Firikgong 27–Tlhakole 2: “Tiro Ya me e Tlaya Pele”

Dithuto le Dikgolagano 3–5

Mo dingwageng di le mmalwa tsa ntlha jaaka Moperofeti wa Morena, Joseph Smith a ise a itse sengwe le sengwe ka “tiro e e gakgamatsang” e a e bileditsweng go e dira. Fela selo se le sengwe se a se ithutileng mo maitemogelong a gagwe ke gore o ne a tshwanetse go dira tiro ya Modimo, matlho a gagwe a tshwanetse go “bona fela kgalalelo ya Modimo” (Dithuto le Dikgolagano 4:1, 5). Ka sekai, fa Morena a mo gakolola go dira sengwe se a neng a sa tlhomamisega gore o batla go se dira, o ne a tlhoka go sala morago kgakololo ya Morena. Mme le fa a ne a na le “ditshenolo tse dintsi, le … thata go dira ditiro tse dintsi tse di maatla,” fa a ka ikutlwa ekete se a se batlang se botlhokwa go na le go rata ga Modimo, o “tshwanetse go wa” (Dithuto le Dikgolagano 3:4). Mme Joseph o ne a ithuta selo sengwe se se botlhokwa ka go dira tiro ya Modimo: “Modimo o kutlwelobotlhoko,” mme fa Joseph a ikwatlhaya ka tlhwaafalo. O ne a “santse a ikgethetswe” (temana 10). Tiro ya Modimo, morago ga tsotlhe, ke tiro ya thekololo. Mme tiro eo “ga e ka ke ya retelelwa” (temana 1).

Megopolo ya go Ithuta kwa Gae le kwa Kerekeng

Dithuto le Dikgolagano 3:1–16

Ke ka ikanya Modimo.

Go le pele mo bodireding jwa ga Joseph Smith, ditsala tse di siameng di ne di le thata le go bonwa—segolobogolo ditsala jaaka Martin Harris, yo o tlotlegang, monna yo o atlegile yo a dirileng setlhabelo se segolo go tshegetsa tiro ya ga Joseph. Ka jalo fa Martin a kopa tetla go supetsa mosadi wa gagwe ditsebe tse 116 tsa mokwalo wa thanolo ya Buka ya ga Momone, Joseph o ne a batla go diragatsa kopo eo, le ntswa Morena a mo tlhagisitse kgatlhanong le seo. Mo go botlhoko, ditsebe tseo di ne tsa latlhega di le mo tlhokomelong ya ga Martin, mme Joseph le Martin ba ne ba kgalemelwa ka bogale ke Morena (bona Saints, 1:51–53).

Jaaka o bala Dithuto le Dikgolagano 3:1–15, tlhatlhanya ka se Morena a batlang o se ithuta mo maitemogelong a bone. Ka sekai, o ithuta ka ga eng:

• Tiro ya Modimo? (bona ditemana 1–3, 16).

• Ditlamorago tsa go boifa motho go na le go tshepha Modimo? (bona ditemana 4–8).

• Ditshegofatso tse di tlang ka go tswelela o ikanyega? (bona temana 8).

• Tsela e Morena a kgalemela le go kgothatsa Joseph? (bona ditemana 9–16).

Mo molaetseng wa gagwe “Which Way Do You Face?,” Mogolwane Lynn G. Robbins o neetse dikai tse dintsi go tswa go dikwalo tse di boitshepo tsa batho ba ba boifang Modimo le batho ba ba ineetseng mo kgatelelong ya ba bangwe (Liahona, Nov. 2014, 9–11). Akanya ka go bala dikai tse mo dikwalong tse di boitshepo tse di umakilweng. O ithuta eng mo dipegong tse? Ke afe maitemogelo a o nnileng le one a o tshephileng Morena fa o ne o le ka fa tlase ga kgatelelo go dira selo se se farologaneng? Maduo a ditiro tsa gago e ne ya nna eng?

Bona gape Dale G. Renlund, “A Framework for Personal Revelation,” Liahona, Nov. 2022, 16–19; “The Contributions of Martin Harris,” in Revelations in Context (2016), 1–9; Topics and Questions, “Seeking Truth and Avoiding Deception,” Gospel Library; “How Gentle God’s Commands,” Hymns, no. 125.

Dithuto le Dikgolagano 4

Ke ka direla Modimo ka pelo yotlhe ya me, maatla le tlhaloganyo, le nonofo.

Kgaolo 4 kgapetsa kgapetsa e dirisediwa baanamisa efangele ba nako yotlhe. Le fa gontse jalo, go a kgatlha go lemoga gore tshenolo e e ne ya neelwa Joseph Smith Sr., yo a neng a sa bilediwa mo thomong mme a ne a na le “keletso go direla Modimo” (temana 3).

Tsela e nngwe ya go bala karolo e ke go gopola gore ke tlhaloso ya tiro ya mongwe yo o batlang go thusa ka tiro ya Modimo. Modimo o batla eng? Ke melemo efe e A e nayang?

O ithuta eng ka go direla Morena go tswa mo tshenolong e?

Poresidente Russell M. Nelson o biditse go phuthega ga Iseraele “kgwetlho e kgolo ya tse di kgolo ya maikaelelo, le e kgolo ya tiro mo lefatsheng” (“Hope of Israel” [worldwide youth devotional, June 3, 2018], Gospel Library). O bona eng mo puong ya gagwe se se go rotloetsang go tsaya karolo mo tirong e?

