Kōmeļeļe jān Nipai ilo juon wōrwōr in jikin kallib, jān Jerry Thompson

Jeptōm̧ba 2–8: “Keememej Irooj”

Hilamōn 7–12

Jemān Nipai, Hilamōn, eaar libjerjere ļōm̧aro nejin n̄an “keememej, keememej.” Eaar kōņaan bwe ren keememej rūtto ro aer, keememej naan ko an rikanaan ro, im eļap tata iaer keememej “ad Ripinmuur, eo ej Kraist,” (lale Hilamōn 5:5–14). Ealikkar bwe Nipai eaar keememej kōnke menin ejja ennaan eo wōt eaar kean̄ kake iiō ko tok ālik “kōn ejjeļo̧k ebbeer” n̄an armej ro (Hilamōn 10:4). Eaar kajjitōk, “Ekōjkan ami kar meļo̧kļo̧k ami Anij?” (Hilamōn 7:20). Aolep kijejeto ko an Nipai—kwaļo̧k, jar, kōm̧m̧ani kabwilōn̄lōn̄ ko, im kajjitōk ippān Anij kōn n̄ūta—kar kajjion̄ n̄an jipan̄ armej ro oktak n̄an Anij im keememej E. Ilo elōn̄ wāween ko, meļo̧kļo̧k Anij ej juon jorrāān eļap jen jab jeļā kōn E. Im epidodo meļo̧kļo̧k E n̄e ļōmņak ko ad rej m̧ad ilo “men ko rewaan an laļ in” im pinjak kōn jerawiwi (Hilamōn 7:21; bar lale Hilamōn 12:2). Ak, ke jerbal in karejar eo an Nipai ej kwaļo̧k, ejjab rum̧wij n̄an keememej im “oktak … n̄an Irooj ami Anij” (Hilamōn 7:17).

Ļōmnak ko n̄an Ekkatak ilo M̧weeo im ilo Kabun̄

Hilamōn 7–11

Rikanaan ro rej kwaļo̧k ankilan Anij n̄an armej ro.

Hilamōn 7–11 ej juon jikin em̧m̧an n̄an katak kōn ta eo rikanaan ro rej kōm̧m̧ane. Ilo am̧ riiti jepta kein, kanooj lale jerbal ko an Nipai, ļōmņak ko, im ikitōltōl ko an Nipai ippān Irooj. Elmen an jerbal in karejar eo an Nipai jipan̄ eok meļeļe jerbal eo an rikanaan ro? Erkein rej jet waanjon̄ak ko. Bar ta eo kwoj loe?

• Hilamōn 7:17–22: Rikanaan ro rej kwaļo̧k kōn ukweļo̧k im kakkōl kōn kaje ko an jerawiwi.

• Hilamōn 7:29; 9:21–36:

• Hilamōn 8:13–23:

• Hilamōn 10:7:

• Hilamōn 10:4–7, 11–12:

Pedped ioon ta eo kwaar riiti, elmen am̧ kōmeļeļeik ta in rikanaan im ta eo ej kōm̧m̧ane? Ļōmņak in je jidik kōmeļeļe. Innām lale ta eo kwomaron̄ kobaiki n̄an kōmeļeļe eo am̧ ālkin riiti naan eo kōn “Rikanaan” Unin Tōl eo n̄an Jeje ko Rekwojarjar (Gospel Ļaibrāre) ak “Follow the Living Prophet” (Teachings of Presidents of the Church: Ezra Taft Benson [2014], 147–55).

Kwar ke kile jon̄an peran eo an kar Nipai ilo Hilamōn 7:11–29? Etke rikanaan ro jet iien rej aikuj kōnono kōn peran āinwōt an Nipai kar kōm̧m̧ane? Ļōmņak in pukot uwaak ko ilo jekjen taitōļ in “Kwōn Jab Bwilōn̄” ilo ennaan eo an Elder Neil L. Andersen “Rikanaan eo an Anij” (Liaona, Māe 2018, 26).

Ilo ļōmņak kōn aolep m̧ool kein, ļōmņake elmen an Irooj kar kōjeraam̧m̧an eok kōn jerbal in karejar eo an rikanaan ro An. Ta eo Ej kab katakin eok kōn rikanaan eo ad emour? Ta eo kwoj kōm̧m̧ane n̄an ron̄jake im ļoor tōl eo an Irooj?

