Jānwōde 6–12: “Eo̧ron̄, O Kom Armej”

Katak im Bujen Ko 1

Ilo Nobōm̧ba 1831, Kabun̄ eo an Jisōs Kraist me em̧ōj an jepļaaktok ej kab kar juon jimātten iiō dettan. Men̄e ekar eddōkļo̧k, ekar juon kurup ejjab bun̄bun̄ in ritōmak ro me rej jokwe ilo jikin ko reddik, kar tōl jān rikanaan eo ke ej ron̄oul jim̧a an iiō. Ak Anij ekar watōke ritōmak rein ro Rikarejaren im An ribōktok enaan, im Ekar kōņaan bwe revelesōn ko Ekar leļo̧k n̄an er ren tilmaake n̄an laļ in.

Katak im Bujen Ko jekjōk 1 ej kōmeļeļe eo itum̧aan, ak kadkad in, n̄an revelesōn ko. Ealikkar an waļo̧k bwe men̄e uwaan Kabun̄ in ekar dik, ekar ejjeļo̧k men edik kōn ennaan eo an Anij ekar kōņaan bwe Armej ro Rekwojarjar An ren kwaļo̧ke. Ej juon “ainikien kakkōļ” n̄an aolep “ro rej pād ioon laļ in,” katakin er n̄an ukweļo̧k im kaļo̧k “bujen eo ejjeļo̧k jem̧ļo̧kin” an Anij (eoon ko 4, 8, 22). Ro rikarejeran rej bōk ennaan in “rem̧ōjņo̧ im ļam waan.” Bōtaab ro rikarejeran rettā ej ta eo Anij ej ņa etan—m̧okta ak kiiō—n̄an bōktok Kabun̄ eo An “bōktok jān ņojak im jān marok jilōn̄lōn̄” (eoon 23, 30).

Ļōmnak ko n̄an ekkatak ilo M̧weeo im ilo Kabun̄ in

Katak im Bujen Ko 1

“Eo̧ron̄, O kom armej.”

Peij eo jinointata ej kwaļo̧k kadkadin juon bok. Ej kwaļo̧k kajeen unin kōnono eo an bok eo im unleplep in im ej jipan̄ ririit ro kōppopo n̄an riit. Ilo am̧ riiti jekjen 1—“naan in ijjino” eo an Irooj n̄an Katak im Bujen Ko (eoon 6)—pukot unin kōnono ko im unleplep ko me Irooj ekar leļo̧k n̄an revelesōn ko An. Ta eo kwoj katak me enaaj jipan̄ eok ilo ekkatak eo am̧ kōn Katak im Bujen Ko ilo iiō in? N̄an waanjon̄ak, kwomaron̄ kejekļo̧kjeņ kake ta meļeļein n̄an “ron̄ ainikien Irooj” ilo revelesōn kein (eoon 14) ak n̄an “lin̄ōri kien kein” (eoon 37).

Bar lale kadkad in Katak im Bujen Ko.

Katak im Bujen Ko 1:4–6, 23–24, 37–39

Irooj ej kōnono n̄an ro Rikarejeran, ekoba rikanaan ro ilo raan ko āliktata.

Jekjeņ 1 ej jino im jem̧lo̧k kōn kean̄ an Irooj me E ej kōnono kōn ro Rikarejeran ekar kāālet er (lale eoon ko 4–6, 23–24, 38). Je ta eo kwoj katak kake jān revelesōn in:

• Irooj im Ainikien.

• Etke rikanaan ro aikuji ilo tōrein ad.

Ta eo kwoj en̄jake ekar im̧we eok n̄an kōm̧m̧ane āinwōt juon tōprak kōn ta eo kwaar loe?

Ta eo em̧ōj am̧ kar ron̄ kōn ainikien Irooj kōn ainikien ro Rikarejeran (lale eoon 38).

Kwomaron̄ barāinwōt ļōmņak bwe eo m̧ōttam̧ me ekar jab jeļā kōn rikanaan ro remour en riiti jekjōn 1 ippam̧. Ta kajjitōk ko eo m̧ōttam̧ emaron̄ wōr an? Ewi eoon ko kwonaaj kōņaan kōnono kaki ippān eo m̧ōttam̧ n̄an jipan̄ e meļeļe ekōjkan am̧ en̄jake ilo an wōr rikanaan ro ilo tōre in ad?

