Որոշ իմաստով, դա ոգևորիչ ժամանակ էր Հիսուս Քրիստոսի հավատավորը լինելու համար: Մարգարեություններն իրականանում էին. մեծ նշաններն ու հրաշքները մարդկանց մեջ ցույց էին տալիս, որ Փրկիչը շուտով կծնվի: Փոխարենը, դա նաև անհանգիստ ժամանակ էր հավատացյալների համար, քանի որ, չնայած բոլոր հրաշքներին, անհավատները պնդում էին, որ «ժամանակն անցած է» Փրկչի ծնվելու համար (3 Նեփի 1.5): Այս մարդիկ «մեծ աղմուկ բարձրացրին ամբողջ երկրում» (3 Նեփի 1.7) և նույնիսկ օր նշանակեցին՝ սպանելու բոլոր հավատացյալներին, եթե Սամուել Լամանացու մարգարեությամբ տրված նշանը՝ օրը առանց գիշերվա, տեղի չունենար:
Այս դժվարին հանգամանքներում մարգարե Նեփին «ուժգնորեն աղաղակեց առ Աստված իր ժողովրդի համար» (3 Նեփի 1.11): Տիրոջ պատասխանը ոգեշնչող է յուրաքանչյուրի համար, ով բախվում է հալածանքի կամ կասկածում է և կարիք ունի իմանալու, որ լույսը կհաղթահարի խավարին. «Բարձրացրու գլուխդ և ուրախ եղիր. … ես իրագործելու եմ այն բոլորը, ինչ ես խոսել եմ տվել սուրբ մարգարեների բերանով» (3 Նեփի 1.13):
Դեպի Հիսուս Քրիստոսի ավետարանը դարձի գալը համբերություն և ջանք է պահանջում
3 Նեփի 1–7 գլուխներում նկարագրված են մարդիկ, որոնք դարձի եկան առ Տերը և մյուսները՝ որոնք դա չարեցին: Ինչո՞ւմ էր կայանում այս խմբերի միջև տարբերությունը: Այսպիսի աղյուսակը կարող է օգնել ձեզ կազմակերպել ձեր մտքերը․
Անձնական հարցեր տվեք, երբ ուսումնասիրում եք: Օրինակ՝ այս աղյուսակը լրացնելիս կարող եք այսպիսի հարցեր տալ․ «Ո՞րն է այստեղ դասն ինձ համար»: Դա ոգեշնչում կբերի Սուրբ Հոգուց:
Ձեր Երկնային Հայրը գիտի, որ ձեր կյանքում կլինեն դժվար, նույնիսկ երկյուղալի պահեր: Բայց Նա նաև ցանկանում է, որ դուք ուրախություն ապրեք: Կարդացեք 3 Նեփի 1.1–23 հատվածները՝ իմանալու համար, թե հավատարիմ նեփիացիները ինչու էին ստիպված վախենալ: Տերը ի՞նչ փաստարկ բերեց նրանց՝ «ուրախ լինելու» համար:
Փրկիչը մի քանի անգամ օգտագործել է «ուրախ եղեք» արտահայտությունը, օրինակ՝ Մատթեոս 14.24–27, Հովհաննես 16.33, Վարդապետություն և Ուխտեր 61.36, 78.17–19 հատվածներում։ Ի՞նչն է ձեզ տպավորում այդ հրավերներում: Կարող եք կարդալ հարակից հատվածները՝ հասկանալու համար, թե ինչ հանգամանքներում է Փրկիչն ասել այս խոսքերը: Յուրաքանչյուր դեպքում ի՞նչ փաստարկներ բերեց Նա՝ օգնելու մարդկանց դիմակայել իրենց վախերին: Նա ինչպե՞ս է արել դա ձեզ համար:
Կարող եք ուսումնասիրել նախագահ Ռասսել Մ. Նելսոնի «Ուրախություն և հոգևոր գոյատևում» ելույթը, (Լիահոնա, նոյ. 2016 թ․, 81–84)։ Ի՞նչ է ձեզ ուսուցանում Նախագահ Նելսոնը՝ ցանկացած իրավիճակում ուրախություն գտնելու մասին: Ուշադրություն դարձրեք, թե քանի անգամ է նախագահ Նելսոնն օգտագործում «կենտրոնանալ» բառը: Գուցե կարողանաք համեմատել տեսախցիկի կամ ոսպնյակի կենտրոնացումը Հիսուս Քրիստոսի վրա կենտրոնանալու հետ: Ինչպե՞ս կարող եք ավելի շատ կենտրոնանալ Նրա վրա:
Տես նաև «Վիշտ», «Հույս», «Հոգեկան առողջություն» և այլ թեմաներ Gospel Library հավելվածի «Կյանքի օգնություն» բաժնում։
Կարդացեք 3 Նեփի 1.4–7 հատվածները և խորհեք, թե ինչ կզգայիք, եթե լինեիք հավատացյալներից մեկը: Ի՞նչ արեցին նրանք իրենց հավատքը ամուր պահելու համար (տես 3 Նեփի 1.4–21 և 5.1–3)։ Ինչպե՞ս կատարվեցին Սամուելի խոսքերը (տես 3 Նեփի 1.19–21)։ Ե՞րբ է Տերը Իր խոսքերը կատարել ձեր կյանքում:
Մորմոնը հայտարարել է. «Ահա, ես Հիսուս Քրիստոսի մի աշակերտն եմ» (3 Նեփի 5.13): Ի՞նչ է այս արտահայտությունը նշանակում ձեզ համար: Կարող եք ուսումնասիրել 3 Նեփի 1.4–15, 5.12–26, 6.10–15 և 7:15–26 հատվածները,՝ փնտրելով Քրիստոսի աշակերտներին բնորոշ հատկանիշներ, համոզմունքներ և գործողություններ:
