Bwebwenato ko ilo Alma 30–31 ealikkar aer kwaļo̧k kajoor an naan ko—n̄an nana im n̄an em̧m̧an. Naan in “m̧oņ” im “naan ko reļļaaj” an juon rūkaki riab kar etan Korior kar kamijak n̄an bōktok “elōn̄ armej n̄an ko̧kkure” (Alma 30:31, 47). Ejjeļo̧k oktak, katak ko an juon armej nana in Rinipai kar etan Zoram kar tōl juon kumi in armej n̄an wōtlo̧k “ ilo bōd ko reļļap,” im “ raar kaankeke iaļ ko an Irooj” (Alma 31:9, 11).
Ilo jekjek eo juon, Alma eaar wōr juon an tōmak im ejjab pere bwe naan in Anij enaaj wōr juon an “kajoor in an jelōt ļōmņak ko an armej ro jān jāje eo, ak jabdewōt men” (Alma 31:5. Naan ko an Alma raar kwaļo̧k m̧ool eo indeeo im pedped ioon kajoor ko an lan̄ n̄an kaikōn̄ Korior (lale Alma 30:39–50), im raar kilaaktok kōjeraam̧m̧an ko an lan̄ ioon ro me raar etal ippānļo̧k n̄an kōro̧o̧ltok armej in Zoram ro n̄an m̧ool eo (lale Alma 31:31–38). Errein ej waanjon̄ak ko raorōk n̄an rikaļoor ro an Kraist rainin n̄e naan ko rej riab. Bōtaab jemaron̄ lo m̧ool eo kōn lōke, āinwōt kar Alma, “ewānōk an naan in Anij” (Alma 31:5).
Rikapo eo ej kajjieon̄ m̧oņe kōj kōn katak ko rebōd.
Ilo Alma 30, Korior kar ņaetan “Rijum̧ae-Kraist.” (eoon 6). Juon rijum̧ae-Kraist ej armej eo ak jabdewōt men me ej jum̧aik Jisōs Kraist im gospel eo An. Eoon ta ko ilo Alma 30:6–31 rej kwaļo̧k bwe Korior ekkar n̄an kōmeļeļe in? Ekkatak katak ko rebōd an Korior emaron̄ jipan̄ eok kile im jum̧aik kain katak reriab. M̧akūtkūt kein remaron̄ jipan̄ ilo am̧ ekkatak:
Ta mennin katak ko kwomaron̄ ļōmņaki rem̧m̧an n̄an meļeļe oktakin katak ko ikōtaan katak ko an Rilo̧mo̧o̧r im katak ko reriab an Setan? N̄an waanjon̄ak āinwōt kein anaan ko n̄an eo̧n̄wōd, riab in jāān, im riab in karreelel ko. Elmen am̧ maron̄ jeļā ke men eo eriab? Elmen am̧ maron̄ kile em̧ool?
Ļōmņak in kōm̧m̧ane juon laajrak in katak ko rebōd Korior eaar katakin Alma 30:6–31 Ewi wōt iaan katak ko an rej kapo rainin? (lale Alma 30:12–18, 23–28). Ta uwaakin jorrāān in n̄an bōk pepe kein? Ta ennaan ko reriab rikapo eo ej kōjerbali n̄an kajjieon̄ in m̧ōņe eok rainin?
Ta eo Alma ekar kōm̧m̧ane n̄an jurake katak ko rem̧ool ippān Korior? (lale Alma 30:31–54). Elmen am̧ kar loe ejja pedped in katakin ilo mour eo am̧?
Āinwōt Alma, rikanaan ro im rijilōk ro raan kein rej jipan̄ kōj jeļā oktak eo ikōtaan m̧ool im riab ko an Setan. Ta kapilōk eo kwoj loe ilo ennaan eo an: Gary E. Stevenson, “Jab M̧oņe Eō” (Liaona, Okt. 2019, 00–00); Dallin H. Oaks “Be Not Deceived” (Liaona, Okt. 2004, 00).
Bar lale Unin Kōnono ko an Gospel eo, “Seek Truth and Avoid Deception,” Gospel Ļāibrāre; “Oh Say, What Is Truth?,” Hymns, no. 272.
Elōn̄ armej rainin rej tōmak bwe ejjeļo̧k Anij. Ta eo kwoj loe ilo Alma 30:39–46 me ejipan̄ eok jeļā bwe Anij em̧ool? Ta eo ej bōbrae ad jeļā kōn E? Ta naan in kam̧ool ko jet Anij eaar lewaj n̄an eok ke E ej mour?
Ta eo kwoj katak jān Alma 30:56–60 kōn elmen an devil kōm̧m̧an n̄an ro rikaļooraņ? Ta eo kwomaron̄ kōm̧m̧ane n̄an kōjparok m̧weo im̧ōm̧ ņae kareel ko an?
Naan an Anij ewōr an kajoor n̄an tōl armej ro n̄an weppāān.
Jorrāān eo an riZoram ro jepeļļo̧k jān riNipai ro emaron̄ in kar waļo̧k n̄an jet āinwōt eaar aikuji juon jekjek in kien ak jarin tariņae (lale Alma 31:1–4). Bōtaab Alma eaar ekkatak n̄an lōke “Ewānōk an naan in Anij” (Alma 31:5). Ta eo kwoj katak jān Alma 31:5 kōn kajoor in naan in Anij? (bar lale Hibru 4:12; 1 Nipai 15:23–24; 2 Nipai 31:20; Jekab 2:8; Hilamōn 3:29–30).
