O̧kwōj 26–Jeptōm̧ba 1: “Ejm̧aan in Ad Ripinmuur”

Hilamōn 1–6

Bok in Hilamōn ej je jim̧or anjo̧ ko im jerata ko ibwilijin riNipai ro im riLeman ro. Ej ijjino kōn “juon apan̄ eļap ilubwiljin armej in riNipai ro” (Hilamōn 1:1), im jorāān ko ejjab bōjrak aer itok ilo aoelapān ļo̧o̧k eo. Ijin jej riit kōn jorrāān ko ilo kien, kumi in riko̧o̧t ro, jum̧ae rikanaan ro, im utiej bōro im jab tōmak ilo aoelepān āne eo. Bōtaab jej barāinwōt lo waanjon̄ak ko āinwōt Nipai im Liai im “ ro rettā burueer iaan armej ro,” ro raar jab mour wōt ak raar romaak ilo jetōb (Hilamōn 3:34). Elmen aer kar kōm̧m̧ane menin? Ekōjkan aer kar kajoor wōt ilo an jukjuk in pād eo aer kar jino m̧ōjņo̧ļo̧k im jepepļo̧k? Ejjab wāween eo wōt jabdewōt iaad jej kajoor wōt ilo “lan̄ rekajoor” devil eo ej jilkintok n̄an “bun̄it [kōj]”—kōn kalōk mour ko ad “ioon ejm̧aan in ad RiPinmuur, eo ej Kraist, eo Nejin Anij, … pedped eo eļan̄n̄e armej rej ekkal ioon rej jamin bun̄” (Hilamōn 5:12).

Ļōmnak ko n̄an Ekkatak ilo M̧weeo im ilo Kabun̄

Hilamōn 1–6

Utiej bōro ej kōjpeļļo̧k eō jān Jetōb im kajoor eo an Anij.

Ilo am̧ riiti Hilamōn 1–6, kwomaron̄ keememej jon̄ak in m̧wiļ eo an riNipai ro. N̄e rej mour jim̧we, Anij ej kōjeraam̧m̧an er, im rej jeraam̧m̧an. Ālkin juon iien, rej jino uteij bōro im nana, kōm̧m̧ani kāālet ko me rej tōlļo̧k n̄an kakkure im en̄taan. Innām rej bar kōttāik būruwier im im̧we n̄an ukweļo̧k, im Anij ej kōjeraam̧m̧an er bar juon alen. Jon̄ak in ej āliji e make ekanooj emakijkij jon̄an jet armej rej ņa etan “utiej bōro.”

“Tōreen Utiej Bōro” eo

Pukot waanjon̄ak ko an utiej bōro ilo am̧ riiti Hilamōn 1–6. Errein jet kajjitōk ko n̄an jipan̄ eok kāālet ta eo ejim̧we:

• Ta kein kam̧ool ko an utiej bōro kwoj lo ilubwilijin riNipai ro? (lale, n̄an waanjon̄ak, Hilamōn 3:33–34; 4:11–13). Kwoj ke lo waanjon̄ak eo an utiej bōro eo reierļo̧k wōt ilo kwe make?

• Ta tōprak ko an uteij bōro im nana? (lale Hilamōn 4:23–26). Ta jem̧ļo̧k ko an ettā im ukweļo̧k? (lale Hilamōn 3:27–30, 35; 4:14–16).

• Ta eo Hilamōn eaar kōņaan bwe ļōm̧aro nejin ren keememeje? (lale Hilamōn 5:4–12). Ilo wāween ta kwomaron̄ keememej m̧ool kein remaron̄ jipan̄ eok joļo̧k utiej bōro?

Bar lale “Chapter 18: Beware of Pride,” Teachings of Presidents of the Church: Ezra Taft Benson (2014), 229–40; “Ij Aikuij Yuk Aolep Awa,” Al Ko Al In Ajri, no. 8.

Hilamōn 3:24–35

Tōmak ilo Kraist ej kobrak aō kōn lan̄lōn̄.

