Firikgong 6–12: “Reetsang. Ao Lona Batho”

Dithuto le Dikgolagano 1

Ka Ngwanatsele 1831, Kereke e e tsosolisitsweng ya ga Jeso Keresete e ne e na fela le ngwaga le sephatlo. Le fa gone e ntse e gola, e ne e santse e le setlhopha sa badumedi se se itsiweng go le gonnye se se nnang mo ditoropong tse dinnye, e eteletswe pele ke moperofeti a le mo dingwageng tse di magareng ga masome a mabedi. Mme Modimo o ne a elatlhoko badumedi ba go nna batlhanka ba Gagwe le barongwa ba Gagwe, mme O ne a batla ditshenolo tse A neng a di ba neetse go anamisiwa mo lefatsheng.

Dithuto le Dikgolagano kgaoloa1 ke ketapele ya Morena, kgotsa tshimolodiso, ya ditshenolo tsena. E supa go bonala gore le fa boloko jwa Kereke bo ne bo le bonnye, go ne go sena sepe se sennye ka molaetsa o Modimo a neng a batla Baitshepi ba Gagwe ba o abelana. Ke “lentswe la tlhagiso” go botlhe “banni ba lefatshe,” le ba ruta go ikwatlhaya le go tlhomamisa “dikgolagano tsa bosenang khutlo” tsa Modimo (ditemana 4, 8, 22). Batlhanka ba tshotse molaetsa o ke “ba ba bokoa le bori.” Mme batlhanka ba ba boikokobetso ke seo fela se Modimo a se ba biletsang—ke gone le jaanong—go tlisa Kereke ya Gagwe “go tswa mo bofitlheng le mo lefifing” (ditemana 23, 30).

Megopolo ya go Ithuta kwa Gae le kwa Kerekeng

Dithuto le Dikgolagano 1

“Reetsang, Ao lona Batho.”

Ketapele e simolodisa buka. E supa molaetsa wa buka le maikaelelo mme e thusa babadi go ipaakanyetsa go bala. Jaaka o bala kagaolo 1—“ketapele” ya Morena go Dithuto le Dikgolagano (temana 6)—batla melaetsa le maikaelelo tse Morena a di neetse mo ditshenolong tsa Gagwe. O ithuta eng seo se se ka go thusang mo ithuthuntshong ya gago ya Dithuto le Dikgolagano mo ngwageng o? Sekai, o ka tlhatlhanya gore go raya eng go “utlwa lentswe la Morena mo ditshenolong tsena (temana 14) kgotsa go hutsa ditaelo tsena” (temana 37).

Bona le gone ketapele ya Dithuto le Dikgolagano.

Dithuto le Dikgolagano 1:4–6, 23–24, 37–39

Morena o bua ka batlhanka ba Gagwe, go akaretsa le baperofeti ba malatsi a bofelo.

Kgaolo 1 e simolola le go khutla ka kitsiso ya Morena gore O bua ka batlhanka ba Gagwe ba a itlhophetseng ( bona ditemana 4–6, 23–24, 38). Kwala se o se ithuta mo tshenolong e ka:

• Morena le lentswe la Gagwe.

• Ke eng baperofeti ba tlhokega mo malatsing a rona.

O ikutlwa o tlhotlheletsega go dira eng ele maduo a se o se fitlhelang?

O kile wa utlwa lentswe la Morena leng ka lentswe la batlhanka ba Gagwe? (Bona temana 38)

O ka akanyetsa gore tsala yo o sa itseng ka baperofeti ba ba tshelang o bala kgaolao 1 le wena. Ke dife dipotso tse tsala ya gago e ka nnang le tsone? Ke ditemana dife tse o ka batlang go buisana ka tsone le tsala ya gago go mo thusa go tlhaloganya ka fa o ikutlwang ka teng go nna le baperofeti mo malatsing a rona?

O ka nna wa kgatlhegela go itse gore fa lekgotla la bagolwane le kopana ka 1831 go bua ka go anamisa ditshenolo tsa ga Joseph Smith, batho bangwe ba ne ba le kgatlhanong le mogopolo. Ba ne ba tlhabisiwa ditlhong ke bokoa jwa ga Joseph jwa go kwala, mme ba ne ba tshwenyegile gore go anamisa ditshenolo go ka direla Baitshepi mathata a mantsi (bona Saints, 1:140–43). Fa o ne o le leloko la lekgotla le, o kabo o rarabolotse jang matshwenyego a? Ke ditshedimosetso dife tse o di bonang mo kgaolo 1 tse di kabo di thusitse? (Bona, sekai, temana 6, 24, 38).

Akanyetsa go akaretsa sefela jaaka “Come, Listen to a Prophet’s Voice” (Hymns, no. 21) mo ithuthuntshong ya gago le kobamelo. Batla diele mo sefeleng tse di go rutang melawana e e tshwanang jaaka ditemana mo kgaolo 1.

Bona le gone Topics and Questions, “Prophets,” Gospel Library.

Morena o bua le rona ka batlhanka ba Gagwe, baperofeti.

Dithuto le Dikgolagano 1:12–30, 34–36

Tsosoloso e nthusa go lebagana le dikgwetlho tsa malatsi a bofelo.

Mo Dithuto le Dikgolagano kgaolo 1, Morena o tlhalosa gore ke eng a tsosolositse efangele ya Gagwe. Bona gore ke mabaka a le kae a o ka a nankolang jaaka o bala ditemana 12–23. Mo maitemogelong a gago, maikaelelo a Morena a tsosoloso a diragadiwa jang?

