Mwakoro 31

Kaaben Moronaai e Konaa Taraemena

Taraemena, aia tia kairiiri Reimwanaite, e tangiriia ana aomata bwa a na reitinako n ribaiia Nibwaite ao ni karaoiia bwa aia toro.

Aramwa 43:5, 8

Nibwaite a tangiria n taua abaia ao aia utu n inaomata. A tangiria naba ni kan inaomata n taromauriia te Atua.

Aramwa 43:9

Kaaben Moronaai bon aia tia kairiiri ana taanga ni buaka Nibwaite. Ngke a roko Reimwanaite ni buaka, Moronaai ao ana taanga ni buaka a kaaitibo inanon aban Ietion.

Aramwa 43:15–16

Kaaben Moronaai e a tia ni katauraoia ana koraki ma aia bwai ni buaka, otanga, kunnikaia ni buaka, ao kunnikaia ae matenten.

Aramwa 43:18–19

Reimwanaite iai aia tanga ni buaka ae bubura ma a maaku ngke a noora aia kunnikai ni buaka Nibwaite—Reimwanaite kanga bon akea kunnikaia iaoia.

Aramwa 43:20–21

Ana taanga ni buaka Reimwanaite a rawa ni kani buakana ana taanga ni buaka Moronaai. Remwanaite a biri inanon te rereua ao a iangoia n ekanako aia kaawa ae kakoro Nibwaite.

Aramwa 43:22

Moronaai e kanakoia ana taan kareke rongorongobwa ana tarataraia tenaan Reimwanaite. E bubutia naba Aramwa n tataro nakon te Uea ibukin te ibuobuoki. Te Uea e tuanga Aramwa te tabo are ana roko iai Reimwanaite n ekinakoia.

Aramwa 43:23–24

Ngke Moronaai e karekea ana rongorongo Aramwa, e katikuia tabeman tautia n tararua Ietion ao a mwaati nikiraia ni kaaitibo ma Reimwanaite.

Aramwa 43:25

Ana tautia Kaaben Moronaai a karabaiia ni ka uaitera iteran te karaanga ae Titaan, n tataninga ni kamwaneiia ana taanga Reimwanaite.

Aramwa 43:27, 31–35

E waaki te buaka, ao tenaan Reimwanaite a kataia n rabanako nakon iteran te karaanga, ma a mwaiti riki Nibwaite ake a tataningaiia man iterana are teuana.

Alma 43:36, 39–41

A buaka ma te korakora nakon are a tia ni kakaraoia mai mwaina, Taraemena ao ana taanga ni buaka a tiringiia Nibwaite aika a mwaiti. Tenaan Nibwaite a tang nakon te Uea ibukin te buoka.

Aramwa 43:43–44, 49

Te Uea e kakorakoraiia ana taanga ni buaka Nibwaite. Te taanga ni buka a katobibiia tenaan Reimwanaite, ao Moronaai e anga ana ota bwa e na toki te buaka.

Alma 43:50, 52–54

Moronaai e tuanga Taraemena bwa tenaan Nibwaite aki tangiria n tiringiia Reimwanaite ke ni karaoiia bwa aia toro.

Aramwa 44:1–3

Moronaai e taku bwa Reimwanaite aki kona n uruana aia onimaki tenaan Nibwaite iroun Iesu Kristo. E taku bwa te Atua e reitinako ni buokiia tenaan Nibwaite ni buaka n aron aia kakaonimaki.

Aramwa 44:4

Moronaai e anga ana ota nakon Taraemera bwa e na anganako ana bwai ni buaka. Tenaan Reimwanaite a na aki tiringaki ngkana a berita n aki manga buakaniia tenaan Nibwaite.

Aramwa 44:5–6

Taraemena e angan Moronaai ana bwai ni buaka ma e aki berita bwa e na aki buaka. Moronaai e anganiia aia bwai ni buaka n te aro are Reimwanaite a na kona ni kamanoiia.

Aramwa 44:8, 10

Taraemena e birirakea Moronaai bwa e na tiringnga, ma ana tautia Nibwaite e batibooia ao e otea ana kabaang Taraemena.

Aramwa 44:12

Ngkanne te tautia e korea kunin atuun Taraemena, ao e katekea n tabon ana kabaang, ao n tabekiarake ieta.

Aramwa 44:12–13

Tenaan Reimwanaite a na bwaka ngkana te kun n atu e bwaka, e tuangiia, ma a na aki ti ngkana a anganako aia bwai ni buaka ao ni berita n aki manga buaka riki.

Aramwa 44:14

Mwaitiia Reimwanaite a katikui aia bwai ni buaka iaan waen Moronaai ao a berita n aki manga buaka. A nganaki inaomataia.

Aramwa 44:15

A rangi n un, Taraemena e kakiriwei nanoia nikiraia tautia bwa a na buaka. Ana tautia Moronaai a tiringiia mwaitiia.

Aramwa 44:16–18

Ngkanne Taraemena e nooria bwa ngaia ao ana koraki nikabane a na tiringaki, e bubutia Moronaai n kamaiuiia. E berita bwa a na aki manga buakaniia riki tenaan Nibwaite.

Aramwa 44:19

Moronaai e katoka te buaka ao e anai aia bwai ni buaka Reimwanaite. Imwin are a berita bwa a na aki buaka, tenaan Reimwanaite a kitaniia.

Aramwa 44:20, 23