Juon Raan, Juon Bon̄, im Juon Raan, jān Jorge Cocco

Jeptōm̧ba 16–22: “Kwōn Kotak Bōram im Kwōn M̧ōņōņō”

3 Nipai 1–7

Ilo wāween ko jet, eaar juon iien ekaitoktok limo n̄an erom juon ritōmak ilo Jisōs Kraist. Naan in kanaan ko raar kūrm̧ool—kakōļļe ko im kabwilōn̄lōn̄ ko rem̧m̧an ibwilijin armej ro raar kwaļo̧k bwe Rilo̧mo̧o̧r ejjab to enaaj ļotak. Ilo jekjek eo juon, eaar barāinwōt juon tōre ekaikdeelel n̄an ritōmak ro kōnke, ilo kejekdo̧o̧n aolep kabwilōn̄lōn̄ ko, ro rejjab tōmak raar ba bwe iien eaar eļļā” n̄an anRilo̧mo̧o̧r eo ļotak (3 Nipai 1:5). Armej rein raar kōm̧m̧ane “juon iruj eļap iaolepān āneo” (3 Nipai 1:7) im em̧ool kar kōm̧m̧ane juon iien n̄an m̧an aolep ritōmak ro eļan̄n̄e kakōļļe kar kanaan kaka jān Samuel RiLeman eo—juon bon̄ ejjeļo̧k marok—eban kar waļo̧k.

Ilo jekjek kein reppen, rikanaan Nipai eaar “kanooj kūr n̄an an Anij ilo etan armej ro an” (3 Nipai 1:11). Uwaak eo an Irooj ej im̧we n̄an aolep ro rej en̄jake kakkure ak pere im aikuj n̄an jeļā bwe meram eo enaaj anjo̧ ioon marok: “Kwōn kotak bōram im kwōn m̧ōņōņō; … Inaaj kakūrm̧ool aolep men ko Iaar kōm̧m̧an bwe ren kōnono jān lo̧n̄iin rikanaan ro rekwōjarjar Aō” (3 Nipai 1:13).

Ļōmnak ko n̄an Ekkatak ilo M̧weeo im ilo Kabun̄

3 Nipai 1–7

Erom̧ oktak n̄an gospel eo an Jisōs Kraist ebōk kijenmej im kijejeto.

3 Nipai 1–7 ej kōmeļeļeiki an armej ro kar oktaktok n̄an Jisōs Kraist im gospel eo An im ro jet rekar jab. Ta oktak eo ikōtaan kurup kein? Juon jaat āinwōt in ej elaajrak emaron̄ jipan̄ kōlaajraki ļōmņak ko am̧:

	Men ko rej kam̧ōjņo̧ik oktak	Men ko rej kōkajoor oktak
3 Nipai 1:5–11	Jab tōmak naan ko an rikanaan ro im kōm̧m̧an kōjak kōn armej ro rōwānōk	Tōmak ilo naan ko an rikanaan ro im jar kōn jipan̄
3 Nipai 1:29–30
3 Nipai 2:1–3
3 Nipai 3:12–16
3 Nipai 4:8–10, 30–33
3 Nipai 6:13–18
3 Nipai 7:15–22

Kajjitōk kajjitōk ko ilo am̧ katak. N̄an waanjon̄ak, n̄an kadedeļo̧k jaat in, kwomaron̄ kajjitōk kajjitōk ko āinwōt “Ta katak eo n̄an n̄a ijin?” Menin emaron̄ bōktok ļōmņak ko jān Jetōb Kwojarjar.

3 Nipai 1:1–23

Kōn wōt Jisōs Kraist, imaron̄ “m̧ōņōņō.”

Jememi Ilan̄ ejeļā bwe mour eo am̧ ekoba iien ko me reppen, em̧ool iien ko rekaamijak. Ak E ebar kōņaan bwe kwon en̄jake m̧ōņōņō. Riiti 3 Nipai 1:1–23 n̄an katak kōn un ko riNipai ro retōmak raar mijak. Ta kar un eo Irooj ekar leļo̧k n̄an er “m̧ōņōņō”?

