ஆல்மா அதிகாரம் 43ன் ஆரம்பத்தில் “இப்பொழுது, நேபியருக்கும் லாமானியருக்கும் இடையேயான யுத்தங்களின் விவரத்திற்குத் திரும்புகிறேன்” என்ற இந்த வார்த்தைகளை நாம் வாசிக்கும்போது, தகடுகளில் குறைவான இடமிருந்தபோது இந்த யுத்தக் கதைகளை ஏன் மார்மன் சேர்த்தான் என வியப்புறுவது இயற்கையே. (மார்மனின் வார்த்தைகள் 1:5 பார்க்கவும்). பிற்காலங்களின் யுத்தங்களில் நமது பங்கிருக்கிறதென்பது உண்மை, ஆனால் யுத்தத்தின் போர்த்தந்திரம் மற்றும் சோகங்களின் விளக்கங்களுக்கு அப்பால் அவனுடைய வார்த்தைகளில் மதிப்பிருக்கிறது. “நாம் அனைவரும் பட்டியலிடப்பட்டுள்ளோம்” (Hymns, no. 250) என்பதில், தீய சக்திகளுக்கு எதிராக ஒவ்வொரு நாளும் நாம் போராடிக்கொண்டிருக்கிற யுத்தத்திற்கு அவனுடைய வார்த்தைகளும் நம்மை ஆயத்தப்படுத்துகிறது, இந்த யுத்தம் மிக நிஜமானது, அதன் விளைவு நமது நித்திய வாழ்க்கையைப் பாதிக்கிறது. நேபியரைப் போலவே, நாம் ஒரு புனிதமான காரணத்தால் உணர்த்தப்பட்டுள்ளோம்—“எங்கள் தேவன், எங்கள் மார்க்கம், சுதந்திரம், எங்கள் சமாதானம், எங்கள் மனைவிகள், எங்கள் பிள்ளைகள்”—இதை மரோனி “கிறிஸ்தவர்களின் நோக்கம்” என்று அழைத்தான் (ஆல்மா 46:12, 16)
என் ஆவிக்குரிய யுத்தங்களில் இயேசு கிறிஸ்து எனக்கு உதவ முடியும்.
ஆல்மா 43–52ஐ நீங்கள் வாசிக்கும்போது, அவர்களை வெற்றியடையச் செய்த (அல்லது தோல்வியடையச் செய்த) எதை நேபியர்கள் செய்தார்களென்பதைக் கவனிக்கவும். பின்னர் உங்களுடைய ஆவிக்குரிய யுத்தங்களில் வெற்றிபெற உங்களுக்குதவ நீங்கள் கற்றுக்கொண்டதை எவ்வாறு நீங்கள் பயன்படுத்தமுடியுமென சிந்திக்கவும். உங்கள் எண்ணங்களைப் பதிவுசெய்யவும்:
ஆல்மா 43:19 ஆயுதத்துடன் நேபியர்கள் ஆயத்தமானார்கள் (ஆவிக்குரிய ஆயுதத்துடன் என்னை ஆயத்தப்படுத்த நான் முயற்சிக்கமுடியும்.)
ஆல்மா 43:23–24 தீர்க்கதரிசியின் வழிகாட்டுதலை அவர்கள் நாடினார்கள்
மேலும், நேபியர்களின் எதிரிகளின் முயற்சிகளிலிருந்து நீங்கள் என்ன கற்றுக்கொள்ளலாம் என்பதைப் பாருங்கள். இதைப்போன்ற வழிகளில் சாத்தான் எவ்வாறு உங்களை தாக்கக்கூடுமென சிந்திக்கவும்:
ஆல்மா 43:8 அவனுடைய ஜனங்கள்மேல் சாரகெம்னா அதிகாரம் கொண்டிருக்கும்படியாக அவர்களைக் கோபப்படச் செய்வதை அவன் நாடினான். (கோபத்தில் செயல்பட சாத்தான் என்னைத் தூண்டலாம்.)
மினர்வா டெய்சர்ட் (1888–1976), Defense of a Nephite City (நேபியரின் ஒரு பட்டணத்தின் பாதுகாப்பு,) 1949–1951, oil on masonite, 36 x 48 inches. பிரிகாம் யங் பல்கலைக்கழக கலை அருங்காட்சியகம், 1969.
உங்கள் வாழ்க்கையில் சத்துருவின் வல்லமையைக் குறைக்க விரும்புகிறீர்களா? ஆல்மா 48:17லிலுள்ள புத்திமதியைப் பின்பற்ற ஒருவழி, “மரோனியைப் போலாகுவதே”. நீங்கள் ஆல்மா 46:11–2848:7–17 வாசிக்கும்போது மரோனியை விவரிக்கும் வார்த்தைகளின் பட்டியலை உருவாக்குவதைக் கருத்தில் கொள்ளவும். “கிறிஸ்துவின் விசுவாசத்தில் வேகமாக நிற்பது” பற்றி மரோனியிடம் இருந்து நீங்கள் என்ன கற்றுக்கொள்கிறீர்கள்? (ஆல்மா 46:27).
