Bwebwenato eo kōn Wōjke Olive eo, jān Brad Teare

Jekab 8–14: Irooj ej Jerbal Ippād

Jekab 5–7

Elōn̄, im elōn̄ armej ro me rejjan̄in ron̄ gospel eo an Jisōs Kraist. Eļan̄n̄e kwoj en̄jake tōr jān jon̄an kōn kilep in dettan jerbal in aiin tok er n̄an Kabun̄ eo an Irooj, waanjon̄ak eo an wōjke olive ko ilo Jekab 5 ewōr juon an kein kakeememej em̧ool: jikin kallib eo ej an Irooj. Eaar letok n̄an kōj kajjojo juon eria edik n̄an jipan̄ ilo jerbal eo An—baam̧le eo ad, doulul in ro m̧ōttad, men ko ewōr kilaad ioer. Im jet iien armej eo m̧oktata jej jipan̄e aiintok ej kōj make. Bōtaab jejjamin n̄an jidik makeļo̧k ilo jerbal in, n̄an Irooj in jikin kallib eo ej jerbal iturin ro Rikarejera (lale Jekab 5:72). Anij ejeļā im iakwe ajri ro Nejin, im Enaaj kōpooj juon wāween n̄an kajjojo iaer n̄an ron̄jake gospel eo An, jekdo̧o̧n ro raar kowaan E m̧okta (lale Jekab 4:15–18). Innām, n̄e jerbal eo ej dedeļo̧k, aolep ro me raar “niknik ilo jerbal [Ippān] … naaj lan̄lōn̄ [ippān] kōnke leen jikin kallib eo [An]” (Jekab 5:75).

Bar lale “Jacob Teaches about the Gathering of Israel” (video), Gospel Library.

Ļōmņak ko n̄an Ekkatak ilo M̧weeo im ilo Kabun̄ in

Jekab 5

Jisōs Kraist ej Irooj in jikin kallib eo.

Jekab 5 ej juon bwebwenato kōn meļeļein kōkkaļļe ko. Ej kōmeļeļeik leen wōjke ko im rijerbal ro, ak ej lukkuun kōn an Anij iaio̧ ippān armej ro An ilo aolep bwebwenato. Ilo am̧ riiti bwebwenato in, ļōmņak kōn ta jet men ko ilo bwebwenato in remaron̄ alikkar.

N̄an waanjon̄ak, n̄e jikin kallib eo ej pinej jenkwan laļ in, im wōjke olive eo eawiie ej pinej jenkwan Israel (ak ro raar kōm̧m̧an bujen ippān Anij, lale Jekab 5:3), ta eo wōjke olive eo eawiia ej pinej jenkwan? Ta leen eo em̧m̧an im nana ej pinej jenkwan? Ta kōkaļļe ko jet kwoj loi?

Men̄e Jekab 5 ej kwaļo̧k kōn bwebwenatoin aelōn̄ im laļ ko, ej barāinwōt kōn kwe im mour eo am̧. Ta ennaan ko kwoj loi n̄an kwe make ilo Jekab 5?

Bōlen eo eaorōktata, Jacob 5 ej kōn Jisōs Kraist. Pukot E ilo am̧ riit. Ta eo kwoj ekkatak kōn E, n̄an waanjon̄ak, ilo eoon 40–41, 46–47?

N̄an kakkobaba in ļōmņak ko kōn Jekab 5, lale jon̄ak in ilo jem̧ļo̧kin laajrak in.

Jekab 5:61–75

Irooj ej kūr eō n̄an jerbal Ippān ilo jikin kallib eo An.

Ro “rikarejeran jet” (Jekab 5:70) ro kar kūr n̄an jikin kallib eo an Irooj ekoba armej ro āinwōt kwe. Ta m̧ool ko kwoj loi ilo Jekab 5, eļaptata eoon 61–62 im 70–75, kōn jerbal ilo jikin kallib eo an Irooj? Ta eo kwaar ekkatak kōn E n̄an jipan̄ jerbal in An?

