Juļae 22–28: “Kalbwini Naan eo ilo Būruōmi”

Alma 32–35

N̄an riZoram ro, rej jutak im jar ijo aolep remaron̄ lo er im āliji naan ko rejej tokjeer im rej kam̧ōņōņōik er make. RiZoram ro eaar ejjeļo̧k aer tōmak ilo Jisōs Kraist—em̧ool raar kaarmejet kōn mour eo An—im raar kakkure ri jeram̧ōl ro (lale Alma 31:9–25). Ilo keidi, Alma im Amulek raar peran ilo katakin bwe jar eaar ļapļo̧k an aorōk kōn ta ko jej en̄jaki ilo buruōd ijjelo̧kin ilo juon jikin jar ilo̧bōlej. Im eļan̄n̄e ejjab tōlļo̧k n̄an meanwōd n̄an ro rej pād ilo aikuj, ej “waan, im ejjeļo̧k … tokjān” (Alma 34:28). Eo aurōktata, jej jar kōnke ewōr ad tōmak ilo Jisōs Kraist, eo eaar letok pinmuur kōn An “katok indeeo im ejjeļo̧k jem̧ļo̧kin” (Alma 34:10). Kain tōmak jab in, Alma eaar kōmeļeļeik, ej itok jān ettā bōro im juon “kōņaan wōt tōmak” (Alma 32:27). Ilo kitien, kōn naajdik aolep iien, naan in Anij ej tōt okran ilo būruwōd m̧ae iien ej erom̧ “juon wōjke ej eddekļo̧k n̄an mour ejjeļo̧k jem̧ļo̧kin” (Alma 32:41).

Ļōmnak ko n̄an Ekkatak ilo M̧weeo im ilo Kabun̄

Alma 32:17–43

Ij kōjerbal tōmak ilo Jisōs Kraist ilo aō kalbwin im naajdik An in naan ilo būruwō.

Ilo am̧ riiti Alma 32:17–43, keememej naan ko im eoon ko me rej jipan̄ eok meļeļe elmen kōjerbal tōmak ilo Jisōs Kraist. Ta eo kwoj ekkatak kōn ta eo tōmak im ta ejjab tōmak?

En̄in ej bar juon wāween n̄an ekkatak Alma 32 ej n̄an jin̄aik pija ko n̄an kwaļo̧k iien ko reoktaktak ilo an juon ine eddōk. Innām kōkaļļeik kajjojo pija kōn naan ko jān Alma 32:28–43 me rej jipan̄ eok meļeļe ekōjkan kalbwin im naajdik naan eo ilo būruwōm̧.

Bar lale Russell M. Nelson, “Kraist Em̧ōj an Jerkakpeje; Tōmak ilo E Enaaj Kōm̧akūt Toļ ko,” Liaona, Māe 2021, 101–4.

Alma 32:26–43

Imaron̄ jeļā kōn n̄a make.

N̄an riZoram ro rekar jab jeļā kōn naan in kam̧ool eo an Alma kōn Kraist, Alma eaar kwaļo̧k “juon mālejjon̄” (lale Alma 32:26). Mālejjon̄ ko rekitbuuj, ikdeelel, kōm̧m̧an, im jidik tōmak—remaron̄ tōlļo̧k n̄an lo men ko em̧m̧an. Ļōm̧nak kōn mālejjon̄ ko kwaar iooni ak loi. Ekkar n̄an Alma 32:26–36, ta kain mālejjon̄ ko remaron̄ tōlļo̧k n̄an tōmak ilo Jisōs Kraist?

Kwonan̄in ke kar “mālejjon̄” ioon naan in Anij im n̄an jeļā bwe ej “naan eo em̧m̧an”? (Alma 32:28).

Jurōn Meram

Elder Dushku ej katakin kōj bwe en̄jake ko an jetōb rekōpaļpaļ rōjeja im bwe Irooj ekkā an litok n̄an kōj eļapļo̧k meram juon ilo̧k juon.

Alma 33:2–11; 34:17–29

Imaron̄ kabun̄jar n̄an Anij ilo jar, jabdewōt iien im jabdewōt jikin.

