Sedimonthole 30–Firikgong 5: “Tsosoloso e e Solofeditsweng e Tswelela Pela”

Tsosoloso ya Efangele ka Botlalo ya ga Jeso Keresete

O ipelela jang segopotso sa bo 200 sa tiragalo e e fetotseng lefatshe? Se ke potso e Boporesidente jwa Ntlha le Khoramo ya Baaposetole ba ba Lesome le Bobedi ba e akanyeditseng jaaka Moranang 2020 a atamela, go tshwaya dingwaga tse 200 e sale Ponatshegelo ya Ntlha ya ga Joseph Smith. “Re ne re ipotsa gore a go tshwanetse ga agiwa sefikantswe, Poresidente Russell M. Nelson a gopola. “Mme jaaka re akanya ditso tse di kgethegileng le bokao jwa boditšhabatšhaba ya Ponatshegelo eo ya Ntlha, re ne ra tlhotlheletsega go aga sefikantswe se se sa diriwang ka mmabole kgotsa letlapa mme ka mafoko … , mme e seng go kwalelwa mo ‘ditafoleng tsa letlapa’ fela go kwalwa mo ‘ditafoleng tsa nama’ tsa dipelo tsa rona [2 Bakorintha 3:3]” (“Hear Him,” Liahona, May 2020, 90).

Sefikantswe sa mafoko se ba se bopilweng se na le setlhogo se “The Restoration of the Fulness of the Gospel of Jesus Christ: A Bicentennial Proclamation to the World.” Ke sefikantswe e seng fela sa Ponatshegelo ya Ntlha mme gape le mo go sengwe le sengwe se Jeso Keresete a se dirileng—le se a santseng a se dira—fa e sa le ka nako eo. Tsosoloso ya efangele ya Gagwe e simolotse fa motho a le mongwe a fetogela go Modimo mme a Mo utlwa. E tswelela ka tsela e e tshwanang, pelo e le nngwe, maitemogelo a a boitshepo a le mangwe ka nako—go akaretsa a gago.

Megopolo ya go Ithuta kwa Gae le kwa Kerekeng

“Modimo o rata bana ba Gagwe mo setšhabeng senngwe le senngwe sa lefatshe.”

Go ya ka wena, ke ka ntlha ya eng fa kgoeletso semmuso ka Tsosoloso e simolola ka molaetsa wa lorato la Modimo? Jaaka o ithutuntsha kgoeletso semmuso, lebelela ditlhaloso tsa lorato la Modimo go “bana ba Gagwe mo setšhabeng sengwe le sengwe sa lefatshe.” Tsosoloso ya efangele e go thusitse jang go utlwa lorato lwa Gagwe?

Bona gape Gerrit W. Gong, “All Nations, Kindreds, and Tongues,” Liahona, Nov. 2020, 38–41.

Tsosoloso e simolotse ka karabo ya potso.

Go ka buiwa gore Mmoloki o simolotse Tsosoloso ya efangele ya Gagwe ka go araba potso. Ke molaetsa ofe o o utlwang gore Restoration proclamation e na le one go motho yo a nang le dipotso ka ga Modimo, efangele, kgotsa “poloko ya mowa wa gagwe”? Gape o ka nna wa ithutuntsha Joseph Smith—Ditso 1:5–20 go bona gore o ka ithuta eng go tswa mo go Joseph Smith ka go batla dikarabo go dipotso tsa efangele.

Bona gape Topics and Questions, “Seeking Answers,” Gospel Library.

Dintlha go tswa The Desires of My Heart, ka Walter Rane

Jeso Keresete o tsosolositse Kereke ya Gagwe.

O itseng ka “Kereke ya ga Keresete ya Kgolagano e Ntšha” eo Mmoloki a e tsosolositseng ka Joseph Smith? Akanya ka go ithutuntsha dikwalo tse tse di boitshepo mme o nankole dintlha dingwe tsa Kereke ya Gagwe:

• Mathaio 16:15–19

• Mareko 16:15–18

• Luke 6:12–13

• Ditiro 4:34–35

• 1 Bakorintha 15:29

• Baefeso 4:11–15

Mo go latelang, o ka tshwantshanya dikwalo tse di boitshepo tse di fa godimo le tse di fa tlase, tse di tlhalosang ka fa Jeso Keresete a tsosolositseng dintlha tseo tsa Kereke ya Gagwe ka Joseph Smith:

• Dithuto le Dikgolagano 18:37–38; 107:23–24

• Dithuto le Dikgolagano 51:3; 70:14

• Dithuto le Dikgolagano 84:64–72

• Dithuto le Dikgolagano 110:11–16

• Dithuto le Dikgolagano 124:31, 36

• Mekwalwana ya Tumelo 1:6

Ke eng o lebogela Tsosoloso ya Efangele ya ga Jeso Keresete?

Mogolwane Jeffrey R. Holland le mosadi wa gagwe ka nako nngwe ba ne ba leka go akanya gore ba ne ba ka ikutlwa jang fa ba ka bo ba ne ba tshela pele ga Kereke e tsosoloswa. “Re eletsa gore re ka bo re na le eng?’ ba ipotsa. Bala ka maitemogelo a bone mo go “A Perfect Brightness of Hope” (Liahona, May 2020, 81–82). Tsosoloso e thusitse jang go diragatsa ditsholofelo tsa gago tsa semowa?

Bona gape Topics and Questions, “Apostasy and the Restoration of the Gospel,” Gospel Library.

