Kōmeļele ko jān E ekar Kūr Eō kōn Eta, jān Micheal Malm

Jānwōde 20–26: “Būruōn ro Nejier Renaaj Oktakļo̧k n̄an ro Jemāer”

Katak im Bujen Ko 2; Josep Smith—Bwebwenato 1:27–65

Em̧ōj an jilu iiō em̧ootļo̧k jān iien eo Anij Jemed im Nejin, Jisōs Kraist, rekar waļo̧kļo̧k n̄an Josep Smith ilo bukwin wōjke ko, im Josep ejjan̄in ebbōk jabdewōt revelesōn jān tōre eo. Ekar jino an ļōmņak eļan̄n̄e Irooj ekar jab m̧ōņōņō ippān. Āinwōt kōj aolep, ekar kōm̧m̧an bōd, im ekar en̄jaake kaje jān er. Ak jekdo̧o̧n ekar wōr juon an Anij jerbal n̄an e bwe en kōm̧m̧ane. Im jerbal eo me kar kūr Josep n̄an kōm̧m̧ane ej iookļo̧k ta eo Anij ej kajjitōk bwe jen kōm̧m̧ane. Josep ej bōk m̧aantak Bok in Mormon; jej ruwainene n̄an kwaļo̧k ennaan eo an. Josep ej bōk kii ko an priesthood eo n̄an ukōt būruōn ajri ro n̄an ro jemāer; jemaron̄ kiiō bōk kain̄i ko n̄an rūtto ro ad ilo tampeļ ko. Kar jiron̄ Josep kōn naan in kanaan ko bwe ejjab to renaaj kūrm̧ool; kar kūr kōj n̄an jipan̄ kakūrm̧ool naan in kanaan kein. Ilo ad bōk koņaad ilo jerbal in an Anij, jemaron̄ kōtmene n̄an ioon jum̧ae im em̧ool kaen̄taanan, ejja āinwōt kar Rikanaaneo. Ak emaron̄ wōr ad tōmak bwe Irooj enaaj kōm̧m̧an bwe jen kein jerbal ilo Pein, āinwōt An kar kōm̧m̧ane n̄an Josep.

Bar lale Armej ro Rekwojarjar, 1:20–48.

Ļōmnak ko n̄an Ekkatak ilo M̧weeo im ilo Kabun̄ in

Josep Smith—Bwebwenato 1:27–33

Ewōr juon an Anij jerbal bwe in kōm̧m̧ane.

Ej juon men n̄an tōmak bwe ewōr juon an Anij jerbal n̄an Josep Smith n̄an kōm̧m̧ane—jemaron̄ reilikļo̧k n̄an mour eo an im lo alikkar in ta eo ekar kōttōprake. Ak kwonan̄in ke kar ļōmņak bwe ewōr juon an Anij jerbal n̄an kwe barāinwōt? Ilo ami ritii Josep Smith—Bwebwenato 1:27–33, ļōmņak kōn ta eo me jerbal in emaron̄ in. Ekōjkan an letok jipan̄ n̄an Jepaļaaktok eo ej wōnm̧aanļo̧k wōt an gospel eo an Rilo̧mo̧o̧r?

Elder Gary E. Stevenson ekar kwaļo̧k: “Ilo ad itok n̄an Kraist im jipan̄ ro jet kōm̧m̧ane ejja āinwōt, jej bōk koņaad ilo jerbal in lo̧mo̧o̧r eo im mour āinwōt Anij, eo ej pedped wōt ioon eddo ko kar kappeik rekwojarjar. … Eddo kein reļem waan, kaim̧we, kōm̧weiur, im pidodo kōm̧m̧ani. Erkein rej:

• Mour kōn gospel eo an Jisōs Kraist

• Jipan̄ armej ro rej pād ilo aikuj

• Kūr aolep n̄an bōk gospel eo

• Kakobaik baam̧le ko n̄an indeeo” (“Lukkuun Aiboojoj—Eļem Waan An Aiboojoj,” Liaona, Nob 2021, 47).

Kejekļo̧kjeņ kōn en̄jake ko kwar bōk kuņam̧ ie ilo kajjojo iaan eddo kein rekwojarjar kar kappeik. Ta eo Rilo̧mo̧o̧r enaaj kōm̧m̧ane bwe kwon kōm̧m̧ane eo tok juon? Ewōr juon peij in Unin Kōnono ko im Kajjitōk ko n̄an kajjojo eddo kein (lale “Jerbal eo Ad ilo Jerbal in Lo̧mo̧o̧r eo an Anij im Mour Ijo Ilōn̄tata,” Gospel Library eo). Kwomaron̄ etale peij kein n̄an jipan̄ eok uwaake kajjitōk in.

