Mwakoro 21

Tenaan Ameritinaite

Ameriti bon te mwaane ae wanawana, ae buakaka ae e tangiria ni kan riki ni uea iaoia Nibwaite. A mwaiti aika a ririmwina.

Aramwa 2:1–2

Tenaan Nibwaite ake a raoiroi aki tangira Ameriti bwa e na riki bwa aia uea. A bon ataia ae e tangiria ni kan uruana ana Ekaretia te Atua.

Aramwa 2:3–4

Tenaan Nibwaite a ikokotaki inanon kurubu aika mwaiti n iangoia ngkana Ameriti e riai n uea. Angiia aomata aki rinea Ameriti, ao e aki riki n uea.

Aramwa 2:5–7

Ameriti ao taan ririmwiina a un. A kitaniia taian Nibwaite, a karaoa Ameriti bwa aia uea, ao araniia bwa Ameritinaite. Ameriti e anganiia ana ota bwa a na buakania taian Nibwaite.

Aramwa 2:8-11

Nibwaite aika raoiroi a katauraoi ni kamanoiia ma kainikatebe ao kanoaia, kabaang, ao tabeua riki bwai ni buaka.

Aramwa 2:12

Tenaan Ameritinaite a ekinakoia, ma tenaan Nibwaite, ake a kairaki iroun Aramwa ao a kakorakoraaki iroun te Uea, a tiringiia aika mwaiti. Nikiraia tenaan Ameritinaite a birinako.

Aramwa 2:15–19

Aramwa e kanakoia ana tia kamwane bwa a na tarataraiia tenaan Ameritinaite. Taian tia kamwane a nooria bwa a ikotaki ma ana tanga Reimwanaite ae bubura ao a ekinakoia Nibwaite ake a maeka i rarikin Taraemera.

Aramwa 2:21; 24-25

Nibwaite a tataro, ao te Atua e a manga buokiia riki. A tiringiia tautia aika mwaiti n ana taanga ni buaka Reimwanaite-Ameritinaite.

Aramwa 2:28

Aramwa ao Ameriti a boo imarenaia n aia kabaang. Aramwa e tataro bwa e na kamaiuaki, ao te Atua e anganna te korakora n tiringa Ameriti.

Aramwa 2:29–31

Nibwaite a kakioia Reimwainate ao Ameritinaite nako nanon te rereua. A mwaiti aika ikoaki ni mate ikekei ao ni kanaki irouia maan aika aki manana.

Aramwa 2:36–38

N aroia Reimwanaite, tenaan Ameritinaite a mwaaken rabwataia n te uraura, are a kakoroa nanon te taeka ni burabeti. Tenaan Ameritinaite a tia ni karaureiia ma te kakabwaia n te euangkerio.

Aramwa 3:4, 14, 18–19