Kwaļo̧k Gospel eo kar Kōjepļaktok
Ta eo jej ņa etan “jerbal in mijinede an ro uwaan” ejjab juon būrookraam̧ ak juon m̧wil in iakwe im kijejeto in jerbal n̄an jipan̄ ro ipeļaakid.
I.
Epaakeļo̧k jem̧ļo̧kin jerbal in kwaļo̧k eo An ad Rilo̧mo̧o̧r, Jisōs Kraist, kar kakien ro Rikaļoran: Kom̧win ilo̧k, im kōm̧m̧an ri aelōn̄ ko otemjej bwe ren ri kaļora” (Matu 28:19) Kom̧win ilo̧k n̄an aolepen laļ, im kwaļo̧k gospel n̄an armej otemjeļo̧k” (Mark 16:15). Aolep Rikirijin rej pād ium̧win kappe kein n̄an kwaļo̧k gospel eo ippān aolep. Elōn̄ rej ņa etan menin “kappe eo eļap.”
Āinwōt an Elder Neil L. Andersen kar kōmeļeļeik ilo m̧wen̄an eo kiiō jibbon, Armej ro Rekwojarjar ilo Raan-ko Āliktata rej ilo m̧ool ilubwiljin ro eļap aer wujlepļo̧k n̄an eddo in aorōk. Jej aikuj kōnke jejeļā bwe Anij ej iakwe aolep ro Nejin im bwe ilo raan kein āliktata Eaar kōjpeļaktok eļapļo̧k jeļāļo̧kjeņ eaorōk im kajoor n̄an kōjeram̧m̧an er wōj aolep. Rilo̧mo̧o̧r eo eaar katakin kōj n̄an iakwe aolep āinwōt ro jeid im jatid, im jej kautiej katak in kōn kwaļo̧k kam̧ool im ennaan eo an gospel eo kōjepļaktok “ilubwiljin aolep laļ ko, bwij ko, lo ko, im armej” (K&B 112:1). En̄in ej m̧ōttan eo eaorōk an ta meļeļe in n̄an Armej ro Rekwojarjar ilo Raan-ko Āliktata. Jej watōke menin āinwōt utiej elem̧ōņōņō. Ta eo eļapļo̧k an kōlan̄lōn̄ jān in kōn kwaļo̧k m̧ool ko an indeeo ippān ro nejin Anij?
Rainin elōn̄ ad kein jipan̄ katakin n̄an kwaļo̧k gospel eo me raar jab pād ilo epepen ko m̧oktaļo̧k. Ewōr ippād TV, internet, im elōn̄ kein kapeel ko kōjerbali ilo online. Elōn̄ ippād ennaan ko raorōk n̄an ba kadkad in gospel eo kōjepļaktok. Kabun̄ in epād ilo elōn̄ lal ko. Ewōr ippād juon ļapļo̧k in oran mijinede ro bōtaab jej ke kōjerbal aolepān kein jipan̄ katakin kein n̄an kōtōprak ijo ekanooj ļap? Ij tōmak elōn̄ iaad renaaj ba jaab. Jej ikdeelel kōn an ļapļo̧k ad wejepedik ilo kakūrm̧ool eddo in ijjitōn̄ em̧m̧an eo ad n̄an kwaļo̧k gospel eo kōjepļaktok ilo aolepān laļ in.
Elōn̄ ļōmņak ko rem̧m̧an n̄an kwaļo̧k gospel eo me naaj jerbal ilo kajjojo stake ko ak laļ ko. Mekarta, kōnke jej juon Kabun̄ epād aolepān laļ in, ikōņaan kōnono kōn ļōmņak ko me naaj jerbal aolep jikin, jān iunit ko rekāāl tata n̄an ko eto aer pād, jān m̧anit ko kiiō rej karuwaineneik Kabun̄ in im laļ ko me eļap aer lāj n̄an kabun̄. Ikōņaan kōnono kōn ļōmņak ko me komaron̄ kwaļo̧k ippān armej ro me rej wujlepļo̧k rej tōmak ilo Jisōs Kraist barāinwōt ippān armej ro rejjan̄in kar ron̄ kōn Eta, ippān armej ro me ebun̄ būruwier kōn mour eo aer kiiō barāinwōt ippān armej ro me rej kanooj pukōt n̄an kōkōm̧anm̧anļo̧k er make.
Ta eo imaron̄ ba me enaaj jipan̄ ilo am̧ kwaļo̧k gospel eo, jekdo̧o̧n ta jekjek ko am̧? Jej aikuji jipan̄ an aolep ro uwaan, im aolep ro uwaan remaron̄ jipan̄, kōn an kanooj lōn̄ eddo ko n̄an kōm̧m̧ani ilo ad kwaļo̧k gospel eo kōjepļaktok ippān aolep laļ, bwij, lo, im armej.