Bar lale Unin Kōnono ko an Gospel in, “Rikanaan ro,” Gospel Ļaibrāre.

Hilamōn 9; 10:1, 12–15

Tōmak eo aō ilo Jisōs Kraist ej aikuj ekkalļo̧k ioon eļapļo̧k jāņ baj wōt kōkkaļļe ko im kabwilōn̄lōn̄ ko.

Eļan̄n̄e kakōļļe ak kabwilōn̄lōn̄ ko raar bwe n̄an ukōt būruwōn juon armej, innām aolepān riNipai ro renaaj kar oktak kōn kakōļļe ko ejej uwaer Nipai eaar litok ilo Hilamōn 9). Bōtaab rekar jab waļo̧k. Keememej wāween ko armej ro m̧weiir kōn kabwilōn̄lōn̄ ko ilo Hilamōn 9–10. N̄an waajon̄ak, kwomaron̄ keidi uwaak ko an em̧m̧aan ro ļalem im riekajet ro routiej ilo Hilamōn 9:1–20 (bar lale Hilamōn 9:39–41; 10:12–15). Ta eo kwoj katak jān en̄jake kein kōn wāween am̧ kōļapļo̧k tōmak eo am̧ ilo Jisōs Kraist?

Bar lale 3 Nipai 1:22; 2:1–2.

Hilamōn 10:1–12

Irooj ej letok kajoor n̄an armej ro rej kappukot An kilaan im kajjieon̄ kōjparok kien ko An.

Ilo am̧ katak Hilamōn 10:1–12, keememej ta eo Nipai eaar kōm̧m̧ane n̄an bōk lōke ilo Irooj. Elmen an Nipai kar kwaļo̧k bwe eaar kappukōt ankilaan Irooj ijello̧kin eo an make? Ta eo en̄jake eo an Nipai ej im̧we eok n̄an kōm̧m̧ane?

Hilamōn 10:2–4

Ļōmņake naan in Anij ej bōktok revelesōn.

Elan̄n̄e em̧ōj am̧ kar en̄jake kalijōkļo̧k, inepata, ak pok, kwomaron̄ katak juon katak eo eaorōk jān waanjon̄ak eo an Nipai ilo Hilamōn10:2–4. Ta eo eaar kōm̧m̧ane ke eaar en̄jake “ebbeer”? (eoon 3

Būreejtōn Henry B. Eyring eaar kōmeļeļeiki, “N̄e jej kōļmenļo̧kjeņ jej karuwaineneiktok Jetōbin revelesōn” (“Serve with the Spirit,” Liaona, No̧b. 2010, 60). Ekōjkan am̧ maron̄ ejake juon iminene in kejekļo̧kjeņ?

Hilamōn 12

Irooj ekōņaan bwe in keememej E.

Elmen am̧ keememej meļeļe ko raorōk—āinwōt raan in ļotak an juon uwaan membōr in baam̧le eo ak meļeļe n̄an juon teej? Elmen an menin āinwōt juon n̄an kijejeto eo ekkar n̄an “keememej Irooj” (Hilamōn 12:5). Elmen an oktak?

Hilamōn 12 ej kōmeļeļeik jet men ko ejelet an armej ro meļo̧kļo̧k Irooj. Bōlen kwomaron̄ kōlaajraki im ļōmņaki n̄e ren kar kōm̧ad eok jān E. Ta eo ejipan̄ eok keememej Jisōs Kraist? Ta eo kar im̧we eok n̄an kōm̧m̧ane pedped ioon ta eo kwaar ekkatak?

Bar lale Katak im Bujen Ko 20:77, 79; “Reverently and Meekly Now,” Hymns, no. 185.

Kōjerbal men ko kein katakin ko. Rilo̧mo̧o̧r ekkā an keidi pedped ko an gospel in n̄an kajjojo men ko armej rejeļā kaki. N̄an ekkatak ak kwaļo̧k kōn Hilamōn 12:1–6, kwomaron̄ keidi “ukoktak būruōn … nejin armej” n̄an wāween ad en̄jake n̄e jej kajjieon̄ peļan jutakļo̧k kōn juon ne. Elmen ad pen wōt ilo jetōb?

N̄an ļom̧ņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjiin.

