Mwakoro 8
Rinanon Taari
Te Uea e tuanga Riaai n uotiia ana utu iaon te kaibuke are a tia ni kabaia. A kanoaia ma te uaanikai, iriko, ao karewen te manibeeru ao ma koraa ake a na unikii n te aba ni berita.
Te ang ae korakora e uka te kaibuke ni kaineta te aba ni berita.
Reimwan, Remuera, ao tabeman riki a moanna riki ni buakaka. Ngke e tuangiia Nibwaai bwa a na toki, a un ao a kabaea ma te roobu.
Ibukin buakakaia, te Riaona e toki ana mwakuri. Aikoa ataia bwa e ngaa te kawai ae e na nako iai. Te ang ae korakora e uka te kaibuke ni kaokia rikaaki inanon tenua te bong.
Riaai e tuangiia Reimwan ao Remuera bwa a na kabwara Nibwaai, ma aki kan ongo. Riaai ao Tiera a rangi n nanokawaki are a moanna n aoraki.
Buun Nibwai ao natina a tang. A bubutia Reimwan ao Remuera bwa a na kabwara Nibwaai, ma a rawa.
Inanon te kaaua ni bong te buaka e a moanna ni korakora. Te kaibuke iaoni kawaina ninako.
Reimwan ao Remuera ataia bwa te Atua e a tia ni kanakoa te angbuaka. A rangi ni maaku ngkana a inako.
N tokina Reimwan ao Remuera a rairinanoia ao a kabwara Nibwaai. E ngae ngke tonun bwaina ao waena a moanna n tibu ao n ikoaki man te roobu, Nibwaai e bon aki ngurengure.
Nibwaai ngkanne e tabeka te Riaona, ao e a manga mwakuri. E tataro Nibwaai, ao te ang e toki. Taari e a moanna n raoi.
Nibwaai e bweena te kaibuke, ao e a manga ieie raoi ni kaineta te aba ni berita.