“Tsosoloso e e Solofeditsweng e tswelela pele”

A o kile wa akanya ka wena o le karolo ya Tsosoloso ya efangele? Akanya ka mafoko a go tswa go Poresidente Dieter F. Uchtdorf: “Nako tse dingwe re akanya ka Tsosoloso ya efangele jaaka sengwe se se feletseng, se setse se fetile. … Ka boammaaruri, Tsosoloso ke tsamaiso e e tsweletseng, re tshela mo go yone gone jaanong” (“Are You Sleeping through the Restoration?,” Liahona, May 2014, 59).

Jaaka o ipaakanyetsa go ithutuntsha ka fa efangele e tsosolositsweng ka teng mo go bo 1800, o ka simolola ka go akanya ka fa e tsosolositsweng ka teng mo botshelong jwa gago. Bala Restoration proclamation ka dipotso jaaka tse di mo tlhaloganyong: Ke itsile jang gore se ke boammaaruri? Ke tsaya karolo jang mo Tsosolosong gompieno?

“Magodimo a bulegile.”

Polelwana e e reng “magodimo a bulegile” e raya eng mo go wena? O bona bosupi jo bo feng—mo go Restoration proclamation, mo Kerekeng gompieno, mo dikwalong tse di boitshepo, le mo botshelong jwa gago—gore e le ruri magodimo a bulegile?

Gape o ka akaretsa “The Morning Breaks” (Hymns, no. 1) jaaka karolo ya ithutuntsho ya gago. O bona eng mo sefeleng se se tlaleletsang gore o tlhaloganye polelwana “ magodimo a bulegile”?

Bona gape Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, May 2020, 96–100.

Ithuteng mmogo. Poresidente Nelson o re laleditse go “ithutuntsha [kgoeletso semmuso ya Tsosoloso] ka borona le maloko a lelwapa a [rona] le ditsala” (“Hear Him,” 92). Akanya ka fa o ka akaretsang ba bangwe mo go ithutuntsheng ga gago.

Ka ga megopolo e mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

“Re goeletsa ka bongwefela.”

• Jaaka o bala dikarolo tsa Restoration proclamation le bana ba gago (kgotsa o lebelele setshwantsho sa motsikinyego sa ga Poresidente Nelson a e bala), ba thuse go batla dipolelwana tse di simololang jaaka “re anamisa,” “re bolela,” kgotsa “re paka.” Ke boammaaruri bofe jo baperofeti ba rona le baaposetole ba bo bolelang? Gongwe wena le bana ba gago lo ka abelana bopaki jwa lona jwa boammaaruri jo bo tshwanang.

  The Restoration of the Fulness of the Gospel of Jesus Christ

  President Russell M. Nelson, with the First Presidency and Quorum of the Twelve Apostles, makes a bicentennial proclamation on The Restoration of the Fulness of the Gospel of Jesus Christ.

“Joseph Smith … o ne a na le dipotso.”

• Go ka kgatlha bana ba gago go atolosa dingwe tsa dipotso tse Joseph Smith a neng ana le tsone tse di mo gogetseng go Tsosoloso ya efangele ya Mmoloki. Ba thuse go bona dingwe tsa dikai mo go Joseph Smith—Ditso 1:10, 29, 68. Re segofetse jang gompieno gonne Modimo o arabile dipotso tsa ga Joseph Smith?

• Le gone o ka neela bana ba gago tshono ya go bua ka ga dipotso tse ba nang le tsone. Re ithuta eng mo go Joseph Smith ka go batla dikarabo? (bona Joseph Smith—Ditso 1:8–17; bona gape le ditemana 3 and 4 tsa “This Is My Beloved Son,” Children’s Songbook, 76).

“Barongwa ba Legodimo ba tla go laela Joseph.”

• Ke bomang “Barongwa ba Legodimo ba ba tlileng go laela Joseph.”? Bana ba gago ba ka itumelela go batla ditshwantsho tsa bone mo go Gospel Art Book (bona nomore. 91, 93, 94, 95). Barongwa ba ka bongwe ba thusitse jang go “tsosolosa gape Kereke ya ga Jeso Keresete”? Dikwalo tse di boitshepo di gopoletse mo bekeng e activity page ka fa o ka thusang bana ba gago go araba potso e.

Jeso Keresete o tsosolositse Kereke ya Gagwe.

• O ka thusa bana ba gago jang go tlhaloganya gore go raya eng gore Kereke ya Mmoloki e tsosolotswe? Gongwe ba ka aga tora e e motlhofo ka diboloko kgotsa dikopi mme ba e “tsosolose” kgotsa ba e age, gape. Kgotsa, fa bana ba gago ka gongwe ba kile ba busetsa sengwe ka ntlha ya gore se latlhegile kgotsa se senyegile, o ka tshwantshanya maitemogelo ao le a mmoloki a tsosolosa Kereke ya Gagwe. Ba thuse go batla dilo tse dirileng tse di umakilweng mo go Restoration proclamation e mmoloki o e tsosolositseng.

“Magodimo a bulegile.”

• Go supa se polelwana “magodimo a bulegile” a se rayang, gongwe o ka abelana molaetsa le bana ba gago, lantlha kwa morago ga kgoro e e tswetsweng mme ke gone ka kgoro e e butsweng. A ba tlhatlologane ba abelana molaetsa le bone. Jeso Keresete o na le melaetse efe go rona? Ke maitemogelo a fe a re thusitseng go itse gore magodimo a re buletswe?

Ka megopolo e mentsi, bona kgatiso ya kgwedi e ya Friend makasine.