இஸ்ரவேலின் வீட்டார் போன்ற பதங்களை மக்கள் பயன்படுத்துவதை நீங்கள் கேட்கும்போது, அவர்கள் உங்களைப்பற்றி பேசுவது போல் உணர்கிறீர்களா? நேபியர்களும் லாமானியர்களும் இஸ்ரவேலின் சந்ததியினர், “இஸ்ரவேல் விருட்சத்தின் கிளைகளாயிருந்தாலும்,” “அடிமரத்திலிருந்து உடைந்து போனவர்களாய்” உணர்ந்தார்கள் (ஆல்மா 26:36; 1 நேபி 15:12 ஐயும் பார்க்கவும்). ஆனால் இரட்சகர் அவர்களுக்குத் தரிசனமானபோது, அவர்கள் அவரில் தொலைந்து போகவில்லை என அவர்கள் அறிய விரும்பினார். அவர் சொன்னார், “நீங்கள் இஸ்ரவேல் வீட்டைச் சேர்ந்தவர்களாய் இருக்கிறீர்கள்,” “நீங்கள் உடன்படிக்கையைச் சேர்ந்தவர்கள்” (3 நேபி 20:25). அதுபோன்ற ஒன்றை அவர் இன்றைக்கும் உங்களிடம் சொல்லலாம், ஏனெனில் ஞானஸ்நானம் பெற்று அவரோடு உடன்படிக்கைகள் செய்கிற யாரும் “உடன்படிக்கையின்” இஸ்ரவேல் வீட்டாராவர். வேறு வார்த்தைகளெனில், இஸ்ரவேல் வீட்டாரைப்பற்றி இயேசு பேசும்போது, அவர் உங்களைப்பற்றி பேசுகிறார். “உலகத்தின் சகல கோத்திரங்களையும்” ஆசீர்வதிக்கும் அறிவுரை உங்களுக்கே (3 நேபி 20:27). “மறுபடியும் விழித்திருந்து உன் பெலத்தைத் தரித்துக்கொள்” என்ற அழைப்பு உங்களுக்கே (3 நேபி 20:36). “என் கிருபை உன்னைவிட்டு விலகாமலும், என் சமாதானத்தின் உடன்படிக்கை நிலைபெயராமலும் இருக்கும்,” என்ற அவரது விலையேறப்பெற்ற வாக்குத்தத்தம், உங்களுக்கே (3 நேபி 22:10).
பிற்காலங்களில் தேவன் மகத்தான அற்புதமான பணியை நடப்பிப்பார்.
3 நேபி 20–22ல், இரட்சகர் தம் உடன்படிக்கை மக்களின் எதிர்காலத்தைப் பற்றி தீர்க்கதரிசனம் கூறினார் (விசேஷமாக 3 நேபி 20:30–32, 39–41; 21:9–11, 22–29 பார்க்கவும்). இந்த வசனங்களை நீங்கள் வாசிக்கும்போது, தலைவர் ரசல் எம். நெல்சன் கூறியதை நினைவில் கொள்ளுங்கள்: “நாம் கர்த்தரின் உடன்படிக்கையின் ஜனத்தோடிருக்கிறோம். இந்த வாக்குத்தத்தங்களின் நிறைவேறுதலில் நாம் தனிப்பட்ட விதமாக பங்கேற்பது நமது சிலாக்கியமாகும். வாழ்வதற்கு எவ்வளவு மகிழ்ச்சியான நேரம்!” (“The Gathering of Scattered Israel,” Liahona, Nov. 2006, 79). எந்த தீர்க்கதரிசனங்கள் விசேஷமாக உங்களுக்கு மகிழ்ச்சியளிக்கிறது? அவற்றை நிறைவேற்ற உதவுவதற்கு உங்களால் என்ன செய்ய முடியும்?
உணர்த்துதலான வார்த்தைகளையும் சொற்றொடர்களையும் தேடவும். குறிப்பாக உங்களுக்காகவே அவைகள் எழுதப்பட்டது போலவே வேதங்களிலுள்ள குறிப்பிட்ட வார்த்தைகளும் சொற்றொடர்களும் உங்களைக் கவருவதை நீங்கள் காணலாம். அவற்றை உங்கள் வேதங்களில் அடையாளப்படுத்த அல்லது படிப்பு குறிப்பிதழில் எழுதுவதைக் கருத்தில் கொள்ளவும்.
3 நேபி 22 மற்றும் 24 இல், இரட்சகர் ஏசாயா மற்றும் மல்கியாவின் தெளிவான உருவங்கள் மற்றும் ஒப்பீடுகள் நிறைந்த வார்த்தைகளை மேற்கோள் காட்டுகிறார்—நெருப்பில் உள்ள நிலக்கரி, சுத்திகரிக்கப்பட்ட வெள்ளி, திருமணம், வானத்தின் ஜன்னல்கள் (விசேஷமாக 3 நேபி 22:7–8, 10–17; 24:10–12, 17–18 பார்க்கவும்). அவருடைய ஜனத்தோடு தேவனின் உறவுகளைப்பற்றி இந்த ஒப்பீடுகள் என்ன போதிக்கின்றன—மற்றும் உங்களுடன் அவரது உறவு? இந்த அதிகாரங்களில் உள்ள வாக்குறுதிகள் உங்கள் வாழ்க்கையிலோ அல்லது உங்கள் குடும்பத்தினரின் வாழ்க்கையிலோ எவ்வாறு நிறைவேற்றப்பட்டுள்ளன?
