Mwakoro 17

Aramwa ao Ana Aomata a Rabanako

N tebongina ngke ana aomata Aramwa a mwakuri inanon aia marae n aroka, aia taanga ni buaka Reimwanaite a riaon tian te aba n rinanon abaia.

Motiaea 23:25

Tenaan Nibwaite a maaku ao a biri nakon te kaawa ibukin kamanoaia. Aramwa e tuangiia bwa a na uringa te Atua ao e na buokiia. Tenaan Nibwaite a moanna n tataro.

Motiaea 23:26–28

Te Uea e kabebetea nanoia tenaan Reimwanaite, ao aki kamarakiia Nibwaite. Tenaan Reimwanaiate a bane ni bua ngke a kataia ni ukeria ana aomata te Uea ae Rimwaai.

Motiaea 23:29–30

Tenaan Reimwanaite a berita nakon Aramwa bwa a na manga aki kumeiia ana aomata ngkana e tuangiia bwa a na kanga n oki nako abaia. Aramwa e kaota te kawai nakoia.

Motiaea 23:36

Ma tenaan Reimwanaite aki kawakina aia berita. A katukuiia taan tararua ni katobibia te aba, ao Aramwa ao ana aomata akea inaomataia.

Motiaea 23:37

Aia uea Reimwanaite e karaoa Amuron bwa te tia tautaeka iaoia ana aomata Aramwa. Amuron bon te Nibwaite ao bon ana ibonga te Uea ae Nooa.

Motiaea 23:39; 24:8–9

Amuron e karaoia ana aomata Aramwa bwa a na mwakuri korakora. A tataro ibukin buokaia, ma Amuron e taku bwa ane e kuneaki n tataro e na tiringaki. Aomata a reitinako n tataro inanoiia.

Motiaea 24:10–12

Te Atua e ongo aia tataro ao e kakorakoraiia aomata ni kabebetei aia mwakuri . Aomata a rang ni kukurei ao n taotaoni nanoia.

Motiaea 24:14–15

Te Atua e rang ni kukurei bwa aomata a kakaonimaki. E tuanga Aramwa bwa e na bon buokiia n rabanako mairouia Reimwanaite.

Motiaea 24:16–17

Inanon te tariki aomata a bobotii kanaia ao aia man. N teingabong are imwina te Atua e karikiia Reimwanaite bwa a na matunako ngke Aramwa ao ana aomata a kitana te kaawa.

Motiaea 24:18–20

Imwin mwanangaia inanon 12 te bong, aomata a roko i Taraemera, ike te Uea ae Motiaea ao ana aomata a butimwaiia.

Motiaea 24:25