Ilo am̧ riit kōn “iien eo āliktata” me Irooj ej jerbal ilo jikin kallib eo An, ta eo ej im̧we eok n̄an jerbal n̄an Irooj “kōn am̧ kajoor”? (Jekab 5:71). Bōlen kwomaron̄ ļōmņake juon en̄jake am̧ make me kwaar en̄jake lan̄lōn̄ n̄an jerbal n̄an Irooj ilo jikin kallib eo—n̄an waanjon̄ak, ilo kwaļo̧k gospel in, jerbal ilo tampeļ, ak kōkajoorļo̧k ro jet. Kwomaron̄ bar kōjerbal waanjon̄ak ko an Elder Gary E. Stevenson n̄an kwaļo̧k ennaan eo an “Lukkuun Aiboojoj—Eļem Waan An Aiboojoj” (Liaona, Okt. 2021, 47–50).

Būreejtōn Nelson ekar kwaļo̧k: “Jabdewōt iien kwoj kōm̧m̧ane jabdewōt men me ej jipan̄ jabdewōt armej—ilo jim̧or jait ko an rōn̄ōl eo—bōk juon bun̄tōn m̧aanļo̧k n̄an kōm̧m̧ani bujen ko ippān Anij im aer bōk kain̄i ko an peptaij im tampeļ ko remenin aikuj, kwoj jipan̄ aiintok Israel. Menin epidodo” (“Hope of Israel” [worldwide youth devotional, June 3, 2018], ChurchofJesusChrist.org). Jino ļōmņake juon laajrak in ļōmņak ko in ta eo kwomaron̄ kōm̧m̧ane n̄an jipan̄ aiintok Israel. Jān laajrak eo am̧, ta eo kwoj en̄jake Irooj ekōņaan bwe kwon kōm̧m̧ane rainin ilo jikin kallib eo An? Ekkar n̄an eoon 75, elmen an Irooj kam̧m̧oolol kōj kōn ad jerbal ilo jikin kallib eo An?

Bar lale “Israel, Israel, God Is Calling,” Al, no. 7; “Old Testament Olive Vineyard” (video), Gospel Library; Gospel Topics, Aiintok Israel,” “Kūrtok Aolep n̄an Bōk Gospel eo an Jisōs Kraist,” “Bōk Kuņa ilo Tampeļ im Jerbal in Menmenbwij an Baam̧le,” Gospel Library.

Jikin Kallip in Oliv ilo Kallim̧ur M̧okta

(Jacob 5–6) Seminary students visit an Old Testament olive vineyard and are taught how to care for olive trees. They discover conditions in the vineyard that parallel the conditions in Zenos’s allegory. Segment 1, Old Testament Olive Vineyard

Katakin katak eo. Lukkuun lale bweekōnono ko am̧ ren mije wōt pedped in katak ko ilo jeje ko rekwojarjar. Kwomaron̄ kōm̧m̧ane menin jen riiiti jeje ko rekwojarjar ippān doon innām kwaļo̧k n̄an doon m̧ool ko kwoj loi, barāinwōt en̄jake ko ilo m̧ool kein.

Jekab 6:4–5

Irooj ej keememej armej ro An ilo iakwe im tūriam̧o̧ kake.

Juon meļeļe in naan eo eddāb ej dāpdep im dim n̄an juon men, epaakeļo̧k, im jab m̧ōk. Elmen an naan in jelet wāween am̧ meļeļe Jekab 6:4–5? Ilo bwebwenato in wōjke olive eo, elmen an Irooj in jikin kallib eo erļo̧ke “pein tūriam̧o”? (lale, n̄an waanjon̄ak, Jekab 5:47, 51, 60–61, 71–72). Elmen An kar kōm̧m̧ane menin n̄an eok?

Jekab 7:1–23

Imaron̄ jutak pen n̄e ro jet rej idajon̄jon̄e tōmak eo aō ilo Jisōs Kraist.

En̄jake eo an riNipai ro ippān Serem ekkā an waļo̧k rainin: armej rej kajjieon̄ in kakkure tōmak ilo Kraist. Elmen an Jekab kar uwaak ke tōmak eo an kar lukwo̧rkwo̧re? Ta eo kwoj katak jān uwaak ko an? Ta eo kwomaron̄ kōm̧m̧ane kiiō n̄an m̧aanjabpopo n̄an iien ko n̄e tōmak eo am̧ naaj idajon̄jon̄e?