Ilo Hilamōn 3, Mormon eaar kōmeļeļeik juon tōre in m̧ōņōņō ke Kabun̄ eo eaar jeraam̧m̧an em̧ool jon̄an ritōl ro rekar bwilōn̄. Pedped ioon ta eo kwoj riiti ilo eoon 24–32, ta eo kwoj ļōmņak ekar tōl n̄an jekjek eo elan̄lōn̄? Ilo m̧ool, ejjab aolep membōr ro rekar m̧ōņōņō. Kakeememej oktak ko ikōtaan armej ro kar kōmeļeļeiki ilo eoon 33–35. Ta eo kwoj ekkatak jān waanjon̄ak eo aer?

Pukot men ko an juon make. Rikanaan Mormon ekar kōjerbal naan kein “jej lo” n̄an kwaļo̧k aorōk ko rem̧ool ke eaar je Bok in Mormon. N̄an waanjon̄ak, ta eo ekar kōņaan bwe jen loe ilo Hilamōn 3:27–30. Ilo am̧ katak jeje ko rekwojarjar, emaron̄ emakijkij am̧ bōjrak n̄an kadedeļo̧k naan eo “jej lo” ekkar n̄an ta eo kwoj riiti.

Hilamōn 5:6–7

Imaron̄ kaorōk etan Rilo̧mo̧o̧r.

Riiti Hilamōn 5:6–7 emaron̄ im̧we eok n̄an ļōmņake āt ko kwar būki, ekoba etan baam̧le ko. Ta meļeļe in āt ko n̄an kwe? Elmen am̧ naaj kaorōki? Men eo eaorōkļo̧k, ļōmņake ta meļeļein n̄an kwaļo̧k etan Rilo̧mo̧o̧r (lale Moronai 4:3). Elmen am̧ kaorōk āt in ekwojarjar?

Hilamōn 5:12–52

Elan̄n̄e ij likūt Jisōs Kraist aō pedped, iban wōtļo̧k.

Ta meļeļein n̄an “kalōk pedped eo am̧” ioon “ejaam̧ eo an Jisōs Kraist”? (Hilamōn 5:12). Kwoj ke lo jokne jen ļan̄ ko an mour in ilo Jisōs Kraist? Ilo am̧ riiti Hilamōn 5:12–52, kalikkar elmen an Nipai im Liai kar jeraam̧m̧an n̄an kalōk aer tōmak ioon ejm̧aan ilo aer Ripinmuur.

Jet armej rej lo bwe ejipan̄ n̄an aer pijaikļo̧k ta eo rej ekkatak. N̄an kōmeļeļeik Hilamōn 5:12, kwomaron̄ kalōk juon em̧ jidikdik ioon pedped ko roktak jen doon. Innām komaron̄ ejake juon “kōto ekajoor” ilo am̧ būttūki dān eo ioon im kōjerbal juon deel n̄an ejaak kōto. Ta ļōmņak ko rej lewaj n̄an eok n̄an kalōk pedped eo am̧ ilo Jisōs Kraist? Ta ko jet kwoj katak jen pija in “A Secure Anchor”? (Gospel Ļāibrāre).

Eoon 50 ej kwaļo̧k “ļap in kein kam̧ool ko” riLeman ro raar būki. Riiti Hilamōn 5:12–52 emaron̄ bōkwaj n̄an ļōmņak eo am̧ kam̧ool ko bwe Anij eaar liwaj. N̄an waanjon̄ak, emaron̄ “ilo unoojdikdik” an Jetōb kar kōkajoorļo̧k am̧ tōmak ilo Rilo̧m̧o̧o̧r (Hilamōn 5:30; bar lale Katak im Bujen Ko 88:66). Ak bōlen em̧ōj am̧ pād ilo maroklep im lam̧ōj n̄an Anij kōn eļap tōmak (lale Hilamōn 5:40–47). Ta en̄jake ko jet raar jipan̄ eok kalōk pedped eo am̧ ilo Jisōs Kraist?

Bar lale Russell M. Nelson, “Tampeļ eo im Pedped eo Am̧ ilo Jetōb,” Liaona, Nob. 2021, 93–96; Sean Douglas, “Jelm̧ae Aire ko Ad ilo Jetōb ilo Ad Tōmak ilo Kraist,” Liaona, Nob. 2021, 109–11; Gospel Topics, “Faith in Jesus Christ,” Gospel Ļaibrāre.

