Antai-Nipai-Liai ro rej Kalbwin Kein Tariņae ko Aer, jān Jody Livingston

Juļae 8–14: Raar “Jamin Raar Bun̄”

Alma 23–29

Kwoj ke jet iien kajjitōk eļan̄n̄e armej ro remaron̄ lukkuun in oktak? Bōlen kwoj inepata kōn eļan̄n̄e komaron̄ anjo̧ ioon kāālet ko rejjab em̧m̧an kwaar kōm̧m̧ani ak iminene ko renana kwoj ejaaki, ak emaron̄ wōr am̧ ejja inepata ko wōt kōn ro kwoj iakwe er. Eļan̄n̄e āindein, bwebwenato eo an Antai-Nipai-Liai ro emaron̄ jipan̄ eok. Armej rein raar dike armej in Nipai ro. Ke ļōmaro nejin Mosaia raar kāālet n̄an kwaļo̧k gospel eo n̄an er, armej in Nipai ro “raar ettōn̄ ilo [aer] kajjirere kake.” M̧an armej in Leman ro eaar āinwōt juon men eļapļo̧k an alikkar jān ukōt er. (Lale Alma 26:23–25.)

Bōtaab RiLeman ro raar oktak—kōn kajoor in ukōt an Jisōs Kraist. Ilo juon iien raar jeļā kake er āinwōt “kijn̄en̄e im juon armej rellāj” (Alma 17:14), bōtaab raar oktak im “jenolo̧k kōn aer kijejeto n̄an Anij” (Alma 27:27). Ilo m̧ool, raar “jamin bun̄.” (Alma 23:6

Bōlen ewōr am̧ ļōmņak ko ak kōm̧m̧an ko n̄an ukoti ak “kein tariņae ko in … jum̧ae” n̄an likūt laļļo̧k (Alma 23:7). Ak bōlen ej aikuj ļapļo̧k am̧ wūjelepļo̧k n̄an Anij. Jekdo̧o̧n ta oktak ko kwoj aikuji, Alma 23–29 emaron̄ lewaj n̄an eok kōjatdikdik eo me, kōn kajoor in pinmuur eo an Jisōs Kraist, oktak eo aitok kitien emaron̄.

Ļōmnak ko n̄an Ekkatak ilo M̧weeo im ilo Kabun̄

Alma 23–25; 27

Oktak eo aō n̄an Jisōs Kraist im gospel eo An enaaj ukōt mour eo aō.

RiLeman ro raar jab kōņaan oktak, ak elōn̄ iaer raar en̄jake oktak eo ekabwilōn̄lōn̄ kōn wōt Jisōs Kraist. RiLeman ro raar oktak raar ņaetaer make Antai-Nipai-Liai.

Riiti Alma 23–25; 27 emaron̄ im̧we eok n̄an kōļmenļo̧kjeņ kōn oktak eo am̧ make. Pukote elmen an Antai-Nipai-Liai ro oktak—elmen aer kar oktak “n̄an Irooj” (Alma 23:6). Eoon kein remaron̄ kōm̧m̧an bwe kwon ijjino:

• Alma 23:6–7

• Alma 23:17–18

• Alma 24:15–21

• Alma 25:13–16

• Alma 27:26–30

Ilo wāween rot em̧ōj an Jisōs Kraist im gospel eo An kar ukōt eok? N̄āāt eo kwaar en̄jake n̄an epaake E? Elmen am̧ maron̄ ba n̄e kwoj lukkuun oktak n̄an Jisōs Kraist? Ta eo Jetōb ej im̧we eok n̄an kōm̧m̧ane?

See also David A. Bednar, “Converted unto the Lord,” Liahona, Nov. 2012, 106–9; Dale G. Renlund, “Wujlepļo̧k eo Edim n̄an Jisōs Kraist,” Liaona, Nob. 2019, 22–25; Gospel Topics: “Become like Jesus Christ,” Gospel Library.

Alma 24:7–19; 26:17–22

Kōn Anij ej tūriam̧o, Ej jeorlo̧k aō bōd n̄e ij ukweļo̧k.

Oktak eo me Antai-Nipai-Liai ro rekar en̄jake ekar eļap jen baj oktak in m̧wiļ—ekar juon oktak in bōro lo̧tak kōn tōmak ilo Jisōs Kraist im m̧oolin ukweļo̧k. Bōlen kwomaron̄ lo m̧ool eo kōn ukweļo̧k ilo kajjojo eoon ilo Alma 24:7–19. Ta eo eoon kein rej katakin kōn tūriam̧o eo an Anij n̄an ro rej ukweļo̧k? Ta bar jet kōļmenļo̧kjeņ ko kwoj būki jān Alma 26:17–22?