Bar lale Jeffrey R. Holland, “The Cost—and Blessings—of Discipleship,” Ensign ak Liahona, May 2014, 6–9; “Sherem Denies Christ” (video), Gospel Library.

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjin ko.

Ļōmņak ko n̄an Katakin Ajri ro

Jekab 5

Irooj ej kea kōn armej ro An.

• Elmen am̧ maron̄ kwaļo̧k bwebwenato eo kōn wōjke in olive eo ilo juon wāween me ajri ro nejum̧ remaron̄ meļeļe? Juon wāween em̧m̧an ej etetal nam̧ōjļo̧k n̄an lali wōjke ko im kōmeļeļeik jidik lukkuun jibadbad eo an bwebwenato in. Ta eo Irooj in jikin kallib eo ekar kōm̧m̧ane n̄an wōjke ko An? Elmen ad maron̄ āinwōt rijerbal ro ilo bwebwenato in im jipan̄ ro jet en̄jake iakwe eo an Rilo̧mo̧o̧r?

• Jekab eaar kwaļo̧k bwebwenato in wōjke in olive ko n̄an karuwaineneik armej ro n̄an itok n̄an Kraist. Emaron̄ kōm̧m̧ane ejja āinwōt n̄an ajri ro nejum̧. Bōlen kwomaron̄ kōmeļeļeik bwebwenato eo kōn eoon kein āinwōt Jekab 5:3–4, 28–29, 47, im 70–72 (bar lale “Old Testament Olive Vineyard” [video], Gospel Library). Kwe ak ajri eo nejum̧ maron̄ riiti Jekab 5:11, 41,47, im 72, kappukōt men ko me rej kwaļo̧k ewi jon̄an an Irooj in jikin kallib eo (Jisōs Kraist) kar kōjparok wōjke ko. Ta eo Rilo̧mo̧or eo eaar kōm̧m̧ane n̄an kwaļo̧k ke Ej kea kōn kōj?

  Jikin Kallip in Oliv ilo Kallim̧ur M̧okta

  (Jacob 5–6) Seminary students visit an Old Testament olive vineyard and are taught how to care for olive trees. They discover conditions in the vineyard that parallel the conditions in Zenos’s allegory. Segment 1, Old Testament Olive Vineyard

Jekab 6:4–5

Jemedwōj Ilan̄ ej iakwe eō im enaaj jeorļo̧k aō bōd n̄e ij ukweļo̧k.

• Jekab 6:4–5 ewōr ie juon ennaan eaorōk n̄an kōj n̄e jej kōm̧m̧ani kālet ko rebōd. Bōlen kwomaron̄ jipan̄ ajri ro nejum̧ pukote. Ewi naan ko ilo eoon kein rej letok n̄an kōj kōjatdikdik ilo iakwe in pinmuur eo an Anij? Bwebwenato eo an Elder Allen D. Haynie kōn bwidej ilo juon pedkat ilo ennaan eo an “Remembering in Whom We Have Trusted” (Liahona, Nov. 2015, 121–22), emaron̄ jipan̄. Ta eo bwebwenato in ilo Jekab 6:4–5 ej katakin kōj kōn ta eo jej aikuji n̄an kōm̧m̧ane n̄an mour ilo aelōn̄ in kiin̄ eo an Anij?

Jekab 7:1–23

Imaron̄ jutak kōn ta eo ijeļā ej m̧ool.

• Ekōjkan am̧ maron̄ im̧we ajri ro nejum̧ n̄an jutak kōn m̧ool eo āinwōt kar Jekab? Ajri ro nejum̧ remaron̄ alooje pija eo“Chapter 10: Jacob and Sherem” (Gospel Library) im kōm̧m̧an m̧akūtkūt āinwōt Jekab im Serem, kōjerbal Jekab 7:1–23 āinwōt juon kein tōl. Ekōjkan an Jekab kar jutak kōn ta eo eaar jeļā eaar jim̧we? Kajjitōk ippān ajri ro nejum̧ n̄an kwaļo̧k en̄jake ko aer ke raar jutak kōn ta eo ejim̧we, ak kwaļo̧k eo am̧ make. Bōlen remaron̄ bar al juon al me ej kwaļo̧k peran eo an Jekab, āinwōt “Stand for the Right,” Children’s Songbook, 159.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.