Ikali dagiti Anti-Nephi-Lehi dagiti Armasda a Pakigubat, ni Jody Livingston

Hulio 8–14: Pulos a “Dida Nagikay”

Alma 23–29

No dadduma masdaawka kadi no talaga a makapagbalbaliw dagiti tao? Mabalin a madanaganka no maparmekmo dagiti nakapuy a pili nga inaramidmo wenno dagiti dakes nga ugali a napatanormo, wenno mabalin nga umasping ti pakadanagam maipapan kadagiti ay-ayatem. No kasta, matulongannaka ti estoria maipapan kadagiti Anti-Nephi-Lehi. Dagitoy a tao ti nagsapata a kabusor dagiti Nephite. Idi inkeddeng dagiti lallaki nga annak ni Mosiah a mangikasaba iti ebanghelio kadakuada, “kinatawaan [ida] nga inumsi” dagiti Nephite. Ti panangpapatay kadagiti Lamanite ti kasla ad-adda a nakapappapati a pangrisut ngem iti panangpasurot kadakuada. (Kitaen iti Alma 26:23–25).

Ngem nagbalbaliw dagiti Lamanite—babaen ti mamagbalbaliw a bileg ti Apo. Iti naminsan a nabigbigda a kas “dagiti atap ken nasukir ken nakaam-amak a tao” (Alma 17:14), ngem nagbalinda a “[naisangsangayan] babaen iti kinareggetda iti Dios” (Alma 27:27). Kinaagpaysuanna “pulos a dida nagikay” (Alma 23:6).

Mabalin nga addaanka iti kapanunotan wenno aramid a balbaliwam wenno mangidisso kadagiti “armas ti yaalsa” (Alma 23:7). Wenno mabalin a kasapulam laeng ti agbalin a naregregget bassit nga umasideg iti Dios. Ania man dagiti panagbalbaliw a kasapulam, Alma 23–29 ti makaipaay kenka iti namnama a babaen iti pangsubbot a bileg ni Jesucristo, posible ti napaut a panagbalbaliw.

Dagiti Kapanunotan iti Panagsursuro iti Pagtaengan ken iti Simbaan

Alma 23–25; 27

Balbaliwanto ti pannakapasurotko ken ni Jesucristo ken ti ebangheliona ti biagko.

Kasla saan a mapagduaduaan a kandidato dagiti Lamanite iti pannakapasurot, ngem adu kadakuada ti nakapadas kadagiti namilagruan a panagbalbaliw gapu ken ni Jesucristo. Inawagan dagitoy napasurot a Lamanite ti bagbagida iti Anti-Nephi-Lehi.

Ti panangbasa iti Alma 23–25; 27 ket mabalin a mangguyugoy kenka a mangutob iti bukodmo a pannakapasurot. Kitaen no kasano a nagbalbaliw dagiti Anti-Nephi-Lehi—no kasano ti pannakapasurotda “iti Apo” (Alma 23:6). Matulongannaka a mangirugi dagiti sumaganad a bersikulo:

• Alma 23:6–7

• Alma 23:17–18

• Alma 24:15–21

• Alma 25:13–16

• Alma 27:26–30

Iti ania a wagas a binalbaliwannaka ni Jesucristo ken ti ebangheliona? Kaano a nariknam nga asidegka Kenkuana? Kasano a maibagam no agbalinkan a napasurot ken ni Jesucristo? Ania ti iguyguyugoy ti Espiritu a sumaruno nga aramidem?

Kitaen met iti David A. Bednar, “Converted unto the Lord,” Liahona, Nob. 2012, 106–9; Dale G. Renlund, “Unwavering Commitment to Jesus Christ,” Liahona, Nob. 2019, 22–25; Gospel Topics: “Become like Jesus Christ,” Gospel Library.

Alma 24:7–19; 26:17–22

Gapu ta manangngaasi ti Dios, pakawanennak no agbabawiak.