“கிறிஸ்தவர்களினுடைய நோக்கம்” (ஆல்மா 46:11–22 பார்க்கவும்) மரோனி மற்றவர்களுக்கு எவ்வாறு உணர்த்தினான் என்பதை நீங்கள் படிக்கலாம். அந்தக் காரணத்தை நீங்கள் எப்படி விவரிப்பீர்கள்? இதில் கலந்து கொள்ள என்ன செய்யலாம்? மற்றவர்களையும் பங்கேற்க நீங்கள் எவ்வாறு உணர்த்தலாம்?
மற்றவர்களுக்கு உணர்த்த மரோனி செய்த ஒரு விஷயம் சுதந்திரம் என்ற கொடியை உருவாக்கினான், இது நேபியர்களை உணர்த்தும் கொள்கைகளை வலியுறுத்தியது (வசனம் 12ஐப் பார்க்கவும்). நம் காலத்தில் நமது சபைத் தலைவர்கள் என்ன கொள்கைகளை வலியுறுத்துகிறார்கள்? உங்கள் சொந்த சுதந்திரம் என்ற தலைப்பை உருவாக்க சில எளிய வாசகங்களில் அவர்கள் கற்பிப்பதை நீங்கள் சுருக்கமாகக் கூறலாம், இது இரட்சகருக்கும் அவருடைய சுவிசேஷத்திற்கும் உண்மையாக இருக்க உங்களுக்கு நினைவூட்டுகிறது.
பெரிய பாவங்களைச் செய்ய அல்லது பெரிய பொய்களை நம்பவும் நம்மில் அநேகருக்கு விருப்பமில்லை என சாத்தானுக்குத் தெரியும். எனவே, அவன் நுட்பமான பொய்களையும் சிறிய சோதனைகளையும் பயன்படுத்துகிறான்—நீங்கள் ஏற்றுக்கொள்வீர்கள் என்று அவன் நினைக்கும் அளவுக்கு—நீதியான வாழ்க்கையின் பாதுகாப்பிலிருந்து உங்களை அழைத்துச் செல்கிறான்.
ஆல்மா 47 இல் இந்த மாதிரியைத் தேடுங்கள், மேலும் சாத்தான் உங்களை எப்படி ஏமாற்ற முயல்கிறான் என்று சிந்தியுங்கள். மூப்பர் ராபர்ட் டி. ஹேல்ஸின் இந்த உண்ணுர்வுகளைக் கருத்தில் கொள்ளுங்கள்:
“துரோகியான அமலேக்கியா, பள்ளத்தாக்கில் ‘இறங்கி வந்து’ தன்னை சந்திக்க லேகோன்தியை வற்புறுத்தினான். ஆனால், லேகோன்தி உயரத்திலிருந்து வந்தபோது, அவன் சாகும்வரை ‘கொஞ்சங் கொஞ்சமாக’ விஷம் கொடுக்கப்பட்டு அவனுடைய இராணுவம் அமலேக்கியாவின் கைகளுக்குள் விழுந்தது.(ஆல்மா 47 பார்க்கவும்). விவாதங்களாலும், குற்றச்சாட்டுகளாலும் சில ஜனங்கள் நம்மை உயரத்திலிருந்து இறங்க தூண்டில் போடுவார்கள். வெளிச்சம் இருக்கும் இடமே உயரமான இடம். … அது பாதுகாப்பான மைதானம்” (“Christian Courage: The Price of Discipleship,” Liahona, Nov. 2008, 74).
நேபியர்களின் போர்க்கருவிகள் மற்றும் அரண்கள் இருந்த போதிலும், அவர்களுடைய அநேக பட்டணங்களை விரைவிலேயே லாமானியர் கைப்பற்றினார்கள் (ஆல்மா 51:26–27 பார்க்கவும்). அது எப்படி நடந்தது? இந்த அதிகாரங்களை நீங்கள் வாசிக்கும்போது பதில்களைத் தேடவும் (குறிப்பாக ஆல்மா 51:1–12 பார்க்கவும்). உங்களுக்கும் உங்கள் குடும்பத்துக்கும் இந்த விவரத்தில் என்ன எச்சரிக்கைகளிருக்கலாம் என சிந்திக்கவும்.
இயேசு கிறிஸ்துவின் சுவிசேஷத்தில் நான் பாதுகாப்பு காண முடியும்.