Տես նաև «Փորձում եմ լինել Հիսուսի նման», Մանկական երգարան, 78։
Երբ ես հավատք եմ գործադրում առ Հիսուս Քրիստոս, ես չպետք է վախենամ
Նեփիացիների ունեցած փորձառությունն ավազակախմբերի հետ կարող է պարունակել դասեր, որոնք կօգնեն ձեզ հաղթահարել հոգևոր վտանգները, որոնց դուք բախվում եք: Փնտրեք այդ դասերը 3 Նեփի 2.11–12 և 3:1–26 հատվածներում: Օրինակ՝ կարող եք ուսումնասիրել Գիդդիանիի խոսքերը 3 Նեփի 3.2–10 հատվածներում և համեմատել դրանք այն ուղիների հետ, որոնցով սատանան կարող է փորձել ձեզ խաբել: Ի՞նչ եք սովորում Լաչոնեուսի օրինակից:
Լրացուցիչ գաղափարների համար տես Լիահոնա և Երիտասարդներին զորացնելու համար ամսագրերի այս ամսվա համարները։
Այս շաբաթվա գործնական աշխատանքի էջը կоգնի ձեր երեխաներին իմանալ այն հրաշքների մասին, որոնց ականատես եղան նեփիացիները, երբ ծնվեց Հիսուսը: Կարող եք օգտագործել նաև «Գլուխ 41. Քրիստոսի ծննդյան նշանները» (Մորմոնի Գրքի պատմությունները, 114–16)՝ ուսուցանելով նրանց այս պատմությունը կամ օգնելով նրանց պատմել այն ձեզ:
Երբ դուք և ձեր երեխաները կարդում եք 3 Նեփի 1.4–10 հատվածները, առաջարկեք նրանց խոսել այն մասին, թե իրենք ինչ կզգային, եթե լինեին այն ժամանակ ապրող հավատացյալներից մեկը: Այնուհետև, երբ 11–15 հատվածներում նրանք կարդան պատմության մնացած մասը, կարող են առաջարկել հետևյալ նախադասությունն ավարտելու եղանակներ. «Այս պատմության մեջ պարունակվող դասն ինձ համար հետևյալն է․ ․․․»
Գուցե ձեր երեխաներն օգնեն ձեզ հիշել այլ դեպքեր, երբ Աստված կատարեց Իր խոստումները, որոնք տրվել էր Իր մարգարեի միջոցով: Գուցե նրանք ցանկանան գտնել այս պատմությունների նկարները Ավետարանի պատկերագրքում (օրինակ՝ տես հմր. 7–8 և 81)։ Հնարավորություն տվեք նրանց կիսվելու, թե ինչ գիտեն այս պատմությունների մասին, և թե ինչպես են կատարվել Աստծո խոստումները: Միասին կարդացեք 3 Նեփի 1.20 հատվածը և կիսվեք այդ ճշմարտությունների մասին ձեր սեփական վկայությամբ:
Օգնեք ձեր երեխաներին բացահայտել, թե նեփիացիներն ինչու հավաքվեցին միասին, և այն օրհնությունները, որոնք նրանք ստացան 3 Նեփի 2.11–12 և 3.13–14, 24–26 հատվածներում: Ինչո՞ւ է կարևոր, որ այսօր մեր ընտանիքների հետ «հավաքվենք» Եկեղեցում։
Օգտագործեք որևէ առարկայական դաս, որը ուսուցանում է միասնության ուժի մասին: Օրինակ՝ կարող եք առաջարկել ձեր երեխաներին փորձել կոտրել մեկ փայտիկ և այնուհետև մի խուրձ փայտիկներ կամ փորձել պատռել մեկ թուղթ, այնուհետև՝ թղթերի մի փաթեթ։ Ինչո՞վ ենք մենք նման փայտիկներին կամ թղթերին։
Կարդացեք 3 Նեփի 5.13 հատվածը և առաջարկեք երեխաներին կրկնել «Ես Հիսուս Քրիստոսի աշակերտն եմ» արտահայտությունը։ Հասկանալու համար, թե ինչ է նշանակում լինել Հիսուս Քրիստոսի աշակերտը, միասին կարդացեք հետևյալ օրինակներից մի քանիսը. դարձի եկած լամանացիները (տես 3 Նեփի 6.14), Մորմոնը (տես 3 Նեփի 5.12–26) և Նեփին (տես 3 Նեփի 7.15–26)։ Կարող եք նաև գաղափարներ գտնել որևէ երգում, օրինակ՝ «Փորձում եմ լինել Հիսուսի նման» (Մանկական երգարան, 78–79):
Օգնեք երեխաներին, որ թղթի վրա գծեն իրենց ափի ուրվագիծը և կտրեն թուղթն այդ ուրվագծով։ Թղթի մի կողմում գրեք «Ես Հիսուս Քրիստոսի աշակերտն եմ» և առաջարկեք նրանց մյուս կողմի վրա նկարել որևէ բան, որը նրանք կարող են անել աշակերտ լինելու համար։
Լրացուցիչ գաղափարների համար տես Ընկեր ամսագրի այս ամսվա համարը։
Նկար
Նեփիացիները տեսնում են օրն առանց գիշերվա
Մի օր, մի գիշեր և մի օր,, նկարի հեղինակ՝ Վոլթեր Ռեյն։