இயேசு கிறிஸ்துவின் போதனைகள் சிந்திக்க ஒரு அழகான தத்துவத்தை விட அதிகமானது அவை நம்மை அவரைப் போல் ஆவதற்குத் தூண்டுவதாகும். இரட்சகரின் சுவிசேஷம் மக்களை எவ்வளவு முழுமையாக மாற்றும் என்பதை 4 நேபி புத்தகம் காட்டுகிறது. இயேசுவின் சுருக்கமான ஊழியத்தைத் தொடர்ந்து, நேபியர்களுக்கும் லாமானியர்களுக்கும் இடையே பல நூற்றாண்டுகளாக இருந்த சண்டை முடிவுக்கு வந்தது. மறுப்புக்கும் பெருமைக்கும் பெயர் வாய்ந்த இரு தேசங்கள் “கிறிஸ்துவின் பிள்ளைகளாகி ஒன்றாயிருந்தார்கள்,” (4 நேபி 1:17), “அவர்களுக்குள் எல்லாவற்றையும் பொதுவாக வைக்கத்” தொடங்கினர் (4 நேபி 1:3). “ஜனங்களுடைய இருதயங்களில் தேவ அன்பு … வாசமாயிருந்தது,” “தேவ கரத்தால் சிருஷ்டிக்கப்பட்ட ஜனங்கள் யாவருக்குள்ளும் இவர்களைக் காட்டிலும் மகிழ்ச்சியான ஜனம் இருந்திருக்க முடியாது” (4 நேபி 1:15–16). இவ்வாறுதான் இரட்சகரின் போதனைகள் நேபியர்களையும் லாமானியர்களையும் மாற்றின. அவை உங்களை எவ்வாறு மாற்றுகின்றன?
இயேசு கிறிஸ்துவின் சபை அவரது நாமத்தில் அழைக்கப்படுகிறது.
தேசம் முழுவதும் அவரது சபையை இரட்சகரின் சீஷர்கள் ஸ்தாபிக்கத் தொடங்கியபோது, சிறிய காரியமாக சிலருக்குத் தோன்றிய, சபையின் பெயர் எதுவாக இருக்க வேண்டும், என ஒரு கேள்வி எழுந்தது (3 நேபி 27:1–3 பார்க்கவும்). 3 நேபி 27:4–12ல் இரட்சகரின் பதிலிலிருந்து இந்த பெயரின் முக்கியத்துவத்தைப்பற்றி நீங்கள் என்ன கற்றுக்கொள்கிறீர்கள்?
தன் சபையின் பெயரை இன்று இரட்சகர் வெளிப்படுத்தினார் (கோட்பாடும் உடன்படிக்கைகளும் 115:4 பார்க்கவும்). அந்தப் பெயரிலுள்ள ஒவ்வொரு வார்த்தையைப்பற்றியும் சிந்திக்கவும். நாம் யார், நாம் எதை நம்புகிறோம், நாம் எப்படி செயல்பட வேண்டும் என அறிய இந்த வார்த்தைகள் நமக்கு எப்படி உதவுகின்றன?
ரசல் எம். நெல்சன், “சபையின் சரியான பெயர்,” லியஹோனா, நவ். 2018, 87–89; ஐயும் பார்க்கவும்
இயேசு கிறிஸ்துவின் சபை அவரது சுவிசேஷத்தில் கட்டப்பட்டது
அவருடைய சபை “[அவருடைய] சுவிசேஷத்தின் மீது கட்டப்பட்டிருக்க வேண்டும்” (3 நேபி 27:10) என்பதை விளக்கிய பிறகு, இரட்சகர் அவருடைய சுவிசேஷம் என்ன என்பதை விவரித்தார். 3 நேபி 27:13–22ல் அவர் கூறியதை நீங்கள் எவ்வாறு சுருக்கமாகக் கூறுவீர்கள்? இந்த வரையறையின் அடிப்படையில், சபைக்கும் உங்களுக்கும் அவருடைய சுவிசேஷத்தின் மீது சபை கட்டமைக்கப்படுவதன் பொருள் என்ன ?
நீங்கள் கற்பதை பதிவு செய்யுங்கள்.3 Nephi 27:23–26 இல் இரட்சகர் தம் சீடர்களுக்கு என்ன கற்பித்தார் என்பதைக் கவனியுங்கள். ஆவிக்குரிய காரியங்களைப்பற்றி ஒரு பதிவேட்டை பாதுகாப்பது ஏன் முக்கியமாக இருக்கிறது? 3 நேபியில் இரட்சகரின் ஊழியத்தைப் படித்த நீங்கள் எதைப் பதிவுசெய்ய தூண்டப்பட்டதாக உணர்கிறீர்கள்?
