“Mantswe a Tsosoloso: Lelwapa la ga Joseph Smith,” Tlayang, Ntshalang Morago—Ya Legae le Kereke: Dithuto le Dikgolagano 2025 (2025)
“Lelwapa la ga Joseph Smith,” Tlayang, Ntshalang Morago—Ya Legae le Kereke: Dithuto le Dikgolagano 2025
Mantswe a tsosoloso
Lelwapa la ga Joseph Smith
Rotlhe re amiwa thata ke botshelo jwa lelwapa la rona, mme le Joseph Smith o ne a sa farologane. Dilo tse batsadi ba gagwe ba neng ba di dumela le tse ba neng ba di dira mo bodumeding jwa bone di ne tsa jwala dipeo tsa tumelo e e neng ya dira gore go nne le Tsosologo. Jenale ya ga Joseph e gatisitse mafoko a: “Mafoko le puo [ga] di a lekana go tlhalosa malebogo a ke a kolotang Modimo ka go nneela botsadi jo bo tlotlegang.”
Dikinolo tse di latelang go tswa go mmaagwe, Lucy Mack Smith; morwarraagwe William Smith; le Moporofeti ka boene di re neela matlhasedi a thotloetso ya bodumedi mo legaeng la ga Smith.
Lelwapa la ga Joseph Smith, ka Dan Baxter
Lucy Mack Smith
“[E ka nna1802], Ke ne ke lwala. … Ke ne ka re, ga ke a ipaakanyetsa go swa gonne ga ke itse ditsela tsa ga Keresete, mme go ne go lebega mo go nna jaaka ekete go na le bontsho le bonosi fa gare ga me le Keresete jo Ke neng ke sa leke go bo tlola. …
“Ke ne ka leba go Morena mme ka lopa Morena gore o ka boloka botshelo jwa me gore Ke ka godisa bo ngwanake le go gomotsa pelo ya monna wa me; jaana Ke ne ke robala bosigo jotlhe. … Ka golagana le Modimo [gore] fa a ka ntetla gore ke tshele Ke ka dira gotlhe go amogela tumelo e e tlaa ntetlang go mo direla sentle, gore a go mo Baebeleng kgotsa gongwe fela kwa e ka bonwang, le fa e ne e ka amogelwa go tswa legodimong ka thapelo le tumelo. Kwa bofelong lentswe la bua le nna mme la re, ‘Batla mme o tlaa bona, kokota mme o tlaa bulelwa. A pelo ya gago e gomodiwe. O dumela mo Modimong, dumela le mo go nna. …
“Go tswa ka nako e go ya pele ka amogela nonofo go ya pele. Ke ne ke sa bue thata ka setlhogo sa bodumedi le ntswa se ne se nna se le mo tlhaloganyong ya me, mme ke ne ke akanya gore ke tlaa tlhagafala fa ke ka kgona go batla motho yo o ineetseng yo o itseng ditsela tsa Modimo go nkaela mo dilong tsa Legodimo.”
William Smith
“Mme wa me, yoo e neng e le mosadi yo o ineetseng e bile a kgatlhegela botshelo jwa bana ba gagwe, gotlhe fa le morago ga fa, o ne a dirisa gotlhe mo lorato la botsadi le neng le go gopolela, go re tlhagafaletsa go batla poloko ya mewa ya rona, kgotsa (jaaka lefoko leno leno le ne le bidiwa ka nako eo) ‘mo go nneng le bodumedi.’ O ne a kgona gore re tsenele kopano, mme e ka nna lelwapa lotlhe le ne le kgatlhegela seemo se, le babatli ba boammaaruri.”
“Ka metlha re ne re nna le thapelo ya lelwapa jaaka nka gakologelwa. Ke gakologelwa sentle Rre o ne a tshola digalase tsa matlho mo kgwatlheng ya baki, … mme fa rona basimane re bona a fopholetsa digalase tsa matlho, re ne re itse gore ke sesupo sa go ipaakanyetsa thapelo, fa re sa lemoge mme o tla bo a re, ‘William,’ kgotsa mongwe fela yo o tla bong a itlhokomolosa, ‘ipaakanyetse thapelo.’ Morago ga thapelo re ne re na le pina e re neng re e opela.”
Joseph Sr le Lucy Smith ba ne ba rutile lelwapa lwa bone go ithutuntsha dikwalo tse di boitshepo.
Joseph Smith
“Jaanong ka re, [rre] ga a ise a dire sepe se se iseng se gake, mo botshelong jwa gagwe, mo kitsong ya me. Ke ne re rata rre le kgopolo ya gagwe, le kgopolo ya ditiro tsa gagwe tse dintle, tse di kgolo thata mo tlhaloganyong ya me; le bontsi jwa mafoko a mantle le botsadi mo go nna, a kwadilwe mo pelong ya me. Mo go boitshepo mo go nna, ke dikakanyo tse di otlang tsa ditso tsa botshelo jwa gagwe, tse di mo tlhaloganyong ya me mme di jwetse koo, ka go lebelela ga me e sa le ke tsholwa. … Mme le gone o ne a siame, le botlhe bomme ba ba siameng thata.”