Rilo̧mo̧o̧r ekar kōjerbal naan in “Kwōn m̧ōņōņō” ilo men ko—n̄an waanjon̄ak ilo Matu 14:24–27; Jon 16:33; Katak im Bujen Ko 61:36; 78:17–19. Ta eo ej im̧we eok kōn kūr kein? Kwomaron̄ riiti eoon ko n̄an meļeļe jekjek ko me Rilo̧mo̧o̧r ekar ba naan kein. Ilo aolep jekjek, ta un ko Ekar leļo̧k n̄an jipan̄ armej ro jelm̧ae mijak ko aer? Elmen An kar kōm̧m̧ane menin n̄an eok?

Ļōmņak in ekkatak ennaan eo an Būreejtōn Russell M. Nelson“Joy and Spiritual Survival” (Liahona, Nov. 2016, 81–84). Ta eo Būreejtōn Nelson ej katakin eok n̄an lo m̧ōņōņō ilo jabdewōt jekjek? Keememej jete alen an Būreejtōn Nelson kōjerbal naan in mije. Bōlen kwomaron̄ keidi mije juon kemera ak mej ko jet n̄an mije wōt Jisōs Kraist. Elmen an naaj ļapļo̧k am̧ mije E?

Bar lale “Grief,” “Hope,” “Mental Health,” ak unin kōnono ko jet ilo “Life Help” jekjen eo an Gospel Ļāibrāre.

3 Nipai 1:4–21; 5:1–3

Irooj enaaj kakūrm̧ool aolep naan ko An ilo tōre eo An.

Riiti 3 Nipai 1:4–7 im ļōmņake elmen am̧ maron̄ en̄jake n̄e kwon kar juon iaan ritōmak ro. Ta eo raar kōm̧m̧ane n̄an dāpij tōmak eo aer ekajoor? (lale 3 Nipai 1:4–21 im 5: 1–3). Elmen an naan ko an Samuel kar kūrm̧ool? (lale 3 Nipai 1:19–21). Elmen an Irooj kar kakūrm̧ool naan ko An ilo mour eo am̧?

3 Nipai 1:4–15; 5:12–26; 6:10–15; 7:15–26

Ij juon rikaļooraņ Jisōs Kraist.

Mormon Ekar kwaļo̧k, “Lo, n̄aij rikaļooran Jisōs Kraist” (3 Nipai 5:13). Ta meļeļein naan in n̄an eok? Ļōmņak in pukote 3 Nipai 1:4–15; 5:12–26; 6:10–15; im 7:15–26, lale m̧wiļ ko, tōmak ko, im kōm̧m̧an ko an ro rikaļooraņ Kraist.

Bar lale “I’m Trying to Be like Jesus,” Children’s Songbook, 78.

3 Nipai 2:11–12; 3:1–26

N̄e ij kōjerbal tōmak ilo Jisōs Kraist, ijjab aikuj mijak.

En̄jake eo an riNipai ro ippān riko̧o̧t ro emaron̄ pād ie katak ko me remaron̄ jipan̄ eok kōn jetōbin kauwōtata ko kwoj iooni. Lale katak kein ilo 3 Nipai 2:11–12 im 3:1–26. N̄an waanjon̄ak, kwomaron̄ pukot naan ko an Kiddianai, 3 Nipai 3:2–10 im keidi er n̄an wāween ko Setan emaron̄ in kajjieon̄ moņe eok. Ta eo kwoj ekkatak jān waanjon̄ak eo an Lakoneus?

N̄an waanjon̄ak, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

3 Nipai 1:4–15, 19–21

Juon iju eaar waļo̧k ke Jisōs Kraist ekar ļotak.

