Pikja blong Kraes we i kamkamaot long Ol Man blong Nifae, i kam long Andrew Bosley

Oktoba 14–20: “Yufala I Ol Pikinini blong Kavenan”

3 Nifae 20–26

Taem yu harem ol pipol oli yusum ol toktok olsem, haos blong Isrel, ?yu yu filim se oli stap tokbaot yu? Ol Man blong Nifae mo Ol Man blong Leman oli ol laen blong Isrel, “wan branj blong tri blong Isrel,” be tu, oli “bin kamaot long stamba blong hem” (Alma 26:36; luk tu long 1 Nifae 15:12). Be taem Sevya i wantem olgeta blong save se oli no kamaot long Hem. Hem i talem: “Yufala i blong laen blong Isrel, mo yufala i blong kavenan” (3 Nifae 20:25 Maet bae Hem i talem wan semmak samting long yu tedei, from se eniwan we i baptaes mo i mekem ol kavenan wetem Hem, hem tu, i blong laen blong Isrel, “i blong kavenan.” Long nara toktok, taem Jisas i stap toktok abaot laen blong Isrel, Hem i stap tokbaot yu. Instraksen ia, blong blesem “evri famli blong wol,” hem i blong yu (3 Nifae 20:27). Invitesen ia, blong “wekap bakegen, mo putum paoa blong yu,” hem i blong yu (3 Nifae 20:36). Mo bigfala promes blong Hem: “Fasin blong mi blong stap kaen bae i no aot long yu, mo tu, bae mi no tekemaot kavenan blong pis blong mi,” hem i blong yu (3 Nifae 22:10).

Ol aedia blong Lanem Samting long Hom mo long Jos

3 Nifae 20–22

Long ol las dei, God bae i wokem wan wok we i gudfala.

Long 3 Nifae 20–22, Sevya i profesae abaot fiuja blong ol kavenan pipol blong Hem (luk speseli long 3 Nifae 20:30–32, 39–41; 21:9–11, 22–29). Taem yu stap ridim ol ves ia, tingbaot wanem Presiden Russell M. Nelson i bin talem: “Yumi tu, yumi stap insaed long ol kavenan pipol blong Lod. Hem i spesel janis blong yumi tu, blong wanwan i tekpat blong mekem olgeta promes ia oli kamtru. !I wan gudfala taem blong laef long hem!” (“The Gathering of Scattered Israel,” LiahonaNov. 2006, 79–82 ?Wijwan long ol profesi ia we i pulum gud tingting blong yu? ?Wanem nao yu save mekem blong help blong mekem oli kamtru?

Lukaotem ol toktok mo ol sentens we oli givim insperesen. Maet bae yu faenem se samfala toktok mo sentens insaed long ol skripja oli mekem yu sapraes, olsem se oli raetem blong yu nomo. Tingting blong makem olgeta insaed long skripja blong yu, o raetemdaon ol samting ia long stadi jenol blong yu.

3 Nifae 22;24

God i gat sore long olgeta we oli stap gobak long Hem.

Long 3 Nifae 22 mo 24,Sevya i talem ol toktok we oli kam long Aesea mo Malakae, we oli fulap long ol strong pikja mo samting we oli komperem—jakol blong faea, silva we i klin gud, ol windo blong heven.(luk tu long 3 Nifae 22:7–8, 10–17; 24:10–12, 17–18). ?Wanem nao ol samting we oli komperem i tijim yu abaot rilesensip God wetem ol pipol blong Hem—mo rilesensip blong yu wetem Hem? ?Olsem wanem nao ol promes long ol japta ia oli bin kamtru long laef blong yu o laef blong famli blong yu?

Luk tu long “The Refiner’s Fire” (vidio), Gospel Laebri.

The Refiner's Fire

The refiner’s fire is not a comfortable place to be. It involves intense heat and repeated hammering. But it is in the refiner’s fire we are purified and prepared to meet God.

3 Nifae 23:6–13

Raetemdaon ol eksperiens long saed blong spirit i save blesem famli blong mi.

?Wanem nao i tijim abaot aksen blong Sevya wetem Nifae long 3 Nifae 23:6–13? Sapos Sevya i mas luklukgud ol rekod we famli blong yumi i kipim i stap, ?wanem kwestin nao bae Hem i save askem long yumi? ?I gat samfala samting we i bin hapen, o sam eksperiens long saed blong spirit we yumi sapos blong raetemdaon? ?From wanem impoten blong mekem hemia? (luk long 3 Nifae 26:2).

3 Nifae 23; 26:1–12

Sevya i wantem yumi blong stadi gud long ol skripja.

Taem yu stap rid long 3 Nifae 20:10–12; 23; 26:1–12, tingting long olsem wanem Sevya i filim abaot ol skripja ia. ?Wanem i defren bitwin fasin blong stadi gud long ol skripja mo fasin blong ridim nomo ol skripja? (luk long 3 Nifae 23:1

3 Nifae 24:7–12

Taem yumi pem taeting, i openem ol windo blong heven.

Oli givim komanmen long ol pipol blong God blong oltaem pem taeting (luk long Genesis 14:17–20; Malachi 3:8–11). Taem yu stap stadi long 3 Nifae 24: 7–12, tingbaot from wanem God i wantem ol pipol blong Hem blong pem taeting. Olgeta kwestin ia i save lidim stadi blong yu:

• ?Wanem nao i loa blong taeting? (Luk long Doktrin mo Ol Kavenan 119. “Intres” long revelesen ia i minim i gat mane. Evri memba we oli gat wan salari, o oli winim mane, oli mas pem taeting.) ?Olsem wanem nao taeting i defren long ol narafala kaen blong donesen?

