Mwakoro 32

Kaaben Moronaai ao te Buraeki n Inaomata

Te mwaane ae arana Amarakaai e tangiria n riki bwa te uea iaoia Nibwaite. Mwaitiia Nibwaite a tia ni kitana te Ekaretia n rimwiina.

Aramwa 46:1, 4–5, 7

Ngkana Amarakaai e riki ni uea, e na kataia n uruana ana Ekaretia te Atua ao n anai inanomataia aomata.

Aramwa 46:9–10

Ngke Kaaben Moronaai, te tia kaira ana tanga ni buaka Nibwaite, e ongo ana baire Amarakaai ni kan uea, e moanna n un.

Aramwa 46:11

Moronaai e raeua ana kunnikai ni karaoia bwa te buraeki. Iaona e korea te rongorongo ni kauringiia aomata n kamanoa aia aro, inanomataia, ao te rau.

Aramwa 46:12

Moronaai e katuka te buraeki iaon kaina ao e aranna bwa te buraeki n inaomata. Ngkanne e karini kunnikaina ni buaka, e katorobubua n tataro.

Aramwa 46:13

E bubutia te Atua bwa e na mena iaoiia te koraki ake a kakoaua iroun Iesu Kristo ao a tataro ibukin inaomataia iaon te aba, n aranna te aba n inaomata.

Aramwa 46:16–18

Moronaai e nako ibuakoia aomata. A katioa te buraeki n inaomata, e weteiia bwa a na roko ao ni buoka kawakinan inaomataia.

Aramwa 46:19–20

Aomata a roko mai iaon te aba ni kabane. A berita bwa a na ongotaeka n ana tua te Atua ao ni buaka ibukin inaomataia.

Aramwa 46:21–22, 28

Ngke Amarakaai e nooria bwa a mwaiti Nibwaite ake a reitaki ma Moronaai, e a maaku. Ngaia ma naake a iriiria a nako ao a ikotaki ma Reimwanaite.

Aramwa 46:29–30

Moronaai ao ana taanga ni buaka a kataia ni katokiia, ma Amarakaai ao tabeman mwaane a rabanako.

Aramwa 46:31–33

Moronaai e katukui taian buraeki n inaomata ni katoai taua n abaia Nibwaite. Tenaan Nibwaite a tia ni kawakina inaomataia ao e a manga reke te rau.

Aramwa 46:36–37