Jej aolep jeļā bwe ro uwaan rej bōk kuņaer ilo jerbal in mijinede ej menin aikuj n̄an kōtōprak jim̧or ukōt im dāij wōt. Būreejtōn Thomas S. Monson ekar ba: “Kiiō ej iien n̄an an membōr ro im mijenede ro itok ippān doon … [im] jerbal ilo jikin kallib an Irooj n̄an bōktok jetōb ko n̄an E. Eaar kōpooj jipan̄ ko n̄an kōj n̄an kwaļo̧k ko̧jpeļ eo ilo juon jarlepju kileplep ilo wāween ko, im Enaaj jipan̄ kōj ilo jerbal ko ad eļan̄n̄e jenaaj jerbal ilo tōmak n̄an kakūrm̧ool jerbal in An.”1
Kwaļo̧k gospel eo kōjepļaktok ej ad eddo in Rikirjin im utiej to̧o̧n wōt ad mour. Elder Quentin L. Cook ej kakememej kōj, “Jerbal in mijenede ejjab baj juon iaan kii ko 88 ilo juon piano me emmakijkij an jan̄; ej juon chord eļap ilo juon ainikine epen me aikuj in kōjan̄e wōt ilo aolepān mour ko ad eļan̄n̄e jej aikuj in pād wōt ilo jokkuun wōt juon ippān kallim̧ur eo ad n̄an Rikirijin im gospel eo an Jisōs Kraist.”2
II.
Ewōr jilu men ko aolep ro uwaan remaron̄ kōm̧m̧ani n̄an jipan̄ kwaļo̧k gospel eo, jekdo̧o̧n ta jekjek ko me rej mour im jerbal. Aolepād wōj aikuj kōm̧m̧ane aolep men kein.
M̧oktata, jemaron̄ aolep jar kōn juon ikdeelel n̄an jipan̄ ilo m̧ōttan in emenin aikuj an jerbal in lo̧mo̧o̧r. Aolep kijejeto rej ijjino kōn ikdeleel.
Karuo, jemaron̄ kōjparok kien ko kōj make. Ro uwaan retiljek, pokake rej rikam̧ool ro rekanooj kareel an m̧ool eo im aorōk an gospel eo kōjepļaktok eļapļo̧k an aorōk, ro uwaan retiljek ewōr ippāer Jetōb eo an Rilo̧mo̧o̧r eo enaaj iien otemjej pād ippāer n̄an tōl er ilo aer pukōt n̄an bōk kuņaer ilo jerbal in eaorōk an kwaļo̧k gospel eo kōjepļaktok an Jisōs Kraist.
Kajilu, jemaron̄ jar kōn im̧we kōn ta eo jej maron̄ kōm̧m̧ane ilo jekjek ko ad make n̄an kwaļo̧k gospel eo n̄an ro jet. Menin eoktak jān jar kōn mijinede ro ak jar kōn ta ro jet remaron̄ kōm̧m̧ane. Jej aikuj jar kōn ta eo jej maron̄ kōm̧m̧ane kōj make. N̄e jej jar, jej aikuj kememej bwe jar ko kōn kain im̧we in enaaj uwaak eļan̄n̄e ej itok ippān kōn kallim̧ur—juon men jeje ko rekwojarjar ej ņa etan “lukkuun kōttōpar” ak “dipio in kōttōpar an bōro.” Jar kōn juon kallim̧ur n̄an jerbale im̧we eo kwoj bōk, kallim̧uri Irooj bwe eļan̄n̄e Enaaj im̧we eok n̄an kōnono n̄an jabdewōt kōn gospel eo, kwonaaj kōm̧m̧ane.
Jej aikuji tōl eo an Irooj kōnke ilo jabdewōt iien jet rej—im jet rejjab—pojak n̄an elōn̄ļo̧k m̧ool ko an gospel eo kōjepļaktok. Jej aikuj jab watōk kōj āinwōt riekajet kōn wōn epojak im wōn ejjab Irooj ejeļā būruwōn ro Nejin, im eļan̄n̄e jej jar kōn im̧we, Enaaj jipan̄ kōj pukōt armej ro Ejeļā bwe “kar kōpooj er n̄an ron̄ naan eo” (Alma 32:6).