Kōļmenļo̧kjeņ elmen an Anij kar kwaļo̧k An tūriam̧o ilo mour eo am̧. Elmen am̧ maron̄ kwaļo̧k am̧ kam̧m̧oolol n̄an E?

Alma 26; 29

Jaketo-jaketak Gospel eo ebōktok n̄an eō m̧ōņōņō.

Naan in m̧ōņōņō ewaļo̧k 24 alen ilo Alma 23–29, kōm̧m̧an bwe jebta kein ren juon jikin em̧m̧an n̄an katak elmen bōk m̧ōņōņō ilo mour—im kwaļo̧k—gospel eo an Rilo̧mo̧o̧r. Ļōmņak in ekkatak Alma 26:12–22, 35–37; im 29:1–17, pukote un ko etke Ammōn, ļōm̧aro nejin Mosaia, im Alma raar m̧ōņōņō. Ta eo kwoj katak jān eoon kein me remaron̄ tōlļo̧k n̄an eļap m̧ōņōņō ilo mour eo am̧?

Elder Marcus B. Nash eaar kwaļo̧k: “Kwaļo̧k gospel eo eboktok lan̄lōn̄ im kōjatdikdik n̄an jetōb ko ad jim̧or eo ej leļo̧k im bōke. … Kwaļo̧k gospel eo ej m̧ōņōņō ioon m̧ōņōņō, kōjatdikdik ioon kōjatdikdik” (“Kotak Ami Meram,” Liaona, Okt. 2021, 71). Ta en̄jake ko em̧ōj am̧ iooni kōn kwaļo̧k gospel in n̄an ro jet? Ta apan̄ ko kwoj iooni n̄an kwaļo̧k gospel in? Elmen an Jemedwōj Ilan̄ jipan̄ eok anjo̧ ioon apan̄ kein?

Kōn kanaan in kōmeļeļe eo elmen kwaļo̧k gospel in—im pukot m̧ōņōņō n̄an kōm̧m̧ane—ļōmņak in katak enaan eo an Būreejtōn Dallin H. Oak “Sharing the Restored Gospel,” (Liahona, Nov 2016, 57–60). Ta elmokwot ko kwoj loi ilo ennaan in an?

Bar lale “The Bush Family Story,” “Sharing Your Beliefs,” “Sharing the Gospel” (videos), Gospel Library.

Ļōmņak in kōm̧m̧ane juon laajrak in men ko kwomaron̄ kwaļo̧ke n̄an eo m̧ōttam̧ kōn Bok in Mormon. Kajjieon̄ kwaļo̧k kōn Bok in Mormon kōjerbal Book of Mormon app eo.

Pukot jon̄ak ko im unin tōl ko. N̄an ekkatak jeje ko rekwojarjar, jemaron̄ lo m̧ool ko raorōk n̄an pukot ālij in naan ko, eoon ko, ak ļōmņak ko. Ālij in ļōmņak ko remaron̄ eoon in jipan̄ n̄an jeje ko am̧ rekwojarjar n̄an kōm̧m̧an bwe ren pidodo loi.

Alma 26:5–7

Imaron̄ lo jokne ilo Jisōs Kraist im gospel in An.

Ilo iien m̧adm̧ōd, grain ekkā kar aini n̄an juon ejouj kar ņa etan kāān im kar likūti ilo im̧ōn kakoņkoņ ko, jet iien kar ņa etan im̧ōn ko̧koņ.. Ilo Alma 26:5–7 ļōmņake ta in kāān, im̧ōn ko̧koņ, im ļan̄ ko ilo mour eo am̧. Elmen am̧ lo jokne ilo Jisōs Kraist?

Bar lale Russell M. Nelson, “Tampeļ Eo im Pedped Eo Am Ilo Jetōb,” Liaona, Okt. 2021, 93–96; David A. Bednar, “Honorably Hold a Name and a Standing,” Liaona, Māe 2009, 97–100; “Jesus, Lover of My Soul,” Hymns, no. 102.

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjiin.

Ļōmņak ko n̄an Katakin Ajri ro

Alma 24:6–24

Irooj ej kōjeraam̧m̧an eō ilo aō kajjieon̄ kōjparok kallim̧ur ko aō Ippān.