• Peij in m̧akūtkūt eo an wiik in emaron̄ jipan̄ ajri ro nejum̧ katak kōn kabwilōn̄ļōn̄ ko riNipai ro raar kam̧oole ke Jisōs ekar ļotak. Kwomaron̄ bar kōjerbal “Jebta 41: The Signs of Christ’s Birth” (Bwebwenato ko an Bok in Mormon, 114–16) n̄an katakin er bwebwenato in—ak jipan̄ er kwaļo̧ke n̄an kwe.

3 Nipai 1:4–21

Naan ko an rikanaan ro raar aolep iien kūrm̧ool.

• Ilo am̧ im ajri ro nejum̧ riiti 3 Nipaii 1:4–10, karuwaineneik er n̄an kōnono kake elmen aer maron̄ en̄jake n̄an erom̧ juon iaan ritōmak ro rej mour ilo tōre eo. Innām, ilo aer riiti jidikin bwebwenato eo ilo eoon 11–15, remaron̄ ba wāween ko n̄an kadedeļo̧k jentōj in: “Katak eo an bwebwenato in n̄an eō ej …”

• Bōlen ajri ro nejum̧ remaron̄ jipan̄ eok ļōmņake iien ko jet me Anij ekar kakūrm̧ool kallim̧ur ko An kar litok kōn rikanaan eo An. Remaron̄ kōņaan pukot pija ko ilo bwebwenato kein ilo Bok in Gospel Pija (lale, n̄an waanjon̄ak, no. 7–8 im 81). Kōtļo̧k aer kwaļo̧k ta eo rejeļā kōn bwebweanto kein, ekoba an kallim̧ur ko an Anij kūrm̧ool. Riit ippān doon 3 Nipai 1:20, im kwaļo̧k kam̧ool eo am̧ make kōn m̧ool kein.

3 Nipai 2:11–12; 3:13–14, 24–26

Jej kajoor n̄e jej ippān doon.

• Jipan̄ ajri ro nejum̧ loe unin an riNipai ro kar kuk ippān doon im kōjeraam̧m̧an ko raar itok n̄an er ilo 3 Nipai 2:11–12 im 3:13–14, 24–26. Etke eaorōk bwe jen kuk ippān doon rainin ippān baam̧le ko ad im ilo kabun̄ in?

• Kwojeļā ke juon kein katakin me ej katakin kōn kajoor in ippān doon? Bōlen ajri ro nejum̧ remaron̄ kajjieon̄ buloke juon aļļaļ innām bwijin aļļaļ ak peote jidik peba innām bwijin peba. Elmen ad āinwōt aļļaaļ ko ak peba ko?

3 Nipai 5:12–26; 6:14; 7:15–26

Ij juon rikaļooraņ Jisōs Kraist.

• Riiti 3 Nipai 5:13, im kajjitōk ippān ajri ro nejūm̧ n̄an āliji naan in “Ij juon rikaļooraņ Jisōs Kraist.” N̄an katak ta meļeļein juon rikaļooran Jisōs Kraist, riit ippān doon jet iaan waanjon̄ak kein: oktak eo an riLeman ro (lale 3 Nipai 6:14), Mormon (lale 3 Nipai 5:12–26), im Nipai (lale 3 Nipai 7:15–26). Kwomaron̄ bar lale ļōmņak ko ilo juon al āinwōt “I’m Trying to Be like Jesus” (Children’s Songbook, 78–79).

• Ioon juon peba jidikdik, jipan̄ ajri ro anōke peier im m̧wijitti ļo̧k. Je “Ij juon rikaļooraņ Jisōs Kraist” ilo turājet eo juon, im kajjitōk ippān ajri ro n̄an jin̄aik jet men remaron̄ kōm̧m̧ane n̄an erom̧ juon rikaļoor ilo turājet eo juon.

N̄an ļōmņak ko reļļapļo̧k, lale ennaan eo an allōn̄in ilo eo Jera māākjin.

Juon Raan, juon Bon̄, im juon Raan, jān Walter Rane