Morena o ne a itse gore malatsi a rona a tlaa nna le dikgwetlho tse dikgolo (bona temana 17). O bona eng mo ditemaneng 17–30, 34–36 se se go thusang go utlwa kagiso le go itshepha go sa kgathelesege dikgwetlhong tsena?

Bona le gone Russell M. Nelson, “Embrace the Future with Faith,” Liahona, Ngwanatsele. 2020, 73–76.

Dithuto le Dikgolagano 1:19–28

Morena o dirisa “ba ba bokowa le bori” go diragatsa tiro ya Gagwe.

Jaaka o bala Dithuto le Dikgolagano 1:19–28, o ka tlhatlhanya gore go raya eng go nna motlhanka wa Morena. Ke mekgwa efe e Morena a batlang batlhanka ba Gagwe ba nna le yone? Ke eng se Morena a se fitlhelelang ka batlhanka ba Gagwe? Diperofeso tse di mo ditemaneng tse di diragadiwa jang go ya ka lefatshe lotlhe le mo botshelong jwa gago?

Batla Jeso Keresete. Maikaelela a dikwalo ke go paka ka Mmoloki efangele ya Gagwe. Jaaka o bala Dithuto le Dikgolagano 1, akanyetsa go tshwaya kgotsa go kwala ditemana tse di rutang sengwe ka ga Jeso Keresete.

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 1: 4, 37–39

Ka baperofeti ba Gagwe, Morena o ntlhagisa ka diphatsa tsa semowa.

• Go simolola puisano ka ditlhagiso go tswa mo Moreneng, o ka bua ka ditlhagiso tse re di amogelang mo bathong ba bangwe ka diphatsa tse re sa di boneng. Dikai dingwe di ka akaretsa bodilo jo bo reledisang, matsubutsubu a a tlang, kgotsa koloi e e tlang. Gongwe wena le bana ba gago le ka leba dikai tsa ditshupo tsa tlhagiso mme le tshwantshanye ditlhagiso tsena le ditlhagiso tse Morena a re di neelang. Go ya ka Dithuto le Dikgolagano 1:4, 37–39, Morena o re tlhagisa jang? O re tlhagisitse ka eng mo bosheng? Gongwe o ka lebelela kgotsa wa bala dikarolo tsa melaetsa ya khonforence ya kakaretso ya bosheng mme wa batla dikai tsa “lentswe la tlhagiso” la Modimo.

• Opelang mmogo pina ka baperofeti, jaaka temana ya bofelo ya “Follow the Prophet” (Children’s Songbook, 111). Abelana bopaki jwa gago jwa gore moperofeti o bua lefoko la Modimo.

Dithuto le Dikgolagano 1:17

Tsosoloso e nthusa go lebagana le dikgwetlho tsa malatsi a bofelo.

• Go rotloetsa puisano ka Dithuto le Dikgolagano 1:17, wena le bana ba gago lo ka akanyetsa gore lo ipaakanyetsa loeto. Lo tlaa paka eng? Fa o ne o itsile go le pele gore pula e tlaa ana kgotsa gore koloi ya gago kgotsa base e tlaa phofa leotwana, seo se ne se tlaa go ama jang tsela e o ipaakanyeditseng loeto ka yone? Balang mmogo temana 17, mme le bue ka ga se Morena a neng a itse gore se tlaa re diragalela. O ne A se ipaakanyeditse jang? (Fa go tlhokega, tlhaolosa gore “petso” ke tshenyegelo kgotsa selo se se boitshegang.) Ditaelo tsa Modimo di re thusa jang go itebaganya le dikgwetlho tsa motlha wa rona?

Dithuto le Dikgolagano 1:17, 29

Morena o beditswe Joseph Smith go nna moperofeti.

• Go ithuta ka tiro ya ga Joseph Smith mo go tsosoloseng efangele ya Mmoloki, wena le bana ba gago le ka leba setshwantsho sa Mmoloki le setshwantsho sa ga Joseph Smith (bona setshwantsho mo tshobokong e) mme le bue ka se Mmoloki a se re neetseng ka Joseph Smith. Bana ba gago ba batla dikai mo Dithuto le Dikgolagano 1:17, 29. Bolelela bana ba gago ka fa o itseng ka teng gore Modimo “ ka bitsa motlhanka wa me Joseph Smith,Jun., mme ka bua le ene go tswa kwa legodimong”(temana 17).

© 1998 David Lindsley

Dithuto le Dikgolagano 1:30

Kereke ya ga Jeso Keresete ya Baitshepi ba Malatsi a Bofelo ke Kereke ya “boammaruri le e e tshedileng” ya Morena.

• Go raya eng go re Kereke e “boammaaruri mme e tshedile”? Go dira gore bana ba gago ba akanye ka potso e, gongwe o ka ba bontsha dilo tse di tshelang le tse di sa tsheleng—jaaka setlhatshana se se tshelang le setlhatshana se se suleng. Re itse jang gore selo se tshedile? Ke gone lo ka bala Dithuto le Dikgolagano 1:30 mme le bue ka gore go rayang gore Kereke “ e boammaaruri ebile e tshedile.”

Ka ga megopolo e mentsi, bona kgatiso ya kgwedi e ya Friend makasine.

Beside Still Waters, ka Simon Dewey