Ti panagbalbaliw a napadasan dagiti Anti-Nephi-Lehi ket saan laeng a panagbalbaliw ti kababalin—daytoy ti panagbalbaliw ti puso a nayanak iti pammati ken ni Jesucristo ken napudno a panagbabawi. Nalabit a mabalinmo a sapulen ti maysa a kinapudno maipapan iti panagbabawi iti tunggal bersikulo iti Alma 24:7–19. Ania ti isuro dagitoy a bersikulo maipapan iti asi ti Dios kadagiti agbabawi? Ania dagiti nayon a kinapudno a masursurom manipud iti Alma 26:17–22?

Utobem no kasano nga impakitan ti Dios dayta nga asina iti biagmo. Kasano a mayebkasmo ti panagyamanmo Kenkuana?

Alma 26; 29

Mangyeg kaniak ti rag-o ti panangibinglay ti ebanghelio.

Makita ti balikas a rag-o iti 24 a beses iti Alma 23–29, a mangaramid kadagitoy a kapitulo a nasayaat a lugar a pakasursuruan no kasano ti umawat iti rag-o iti panagbiag—ken panangibinglay—iti ebanghelio ti Mangisalakan. Ibilang ti panangadal iti Alma 26:12–22, 35–37; ken 29:1–17, a mangsapsapul kadagiti rason no apay a nagrag-o da Ammon, dagiti annak ni Mosiah, ken Alma. Ania ti masursurom manipud kadagitoy a binatog a makaiturong iti ad-adu a rag-o iti biagmo?

Insuro ni Elder Marcus B. Nash: “Ti panangibinglay iti ebanghelio ket mangparayray iti rag-o ken namnama kadagiti kararua ti agpadpada a mangmangted ken umaw-awat. … Ti panangibinglay iti ebanghelio ket rag-o iti rag-o, namnama iti namnama” (“Hold Up Your Light,” Liahona, Nob. 2021, 71). Ania dagiti padas a napasaramon iti panangibinglay iti ebanghelio iti dadduma? Ania dagiti karit a pakaipasanguam no agkalklalikagumka a mangibinglay iti ebanghelio? Kasano a makatulong kenka ti Nailangitan nga Ama a mangparmek kadagitoy a karit?

Para iti naimpadtuan a panangiturong no kasano nga ibinglay ti ebanghelio—ken makasarak iti rag-o iti panangaramid iti daytoy—ibilang ti panangadal iti mensahe ni President Dallin H. Oak a “Sharing the Restored Gospel,” (Liahona, Nob. 2016, 57–60). Ania dagiti singasing a masarakanyo iti mensahena?

Kitaen met iti “The Bush Family Story,” “Sharing Your Beliefs,” “Sharing the Gospel” (videos), Gospel Library.

Ibilangyo ti panangilista kadagiti banag nga ibinglayyonto iti maysa a gayyem maipapan iti Libro ni Mormon. Padasen ti panangibinglay iti Libro ni Mormon nga us-usarenyo ti Libro ni Mormon app.

Agsapul kadagiti pagtuladan ken tema. No agad-adaltayo kadagiti nasantuan a kasuratan, masarakantayo dagiti napapateg a kinapudno babaen ti panagsapul kadagiti maulit-ulit a balikas, ragup ti balikas, wenno kapanunotan. Mabalin nga i-cross-reference wenno isilpo dagita a maulit-ulit a kapanunotan kadagiti nasantuan a kasuratanyo tapno nalaklaka a makita dagitoy.

Alma 26:5–7

Masarakak ti pagkamangan ken ni Jesucristo ken ti ebangheliona.

Iti panawen ti panagapit, masansan a maummong ti dawa kadagiti rineppet a maawagan iti binettek ken maikabil kadagiti pagidulinan, no dadduma maawagan kadagiti sarusar. Iti Alma 26:5–7 utobem no ania ti mabalin nga ibagi dagiti binettek, sarusar, ken bagyo iti biagyo. Kasano a masarakanyo iti pagkamangan ken ni Jesucristo?

Kitaen met iti Russell M. Nelson, “The Temple and Your Spiritual Foundation,” Liahona, Nob. 2021, 93–96; David A. Bednar, “Honorably Hold a Name and a Standing,” Liahona, Mayo 2009, 97–100; “Jesus, Lover of My Soul,” Hymns, no. 102.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro

Alma 24:6–24

Bendisionannak ti Apo no ikarigatak a tungpalen dagiti karik Kenkuana.

