Kona beku ibukin Atuam,, iroun Walter Rane

Eberi 29–Meei 5: “Te Bitaki ae Moan te Korakora”

Motiaea 4–6

Ko a tia n ongo iroun temanna n taekina ao n namakina kaungaakina bwa e na bita maium? Tao ko a tia ni baireia, ibukin te bwai are ko ongo, bwa kona maiuakina te bitaki teutana—ke bon te bitaki ae korakora. Ana kabwarabwara te Uea Beniamina bon aekakin te kabwarabwara anne, ao te koaua are e tataekinna n aekakin te bitaki iaoia aomata ake a ongo. Te Uea Beniamina e tibwaia ma ana aomata te bwai are a tia n reireinna anera—kakabwaia aika rianako akanne a bon kona ni kamaiura rinanon “raraan Kristo ni kabwara bure” (Motiaea 4:2). Ibukin Ana rongorongo, e bita noorakiia n aroia (taraa Motiaea 4:2), te Tamnei e bita nanoia (taraa Motiaea 5:2), ao a berita ma te Atua bwa a na karaoa Nanona n tainako (taraa Motiaea 5:5). Aio aron ana taeka te Uea Beniamina n rotiia ana aomata. A na kanga n rotiko?

Iango ibukin Reiakinana n te Mweenga ao n te Taromauri

Motiaea 4

Rinanon Iesu Kristo, I kona ni karekea ao ni kateimatoa kabwaraan au bure.

N tabetai, riki ngkana ko namakinna bwa a tia ni kabwaraaki am bure, ko kona ni kataia ni kawakina te namakin anne ao n tiku iaon te kawai ae raoiroi. Te Uea Beniamina e reireiniia ana aomata baika uoua ni karekea ao ni kateimatoa kabwaraan buure. Ngkai ko kamatebwaia mwakoro 4 ni Motiaea, iangoia kanakoi titiraki n aron aikai:

Kiibu 1–8.Baikara bwaai aika a riai ni karaoaki n te aro are te Atua e kona ni kariaia kabwaraan am bure? Tera ae ko reiakinna iaon Iesu ni kiibu aikai are e kaungaa nanom bwa ko na raira nanom? Ko na kanga n ataia ae ko a tia n raira nanom?

Kiibu 11–16.Ni kaineti ma kiibu aikai, tera ae e na riki ni maiura ngkana ti karaoi bwaai ake a kabwarabwaraaki ni kibu 11? Ko kanga ngkoe, ke temanna ae ko tangiria, n rinanon bitaki aikai? Kabotaui bitaki aikai nakon bitaki ake a kabwarabwaraaki inanon Motiaea 3:19.

Kibu 16–30.E na kanga tibwauaan te bwai are iai iroum ma tabeman ni buokiko n kateimatoa kabwaraan am bure? Ko na kanga ni karaoa nanon kibu 27 nakon am kekeiaki n riki n ai aron Kristo?

N tera ae ti bane iai n riki bwa taan bubuti? Ni kaineti ma kiibu aikai, tera arora ae ti riai ni karaoia nakoia natin te Atua ni kabane? (taraa Motiaea 4:26). Antai ae e kainnanoa am ibuobuoki?

Taraa naba Becky Craven,Kawakina te Nikira,” Riaona, Nobembwa 2020, 58–60.

Motiaea 4:5–10

I kakoaua ao n onimaki iroun te Atua.

Ana kakao te Uea Beniamina ni kakoaua ao n onimaki iroun te Atua e kakawaki n ara bong n aron naba boong ake rimoa. Ngkai ko wareka Motiaea 4:5–10, tarai koaua iaon te Atua ake a na anganiko bukin ae ko na Kakoauaa. Tara te kakao ae e anga te Uea Beniamina are ni kibu 10. Bukin tera onimakinan te Atua e karika bebeten mwakurian ana kakao te Uea Beniamina?

Iangoia ni ukori riki tabeua koroboki aika tabu ni karaoa rinanin anuan te Atua: Ieremia 32:17; 1 Ioane 4:8; 2 Nibwaai 9:17; Aramwa 32:22; Momoon 9:9; Ita 3:12; Reirei ao Berita aika Tabu 19:1–3; 88:41 (taraa naba te witeo “Christlike Attributes,” Gospel Library). Ko kona ni kabonganai karinan ake ko korei ni karekei kawai ni kabwanina te tiententi n aron aio: “Ibukina bwa I ataa te Atua bwa , I kona n onimaki Irouna ni .”

Ara onimaki iroun te Atua e rikirake ngkai ti a tia n rinanon bwaai ma Ngaia. Ni Motiaea 4:1–3, tera ae e buokiia ana aomata te Uea Beniamina n “tia n atai taekan ana raoiroi te Atua”? (kibu 6). Iangoa te taneiai ae ko a tia n rinanona ma te Atua. Tera ae a reireiniko taneiai aikai iaon te Atua? Tera mwaneka ae ko touii (ke ake ko na anai) ni kananoa riki am koaua ke onimaki iaon te Atua?

Taraa naba Jeffrey R. Holland, “The Grandeur of God,” Riaona, Nobembwa. 2003, 70–73; Gospel Topics “God the Father,” Gospel Library; “I Know My Father Lives,” Hymns, no. 302.

Tibwaan taneiai aika tabu. Tabeua taneiai a rangi n tabu ke n onoti bwa a na tibwaaki. Ngkana ko kaoiia tabeman bwa a na tibwa aia taneiai, tai kairoroia bwa a na tibwatibwa ngkana aki tangiria n tibwa are irouia.

