa e na aki kaikoakia ngkana e ira Nibwaai nako nanon te rereua.

1 Nibwaai 4:30–33

Tioram e kariaia. Nibwaai ao tarina anaa Tioram ao taian bwaatua buraati ao a oki nakon Riaai ao Tiera.

1 Nibwaai 4:35, 38

A angan Riaai bwaatua buraati. Ngaia ao Tiera a kukurei ngkai natiia mwaane a kawakinaki. A bane ni kimwareirei ao a karabwa te Atua.

1 Nibwaai 5:1, 9

Riaai e wareka taian bwaatua buraati. A taekina taekan Atam ao Ewa ao Karikan te aonaaba. A taekinaki inanona aia taeka burabeti aika mwaiti.

1 Nibwaai 5:10–11, 13

Riaai ao Nibwaai a kukurei ibukina a tia n ongotaeka nakon te Uea ao n tia ni kona ni karekei taian bwaatua buraati.

1 Nibwaai 5:20–21

Ana utu Riaai a bobotii taian bwaatua buraati ni uoti ma ngaiia ni mwanangaia bwa aonga ni kona n reireiniia natiia taian tua ake a koreaki iaon bwaatua.

1 Nibwaai 5:21–22