Dintlha go tswa go He Called Me by Name, ka Michael Malm

Firikgong 20–26: “Dipelo tsa Bana di Tla Sokologela kwa go tsa Borraabone”

Dithuto le Dikgolagano 2; Joseph Smith—Ditso 1:27–65

E ne e le dingwaga tse tharo e sale Modimo Rara le Morwa wa Gagwe, Jeso Keresete, ba iponatsa go Joseph Smith mo sekgweng, mme Joseph o ne a ise a amogele ditshenolo tse di tlalaletsang e sa le jalo. A simolola go gakgamala gore a gongwe Morena ga a mo itumelela. Jaaka rona rotlhe, o dirile diphoso, mme o ne a ikutlwa ekete di a mo sekisa. Le fa gontse jalo Modimo o ne a santse ana le tiro e a neng a tshwanetse go e dira. Mme tiro e Joseph a bileditsweng go e dira e golagane le e Modimo a e lopang mo go rona. Joseph o tla tlisa Buka ya ga Momone; re lalediwa go abelana molaetsa wa yone. Joseph one a tla amogela dilotlele tsa boperesiti go sokololela dipelo tsa bana go tsa borrabone; jaanong re ka amogela ditao tsa bagologolo ba rona mo ditempeleng. Joseph o ne a bolelelwa ka diperofeto tse ka bonako di neng di tla tloga di diragadiwa, re biditswe go thusa go diragatsa diporofeto tseo. Jaaka re tsaya karolo mo tirong ya Modimo, re ka solofela go lebagana le kganetso le pogisego fela jaaka go diragaletse Moperofeti. Mme le gone re ka nna le tumelo gore Morena o tla re dira di dirisiwa mo diatleng tsa Gagwe, fela jaaka a diretse Joseph.

Bona gape Saints, 1:20–48.

Megopolo ya go Ithuta kwa Gae le kwa Kerekeng

Joseph Smith—Ditso 1:27–33

Modimo o na le tiro e ke tshwanetseng go e dira.

Ke selo se le sengwe go dumela gore Modimo o na le tiro e Joseph Smith a tshwanetseng go e dira—re ka lebelela kwa morago mo botshelong jwa gagwe mme re bone sentle se a se dirileng. Fela a o kile wa akanya gore Modimo o na le tiro e o tshwanetseng go e dira? Jaaka o bala Joseph Smith—Ditso 1:27–33, akanya gore e ka nna tiro efe. E ka thusa jang go Tsosoloso ya efangele ya Mmoloki e e tsweletseng?

Mogolwane Gary E. Stevenson o rutile: “jaaka fa re tla go Keresete le go thusa ba bangwe go dira mo go tshwanang, re tsaya karolo mo tirong ya Modimo ya poloko le ya kgalalelo ya bosakhutleng, e e itebagantseng le thomo ya selegodimo ya maikarabelo a rona. … Maikarabelo a a motlhofo, rotloetsa, kgothatsa, ebile a a kgonega. Ke a fano:

• Tshela efangele ya ga Jeso Keresete

• Tlhokomela ba ba tlhokang

• Laletsa botlhe go amogela efangele

• Go Kopanya Malwapa ka Bosakhutleng” (“Simply Beautiful—Beautifully Simple,” Liahona, Nov. 2021, 47).

Tlhatlhanya ka maitemogelo a o nnileng le one ka go tsaya karolo mo go nngwe le nngwe ya dithomo tsa selegodimo ya maikarabelo ao. Mmoloki o ne a ka batla o dira eng gape? Go na le tsebe ya Ditlhogo le Dipotso ya nngwe le nngwe ya maikarabelo ao (bona “Our Role in God’s Work of Salvation and Exaltation,” Gospel Library). O ka lebelela ditsebe tseo go go thusa go araba dipotso tseo.

Nako tse dingwe o ka ikutlwa ekete Morena ga a kake a go dirisa ka ntlha ya diphoso tse o di dirileng. O ithuta eng mo maitemogelong a ga Joseph Smith Joseph Smith—Ditso 1:28–29? O ka itse jang “seemo sa gago fa pele ga [Modimo]”?

Botsa dipotso tse di rotloetsang puisano e e nang le boleng. Dipotso tse di nang le karabo e e siameng go feta e le nngwe di laletsa baithuti go fetola ba ikaegile ka dikakanyo tsa bone, maikutlo le maitemogelo. Dipotso tse di mo pading eno ke dikai tsa se.

Bona gape “Youth Responsibility in the Work of Salvation” (video), ChurchofJesusChrist.org; “The Work of Salvation and Exaltation,” General Handbook, 1.2.

Youth Responsibility in the Work of Salvation

Elder Bednar wants the youth to recognize that recent adjustments to Young Women classes and Aaronic Priesthood quorums give them operational and executional responsibility in the work of salvation. When the youth are focused, miracles will come.

Joseph Smith—Ditso 1:34–47

Ka go tsosolosa efangele ya Gagwe, Mmoloki o diragaditse diperofeto tsa bogologolo.

Fa Moroni a iponatsa go Joseph Smith, o ne a nopola dingwe tsa diporofeto di le mmalwa tsa Kgolagano e Kgologolo le e Ntšha, jaaka Isaia 11; Ditiro 3:22–23; le Joele 2:28–32. Jaaka o bala Joseph Smith—Ditso 1:34–47, akanya ka se diporofeto tse di neng di le botlhokwa gore Joseph a di itse. Ke eng di le botlhokwa gore o di itse?