Emaron̄ in itok limoiūm̧ n̄an jeļā bwe n̄e juon ko̧o̧njeļ in elder ro raar kweilo̧k ilo 1831 eo n̄an kōnono kōn je revelesōn ko an Josep Smith, jet armej raar jum̧ae ļōmņak eo. Rekar jook kōn m̧ōjņo̧ eo an Josep ilo jeje, im rekar inepata bwe je revelesōn ko emaron̄ in kar kōļapļo̧k jorrāān ko n̄an Armej ro Rekwojarjar (lale Armej ro Rekwojarjar, 1:140–43). Eļan̄n̄e kwar juon membōr in ko̧o̧njeļ in, ekōjkan am̧ naj kar ņa mejļan n̄ūrbōktak kein? Ta kōļmenļo̧kjeņ ko kwoj loi ilo jekjōn 1 me remaron̄ kar jipan̄? (lale, n̄an waanjon̄ak, eoon 6, 24, 38).

Ļōmņak in kobaik juon al āinwōt “Come, Listen to a Prophet’s Voice” (Hymns, nō. 21) ilo ekkatak im kabun̄ jar eo am̧. Pukōt naan ko ilo al eo me ej katakin ejja pedped in katak ko āinwōt eoon ko ilo jekjōn 1.

Bar lale Unin Kōnono ko im Kajjitōk ko, “Rikanaan ro,” Gospel Library eo.

Irooj ej kōnono n̄an kōj kōn ro Rikarejeran, rikanaan ro.

Katak im Bujen Ko 1:12–30, 34–36

Jepļaaktok eo ej jipan̄ eō jelm̧ae apan̄ ko an raan ko āliktata.

Ilo Katak im Bujen Ko jekjōn 1, Irooj ej kōmeļeļeik etke E ekar kōjepļaaktok gospel eo An. Lale ewi lōn̄ in un ko kwomaron̄ kōlaajraki ilo am̧ riiti eoon 12–23. Ilo en̄jake eo am̧, ekōjkan an jibadbad ko an Irooj kōn Jepļaaktok eo kar dedeļo̧k?

Irooj ekar jeļā bwe tōre in ad enaaj kar wōr apan̄ ko reļļap (lale eoon 17). Ta eo kwoj loe ilo eoon 17–30, 34–36 me ej jipan̄ eok en̄jake aenōm̧m̧an im lōke kōjekdo̧o̧n apan̄ ken?

Bar lale Russell M. Nelson, “Jelm̧ae Ilju im Jekļaj eo kōn Tōmak,” Liaona, Nob. 2020, 73–76.

Katak im Bujen Ko 1:19–28

Irooj ej kōjerbal “eo em̧ōjņo̧ im eo eļam waan” n̄an kadedeļo̧k jerbal eo An.

Ilo ami riiti Katak im Bujen Ko 1:19–28, kwomaron̄ kejekļo̧kjeņ ta meļeļein n̄an erom juon rikarejeran Irooj. Ta m̧wiļ ko Irooj ekōņaan bwe en wōr ippān ro Rikarejeran? Ta eo Irooj ej kadedeļo̧k kōn ro Rikarejeran? Ekōjkan an naan in kanaan ko ilo eoon kein kar kakūrm̧ool ilo aolepān laļ in im ilo mour eo am̧?

Kappukōt Jisōs Kraist. Unin jeje ko rekwojarjar ej n̄an kam̧ool kōn Rilo̧mo̧o̧r im Gospel eo An. Ilo am̧ riiti Katak im Bujen Ko 1, ļōmņak n̄an kōkaļļeiki ak je eoon ko me ej katakin eok kōn men ko kōn Jisōs Kraist.

N̄an ļōmņak ko reļļapļo̧k, lale ennaan eo an allōn̄ in ilo Liaona eo im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Katak im Bujen Ko 1: 4, 37–39

Kōn rikanaan ro An, Irooj ej kakkōl eō kōn kauwōtata ko ilo jetōb.