Jet iien kwomaron̄ en̄jake āinwōt n̄e Irooj ejjab maron̄ kōjerbal eok kōn wōt bōd ko kwar kōm̧m̧ani. Ta eo kwoj katak jān en̄jake in an Josep Smith ilo Josep Smith—Bwebwenato 1:28–29? Ekōjkan am̧ maron̄ jeļā “jekjekūm̧ im̧aan [Anij]”?

Kajjitōk kajjitōk ko me ekōketak kōnono ko eļap meļeļeir. Kajjitōk ko me elōnļo̧k jān juon aer uwaak jim̧we kūr rikatōk ro n̄an uwaak ekkar n̄an ļōmņak ko aer make, en̄jaake ko aer, im jeļā ko aer. Kajjitōk ko ilo unin tōl in rej waanjon̄ak ko an menin.

Bar lale “Youth Responsibility in the Work of Salvation” (pija in alooj eo), ChurchofJesusChrist.org; “Jerbal in Lo̧mo̧o̧r im Mour Ijo Ilōn̄tata,” Bok in Bōk Meļeļe Eļap, 1.2.

Youth Responsibility in the Work of Salvation

Elder Bednar wants the youth to recognize that recent adjustments to Young Women classes and Aaronic Priesthood quorums give them operational and executional responsibility in the work of salvation. When the youth are focused, miracles will come.

Josep Smith—Bwebwenato 1:34–47

N̄an kōjepļaaktok gospel eo An, Rilo̧mo̧o̧r eo ekar kakūrm̧ool naan in kanaan ko etto.

Ke Moronai ekar waļo̧kļo̧k n̄an Josep Smith, ekar kout jejjo naan in kanaan ko an Kallim̧ur M̧okta, ko āinwōt Aiseia 11; Jerbal 3:22–23; im Joel 2:28–32. Ilo ami riiti Josep Smith—Bwebwenato 1:34–47, ļōmņake etke naan in kanaan kein remaron̄ in kar aorōk n̄an Josep n̄an an jeļā. Etke raorōk bwe kwon jeļā?

Kwomaron̄ bar riiti ta eo Elder David A. Bednar ekar katakin kōn loļo̧k eo jinoin tata an Moronai n̄an Josep Smith ilo “Kōn Kajoor in Anij ilo Aiboojoj Eļap” (Liaona, Nob. 2021, 28).

Kōn Kajoor in Anij ilo Aiboojoj Eļap

Elder Bednar ej katakin ke n̄e jej kōjparok bujen ko ad ej jipan̄ kōj bōk kajoor eo an dikanij ilo mour ko ad.

Bar lale “An Angel from on High,” Hymns, nō. 13.

Josep Smith—Bwebwenato 1:48–60

Anij enaaj kōpooj eō n̄an jerbal ilo aelōn̄ in kiin̄ eo An.

Josep ekar 17 wōt iiō dettan ke ekar lo pileij gold ko jinoin tata. Raar jab pojak n̄an leļo̧k ium̧win kōjparok eo an, ijo wōt ke, m̧ae emen iiō ko tokālik. Riiti Josep Smith—Bwebwenato 1:48–60, pukōt ta eo ekar waļo̧k ilo mour eo an Josep ilo tōre jab in. Ekōjkan am̧ ļōmņake iien kein raar kōpooj e n̄an jerbal eo Anij ekar kūr e n̄an kōm̧m̧ane? Ta en̄jake ko ekar wōr ippam̧ me raar kōpooj eok n̄an jerbal n̄an Anij im ro jet? Ta en̄jake eo am̧ kiiō me emaron̄ jipan̄ eok pojak n̄an jerbal in jipan̄ eo ilju im jekļaj?

Hill Cumorah, jān Al Rounds

Katak im Bujen Ko 2

Irooj eaar jilkintok Ilijah n̄an ukōt būruwō n̄an ro jibū im jim̧m̧aō.

Ta eo naan ko āinwōt “katōk,” “bōro ko,” im “ukōt” ilo jekjeņ in ej katakin eok kōn mijen eo an Ilijah im kōjeram̧m̧an ko an kii ko an priesthood me rekar jepļaaktok? Em̧ōj ke am̧ kar en̄jake an būruōm̧ oktakļo̧k n̄an ro rūtto ro am̧? Ļōmņaki wāween ko kwomaron̄ emakijkij iooni kōn en̄jake rōt kein. Kappukōt rūtto ro am̧ im kōm̧m̧ani kain̄i ko n̄an er ilo tampeļ ej juon wāween (lale FamilySearch.org). Ta ko jet kwomaron̄ ļōmņak kaki?