Le gone o ka bala ka se Mogolwane David A. Bednar a se rutileng ka ga ketelo ya ntlha ya ga Moroni go Joseph Smith mo go “With the Power of God in Great Glory” (Liahona, Nov. 2021, 28).

With the Power of God in Great Glory

Elder Bednar teaches that honoring our covenants helps us receive the power of godliness in our lives.

Bona gape “An Angel from on High,” Hymns, no. 13.

Joseph Smith—Ditso 1:48–60

Modimo o tla mpaakanyetsa go dira mo bogosing jwa Gagwe.

Joseph o ne a le dingwaga fela tse 17 fa a bona dipapetlana tsa gauta. Di ne di sa tsenngwa mo tlhokomelong ya gagwe, le fa gontse jalo, morago ga dingwaga tse nne. Bala Joseph Smith—Ditso 1:48–60, batla se se diragatseng.mo botshelong jwa ga Joseph ka nako eo. O akanya gore ditiragalo tse di mo baakanyeditse jang go dira tiro e Modimo a mmileditseng go e dira? Ke maitemogelo a fe a o nnileng le o ne a a go baakanyeditseng go direla Modimo le ba bangwe? O itemogela eng jaanong se se ka go thusang go baakanyetsa tirelo ya isago?

Lentswe la Cumorah, ka Al Rounds

Dithuto le Dikgolagano 2

Morena a romela Elija go sokololela pelo ya me go bagologolo ba me.

Mafoko jaaka “jwala,” “dipelo,” le “sokololela” mo karolong e di go ruta eng ka thomo ya ga Elija le ditshegofatso tsa dilotlele tsa boperesiti tse a di tsosolositseng? O utlwile pelo ya gago e sokololela go bagologolo ba gago jang? Akanya ka ditsela tse o ka itemogelang maikutlo ao kgapetsa kgapetsa. Go batla bagologolo ba gago le go ba direla ditao kwa tempeleng ke tsela enngwe (bona FamilySearch.org). O akanya ka tse dife tse dingwe?

Bona gape Dithuto le Dikgolagano 110:13–16; Gerrit W. Gong, “Happy and Forever,” Liahona, Nov. 2022, 83–86.

Ka ga megopolo mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Joseph Smith—Ditso 1:28–29

Ke ka ikwatlhaya mme ka itshwarelwa.

• Rotlhe nako tse dingwe re ikutlwa re “sekisediwa makowa le go sa itekanela ga [rona],” jaaka Joseph Smith go mo diragaletse. Wena le bana ba gago lo ka ithutuntsha Joseph Smith—History 1:29 mmogo, le batla se Joseph a neng a se dira fa a ikutlwa jalo. Re ka ithuta eng mo sekaing sa gagwe se se ka re thusang fa re dira diphoso? Ke eng go le botlhokwa go itse gore Joseph o ne a biditswe ke Modimo le fa a ne a sa itekanela?

Joseph Smith—Ditso 1:27–54

Rara wa Legodimo o biditse Joseph Smith go mo thusa go dira tiro ya Gagwe.

• Bana ba gago ba ka kgatlhegela go tsaya jaaka ekete ke Joseph Smith jaaka o ba bolelela pego ya loeto la ga Moroni mo go Joseph Smith—Ditso 1:27–54 or “Chapter 3: The Angel Moroni and the Gold Plates” (mo Doctrine and Covenants Stories, 13–17, or the corresponding video in Gospel Library). Ka sekai, ba ka phutha matsogo a bone jaaka ekete ba a rapela kgotsa ba dira ekete ba pagama Lentswe la Cumorah, le jalo jalo. Ke gone o ka ba kopa go bua ka se Modimo a bileditseng Joseph Smith go se dira le gore go re segofaditse jang. Ka sekai, re segofaditswe jang gonne Joseph Smith o ranotse Buka ya ga Momone? Tiro ya gagwe e re thusitse jang go tla gaufi le Rara wa Legodimo le Jeso Keresete?

Dithuto le Dikgolagano 2

Rara wa Legodimo o batla malwapa a kanwa mo tempeleng.

• Gongwe wena le bana ba gago le ka itumelela go lebelela dingwe tsa dinepe tsa lelwapa la gago, le go akaretsa senepe sa lelwapa le le kwa tempeleng (kgotsa bona Gospel Art Book, no. 120). Le gone o ka bala Dithuto le Dikgolagano 2 mme o abelane le mongwe le mongwe megopolo ya gago gore ke eng re na le ditempele le gore ka goreng Rara wa Legodimo a batla malwapa go nna mmogo ka bosenang bokhutlo. Akanya go opela mmogo “Families Can Be Together Forever” (Children’s Songbook, 188). Pina e ya re re ka dira eng go nna le lelwapa la rona ka bosenang bokhutlo?

Tempele ya Palmyra kwa New York

Dithuto le Dikgolagano 2

Go ithuta ka ga bagologolo ba me go ka ntlisetsa boitumelo.

• Bana ba ka kgatlhega mme ba utlwe boitumelo jwa ditso tsa lelwapa. Go ba thusa, o ka abelana dipolelo kgotsa dinepe tsa bagologolo ba gago. Bua le bana ba gago gore botshelo bone bo ntse jang go bagologolo ba gago fa ba le bana. Bana ba gago le bone ba ka itumelela dingwe tsa ditiragatso tsa ditso tsa lelwapa mo go FamilySearch.org/discovery.

Ka ga megopolo e mentsi, bona kgatiso ya kgwedi e ya Friendi makasine.

Joseph Receives the Plates, ka Gary E. Smith