• N̄an jino juon kōnono kōn kakkōl ko jān Irooj, kwomaron̄ kōnono kōn kakkōl ko jej būki jān armej ro jet kōn kauwōtata ko jemaron̄ jab loi. Jet waanjon̄ak ko remaron̄ in koba juon būļoor ejjūr, juon ļan̄ ej itok, ak juon wa ej itok. Bōlen kwe im ajri ro nejūm̧ maron̄ lali waanjon̄ak in kakōļļe in kakkōl ko im keidi kakkōl kein n̄an kakkōl ko Irooj ej litok n̄an kōj. Ekkar n̄an Katak im Bujen Ko 1:1–6, 37–39, ekōjkan an Irooj kakkōl kōj? Ta eo Ekar kakkōl kōj kake ilo raan kein? Bolen komaron̄ kar alooj ak riit m̧ōttan enaan ko an kweilo̧k eo eļap im kappukot waanjon̄o̧k in “ainikien kakkōļ” an Anij.

• Al ippān doon juon al kōn rikanaan ro, eo āinwōt eoon eo āliktata ilo “Follow the Prophet” (Children’s Songbook,, 110–11). Kwaļo̧k naan in kam̧ool eo am̧ bwe rikanaan eo ej kōnono naan ko an Anij.

Katak im Bujen Ko 1:17

Jepļaaktok eo ej jipan̄ eō jelm̧ae apan̄ ko an raan ko āliktata.

• N̄an kōketak ekōnono eo kōn Katak im Bujen Ko 1:17, kwe im ajri ro nejūm̧ maron̄ pijaik ami kepooj juon tūreep. Ta ko kom̧ naaj kar kanni? Eļan̄n̄e kwar jeļā m̧oktaļo̧k bwe enaaj kar wōt ak bwe waan ettōr eo ami ak baj eo enaaj kar rup neen, ekōjkan an naaj kar jelet wāween eo kwaar kepooje n̄an tūreep eo? Riiti ippān doon eoon 17, im kōnono kōn ta eo Irooj ekar jeļā enaaj kar waļo̧k n̄an kōj. Ekōjkan An kar kōppopo n̄an e? (N̄e ekkar, kōmeļeļe bwe “jerata” ej juon iien jōrrāān ak juon men enana.) Ekōjkan an kien ko an Anij jipan̄ kōj jelm̧ae apan̄ ko an iien kein ad?

Katak im Bujen Ko 1: 17, 29

Irooj ekar kūr Josep Smith bwe en juon rikanaan.

• N̄an jeļā kōn jerbal eo an Josep Smith ilo jepļaaktok eo an gospel eo an Rilo̧mo̧o̧r, kwe im ajri ro nejūm̧ maron̄ lale juon pija in rikanaan eo im juon pija in Josep Smith (lale pija ko ilo unin tōl in) im kōnono kōn ta eo Rilo̧mo̧o̧r eo ekar letok n̄an kōj kōn Josep Smith. Ajri ro nejūm̧ remaron̄ lali waanjon̄ak ko ilo Katak im Bujen Ko 1:17, 29. Jiron̄ ajri ro nejūm̧ ekōjkan am̧ jeļā bwe Anij eaar “kūr rikarejera Josep Smith, Jun., im kar kōnono n̄an e jān lan̄” (eoon 17).

© 1998 David Lindsley

Katak im Bujen Ko 1:30

Kabun̄ eo an Jisōs Kraist im Armej ro Rekwojarjar ilo Raan–ko Āliktata ej “kabun̄ eo em̧ool im mour” an Irooj.

• Ta meļeļe in ilo ad ba bwe Kabun̄ in “em̧ool im emour”? N̄an kōm̧m̧an bwe ajri ro nejūm̧ ren ļōmņak kōn kajjitōk in, bōlen kwomaron̄ kwaļo̧k n̄an er men ko remour im remej—āinwōt juon mennin eddōk emour im juon mennin eddōk emej. Ekōjkan ad jeļā juon men emour? Innām kom̧ maron̄ riiti Katak im Bujen Ko 1:30 im kōnono kōn ta eo emaron̄ meļeļe in n̄an an Kabun̄ eo “em̧ool im emour.”

N̄an ļōmņak ko reļļapļo̧k, lale ennaan eo an allōn̄ in ilo Jera māākjin eo.

Be Still Waters, jān Simon Dewey