Āinwōt juon Rijilōk an Irooj, ij libjōrōr aolep ro uwaan im baam̧le ilo Kabun̄ in n̄an jar n̄an Irooj n̄an jipan̄ er pukōt armej ro repojak n̄an bōk ennaan eo an gospel eo kōjepļaktok an Jisōs Kraist Elder M. Russell Ballard eaar letok kapilōk in aorōk, eo ij errā ie: “Lōke Irooj E ej Shepherd eo Em̧m̧an. Ejeļā kajien An sheep … Eļan̄n̄e jejjab bōk kuņaad, elōn̄ ro me ren kar ron̄ ennaan eo an Jepļaaktok eo reban ron̄jake. … Pedped ko eļap aer ļam waan—jar, kwe make im ilo baam̧le am̧, kōn iien ko rem̧m̧an an mijedede.”3 Ilo ad kwaļo̧k tōmak eo ad, iien kein rem̧m̧an renaaj itok ilo ejjeļo̧k jabdewōt “kipel ak … karōk ko karūki kake. Renaaj jiōb tok āinwōt uwaak ej make jebar jān ad iakwe n̄an ro jeid im jatid.”4
Ijeļā menin em̧ool. Ij kobaik kallim̧ur eo aō bwe kōn tōmak ilo jipan̄ an Irooj, jenaaj tōl, im̧we, im lo lan̄lōn̄ eļap ilo jerbal in aorōk indeeo an iakwe. Jenaaj itok n̄an meļeļe bwe wejepedik ilo kwaļo̧k gospel eo ej karuwaineneik armej kōn iakwe im m̧ool in kōttōpar n̄an jipan̄ er, jekdo̧o̧n ta uwaak eo aer.
III.
Erkein jet bar men ko jemaron̄ kōm̧m̧ani n̄an kwaļo̧k gospel eo ilo jejjet.
-
Jej aikuj kememej “bwe armej rej katak n̄e rej pojak in katak, ejjab n̄e jaar pojak n̄an katakin er.”5 Ta eo jej itok limo kake, āinwōt an aorōk elōn̄ļo̧k katak in katakin ko ilo Kabun̄ eo kar kōjepļaktok, emakijkij an ejjab ta eo ro jet eitok limoier ie. Ro jet rekōņaan tōprak ko an katak eo, ak jab katak eo. Ilo aer etale ak en̄jake tōprak ko an gospel eo kōjepļaktok an Jisōs Kraist ilo mour ko aer, rej en̄jake Jetōb im jino itok limo ilo katak eo. Rej barāinwōt maron̄ itok limoier n̄e rej pukōt eļapļo̧k lem̧ōņōņō, epaakeļo̧k Anij, ak em̧m̧an aer meļeļe kōn unin mour in.6 Kōn menin, jej aikuj mejmejkaruo im tiljek ilo pukōt jejjet eo kōn ekōjkan kajjitōk kōn itok limo an ro jet n̄an katak eļapļo̧k. Menin enaaj pedped ioon elōn̄ men ko, āinwōt jekjek kiiō an armej ro jet im kadkad eo ad ippān ļeo ak lio. En̄in ej juon unin kōnono eo em̧m̧an n̄an arto artake ilo ko̧o̧njeļ ko, doulul ko, im Doulul ko an Kōrā.
-
Ilo ad kōnono n̄an ro jet, jej aikuj kememej bwe juon kūr n̄an katak eļap kōn Jisōs Kraist im gospel eo An ej elmakote juon kūr n̄an katak eļapļo̧k kōn Kabun̄ in.7 Jej kōņaan armej n̄an oktak n̄an gospel eo. En̄in ej jerbal eo eļap an Bok in Mormon en̄jake ko kōn Kabun̄ eo ad ej itok oktak eo n̄an Jisōs Kraist; rejjab em̧m̧ōkaj im̧aan. Elōn̄ rej ekkōl kōn m̧ōn jar ko mekarta ewōr juon iakwe n̄an Rilo̧mo̧o̧r eo. Kōm̧m̧ani men ko ilo jejjet eo aer.
-
N̄e jej pukōt n̄an ba kadkad in gospel eo kōjepļaktok n̄an armej, jej aikuj kōm̧m̧ane menin ilo wāween ko me rej m̧ool im kwaļo̧k iakwe n̄an kajjojo. Menin ej waļo̧k n̄e jej kajieon̄ jipan̄ ro jet kōn jorrāān ko em̧ōj aer loi ak n̄e jej jerbal ippāer ilo m̧akūtkūt in jerbal in jipan̄ an jukjuk in pād eo, āinwōt jipan̄ rien̄taan, kea kōn rijeram̧ōl im riaikuj, ak kōkōm̧anm̧anļo̧k jekjek in mour an ro jet.