ஆவிக்குரிய அனுபவங்களை பதிவு செய்வது என் குடும்பத்தை ஆசீர்வதிக்க முடியும்.
3 Nephi 23:6–13 இல் உள்ள இரட்சகருக்கு நேபியுடன் தொடர்பு பற்றி உங்களை கவர்ந்தது எது? நீங்கள் வைத்திருக்கிற பதிவுகளை இரட்சகர் பரிசோதிப்பதாயிருந்தால், அவர் உங்களிடம் என்ன கேள்விகள் கேட்கக்கூடும்? என்ன முக்கியமான நிகழ்வுகள் அல்லது ஆவிக்குரிய அனுபவங்களை பதிவு செய்ய வேண்டும்? அவ்வாறு செய்வது ஏன் முக்கியம்? (3 நேபி 26:2 பார்க்கவும்).
இரட்சகர் நான் வேதங்களை ஆராய வேண்டும் என்று விரும்புகிறார்.
நீங்கள் 3 நேபி 20:10–12; 23; 26:1–12, வாசிக்கும்போது வேதத்தைப் பற்றி இரட்சகர் எப்படி உணருகிறார் என்று யோசித்துப் பாருங்கள். வேதங்களைத் தேடுவதற்கும் வெறுமனே வாசிப்பதற்கும் என்ன வித்தியாசம் இருக்கிறது? (3 நேபி 23:1 பார்க்கவும்).
தேவனுடைய மக்கள் எப்போதும் தசமபாகம் கொடுக்கக் கட்டளையிடப்பட்டிருக்கிறார்கள் (ஆதியாகமம் 14:17–20; மல்கியா 3:8–11 பார்க்கவும்). 3 நேபி 24:7–12ஐ நீங்கள் படிக்கும்போது, தேவன் ஏன் தம்முடைய மக்களிடம் தசமபாகம் கொடுக்கச் சொல்கிறார் என்று யோசித்துப் பாருங்கள். இக்கேள்விகள் உங்கள் படிப்புக்கு வழிகாட்டக்கூடும்:
தசமபாக நியாயப்பிரமாணம் என்றால் என்ன?கோட்பாடும் உடன்படிக்கைகளும் 119 பார்க்கவும். இந்த வெளிப்பாட்டின் “வட்டி” என்பது வருமானத்தை குறிக்கிறது. வருமானம் உள்ள அனைத்து உறுப்பினர்களும் தசமபாகம் செலுத்த வேண்டும்.) மற்ற வகையான நன்கொடைகளிலிருந்து தசமபாகம் எவ்வாறு வேறுபட்டது?
தசமபாகம் எதற்காகப் பயன்படுத்தப்படுகிறது? சபை உறுப்பினர்கள் தசமபாகம் செலுத்துவதால் நீங்கள் என்ன வழிகளில் ஆசீர்வதிக்கப்பட்டீர்கள்?
தசமபாகம் என்ற பிரமாணத்தை கடைப்பிடிக்கும் மக்களுக்கு என்ன ஆசீர்வாதங்கள் கிடைக்கும்? (3 நேபி 24:7–12 பார்க்கவும்). குறிப்பாக, பணமாக இருக்கவேண்டிய அவசியமில்லாத ஆசீர்வாதங்களைப் பாருங்கள். உங்கள் வாழ்க்கையில் இதைப்போன்ற ஆசீர்வாதங்களை நீங்கள் எவ்வாறு பார்த்திருக்கிறீர்கள்?
, மாற்கு 12:41–44.ஐப் படிக்கவும். இந்த கதை உங்களுக்கு என்ன கற்பிக்கிறது?
என் இதயத்தை என் முன்னோர்களிடம் திருப்ப ஆண்டவர் எலியாவை அனுப்பினார்.
நம் நாளில், ஆலயம் மற்றும் குடும்ப வரலாற்றுப் பணிகள் மூலம் நம் இருதயங்கள் “[நமது] பிதாக்களிடம்” திரும்புகின்றன. இது உங்களுக்கு எப்படி நடந்தது? நீங்கள் 3 நேபி 25:5–6 மற்றும் கோட்பாடும் உடன்படிக்கைகளும் 110:13–16 வாசிக்கும்போது, இது ஏன் தேவனின் திட்டத்தின் ஒரு முக்கியமான பகுதியாகும் என்று சிந்தியுங்கள்.
