Mwakoro 44

Iesu Kristo E Kakabwaiaia Ataei

Iesu Kristo e tuangiia Nibwaite ni uotia ataei aika uarereke nakoina. A tekateka ataei i aontano i rarikin Iesu.

3 Nibwaai 17:11–12

Te Tia Kamaiu e tuangiia aomata bwa a na katorobubua. Ngkanne e katorobubua ao e tataro nakon Tamana are i Karawa.

3 Nibwaai 17:13, 15

Ana tataro te Tia Kamaiu e bon kamiimi ngaia are e aki kona ni koreaki. E kaonaki tenaan Nibwaite ma te kukurei.

3 Nibwaai 17:15–17

Imwin ana tataro Iesu e taku a na kakabwaiaki Nibwaite ibukin aia onimaki.

3 Nibwaai 17:20

E namakina te tangira ae bati ao te kukurei ngaia are e a tang.

3 Nibwaai 17:21

Ngkanne e anaia ataei ao e kakabwaiaia. E tataro nakon Tamana are i Karawa ibukiia ao e a manga tang.

3 Nibwaai 17:21–22

Iesu e tuangiia Nibwaite n taraia aia ataei.

3 Nibwaai 17:23

Ngke a mataku aomata, anera a ruo rikaki mai karawa ao ni katobibia ataei. Taian ataei ao anera a katobibiaki n te ai.

3 Nibwaai 17:24