Mwakoro 26

Ana Botanaomata Amon

Natin Motiaea mwaane a reireiia te euangkerio nakoia tenann Reimwanaite. Tenga mwaitia Reimwanaite a rairinanoia ao a kaaina te Ekaretia.

Aramwa 23:4–5

Reimwanaite ake a kaaina te Ekaretia arania bwa tenan Aentaai-Nibwaai-Riaai, ke ana aomata Amon. A bon raoiroi, aomata aika mwamwakuri.

Aramwa 23:17–18; 27:26

Tenaan Reimwanaite ake aki rairinanoia a un ma ana aomata Amon ao a tauraoi ni buakaniia.

Aramwa 24:1–2

Ana aomata Amon ataia bwa Reimwanaite ake a buakaka a na roko n tiringiia ma a iangoia bwa a na aki buaka ni kaaitaraia. A tia n rairinanoia man te tiritiri.

Aramwa 24:5–6

A taunii ni kananoi aia bwai ni buaka iaan te tano ao a berita nakon te Atua a na aki manga tiritiri riki.

Aramwa 24:17–18

Ngke a roko Reimwanaite ake a buakaka ao a moana tiringakiia, a bobaraaki nako aontano ao a tataro.

Aramwa 24:21

N noorakiia ana aomata Amon bwa aki kaaitara ni buaka, angiia Reimwanaite ake a buakaka a katoka tiringakiia.

Aramwa 24:23–24

Tenaan Reimwanaite a rangi n nanokawaki bwa a tia n tiritiri. A karenakoi aia bwai ni buaka ao a raoniia ana aomata Amon. Aki manga oki ni buaka riki.

Aramwa 24:24–27

A manga roko riki Remwanaite n tiringiia ana aomata Amon. A teimatoa naba n aki kaaitaraiia ni buaka, ao a mwaiti ake a tiringaki.

Aramwa 27:2–3

E aki tangira kamaunaakia aomata ake e tangiriia, Amon e tataro ibukin te buoka. Te Uea e tuangnga bwa e na uotiia ana aomata ao a na kitana te aba.

Alma 27:4–5, 10–12

Nibwaite mai Taraemera angan Amon ao ana aomata te aba ae Ietion ao ni kamanoiia. A moanna n iraorao.

Aramwa 27:22–23