3 நேபி 23ல் உள்ள இரட்சகரின் அறிவுரைகள், வேதங்கள் அவருக்கு எவ்வளவு முக்கியமானவை என்பதைக் காட்டுகிறது. இதைக் கண்டறிய உங்கள் பிள்ளைகளுக்கு உதவ, நீங்கள் 3 நேபி 23:1, 5ஐ உரக்கப் படித்து, மூன்று முறை திரும்பத் திரும்பச் சொல்லப்படும் வார்த்தையைக் கேட்கும்படி அவர்களிடம் கேட்கலாம். வெறும் வாசிப்பில் இருந்து தேடுதல் எவ்வாறு வேறுபடுகிறது?
ஒருவேளை நீங்களும் உங்கள் பிள்ளைகளும் விருப்பமான வசனத்தை எழுதி மறைத்துவிடலாம். பிறகு, நீங்கள் ஒருவருக்கொருவர் மறைந்திருக்கும் வசனங்களைக் கண்டுபிடித்து, அவற்றை ஒன்றாகப் படித்து, இந்த வசனங்கள் ஏன் அர்த்தமுள்ளவை என்பதைப் பற்றி பேசலாம்.
இந்த வாக்கியத்தை முடிப்பதற்கான வழிகளைக் கண்டறிய 3 நேபி 24:8-12ஐத் தேட உங்கள் பிள்ளைகளுக்கு உதவுங்கள்: நான் தசமபாகம் செலுத்தினால், கர்த்தர் … . நீங்கள் தசமபாகம் செலுத்தியதால் நீங்கள் ஆசீர்வதிக்கப்பட்ட அனுபவத்தையும் பகிர்ந்து கொள்ளலாம். இது உதவியாக இருந்தால், ஒரு சில தொகைகளை எழுதி, ஒவ்வொரு தொகைக்கும் எவ்வளவு தசமபாகம் (10 சதவீதம்) கொடுக்க வேண்டும் என்பதைக் கணக்கிட உங்கள் பிள்ளைகளுக்கு உதவுங்கள்.
இந்த வார நிகழ்ச்சி பக்கம், கர்த்தர் தம் சபையின் உறுப்பினர்களை ஆசீர்வதிக்க தசமபாகத்தைப் பயன்படுத்தும் சில வழிகளைப் பற்றி உங்கள் பிள்ளைகளுக்குப் பேச உதவும். தசமபாகம் அவர்களை ஆசீர்வதிக்கும் வழிகளை அவர்கள் படங்களை வரையலாம் (அல்லது சபை பத்திரிகைகளில் படங்களை காணலாம்).
பரலோக பிதா நான் என் மூதாதையர்களைப் பற்றி அறிய விரும்புகிறார்.
உங்கள் பிள்ளைகளை அவர்களின் மூதாதையர்களைத் தேடி அறிந்துகொள்ள எப்படி ஊக்குவிப்பீர்கள்? உங்கள் பிள்ளைகள் பெரியவர்களாக இருக்கும்போது அவர்களின் முன்னோர்களுக்கு நியமங்களைச் செய்ய நீங்கள் எப்படி அவர்களை ஊக்குவிக்கலாம்? பிற்காலத்தில் நடக்கவிருந்த ஒன்றைக் கண்டுபிடிக்க, 3 நேபி 25:5–6ஐத் தேட அவர்களுக்கு உதவுவதைக் கருத்தில் கொள்ளவும். இந்த வசனங்களைப் படிக்கும்போது, “இருதயம்” என்ற வார்த்தையைக் கேட்கும் ஒவ்வொரு முறையும் இளைய பிள்ளைகள் தங்கள் இருதயத்தில் கை வைக்கலாம். கோட்பாடும் உடன்படிக்கைகளும் 110:13–16இல் இந்தத் தீர்க்கதரிசனம் எவ்வாறு நிறைவேறியது என்பதையும் நீங்கள் படிக்கலாம். , ). உங்கள் இருதயம் உங்கள் மூதாதையர்களிடம் எவ்வாறு திரும்பியது என்பதைப் பற்றி உங்கள் குழந்தைகளுக்குச் சொல்லுங்கள். எடுத்துக்காட்டாக, உங்கள் மூதாதையர்களைப் பற்றி அறிந்து, அவர்களுக்காக ஆலய நியமங்களை நிறைவேற்றிய அனுபவங்களைப் பகிர்ந்து கொள்ளலாம்.
உங்கள் பிள்ளைகள் தங்கள் பெற்றோர் மற்றும் தாத்தா பாட்டியின் பெயர்களுடன் குடும்ப மரத்தை நிரப்ப உதவுங்கள். உங்கள் முன்னோர்களில் ஒருவரைப் பற்றி நீங்கள் என்ன கதைகளைப் பகிர்ந்து கொள்ளலாம்? முடிந்தால் படங்களைக் காட்டுங்கள்.
படம்
நேபியுடன் நேபிய பதிவேடுகளை இயேசு வாசித்தல்
Bring Forth the Record (பதிவேட்டைக் கொண்டு வா) – காரி எல். காப்