Bar lale Katak im Bujen Ko 110:13–16; Gerrit W. Gong, “Mōņōņō eo Indeeo,” Liaona, Nob. 2022, 83–86.

N̄an elōn̄ļo̧k ļōmņak ko, lale ennaan eo an allōn̄ in an Liaona eo im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Josep Smith—Bwebwenato 1:28–29

Imaron̄ ukweļo̧k im jeorļo̧k bōd.

• Jet iien jej aolep en̄jake “eddo eo jān m̧ōjņo̧ eo im jab weeppān ko [ad],” āinwōt kar Josep Smith. Kwe im ajri o nejūm maron̄ ekkatak Josep Smith—Bwebwenato 1:29 ippān doon, kappukōt ta eo Josep ekar kōm̧m̧ane ke ekar en̄jake wāween jab in. Ta eo jemaron̄ katak jān wanjon̄ak eo an me emaron̄ jipan̄ kōj n̄e jej kōmm̧an bōd? Etke eaorōk n̄an jeļā bwe Josep ekar kūr jān Anij jekdo̧o̧n men̄e ekar jab weppāān?

Josep Smith—Bwebwenato 1:27–54

Jemedwōj Ilan̄ eaar kūr Josep Smith n̄an jipan̄ E kōmm̧ane jerbal eo An.

• Ajri ro nejūm̧ remaron̄ m̧ōņōņō n̄an etan ke er Josep Smith ilo am̧ jiron̄ er bwebwenato eo kōn loļo̧k ko an Moronai ilo Joseph Smith—Bwebwenato 1:27–54 ak “Jepta 3: Enjeļ Moronai im Pileij Gold ko” (ilo Bwebwenato ko an Katak im Bujen Ko, 13–17, ak pija eo ilo Gospel Library eo). N̄an waanjon̄ak, remaron̄ nukuj peier āinwōt n̄e rej jar ak etan ke rej tallōn̄e Bat Cumorah, im ko eierļo̧k. Innām kwomaron̄ kajjitōk ippāer n̄an kōnono kōn ta eo Anij ekar kūr Josep Smith n̄an kōm̧m̧ane im ekōjkan ad jeraam̧m̧an āinwōt juon tōprak. N̄an waanjon̄ak, ekōjkan ad kar jeraam̧m̧an kōnke Josep Smith ekar ukōt Bok in Mormon? Ekōjkan an kar jerbal eo an jipan̄ kōj epaakeļo̧k Jemedwōj Ilan̄ im Jisōs Kraist?

Katak im Bujen Ko 2

Jemedwōj Ilan̄ ekōņaan bwe baam̧le ko ren liāp ilo tampeļ.

• Bōlen kwe im ajri ro nejūm̧ kom̧ij m̧ōņōņō in lale jet pija in baam̧le eo ami, emaron̄ koba juon pija in baam̧le eo ami ilo juon tampeļ (ak lale Bok in Gospel Pija, nō. 120). Innām kwomaron̄ riiti Katak im Bujen Ko 2 im kwaļo̧k n̄an doon ļōmņak ko ami etke ewōr ad tampeļ im etke Jemedwōj Ilan̄ ej kōņaan bwe baam̧le ko ren ippān doon n̄an indeeo. Ļōmņak in al ippān doon “Families Can Be Together Forever” (Children’s Songbook, 188). Ta eo al in ej ba jemaron̄ kōm̧m̧ane n̄an pād ippān baam̧le eo ad indeeo?

Palmyra New York Tampeļ

Katak im Bujen Ko 2

Ekkatak kōn ro jibū im jim̧m̧aō ebōktok n̄an eō lan̄lōn̄.

• Ajri ro remaron̄ erom itok limo kake im en̄jake lan̄lōn̄ kōn menmenbwij eo an baam̧le. N̄an jipan̄ er, kom̧ maron̄ kwaļo̧k bwebwenato ko ak pija ko an rūtto ro am̧. Kōnono ippān ajri ro nejūm̧ kōn ta eo mour ekar āinwōt n̄an rūtto ro aer ke raar ajri. Ajri ro nejūm̧ remaron̄ barāinwōt m̧ōņōņō kōn jet iaan m̧akūtkūt in menmenbwij ko an baam̧le ilo FamilySearch.org/discovery.

N̄an elōn̄ļo̧k ļōmņak ko, lale ennaan eo an allōn̄ in ilo Jera māākjin eo.

Josep ej Bōk Pileij ko, jān Gary E. Smith