N̄an ļomņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjiin.

Ļōmņak ko n̄an Katakin Ajri ro

Hilamōn 3:24, 33–34; 4:11–15

Jemedwōj Ilan̄ ekōņaan bwe in ettā.

• Ļōmnak in karuwaineneik ajri ro nejum̧ n̄an jin̄aik jekjek eo aer make kōn menin “utiej bōro,” pedped ioon jaat in ilōn̄. Innām, ilo ami riit ippān doon Hilamōn 3:24, 33–34 im 4:11–15, remaron̄ kalikkar m̧ōttan ko an utiej bōro ilo eoon kein. Elmen ad kāālet n̄an ettā—im pād wōt ilo jekjek in?

Hilamōn 5:12

Inaaj kalōk aō ejm̧aan ilo Jisōs Kraist.

• Ļōmņak in kōjerbal juon pija in juon tampeļ n̄an jino kōnono eo etke em̧ ko reaikuj pedped ko reppen. Ak kwomaron̄ lale pedped in m̧weeo im̧ōm̧ ak im̧ōnjar ko an Kabun̄ in. N̄an kwaļo̧k kajoor eo juon ejm̧aan epen, ajri ro nejum̧ remaron̄ kajjieon̄ kōm̧akūt juon dōkā ilo an uki. Riit ippān doon Hilamōn 5:12, im kajjitōk ippān ajri ro etke Jisōs Kraist ej “juon pedped em̧ool” n̄an mour ko ad. Elmen ad maron̄ kalōk mour ko ad ilo E? (lale Hilamōn 3:27–29, 35 im Laajrak in Tōmak Ko 1:4).

• Karuwaineneik ajri ro nejum̧ n̄an kalōk juon tawōr kōjerbal būļaak ko ak kein jerbal ko jet roktak n̄an pedped eo (āinwōt cotton ball ak flat stone). Elmen an pedped eo pen āinwōt Jisōs Kraist? Remaron̄ kobaik juon būļak n̄an ekkal eo n̄an kajjojo ļōmņak rej kwaļo̧k kōn ta eo remaron̄ kōm̧m̧an n̄an ļoor E.

Helamōn 5:21–52

Jetōb Kwojarjar ej unoojdikdik tok kōn ainikien, edik.

• Ainikien eo kar kōmeļeļeiki ilo Hilamōn 5:29–30, 45–47 ej katakin kōj juon wāween an Jetōb Kwojarjar kōnono n̄an kōj. N̄an jipan̄ ajri ro nejum̧ meļeļe m̧ool in, ļōmņak in riiti “Jebta 37: Nephi and Lehi in Prison” (Bwebwenato ko an Bok in Mormon, 99–102). N̄e kwoj kōnono kōn ainikien eo armej ro raar ron̄, kōnono ilo juon ainikien emera. Ālijji bwebwenato eo, im kajjitōk ippān ajri ro bwe ren unoojdikdik ippam̧. Jipan̄ er ļōmņak kōn wāween ko jet me Jetōb Kwojarjar emaron̄ kōnono n̄an kōj. N̄an kapen pedped in, kwomaron̄ al ippān doon “The Still Small Voice” (Children’s Songbook, 106–7).

Hilamōn 5:20–52

Ukweļo̧k ej bōk jenkwan jetōbin marok kōn meram.

• N̄an kwaļo̧k ta eo Hilamōn 5:20–41 ej katakin kōn marok im meram, kajjieon̄ riiti ak kōmeļeļeiki eoon kein ilo marok, kōjerbal wōt juon ten̄ki n̄an kōmeram. Ajri ro nejum̧ remaron̄ ron̄jake ta eo armej ro raar aikuji n̄an kōm̧m̧ane bwe marok eo en jako. Innām kōjo̧ tōm̧a eo, im riiti eoon 42–48 ippān doon. Ta eo eoon kein rej katakin kōj kōn ukweļo̧k?

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Men̄e ilo kalbuuj, Nipai im Liai raar kōjparok er kōn kajoor in Anij.

© The Book of Mormon for Young Readers, Nephi and Lehi Encircled by a Pillar of Fire, by Briana Shawcroft; maron̄ ban kape