Motiaea 4:29–30

N a riai n tarai au iango, taeka, ao mwakuri.

Te Atua E aki anga rinan taia bure nako. Ni kaineti ma Motiaea 4:29–30, tera ae E karaoia irarikin anne? Iangoia bwa e kanga am iango, taeka, ao am mwakuri n rotiko ao n rotiia aomata tabeman. A kanga n roota aron am reitaki ma te Atua? Ko kanga n “[tarataraiko]”?

Motiaea 13:1–5

Tamnein te Uea e kona ni karika te bitaki ae korakora inanou.

E rang ni baitii irouia aomata taetaekinan, “I aki kona ni bitaki. Anne ai bon arou.” Ni kaitaraana, te bwai are a rinanona ana aomata te Uea Beniamina e kaotia nakoira aron Tamnein te Uea ni kona ni bitii nanora ni koaua. Ngkai ko wareka Motiaea 5:1–5, iangoia bwa e kanga te “bitaki ae korakora” ni kairi nakon te rairaki n riki—ke ni kona n riki—inanon maium. Iangoa raoi te waaki ae koaua, n te rikirake ni bitaki n aron naba taian taneiai aika “korakora”. A kanga taneiai aikai ni buokiko ngkana ko kaitarai kariiri?

Taraa naba Etekiera 36:26–27; Aramwa 5:14; “A Change of Heart,” “The People of King Benjamin Make a Covenant” (witeo), Gospel Library.

Baai ni Kamarurung,, iroun Adam Abram

Motiaea 5:5–15

I katoka iaou aran Kristo ngkai I karaoa au berita ae tabu ma Ngaia.

Tera ae ko reiakinna man Motiaea 5:7–9 iaon te bwai are e nanonaki ni katoka iaom aran Kristo? Tera ae reiakiniira tataron te toa (taraaMoronaai 4–5) iaon aei? Ko na kanga ni kaotia bwa ngkoe “ana bwai” te Tia Kamaiu?

Taraa naba D. Todd Christofferson, “Bukin Tera Kawain te Berita,” Riaona, Meei 2021, 116–19.

Iango ibukin Reiakinaia Ataei

Motiaea 4:1–3, 10

Te rairannano e uota te kimwareirei.

• N reiakina taekan te kimwareirei n te rairannano, tao ko kona ni kariaia natim bwa e na nimnim ke ni bareka baia ao noria bwa tera aia namakin imwiin kaitiakana. Imwiina ko kona ni katiteboa anne ma te kawai are aomata inanon Motiaea 4:1–3 a namakinna mai imwaaina ao imwiin ae e kabwaraaki aia bure. Kaota am koaua iaon mwaakan te Tia Kamaiu ni kaitiakiira ni maiun tamneira.

• A ataia natim bwa a na kanga n raira nanoia n ae bwanin ao ma n nanona ni koaua? Buokiia bwa a na kunea bwa tera ae a karaoia ana aomata te Uea Beniamina ni Motiaea 4:1–3, 10. A kona naba n rinanoa “Raira nanom, Rairannano” inanon Bwai ni Kairi nakon Koroboki aika Tabu. E kanga Iesu Kristo ni karekea ae e na reke te rairannano?

Motiaea 4:12–26

Ana euangkerio Iesu Kristo e kaunga nanou bwa N na tangiriia aomata tabeman ao n akoia.

• Buokaia tabeman e anganiira te namakin ae tamaroa. Tao ko kona n kariaia natim bwa a na marooro iaon te tai ngke a tangira ke n akoa temanna ao e kanga te taneiai anne n anganiia te namakin. Bukin tera ngkai aomata tabeman a aki tangiria ni beku ibukiia tabeman? Tera ae ti kona n taekinna nakon temanna ni kaoiia bwa a na buokiia aomata ake a kainano? Tarai tabeua iango ni Motiaea 4:16–26.

• Te Uea Beniamina e reirei bwa ngkana ti nakon Kristo ao ti karekea kabwaraan ara bure, ti a “kaonaki n ana tangira te Atua” (Motiaea 4:12). Aio e kairiira bwa ti na tatangira ao n akoakoi nakoia aomata tabeman. Ngkoe ma natim kam kona ni kakaea ni Mosiah 4:13–16, 26 (ke te anene n aron “I’ll Walk with You,” Aia Boki n Anene Ataei, 140–41) ao ni kakaai mwakoro n taeka ake a kabwarabwara bwa ti na kanga ni buokiia tabeman. A kona ngkanne ni karaoa kaain bwaai aikai ke ni korea tamneia ao ni ketin mwakoro n taeka n tatabeua nako. Ti na kanga ni kaota te tangira ao te akoi n te mweenga, n te reirei, ke n te tabo n taromauri?

Iesu Kristo e reireiniira bwa ti na akoi nakoia tabeman.

Motiaea 5:5–15

Ngkai I karaoi berita ma te Atua, I katoka iaou aran Kristo.

• Natim a na bae n kukuei ni karaoa nen te ara are e kota aran “Iesu Kristo ao a kanimmwa iaon bwabwaia (taraa te iteraniba ni waaki ni kakukurei ibukin te wiiki). Ngkai a karaoia, ko kona ni wareka nakoia Motiaea 5:12 ao maroroakinna bwa e kanga karaoan berita aika tabu, ke berita, ma te Atua ni karekea ae kanga titebo ma kareken aran Kristo ni “koreaki n tainako i nano[ra].”

Ibukin iango riki tabeua, taraa te beeba ni kaongora n te namwakaina aio n te Rao maekatiin.

N Ana Tararua ae Teimatoa, iroun Greg K. Olsen