• Oli yusum mane blong taeting i blong wanem? Yu save faenem sam lis long Gospel Topic, “Tithing” (Gospel Laebri). ?Long ol wanem wei nao yu bin kasem blesing from ol memba blong Jos oli pem taeting?

• ?Wanem blesing nao i kam long ol pipol we oli laef folem loa blong taeting? (Luk long 3 Nifae 24:7–12). Yu save faenem sam insaed long atikol blong Elda David A. Bednar, “Quick to Observe” (Ensign,, Novemba 2013, 17–20). Lukaotem, wan samting, blong ol blesing we i no blong sot taem nomo. ?Yu yu bin luk ol semmak blesing long laef blong yu?

Soem vidio blong “Jesus Teaches about the Widow’s Mite” (Gospel Laebri), o ridim tugeta Mak 12:41–44. ?Stori ia i minim wanem long yu?

3 Nifae 25:5–6

Lod i sendem Elaeja i kam blong tanem hat blong mi i go long ol bubu blong mi.

Long dei blong yumi tedei, ol hat blong yumi oli “tanem i go long ol bubu blong [yumi]” tru long tempol mo famli histri wok. ?Olsem wanem nao hemia i bin hapen long yu? Taem yu stap ridim 3 Nifae 25:5–6 mo Doktrin mo Ol Kavenan 110:13–16, tingting long from wanem hemia i wan impoten pat long plan blong God.

Tugeta, singsing long “Families Can Be Together Forever,” Children’s Songbook, 188.

Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.

Sam Aedia blong Tijim Ol Pikinini

3 Nifae 23:1, 5

Mi save stadi long ol skripja wetem strong paoa long tingting.

• Instraksen blong Sevya long 3 Nifae 23 i soem hamas i ol skripja oli impoten long Hem. Blong helpem ol pikinini blong yu blong faenemaot hemia, yu save ridim laod 3 Nifae 23:1, 5 mo askem olgeta blong lisin long wan toktok we oli ripitim tri taem. ?Olsem wanem nao fasin blong stap lukaotem o lukluk gud insaed long ol skripja i defren long taem we yu stap ridim nomo?

• Maet yu mo pikinini blong yu save raetemdaon wan fevret skripja ves mo haedem. Afta yufala wanwan i save gat janis blong faenem wanwan skripja blong yufala wanwan we yufala i haedem ia, ridim olgeta tugeta, mo tokbaot from wanem ol ves ia oli gat mining.

3 Nifae 24:8–12

Taem yumi pem taeting, i openem ol windo blong heven.

• Helpem ol pikinini blong yu blong oli lukaotem 3 Nifae 24:8–12 blong faenem ol wei blong komplitim ol sentens ia: Sapos mi pem taeting blong mi, bae Lod i … . Yu save serem wan eksperiens we yu bin kasem blesing from se yu bin pem taeting. Bae i gud tumas, sapos yu raetem sam amaon blong mane mo helpem ol pikinini blong yu oli kaontem hamas (10 pesen) blong oli givim aot long wanwan amaon.

• Aktiviti pej blong wik ia i save helpem yu toktok long ol pikinini blong yu abaot ol wei we Lod i yusum taeting blong blesem ol memba blong Jos blong Hem. Maet oli save droem ol pikja (o faenem ol pikja long ol magasin blong Jos) we oli soem ol wei we taeting i stap blesem Jos.

3 Nifae 25:5–6

Papa long Heven i wantem mi blong lanem abaot ol bubu blong mi.

• ?Olsem wanem nao bae yu mekem ol pikinini blong yu blong oli wantem blong lukaotem mo lanem abaot ol bubu blong olgeta? ?Olsem wanem nao bae yu leftemap tingting blong ol pikinini blong yu blong mekem ol odinens blong ol bubu blong olgeta taem oli stap kam bigwan? Tingting blong helpem olgeta blong lukaotem 3 Nifae 25:5–6 blong faenem wan samting we bae i hapen long ol las dei ia. Ol smol pikinini oli save putum han long hat blong olgeta evri taem oli harem toktok ia “hat” taem yu stap ridim ol ves ia. Yu ridim tu olsem wanem profesi ia i kamtru long Doktrin mo Ol Kavenan 110:13–16 (luk tu long Gospel Art Buk, namba 95). Talem long ol pikinini blong yu olsem wanem hat blong yu i save tanem i go blong tingbaot ol bubu blong yu. Eksampol, yu save serem eni eksperiens yu gat taem yu lanem abaot ol bubu blong yu mo mekem ol tempol odinens blong olgeta.

• Helpem ol pikinini blong yu fulumap wan famli tri wetem ol nem blong ol papa mo mama blong olgeta mo nem blong ol bubu blong olgeta. ?Wanem nao ol stori we yu save serem abaot wan long ol bubu blong yu? Soem ol pikja, sapos i posibol. Tugeta yufala i save singsing “Families Can Be Together Forever” (Children’s Songbook, 188) mo tokbaot wetem pikinini blong yu, from wanem ol famli oli impoten long plan blong Papa long Heven.

Blong kasem moa aedia, luk long magasin blong Fren long manis ia.

Tekem Histri i Kam, i kam long Gary L. Kapp