Jeorļo̧k Bōd, jān Greg Olsen. Kar kōjerbal mālim. www.GregOlsen.com

Jekab 1–4: Kom̧in Kōllaajrak Kom̧ n̄an Anij kōn Pinmuur eo an Kraist

Jekab 1–4

RiNipai ro rekar ļōmņake Nipai aer “rikōjparok” (lale Jekab 1:10). E ekar bar kōjparok er ņae jetōb ko renana, kakkōļ er ņae jerawiwi im kipel er n̄an itok n̄an Kraist. Kiiō jerbal in eaar bun̄ ioon Jekab, eo Nipai ekar kapiti bwe en juon pris im rikaki (lale Jekab 1:18). Jekab ekar en̄jake juon eddo n̄an peran n̄an kakkōļ ro raar “m̧an ilo jero̧wiwi ” n̄an bar kaenōm̧m̧an “jetōb im kinejnej ko” an ro raar metak kōn jerawiwi ko an ro jet (lale Jekba 2:5–9). Elmen an kōm̧m̧ane jim̧or? Eaar ba ren etal n̄an ippān Jisōs Kraist—kōnke jim̧or kurup ko raikuji kōmour eo an Rilo̧mo̧o̧r (lale Jekab 4). Āinwōt ennaan eo an Nipai m̧oktaļo̧k jen e, naan in kam̧ool eo an Jekab kar juon kūr n̄an “kōllaajak n̄an [Anij] kōn pinmuur eo an Kraist” (Jekab 4:11).

Ļōmņak ko n̄an Ekkatak ilo M̧weeo im ilo Kabun̄ in

Jekab 1:6–8, 15–19; 2:1–11

Ewōr juon aō “jerbal jān Irooj.”

N̄an Jekab, kwaļo̧k naan eo an Anij eaar juon “ijjilōk jān Irooj,” kōn menin eaar kanooj jerbal tiljek n̄an “kōļapļo̧k kūr eo [an]” (Jekab 1:17,19). Ta meļeļein naan kein Jekab ekar kōjerbali n̄an eok? Ļōmņak kake ta jerbal eo an juon baikūlaaj? Ej ke lewaj n̄an eok jet ļōmņak? Ilo am̧ kōļmenļo̧kjeņ Jekab 1:6–8, 15–19 im 2:1–11, ļōmņak kōn jerbal eo Irooj emaron̄ lewaj n̄an eok. Ta eo kwoj en̄jake ekar im̧we eok n̄an “kōļapļo̧k kūr” eo?

Bar lale “Whom the Lord Calls, the Lord Qualifies,” ilo Teachings of Presidents of the Church: Thomas S. Monson (2022), 209–20; “Rise to Your Call” (video), Gospel Library.

Jekab 2:12–21

“Jab kōtļo̧k bwe juwa in an būruōmi en ko̧kkure jetōb ko ami!”

Ekar wōr an riNipai ro juon būrabōļōm̧ kōn juwa im kappukot jeraam̧m̧an (lale Jekab 2:13), im bwe būrabōļōm̧ eo ekar jab jejjet n̄an er ak tōre eo aer. Elmen an rikapo eo kwaļo̧k iakwe m̧weie rainin? Ālkin riiti Jekab 2:12–21, kōmeļeļeiki ilo naan ko am̧ make elmen an Anij kōņaan bwe kwon lale men ko an m̧weie. Juon al āinwōt “Because I Have Been Given Much” (Hymns, no. 219) emaron̄ bar letok ļōmņak ko. Ta eo kwoj en̄jake eim̧we n̄an kōm̧m̧ane kōn wōt ta eo kwoj ekkatak?

Jekab 2:22–35; 3:10–12

Anij ej m̧ōņōņō ilo erreeo.

Ilo am̧ riiti Jekab 2:22–35; 3:10–12, ta eo kwoj loe me ejipan̄ eok meļeļe etke erreeo eaorōk ippān Anij? Ta jet iaan jet nana ko ilo mour in—ilo tōre ko an Jekab im tōre in ad? Ta kōjeraam̧m̧an ko mour juon mour erreeo?