“நான் உங்களுக்கு என்ன செய்ய வேண்டுமென வாஞ்சிக்கிறீர்கள்” என அவர் தன் சீஷர்களைக் கேட்டதைப்போல, இரட்சகர் உங்களிடம் கேட்டிருந்தால் நீங்கள் என்ன சொல்வீர்கள்? (3 நேபி 28:1). 3 நேபி 28:1–11 நீங்கள் வாசிக்கும்போது இதைப்பற்றி சிந்தியுங்கள். அவருடைய கேள்விக்கு அவர்களுடைய பதில்களிலிருந்து சீஷர்களின் இருதயங்களின் வாஞ்சைகளைப்பற்றி நீங்கள் என்ன கற்றுக்கொள்கிறீர்கள்? இயேசு கிறிஸ்துவின் சுவிசேஷத்தை நீங்கள் தழுவும்போது உங்கள் வாஞ்சைகள் எவ்வாறு மாறுகிறது?
உங்கள் ஆசைகளை பிரதிபலிக்கும் ஒரு பாடலைக் கண்டுபிடிப்பதைக் கருத்தில் கொள்ளவும்.
மார்மன் புஸ்தகம் தேவனின் பிற்கால பணி நிறைவேறி வருகிறது என்பதற்கான அடையாளம்.
ஏதாவது நடக்கும் என்று உங்களுக்குத் தெரிவிக்கும் அறிகுறிகளைப் பற்றி சிந்தியுங்கள். உதாரணமாக, மழை வரப்போகிறது அல்லது பருவநிலை மாறுகிறது என்பதை எப்படி அறிவது? 3 நேபி 29:1–3-ன்படி, தம்முடைய மக்களைக் கூட்டிச்சேர்க்கும் தேவனின் பணி “ஏற்கனவே நிறைவேறத் தொடங்கிவிட்டது” என்பது உங்களுக்கு எப்படித் தெரியும்? (3 நேபி 21:1–7 பார்க்கவும்). 3 நேபி 29:4–9ல், நம் நாளில் மக்கள் மறுக்கும் விஷயங்களையும் நீங்கள் கவனிக்கலாம். மார்மன் புஸ்தகம் இந்த விஷயங்களில் உங்கள் விசுவாசத்தை எவ்வாறு பலப்படுத்துகிறது?
இயேசு கிறிஸ்துவின் போதனைகளைப் பின்பற்றுவது ஒற்றுமை மற்றும் மகிழ்ச்சிக்கு வழிவகுக்கிறது.
இரட்சகரின் வருகையைத் தொடர்ந்த வருடங்களில் வாழ்வது எது போலிருந்திருக்கும் என உங்களால் கற்பனை செய்ய முடிகிறதா? நீங்கள் 4 நேபி 1:1–18 படிக்கும்போது, மக்கள் பெற்ற ஆசீர்வாதங்களைப் பட்டியலிடுவதைக் கருத்தில் கொள்ளவும். இந்த ஆசீர்வதிக்கப்பட்ட வாழ்க்கைக்கு வழிவகுத்த அவர்கள் செய்த தேர்வுகளை நீங்கள் குறிக்கலாம் அல்லது கவனிக்கலாம். அவர்களுடைய நீதியான தேர்வுகளுக்கு உணர்த்தும் வகையில் இயேசு அவர்களுக்கு என்ன கற்பித்தார்? இங்கே சில எடுத்துக்காட்டுகளிருக்கின்றன, ஆனால் இன்னும் அநேகம் நீங்கள் கண்டுபிடிக்கலாம்: 3 நேபி 11:28–30; 12:8–9, 21–24, 40–44; 13:19–21, 28–33; 14:12; 18:22–25.
உங்கள் குடும்பம், தொகுதி அல்லது சமூகம் அதிக ஒற்றுமையுடனும் மகிழ்ச்சியுடனும் வாழ நீங்கள் என்ன செய்ய முடியும் என்பதைப் பற்றி சிந்தியுங்கள். பிரிவினைகளைக் கடந்து, தேவனின் மற்ற குழந்தைகளுடன் உண்மையிலேயே “ஒன்று” ஆக நீங்கள் என்ன செய்யலாம்? இந்த இலக்கை நீங்கள் அடையும்படிக்கு, இயேசு கிறிஸ்துவின் எந்த போதனைகள் உங்களுக்கு உதவுகின்றன?
சோகமாக, 4 நேபியில் விவரிக்கப்பட்டுள்ள சீயோன் சமூகம் இறுதியில் துன்மார்க்கத்தில் விழுந்தது. நீங்கள் 4 நேபி 1:19–49 வாசிக்கும்போது, அவர்களின் மகிழ்ச்சியையும் ஒற்றுமையையும் முடிவுக்குக் கொண்டுவரும் அணுகுமுறைகள் மற்றும் நடத்தைகளைத் தேடுங்கள். இந்த மனப்பான்மை அல்லது நடத்தைகளை அகற்ற உதவ நீங்கள் என்ன செய்யலாம்?