Kapilōk eo an Alma im Amulek kōn kabun̄jar im jar eaar meļeļe in n̄an kajim̧we likjab in meļeļe ko eaar wōr ippān riZoram. Ļōmņak in kōlaajraki (lale Alma 31:13–23). Ilo laajrak eo, kwomaron̄ kōm̧m̧ane juon laajrak in m̧ool ko kōn jar ilo Alma 33:2–11 im 34:17–29. Elmen an naaj men ko kwoj ekkatak jān eoon kein jelet wāween am̧ jar im kabun̄jar?

Kwomaron̄ lo ļōmņak ko jān al eo kōn jar, āinwōt “Sweet Hour of Prayer” (Hymns, no. 142).

Alma 34:9–16

Ij aikuji Jisōs Kraist im Pinmuur eo An.

Keememej ewi jon̄an an Amulek kar kōjerbal naan ko kwojarjar im indeeo n̄an kōmeļeļeik en̄taan in pinmuur eo an Rilo̧mo̧o̧r ilo Alma 34:9–14. Etke eaorōk n̄an jeļā bwe Pinmuur eo an Rilo̧mo̧o̧r ekwojarjar im ej indeeo? Pukot naan ko im eoon ko ilo eoon kein me rej bar kōmeļeļeik Pinmuur eo an Rilo̧mo̧o̧r; Hibru 10:10; 2 Nipai 9:21; Mosaia 3:13.

Men̄e jej jeļā kajoor eo an Jisōs n̄an lo̧mo̧o̧r ekwojarjar im ej indeeo, jet iien jej maron̄ pere ke ej jerbal n̄an kōj—ak n̄an juon eo ekar bōd ņae kōj. Elder David A. Bednar ej kōnono bwe armej ro “ewōr aer tōmak ilo Rilo̧mo̧o̧r, ak rej jab tōmak kallim̧ur ko emōj An kallim̧ur kake rej peļļo̧k n̄an er” (“N̄e Koṃ ar jeḷā N̄a”,” Liaona, Nob. 2016, 104). Ta eo emaron̄ dāpij kōj jān lukkuun bōk kajoor eo an Rilo̧mo̧o̧r? Ļōmņake elmen am̧ maron̄ jeļā bwe Pinmuur eo an Jisōs Kraist ekwojarjar im ej indeeo.

N̄an ļōmņake ewi jon̄an am̧ aikuji Pinmuur eo an Rilo̧mo̧o̧r, emaron̄ jipan̄ n̄an ļōmņak men ko kwoj aikuji aolep raan. Kajjitōk ippam make, “Ta eo enaaj waļo̧k n̄an mour eo aō n̄e ejjeļo̧k menin?” Innām, katak Alma 34:9–16, ļōmņake ta eo enaaj waļo̧k n̄an mour eo am̧ n̄e ejako Jisōs Kraist. Kwomaron̄ lo ļōmņak ko jet ilo 2 Nipai 9:7–9. Elmen am̧ kōmeļeļeiki Alma 34:9–10 ilo juon jentōj?

Bar lale Michael John U. Teh, “Ad Make Rilo̧mo̧o̧r,” Liaona, Māe 2021, 99–101; Unin Kōnono ko an Gospel eo, “Atonement of Jesus Christ,” Gospel ļaibrāre; “Reclaimed” (video), Gospel Library.

Alma 34:30–41

“Kiiō ej iien eo im raan in lo̧mo̧o̧r eo ami.”

Antoone n̄e kwoj kōņaan bōk kuņaam̧ ilo juon jiāe ettōr ak juon jiāe al. Ta eo enaaj waļo̧k n̄e kwaar kōttar m̧ae raan in ikkure eo im jino kōppopo? Ewi wāween an waanjon̄ak in iookļo̧k kakkōl ko an Amulek ilo Alma 34:32–35? Ta menin kauwōtata eo n̄an karūm̧wijļo̧k ad kijejeto n̄an ukweļo̧k im oktak?

Eoon 31 ebar wōr juon ennaan n̄an armej ro raar inepata bwe raar aepadpad im rum̧wij in ukweļo̧k. Ta eo kwonaaj kar ba kōn ennaan in?

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjiin.

Ļōmņak ko n̄an Katakin Ajri ro

Alma 32:1–16

Irooj emaron̄ katakin eō n̄e ij kāālet n̄an ettā bōro.