Elder David A. Bednar ekar katakin bwe jej mour “ilo juon laļ me eļapļo̧k an kajjirere kōn kwojarjar eo an ejaak armej im kadikļo̧k aorōk an mour an armej” (“We Believe in Being Chaste,” Liahona, May 2013, 41–44). Elmen am̧ jipan̄ ro jet meļeļe etke kwoj pokake kien erreeo? Ijjino eo em̧m̧an n̄an kōmeļeļeik jon̄ak ko an Anij kōn m̧ōm̧ an kanniōk im ko jet ilo“Ānbwinūm̧ ekwojarjar” ilo N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kāālet ko (peij 22–29). Ta ko jet kwoj loe ke katakin emaron̄ jipan̄ eok kōmeļeļe etke kwoj mour kōn kien erreeo?

Kwomaron̄ lo uwaak ko jet ilo ennaan eo an Elder Bednar ilōn̄ ak ilo pija in “I Choose to Be Pure” (Gospel Library).

Elmen an jon̄ak ko an Anij kōn erreo an kanniōk oktak jān ennaan ko jet kwomaron̄ iooni? Ta kōjeraam̧m̧an ko kōn mour juon mour erreo?

Bar lale Gospel Topic ko, “Virtue,” Gospel Ļāibrāre; “Same-Sex Attraction” ilo “Jipan̄ Mour” Koļāājen ilo Gospel Ļāibrāre.

Jekab 4

Imaron̄ in kōllaarjak n̄an Anij kōn Pinmuur eo an Jisōs Kraist.

Jekab eaar akweļap ippān armej ro an n̄an “kōllaajrak n̄an [Anij] kōn pinmuur eo an Kraist” (Jekab 4:11). Juon kōmeļeļe kōn kōllaajrak ej n̄an kōjepļaaktok jem̧jerā im iakwe. Ilo am̧ make ļōmņake mour eo am̧, ļōmņak kōn juon tōre kwaar en̄jake am̧ ettoļo̧k jān Jemedwōj Ilan̄. Elmen an Rilo̧mo̧o̧r eo jipan̄ eok kōrooltok jem̧jerā in? Ta kapilōk kwomaron̄ loe ilo jebta in me ejipan̄ eok kōllaajrak ippān Anij? (lale eoon 4–14).

Ta kakkobaba in ļōmņak ko kwoj būki jān Matu 5: 23–24? Elmen an Rilo̧mo̧o̧r jipan̄ eok kōllaajrak ippān Anij—im ro jet?

Lale barāinwōt 2 Nipai 10:24.

Jekab 4:8–18

Imaron̄ joļo̧k pilo ilo jetōb ilo aō mije wōt Rilo̧mo̧o̧r.

Āinwōt Jekab eaar kappukōt n̄an kanooj tōl armej ro an n̄an Irooj, eaar kakkōl er n̄an jab pilo ilo jetōb im jab kowaan “naan ko ralikkar an gospel eo” (lale Jekab 4:13–14). Ekkar n̄an Jekab 4:8–18, ta eo jemaron̄ kōm̧m̧ane n̄an joļo̧k pilo ilo jetōb?

Bar lale Quentin L. Cook, “Looking beyond the Mark,” Ensign, Mar. 2003, 40–44.

Ke Eaar kwaļo̧k, Rilo̧mo̧o̧r ekar kōjerbal okoktak ko n̄an kajjojo raan in mour. Būrabōļ ko an Jisōs rekar jipan̄ armej ro lo m̧ool ko an jetōb ilo en̄jake ko aer. Kajjieon̄ in kōm̧m̧an ejja āinwōt ilo am̧ katakin. N̄an waanjon̄ak, n̄e kwoj katakin Jekab 4:8–18, kwomaron̄ kajjitōk ippān rikatak ko n̄e raar kakōlkōl mej. Elmen an taktō eo kakōlkōl mejed? Elmen ad kakōlkōl jetōbin mejed?

N̄an ļōmņak ko reļļapļo̧k, lale ennaan eo an allōn̄ in Liaona im N̄an Kōkajoorļo̧k Jodikdik Ro māākjin ko.

Ļōmņak ko n̄an Katakin Ajri ro

Jekab 2:8

Anij ej kōmour jetōb ko rekinejnej.

• N̄an jipan̄ ajri ro nejum̧ meļeļe elmen kōmour juon “jetōb ekinejnej”, kwomaron̄ kōnono kake ippān doon elmen an ābwinnid kinejnej im ta eo ej jipan̄ bwe en mour. Bōlen ajri ro nejum̧ remaron̄ kōnono kōn iien ko rekar kinejnej im ta eo ekar jipan̄ kōmouri. Kwomaron̄ kwaļo̧k n̄an er teep in kinej ak uno āinwōt m̧ōttan ekōnono in. Bōlen kwomaron̄ kwaļo̧k n̄an er elmen an Rilo̧mo̧o̧r eo kar jipan̄ eok ke jetōb eo am̧ eaar aikuj kōmour.