• Nalabit a magustuan dagiti annakyo ti mangikali kadagiti “armasda” a kas kadagiti Anti-Nephi-Lehi. Mabalinyo a basaen ti sumagmamano a bersikulo manipud iti Alma 24:6–24 a mangisuro kadagiti ubbing maipapan kadagiti kari nga inaramid dagiti Anti-Nephi-Lehi iti Mangisalakan. Kalpasanna mabalinda ti agpanunot iti maysa a banag a balbaliwanda tapno sumurot Kenkuana, isuratda daytoy iti panid ti aktibidad itoy a lawas, ken agpammarangda nga agkali iti abut ken ikalida ti armasda.

• Mabalin a basaen dagiti annakmo ti Alma 24:15-19, a mangsapsapul no ania ti inaramid dagiti Anti-Nephi-Lehi “kas pammaneknek iti Dios.” Kalpasanna, mabalino ti makisarita kadakuada maipapan no kasano a makapagbalin a “pammaneknek iti Dios” dagiti katulagantayo.(bersikulo 18). Paisarita kadagiti annakyo no kasano nga ipakitadanto iti Dios a kayatda ti sumurot Kenkuana. Ti panangkansion iti maysa a kanta kas iti “I Want to Live the Gospel” (Children’s Songbook, 148) ket makatulong kadakuada.

Alma 24:7–10; 26:23–34; 27:27–30

Makapagbabawiak.

• Tapno matulongan dagiti annakyo a makakita no kasano a matulongannatayo ni Jesucristo nga agbalbaliw no agbabawitayo, mabalinyo nga isuro ida maipapan kadagiti Anti-Nephi-Lehi. Tapno maaramid daytoy, mabalinmo nga ikkan iti label ti dua a malukong a “sakbay” ken “kalpasan.” Kalpasanna mabalin a basaen dagiti annakyo ti Alma 17:14–15 ken 27:27–30, isurat no ania ti kasasaad dagiti Lamanite sakbay ken kalpasan ti panagbabawida, ket ipan dagitoy iti umno a malukong. Segun iti Alma 24:7–10, ania ti nangtulong kadakuada nga agbalbaliw? Kasano a maipakitatayo ti panagyamantayo iti Dios para iti asina?

Alma 26; 29

Mangisangbay iti rag-o kaniak ni Jesucristo, ken mabalinko nga ibinglay daytoy a rag-o.

• Nalabit a magustuanyo ken dagiti annakyo ti mangidrowing kadagiti ladawan dagiti banag iti ebanghelio ni Jesucristo a mangisangbay kadakayo iti rag-o. Ibinglayyo ti ladawanyo kadagiti annakyo, ken paregtaen ida a mangibinglay iti ladawanda iti maysa a tao tapno matulongan dayta a tao a makarikna met iti rag-o.

• Tulongam dagiti ubbing a mangsapul kadagiti balikas a rag-o ken agrag-o iti Alma 26 ken 29. Ania ti nangparag-o kada Ammon ken Alma wenno gapu ti nagrag-oanda? Daytoy a saludsod ti makaiturong iti pananglilinnawag maipapan iti rag-o a sumangbay manipud iti panagbiag ken panangibinglay iti ebanghelio Jesucristo.

Alma 27:20–30

Matulongak dagiti gagayyemko nga agbiag iti ebanghelio ni Jesucristo.

• Mabalin a basaen dagiti annakmo ti Alma 27:22–23, a mangsapsapul no ania ti inaramid dagiti Nephite tapno matulongan dagiti Anti-Nephi-Lehi a mangtungpal iti karida a didanton pulos makiranget pay. Kasano a matulongantayo dagiti gagayyemtayo a mangtungpal kadagiti karida? Mabalin dagiti annakmo ti mangyakem kadagiti situasion. Kas pagarigan, ania ti maibagatayo iti maysa a gayyem a kayatna ti agulbod wenno agtangsit?

Para iti ad-adu pay a kapanunotan, kitaen ti isyu ti magasin a Friend iti daytoy a bulan.

Ladawan dagiti Anti-Nephi-Lehi a mangikalkali kadagiti armasda, ni Dan Burr