Ilo am̧ katak Alma 31, ta m̧ool ko jet an gospel in kwomaron̄ loe me eiokwaj en̄jake ko ilo mour eo am̧? N̄an waanjon̄ok:
Elmen am̧ kar lo an naan an Anij tōl armej ro n̄an kōm̧m̧ani men ko rem̧m̧an (lale eoon 5).
Keidi m̧wil ko, en̄jake, im m̧akūtkūt ko an Alma kōn ro jet (lale eoon 34–35) ippān riZoram ro (lale eoon 17–28). Elmen am̧ maron̄ erom̧ eļapļo̧k āinwōt Alma?
Ta eo kwoj loe ilo Alma 31:30–38 me emaron̄ jipan̄ ro rej būrom̧ōj kōn jerawiwi ko an ro jet?
Keememej ke kurup in armej ro Alma eaar bōk er ippān n̄an kwaļo̧k gospel eo n̄an riZoram ro (lale Alma 31:6). Ta eo kwoj katak kōn mour eo an armej rein ilo Mosaia 27:8–37; 28:4; Alma 10:1–6; 11:21–25; 15:3–12. Ta ennaan eo emaron̄ n̄an kwe ilo en̄jake ko aer?
Kwaļo̧k jet men (āinwōt jāān ak m̧ōn̄ā) im kein ikkure ko kōjekjek in wōt men kein. Menin emaron̄ tōlļo̧k n̄an juon ekōnono elmen n̄an jeļā oktak eo ikōtaan men ko me rem̧ool im men ko me reriab. Kwomaron̄ jipan̄ ajri ro nejum̧ kalikkari jān Alma 30:12–18 m̧o̧ņ ko im katak ko rebōd me Korior eaar kwaļo̧ki kōn Anij. Ilo Alma 30:32–35, elmen an Alma kar uwaak n̄an riab ko? Ta eo jej katak jān waanjon̄ak eo an?
Alma eaar kōnono kōn elmen an men ko ilo mejatoto im ioon laļ kam̧ool bwe Anij emour. Eļan̄n̄e ekkar, bōk jidik iien etetal nam̧ōjļo̧k ippān ajri ro ak kajjitōk ippāer n̄an jutak ilo juon wintō ilo am̧ riiti Alma 30:44. Kajjitōk ippāer n̄an kalikkar men ko rej loi me ejipan̄ er jeļā bwe Anij emour im bwe E ej iakwe er. Remaron̄ bar jin̄a pijain men ko rej loi (lale peij in m̧akūtkūt eo an wiik in).
Ilo am̧ im ajri ro al “My Heavenly Father Loves Me” (Children’s Songbook, 228–29), leto-letak bo̧o̧ļ eo ak bar jet men. Ped illak kabōjrak al eoim kajjitōk ippān juon ajri bween jibwe bo̧o̧ļ eo im kwaļo̧k juon men Jemedwōj Ilan̄ eaar kōm̧anm̧ane me ej m̧ōņōņō kake.
Ajri ro rej katak kōn loļo̧kjeņ. Loļo̧kjeņ enaaj jipan̄ ajri ro nejum̧ em̧m̧anļo̧k aer meļeļe im keememeji ta eo raar katak. Elōn̄ iaan m̧akūtkūt ko n̄an ajri ro ilo laajrak in elmokwoti ilo loļo̧kjeņ ko n̄an kōjerbali. Ļōmņak in bar kwaļo̧k ejjab bar loļo̧kjeņ kein ilo jekļaj n̄an jipan̄ ajri ro nejum̧ keememej ta eo raar katak.
Elmen am̧ maron̄ jipan̄ ajri ro meļeļe bwe naan in Anij eļapļo̧k an kajoor jen “jabdewōt men”? (Alma 31:5) Ļōmnak in kajjitōk ippān ajri ro n̄an ļōmņake jet men ak juon eo ekajoor, ak kwaļo̧k jejjo pijain men ko rekajoor. Ta eo ekōm̧m̧an bwe ren kajoor? Riit Alma 31:5 ippān doon, im kajjitōk ippān ajri ro ta meļeļein eoon in ilo aer ļōmņake. Kwaļo̧k juon en̄jake kōn kajoor in naan an Anij eaar im̧we eok.
Kōmeļeļeik jidik bwebwenatoin Alma im riZoram ro, kōjerbal eoon ko jān Alma 31:8–35 (bar lale “Chapter 28: The Zoramites and the Rameumptom,” Bwebwenato ko an Bok in Mormon, 78–80). Jipan̄ ajri ro jeļā men ko rizoram ro raar ba ilo jar ko aer (lale Alma 31:15–18) ilo aer jipan̄ eok kajutak juon Rameumptom tawōr kōn aļaļ block ko ak dekā. Kōmeļeļeik bwe ejjab āindein ad jar. Ilo am̧ im ajri ro nejum̧ kōnono kake elmen ad aikuj jar, kōtļo̧k aer kōm̧akūt aļaļ block ko ko ak dekā ko juon ilo̧k juon. Bōlen remaron̄ likūt juon iaan dekā ko ilo peet eo aer āinwōt juon kein kakeememej n̄an jar kajjojo jibbon̄ im jota. Remaron̄ barāinwōt m̧ōņōņō in kainōknōk dekā eo aer.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.