ஆல்மா 43:19ல் நேபியர்களின் கவசத்தைப் பற்றி நீங்கள் வாசிக்கும்போது, நம் உடலைப் பாதுகாக்கும் கவசத்தை, நம் ஆவிகளைப் பாதுகாக்க தேவன் நமக்குக் கொடுத்த விஷயங்களுடன் ஒப்பிடலாம். ஒருவேளை நீங்களும் உங்கள் குழந்தைகளும் ஒரு குழந்தையின் படத்தை வரைந்து, ஆவிக்குரிய ரீதியில் நம்மைப் பாதுகாக்கும் உங்கள் பிள்ளைகள் பெயரிடக்கூடிய அனைத்திற்கும் ஒரு கவசத்தை படத்தில் சேர்க்கலாம்.
இந்த வசனங்கள் நேபியர்கள் கட்டிய கோட்டைகளை விவரிக்கின்றன: ஆல்மா 48:7–9; 49:1–9; 50:1–6. இந்த வசனங்களை ஒன்றாகப் படித்த பிறகு, உங்கள் பிள்ளைகள் நாற்காலிகள் மற்றும் போர்வைகள் போன்ற பொருட்களால் கோட்டையைக் கட்டி மகிழ்வார்கள்.
நான் தலைவன் மரோனியைப் போல “கிறிஸ்துவின் விசுவாசத்தில் உறுதியாக” இருக்க முடியும்.
சுதந்திரத்தின் கொடியின் கதையைச் சொல்ல உங்கள் பிள்ளைகள் இந்த குறிப்பில் உள்ள படங்களைப் பார்க்கலாம் (ஆல்மா 46:11–16 பார்க்கவும்). மக்கள் எதை நினைவில் கொள்ள வேண்டும் என்று மரோனி விரும்பினான் (வசனம் 12 பார்க்கவும்)? நாம் எதை நினைவில் வைக்க வேண்டும் என்று பரலோக பிதா விரும்புகிறார்? ஒருவேளை உங்கள் பிள்ளைகள் இந்த விஷயங்களை நினைவில் கொள்ள உதவும் சொற்றொடர்கள் அல்லது படங்களுடன் தங்கள் சொந்த “சுதந்திரத்தின் தலைப்புகளை” வடிவமைக்கலாம்.
மரோனி (ஆல்மா 48:13 ஐப் பார்க்கவும்) போன்று “கிறிஸ்துவின் விசுவாசத்தில் உறுதியாக” இருப்பதைப் பற்றி உங்கள் பிள்ளைகளுக்குக் கற்பிக்க, உறுதியான ஒன்றைக் கண்டுபிடித்து தொடுவதற்கு நீங்கள் அவர்களுக்கு உதவலாம். விசுவாசம் “உறுதியாக” இருப்பதன் அர்த்தம் என்ன? மரோனியை கிறிஸ்துவின் மீதான நம்பிக்கையில் உறுதியாக்கியது எது என்பதை அறிய ஆல்மா 48:11–12ஐ ஒன்றாகப் படியுங்கள். “கிறிஸ்துவின் விசுவாசத்தில் உறுதியாக” இருக்க நாம் என்ன செய்யலாம்?
சாத்தான் நம்மை கொஞ்சம் கொஞ்சமாக சோதித்து ஏமாற்றுகிறான்.
ஆல்மா 47: 4– 19லிருந்து தேர்ந்தெடுக்கப்பட்ட வசனங்களை ஒன்றாக வாசியுங்கள். அமலேக்கியா ஆரம்பத்திலிருந்தே லேகோன்தியிடம் தான் என்ன செய்ய திட்டமிட்டிருக்கிறான் என்று சொல்லியிருந்தால் என்ன நடந்திருக்கும்? சாத்தான் நம்மை எப்படி ஏமாற்ற முயல்கிறான் என்பது பற்றி இந்த வசனங்கள் நமக்கு என்ன கற்பிக்கின்றன?
உங்கள் பிள்ளைகளுக்கு நம்பிக்கையை வளர்க்க உதவுங்கள். சில பிள்ளைகள் தாங்களாகவே சுவிசேஷத்தைக் கற்றுக்கொள்ள இயலவில்லை என உணரலாம். அவர்களின் நம்பிக்கையை வளர்ப்பதற்கான ஒரு வழி, அவர்கள் கற்றலில் பங்கேற்கும்போது அவர்களைப் புகழ்வது. இந்த குறிப்பில் உள்ள செயல்பாடுகளுடன் இந்தப் பரிந்துரையை எங்கு பயன்படுத்தலாம்?
படம்
மரோனி உரிமைக் கொடியை பிடித்திருத்தல்
Title of Liberty (உரிமைக் கொடி) – லாரி கான்ராட் வின்போர்க்