• Bōlen ajri ro nejum̧ remaron̄ m̧ōņōņō in kalbwin kein “tariņae” ko aer āinwōt Antai-Nipai-Liai ro. Kwomaron̄ riiti jejjo̧ eoon jān Alma 24:6–24 n̄an katakin ajri ro kōn kallim̧ur ko Antai-Nipai-Liai ro raar kōm̧m̧an n̄an ļoor Rilo̧mo̧o̧r eo. Innām remaron̄ ļōmņake jet men ko remaron̄ oktak n̄an ļoor E, je ilo peij in m̧akūtkūt eo, im katen wōt n̄e rej kūbwij juon ron̄ n̄an kalbwin kein tariņae ko aer.

• Ajri ro nejum̧ remaron̄ riiti Alma 24:15–19, pukot ta eo Antai-Nipai-Liai ro raar kōm̧m̧ane “āinwōt juon naan in kam̧ool n̄an Anij.” Innām kwomaron̄ kōnono ippāer kōn elmen an bujen ko ad maron̄ in “juon naan in kam̧ool n̄an Anij” (eoon 18). Kōtļo̧k an ajri ro nejum̧ kōnono kake elmen aer naaj kwaļo̧k n̄an Anij ke rej kōņaan ļoor E. Al juon al āinwōt “I Want to Live the Gospel” (Children’s Songbook, 148) emaron̄ jipan̄ im̧we er.

Alma 24:7–10; 26:23–34; 27:27–30

Imaron̄ ukweļo̧k.

• N̄an jipan̄ ajri ro nejum̧ lo elmen an Jisōs Kraist maron̄ jipan̄ kōj oktak n̄e jej ukweļo̧k, kwomaron̄ katakin er kōn Antai-Nipai-Liai ro. N̄an kōm̧m̧an menin, kwomaron̄ ļābōļe ruo booļ “m̧okta” im “tokāļik.” Innām ajri ro nejum̧ remaron̄ riiti Alma 17:14–15 im 27:27–30, je ta ko riLeman ro raar kōņaan m̧okta im ālkin ukweļo̧k, im likūti ilo booļ eo ejim̧we. Ekkar n̄an Alma 24:7–10, ta eo ekar jipan̄ er oktak? Elmen ad maron̄ kwaļo̧k ad kam̧m̧oolol n̄an Anij kōn An tūriam̧o?

Alma 26; 29

Jisōs Kraist ej bōktok n̄an eō m̧ōņōņō, im imaron̄ kwaļo̧k m̧ōņōņō in.

• Bōlen kwe im ajri ro nejum̧ maron̄ kōņaan jin̄a pija in men ko ilo gospel eo an Jisōs Kraist me rej bōktok n̄an eok m̧ōņōņō. Kwaļo̧k pija eo am̧ n̄an ajri ro nejum̧, im kōketak er n̄an kwaļo̧k pija eo aer n̄an ro jet n̄an jipan̄ armej eo bar en̄jake m̧ōņōņō.

• Jipan̄ ajri ro n̄an pukot naan ko lem̧ōņōņō im m̧ōņōņō ilo Alma 26 im 29. Ta eo ekar bōktok lem̧ōņōņō n̄an Ammōn im Alma ak kōm̧m̧an bwe re m̧ōņōņō? Kajjitōk in emaron̄ tōlļo̧k n̄an juon kōnono kōn lem̧ōņōņō eo ej itok jān mour kake ak kwaļo̧k gospel eo an Jisōs Kraist.

Alma 27:20–30

Imaron̄ jipan̄ ro m̧ōtta mour kake gospel in an Jisōs Kraist.

• Ajri ro nejum̧ remaron̄ riiti Alma 27:22–23, pukot ta eo riNipai ro rekar kōm̧m̧ane n̄an jipan̄ Antai-Nipai-Liai ro kōjparok kallim̧ur eo aer n̄an jab bar ire. Elmen ad jipan̄ ro m̧ōttad kōjparok kallim̧ur ko aer? Ajri ro nejum̧ remaron̄ kōnono kōn jekjek ko. N̄an waanjon̄ok, ta eo jemaron̄ ba n̄an eo m̧ōttad me ekōņaan riab ak lāj?

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Kōmeļeļe eo kōn an Antai-Nipai-Liai ro kalbwini kein tariņae ko aer, jān Dan Burr