Ļōmņak ko n̄an Katakin Ajri ro

Hilamōn 7:20–21

Irooj ekōņaan bwe in keememej E.

• N̄an jino juon ekōnono n̄an keememej Irooj, kwomaron̄ ba n̄an ajri ro nejum̧ kōn juon iien kwaar meļo̧kļo̧k juon men. Kōtļo̧k bwe ren kwaļo̧k aer make ejja en̄jake rot in. Riit ippān doon Hilamōn 7:20–21 im kajjitōk ippān ajri ro ta meļeļein meļo̧kļo̧k Anij. Bōlen ajri ro nejum̧ remaron̄ jin̄aik pija in men ko me remaron̄ kōm̧m̧an bwe jen meļo̧kļo̧k Irooj im kōjerbal jin̄a ko aer n̄an pinej pijain Jisōs. Innām ren ļōmņake men ko remaron̄ kōm̧m̧ane n̄an keememej E. Ilo aer kwaļo̧k ļōmņak ko aer, remaron̄ bōk jin̄a ko aer juon ilo̧k juon m̧ae pijain Jisōs ewaļo̧k.

Hilamōn 8:13–23

Rikanaan ro rej kam̧ool kōn Jisōs Kraist.

• Jipan̄ ajri ro lale Hilamōn 8:13–23 n̄an pukot etan rikanaan ro raar kwaļo̧k kōn Jisōs Kraist. Bōlen remaron̄ leto-letak juon pijain Jisōs aolep iien n̄e rej loe. Ta eo rikanaan eo ad emour ej kwaļo̧k kōn Rilo̧mo̧o̧r?

• Al ippān doon kōn juon al kōn rikanaan ro, eo āinwōt “Follow the Prophet” (Children’s Songbook, 110–11). Bōlen kwe im ajri ro nejum̧ maron̄ bōk juon eoon eaorōk jān al eo im je juon naan jān eoon eo ilo kajjojo iaan peba ko ewōr annan̄in ne. Innām kwomaron̄ likūt annan̄in ne eo ioon laļ eo ej tōlļo̧k n̄an pijain Rilo̧mo̧o̧r, im ajri ro nejum̧ remaron̄ ļoor annan̄in ne ko n̄an pija eo. Elmen an ļoor rikanaan eo tōlļo̧k kōj n̄an Jisōs Kraist?

Hilamōn 10:1–4

Ļōmņake naan ko an Anij ej bōktok revelesōn.

• N̄an jipan̄ ajri ro nejum̧ meļeļe ta meļeļein n̄an ļōmņak, kwomaron̄ riit ippān doon “Ponder” ilo Unin Tōl ko n̄an Jeje ko Rekwojarjar (Gospel Ļaibrāre). Ta jet iaan naan ko me rej āinwōt juon n̄an kōļmenļo̧kjeņ? Bōlen kwomaron̄ riiti Hilamōn 10:1–3 ippān doon im bōk jikin naan eo kōļmenļo̧kjeņ ippān naan ko jet. Kōnono ippān ajri ro nejum̧ kōn wāween m̧ōttan ekkatak im kōļmenļo̧kjeņ ilo jeje ko aer rekwojarjar.

Hilamōn 10:11–12

Inaaj pokake Jemedwōj Ilan̄.

• Nipai ekar pokake Jemedwōj Ilan̄ men̄e epen men ko n̄an kōm̧m̧ani. Waanjon̄ak n̄an menin, kwe im ajri ro nejum̧ maron̄ riiti Hilamōn 10:2, 11–12. Bōlen ajri ro nejum̧ remaron̄ kōm̧m̧ane ta eo Nipai ekar kōm̧m̧ane—etetal ilo jait eo rājet in ruum̧ eo (āinwōt n̄e rej ro̧o̧l n̄an m̧weeo), bōjrak, oktak, im etetal ilo jait eo rājet in ruum̧ eo (āinwōt n̄e rej ro̧o̧l im katakin armej ro). Ta jet men ko Jemedwōj Ilan̄ ekōņaan bwe jen kōm̧m̧ane?

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Jen menin letok eo an kanaan, Nipai ekar mijaļ uroor eo an riekajet eo eutiej.

© The Book of Mormon for Young Readers, Seantum—The Murderer Is Discovered, jāne Briana Shawcroft; eban kape