-
Ad kijejeto n̄an kwaļo̧k gospel eo aikuj jab wōr dettan n̄an ro em̧ōj an m̧ōtta kadede im ro jerad. Ilo iien Olympic eo jaar katak kōn juon rikattōr tākji LDS ilo Rio de Janeiro eo eaar bōk ippān kape in Bok in Mormon ko ilo jijlimjuon kajin ko im leļo̧k juon n̄an jabdewōt ekar kōņaan būki. Eaar kūr e make “rikattōr tākji mijinede.” Eaar ba, “Iaļ ko an Rio de Janeiro … rej jikin mijen ko [aō].” Ilo iien Olympic eo jaar katak kōn juon rikattōr tākji LDS ilo Rio de Janeiro eo eaar bōk ippān kape in Bok in Mormon ko ilo jijlimjuon kajin ko im leļo̧k juon n̄an jabdewōt ekar kōņaan būki. Eaar kūr e make “rikattōr tāākji mijenede.” Eaar ba, “Iaļ ko an Rio de Janeiro … rej jikin mijen ko [aō].”8
Clayton M. Christensen, Clayton M. Christensen, eo ewōr an jeļā eļap āinwōt juon uwaan mijinede, kwaļo̧k bwe “ium̧win iiō ko rōn̄oul remootļo̧k, jaar ekkatak bwe ejjeļo̧k juon ekkejel ikōtaan ewi m̧wilaļ in kadkad eo ikōtaan ruo armej rej im āinwōt eo me juon iaan armej ro enaaj itok limo in ilo katak kōn gospel eo jān eo juon.”9
-
Bisoprik ko an ward remaron̄ karōk juon kweilo̧k in kwojkwoj ainjuon me kōketa ro uwaan n̄an bōktok armej ro reitok limoier. Ro uwaan ward eo enaaj dik aer pere n̄an bōktok ro m̧ōttaer n̄an juon kweilo̧k kōnke enaaj ļap ļo̧k aer dim bwe unin kweilo̧k eo enaaj em̧m̧an karōke n̄an kwaļo̧k itok limo eo im em̧m̧an jutak kōn Kabun̄ in.
-
Ebar lōn̄ iien ko rem̧m̧an jet n̄an kwaļo̧k gospel eo. N̄an waanjon̄ak, jōm̧m̧ar eo kiiō iaar bōk juon leta ekam̧ōņōņō jān juon uwaan kāāl eo ekar katak kōn gospel eo kōjepļaktok ke juon kar m̧ōttan jān jikuuļ eaar kūrļo̧k n̄an kajjitōk kōn nan̄inmej eo eaar ioone. Liin eaar je: “Iaar laudin̄din̄ kōn wāween eo ļeo eaar kwaļo̧k e make n̄an eō. Ālkin jejjo allōn̄ ko kōn katak jān mijinede ro, iaar peptaij. Mour eo aō eaar em̧m̧anļo̧k jān tōre eo.”10 Jooj aolep jeļā elōn̄ mour ko naaj kar em̧m̧anļo̧k jān gospel eo kōjepļaktok. Jej ke pukōtļo̧k er?
-
Itok limo im tijem̧ļo̧k eo an ro uwaan reddik kōn social media ej leļo̧k n̄an er iien ko rem̧m̧an rejej uwaer n̄an pukōtļo̧k ro jet reitok limo ilo gospel eo. Kōmeļeļeik paotok eo an Rilo̧mo̧o̧r n̄an Rinipai ro, Mormon eaar je, “Eaar katakin im jerbal n̄an ro nejin … , im Eaar kōtļo̧k loer … bwe ren maron̄ kōnono” (3 Nipai 26:14). Rainin ibaab jenaaj kar ba “kōtļo̧k [jānit] peier bwe ren maron̄ kōnono.” Etal em kōm̧m̧ane, jodikdik raņ!
Kwaļo̧k gospel eo ejjab juon eddo ak juon lan̄lōn̄. Ta eo jej ņa etan “jerbal in mijinede an ro uwaan” ejjab juon būrookraam̧ ak juon m̧wil im kijejeto in jerbal n̄an jipan̄ ro ipeļaakid. Ej barāinwōt juon iien em̧m̧an n̄an kam̧ool ekōjkan ad en̄jake kōn gospel eo kōjepļaktok an ad Rilo̧mo̧o̧r. Āinwōt an Elder Ballard kar katakin, “Juon kein kam̧ool ekanooj aorōk an oktak eo ad im kōn ekōjkan ad en̄jake kōn gospel eo ilo mour ko ad make ej ad kōņaan n̄an kwaļo̧k e ippān ro jet.”11
Ij kam̧ool kōn Jisōs Kraist, eo ej Meram im Mour an Laļ (see 3 Nipai 11:11). Gospel eo An kar kōjepļaktok n̄an tōl iaļ eo ad ilo mour in. Pinmuur eo An ej letok n̄an kōj kam̧ool eo an mour ālkin mej im kajoor eo n̄an wōnm̧aanļo̧k n̄an mour jab wabanban. Im An Pinmuur ej letok n̄an kōj iien em̧m̧an n̄an jeorļo̧k jerawiwi ko ad , ium̧win karōk in lo̧mo̧o̧r aiboojoj eo an Anij, n̄an karbōb n̄an mour indeeo, “menin letok eo eļap tata an aolep menin letok ko an Anij” (K&B 14:7). Ilo etan Jisōs Kraist, amen.