• Eaar tōprak an Alma im Amulek katakin riZoram ro me raar ettā bōro. Ta meļeļe in n̄an erom ettā bōro? Jipan̄ ajri ro nejum̧ n̄an pukot juon kōmeļeļe kōn ettā bōro ilo Unin Tōl eo n̄an Jeje ko Rekwojarjar. Ta kōkaļļe ko jet kōn meļeļein naan kein jemaron̄ loi ilo Alma 32:13–16? Kajjitōk ippān ajri ro nejum̧ n̄an kadedeļo̧k juon jentōj āinwōt “ij ettā bōro n̄e ij .”

Alma 32:28–43

Naan in kam̧ool eo aō kōn Jisōs Kraist ej kajoorļo̧k n̄e ij naajdiki.

• Ine, wūt, im leen wōjke rej kein ekkatak ko āinwōt me remaron̄ jipan̄ ajri ro meļeļe pedped in katak ko āinwōt tōmak im naan in kam̧ool. Kōtļo̧k bwe ajri ro nejum̧ rej kotak juon ine ilo am̧ riiti Alma 32:28. Innām kwomaron̄ kajjitōk ippāer n̄an jipan̄ eok ļōmņake wāween ko n̄an kōkajoorļo̧k juon naan in kam̧ool kōn Jisōs Kraist āinwōt katōke im wuttidikdiki ine eo (lale “Jebta 29: Alma Teaches about Faith and the Word of God,” Bwebwenato ko an Bok in Mormon, 81). Bōlen kwon katōk ine eo katkam̧ im kōnono kake ta menin aikuj eo n̄an jipan̄ ine eo—ak naan in kam̧ool eo—kajoorļo̧k.

• Pija in juon wōjke ej m̧ottanļo̧k laajrak in; komaron̄ kōjerbale n̄an kwaļo̧k naan ko an Alma ilo eoon kein Alma 32:28–43. Ak kwomaron̄ ilo̧k im etetal laļļo̧k n̄an pukōt menin eddōk ko ilo jon̄an ko aer reoktak ilo aer eddōk im riiti eoon ko jān Alma 32 me rej keidi eddōkļo̧k an menin eddōk n̄an tōmak eo ad. Ak bōlen ajri ro nejum̧ remaron̄ jin̄aik juon wōjke ioon bo̧o̧t eo im kobaik bōlōkin ak leen aolep iien rej ļōmņake men ko remaron̄ kōm̧m̧ani n̄an jipan̄ kōkajoorļo̧k naan in kam̧ool eo aer kōn Jisōs Kraist.

• Kwomaron̄ kōtļo̧k an ajri ro nejum̧ kajjieon̄ iuun ine eo (ej bōk jikin naan in Anij) n̄an juon dekā (ej bōk jikin utiej bōro) im bwidej eo (ej bōk jikin bōro ettā). Riit ippān doon Alma 32:27–28. Kōnono ta meļeļein n̄an “ņa jikin” (eoon 27) kōn naan in Anij ilo būruwōd.

Jin̄aik pija ko. Jet armej em̧m̧anļo̧k aer katak n̄e rej jin̄aik ta eo rej ekkatak. Ajri ro nejum̧ remaron̄ lem̧ōņōņō in jin̄aik juon ine ej eddōkļo̧k n̄an juon wōjke ilo aer katak Alma 32.

Alma 33:2–11; 34:17–27

Imaron̄ jar n̄an Jemedwōj Ilan̄ jabdewōt iien, kōn jabdewōt men.

• Jipan̄ ajri ro nejum̧ pukot eoon ko me rej kōmeļeļeik jikin ko jemaron̄ jar ie (ilo Alma 33:4–11) im men ko jemaron̄ jar kaki (ilo Alma 34:17–27). Bōlen remaron̄ jin̄aik pijain aer make jar ilo jikin kein. Kwaļo̧k en̄jake ko an doon iien eo Jemedwōj Ilan̄ eaar uwaaki jar ko am̧. Kwomaron̄ bar al juon al kōn jar, āinwōt “A Child’s Prayer” (Children’s Songbook, 12–13).

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

“Kōn ami niknik im ami tōmak im ami kijejeto kōn naan eo ilo ņa kōņin, … lo, jidik wōt iien im kom̧ naaj bōk leen, eo eaorōk otem aorōk, eo etōn̄al ilōn̄in men otemjeļo̧k eo etōn̄al” (Alma 32:42).