மோசே 7:18; டி. டாட் கிறிஸ்டாபர்சன், “நிலையான சமூகங்கள்,” லியஹோனா, நவ். 2020, 32–35; ரேனா ஐ. அபுர்ட்டோ, “ஒருமனப்பட்டு,” லியஹோனா, மே 2018, 78–80;ஐயும் பார்க்கவும்.
இயேசு சபையின் பெயரின் முக்கியத்துவத்தை அறிமுகப்படுத்த, உங்கள் குழந்தைகளுடன் அவர்களின் சொந்த பெயர்களைப் பற்றி பேசுங்கள். நமது பெயர்கள் ஏன் முக்கியமானவையாய் இருக்கின்றன? பிறகு நீங்கள் 3 நேபி 27:3ஐ ஒன்றாகப் படிக்கலாம், இயேசுவின் சீடர்கள் கேட்ட கேள்வியைத் தேடலாம். 3 நேபி 27:5–8ல் உள்ள பதிலைக் கண்டறிய உங்கள் பிள்ளைகளுக்கு உதவுங்கள். சபையின் பெயர் ஏன் முக்கியமானது?
உங்கள் பிள்ளைகள் குடும்பம் அல்லது ஆரம்ப வகுப்பு போன்ற வெவ்வேறு குழுக்களைச் சேர்ந்தவர்களைப் பற்றி சிந்திக்கவும் நீங்கள் உதவலாம். ஒவ்வொரு குழுவிலும், சொந்தமானவர்களாக இருப்பதுபற்றி என்ன விரும்புகிறார்கள் என்று அவர்களிடம் கேளுங்கள்.
இயேசு கிறிஸ்துவின் சபை அவருடைய சுவிசேஷத்தின் மேல் கட்டப்பட்டுள்ளது.
இரட்சகர் தனது சுவிசேஷத்தை 3 நேபி 27ல் சுருக்கமாகக் கூறினார். சுவிசேஷம் என்ற வார்த்தையின் அர்த்தம் “நற்செய்தி” என்று உங்கள் பிள்ளைகளுக்கு நீங்கள் விளக்கலாம். 3 நேபி 27:13–16ல் என்ன நல்ல செய்தியைக் காண்கிறோம்? இரட்சகரின் சபை அவருடைய சுவிசேஷத்தின் மீது கட்டப்பட்டுள்ளது என்று கற்பிக்க இந்த வாரத்தின் நிகழ்ச்சி பக்கத்தைப் பயன்படுத்தவும்.
பரலோக பிதா தன் பிள்ளைகள் தம்மிடம் திரும்பும்போது களிகூர்கிறார்.
யாரோ ஒருவர் மறைந்திருந்து, மற்றவர்கள் அவரைக் கண்டுபிடிக்க முயற்சிக்கும் விளையாட்டை விளையாடுவதைக் கருத்தில் கொள்ளுங்கள். தொலைந்து போன ஒருவரைக் கண்டுபிடிக்கும்போது நாம் உணரும் மகிழ்ச்சியைப் பற்றிய உரையாடலுக்கு இது வழிவகுக்கும். 3 Nephi 27:30-31ஐப் வாசித்த பிறகு, பரலோக பிதாவுடன் நெருக்கமாக இருக்க ஒருவருக்கொருவர் எவ்வாறு உதவுவது அதனால் ஒருவரும் தொலைந்து போகிறதில்லை.என்பதைப் பற்றி நீங்கள் பேசலாம்.
4 நேபி
இயேசு கிறிஸ்துவைப் பின்பற்றுவது எனக்கு மகிழ்ச்சியைத் தருகிறது.
4 நேபியில் விவரிக்கப்பட்டுள்ள நபர்களின் மகிழ்ச்சியைப் பற்றி உங்கள் பிள்ளைகள் அறிந்துகொள்ள, மகிழ்ச்சியான நபர்களின் படங்களை அவர்களுக்குக் காட்டலாம்.
4 நேபி 1:15–16ல் கற்பிக்கப்பட்டுள்ளதை உங்கள் பிள்ளைகள் நடைமுறைப்படுத்த உதவ, மக்கள் ஒருவருக்கொருவர் கோபமாக இருக்கும் சூழ்நிலைகளை அவர்களுக்கு காட்டலாம். நம் இதயங்களில் “தேவனின் அன்பு” இருந்தால், நிலைமை எப்படி இருக்கும் என்பதை நடிக்க அவர்களை அழைக்கவும்.
படம்
மூன்று நேபிய சீஷர்களுடன் இயேசு பேசுதல்
Christ with Three Nephite Disciples (மூன்று நேபிய சீஷர்களுடன் கிறிஸ்து) – காரி எல். காப்