Jekab 2:17–19

Imaron̄ jipan̄ ro jet ilo iien aikuj n̄e ij jake jōbōļ eo ippāier.

• Kōmeļeļe bwe armej ro ilo iien ko an Jekab rekar lukkuun m̧weie, ak rekar jab kōņaan ajije ta ko ewōr ippāer n̄an ro jet. Ilo am riiti katak ko an Jekab n̄an er ilo Jekab 2:17–19, kwomaron̄ leļo̧k n̄an ajri ro nejum̧ pija ko ak kein ekkatak ko n̄an jibwe ippān naan ak eoon ilo eoon kein. Kwomaron̄ kōmeļeļeik bwe kwoj kwaļo̧k kein katak kien n̄an er; bōlen kwomaron̄ kajjitōk ippāer n̄an kwaļo̧k kein katak eo ippam̧ ak ippān ro jet. Kōnono kake elmen am̧ en̄jake ke kwoj kwaļo̧ke. Ta ko jet kwomaron̄ kwaļo̧ke n̄an ro jet n̄an jipan̄ er en̄jake m̧ōņōņō?

• Ālkin riit ippān doon Jekab 2:17, bōlen ajri ro nejum̧ remaron̄ kwaļo̧k jet kōjeraam̧m̧an ko Jemedwōj Ilan̄ ekar kwaļo̧ki n̄an er. Etke E ekōņaan bwe jen jake jōbōļ eo ippān doon?

Jekab 4:6, 10–11

Imaron̄ kōkajoorļo̧k aō tōmak ilo Jisōs Kraist

• Tōmak eo an Jekab ilo Kraist ekar lukkuun kajoor ekar jab m̧ōjņo. N̄an katakin ajri ro nejum̧ elmen kōkajoor tōmak rot in, kwomaron̄ kajjitōk ippāer kōn men ko jemaron̄ kōm̧m̧ani n̄an kōkajoorļo̧k ānbwinnid. Ta eo jemaron̄ kōm̧m̧ane n̄an kōm̧m̧an bwe tōmak eo ad ilo jisōs Kraist en kajoorļo̧k? Riiti Jekab 4:6 ippān doon n̄an jipan̄ ajri ro kappukōt ta eo Jekab im armej ro an rekar kōm̧m̧ane n̄an kōm̧m̧an bwe tōmak eo aer “edim.”

• Bar juon wāween n̄an jipan̄ baam̧le eo am̧ meļeļe ta meļeļe in n̄an erom̧ “jab maron̄ idiki” ilo tōmak eo enaaj n̄an pukōt juon wōjke ekilep epaak im kajjitōk ippān ro uwaan baam̧ļe eo n̄an idiki kajjojo ra ko. Innām kōm̧m̧an bwe ren kajjieon̄ n̄an kōm̧akūt dāpdep eo. Etke epenļo̧k n̄an kōm̧akūt dāpdep eo? Ta naan ko ilo Jekab 4:6, 10–11 rej kōmeļeļeik ta eo jemaron̄ kōm̧m̧ane n̄an kōm̧m̧an bwe tōmak eo ad en jab ebooļoļ?

  

  Ejja āinwōt dāpdep eo an juon wōjke, tōmak eo ad ilo Kraist emaron̄ erom̧ “jab maron̄ idiki.”

• N̄an oktak ko jet n̄an katakin ajri ro nejum̧ kōn tōmak eo eban m̧akūtkūt ilo Jisōs Kraist, lale Neil L. Andersen, “Spiritual Whirlwinds” (Liaona, Māe 2014, 18–21; im pija eo “Spiritual Whirlwinds“) ak “The Wise Man and the Foolish Man” (Children’s Songbook, 281; bar lale Matu 7:24–27).

  An̄jiwiwi ko ilo Jetōb

  Jab kōtļo̧k bwe an̄jiwiwi ko ren kūnōōr laļļo̧k kom̧. Errein rej raan ko ami—n̄an jutak pen āinwōt rikaļoor ro an Irooj Jisōs Kraist.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Inaaj Jilkinwaj Naan ko Aer (Jekab Rikaki eo),, jān Elspeth Caitlin Young