Mongwe le mongwe yo o eletsang go direla Modimo o bilediwa tiro.

Dithuto le Dikgolagano 5

Ka Mowa o o Boitshepo, Ke ka amogela bopaki jwa Buka ya ga Momone.

Ka Mopitlo 1829, mosadi wa ga Martin Harris, Lucy o ne a tsenya kopo kwa kgotlatshekelo gore Joseph Smith o ne a tsietsa batho ka go ikaya ekete o ranola dipapetlana tsa gauta (bona Saints, 1:56–58). Ka jalo Martin a kopa Joseph bosupi jo bontsi jwa gore dipapetlana tsa gauta di ne di le boammaaruri. Dithuto le Dikgolagano 5 ke tshenolo e e fetolang kopo ya ga Martin. O ithuta eng go tswa mo karolong e ka mo go latelang:

• Se Morena a se buang se ka diragala fa dipapetlana tsa gauta di ka bewa go bonwa ke lefatshe (bona Dithuto le Dikgolagano 5:7). Ke eng o akanya go re go ntse jalo?

• Maikarabelo a basupi mo tirong ya Morena (bona ditemana 11–15; bona gape 2 Bakorintha 13:1).

• Ka fa o ka amogelang bopaki jwa Buka ya ga Momone ka bowena (bona ditemana 16, 24; bona gape Moroni 10:3–5).

Dithuto le Dikgolagano 5:1–10

Jeso Keresete o re neetse lefoko la Gagwe ka Joseph Smith.

Go raya eng Dithuto le Dikgolagano 5:1–10 go go ruta ka maikarabelo a ga Joseph Smith mo malatsing a gompieno—le mo botshelong jwa gago? (Bona gape 2 Nefi 2:266.)

Ka ga megopolo mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Dithuto le Dikgolagano 3:5–10; 5:21–22

Ke ka ikgethela go dira se se siameng fa ba bangwe ba leka go ntira ke dire phoso.

• Go simolola puisanyo ka ga go ithuta go tshepha Rara wa Legodimo, o ka batla go lebelela polelo ya ditsebe tsa mokwalo o o latlhegileng (bona Doctrine and Covenants Stories, 18–21). O ne o ka kgona go tshameka le bana ba gago maemo a ba ka lekwang go dira sengwe se ba itseng gore ga se a siama. Ke mafoko le dipolelwana di fe mo go Dithuto le Dikgolagano 3:5–8; 5:21–22 tse di ka ba thusang mo maemong a?

  Chapter 4: Martin Harris and the Lost Pages: 1827–1828

Dithuto le Dikgolagano 4

Morena o ntaletsa go thusa ka tiro ya Gagwe.

• Temana nngwe le nngwe mo go Dithuto le Dikgolagano 4 e na le boammaaruri jo bo tlhokegang jo bo ka thusang bana ba gago go ithuta ka go direla Modimo. Fano ke mengwe ya megopolo ya go ba thusa go lemoga boammaaruri jo:

  • Le ka bala mmogo Dithuto le Dikgolagano4:1 mme o supe dinepe tse di supang tiro e e “gakgamatsang” ya malatsi a bofelo ya Modimo (jaaka boanamisa efangele, ditempele, le Buka ya ga Momone).

  • Bana ba gago ba ka akanya ka ditiro kgotsa ba tshwantsha sengwe se se kayang polelwana “go mo direla ka pelo yotlhe ya gago, maatla, tlhaloganyo le nonofo” (Dithuto le Dikgolagano 4:2).

  • Lo ka leba mmogo mo di dirisiweng tse di dirisiwang go dira mo tshimong. Di dirisiwa tse di thusa jang? Ke gone bana ba gago ba ka batla dilo mo go Dithuto le Dikgolagano 4:5–6 tse eketeng di dirisiwa tsa go dira tiro ya Modimo.

  • Bana ba bagolwane ba ka batla Dithuto le Dikgolagano 4 ka bo bone le go dira mola wa dilo tse ba di ithutileng gore go raya eng go direla Modimo.

  • Lo ka opela pina mmogo ka ga tiro ya boanamisa efangele, jaaka “I Want to Be a Missionary Now” (Children’s Songbook, 168).

Ke ka thusa ka tiro ya Modimo ka go direla ba bangwe.

Dira ditiragatso tse di ka tsenelelwang ke bana le ba ba bogole. Go dira ditiragatso mo gonnye go ka tlhomamisa gore mongwe le mongwe o na le tshono ya go ithuta. Ka sekai, fa tiragatso e kopa go supiwa ga setshwantsho, lo ka opela pina go akaretsa batho ba ba sa boneng.

Dithuto le Dikgolagano 5:1–7, 11, 16, 23–24

Ke ka nna mosupi gore Buka ya ga Momone e boammaaruri.

• Go ruta bana ba gago ka ga basupi, o ka ba botsa go akanya gore tsala e ba boleletse gore ba bone katse e tsamaya ka maoto a a kwa pele. A ba ka dumela? Ba ka reng fa tsala e nngwe e bua selo se se tshwanang? Bua ka gore “mosupi” ke eng le gore ke eng basupi ba le botlhokwa. Ka jalo o ka thusa bana ba gago go batla Dithuto le Dikgolagano 5:1–3, 7, 11 go dikarabo tsa dipotso jaaka tse:

  • Martin Harris o ne a batla go itse eng?

  • Joseph Smith o ka bontsha mang dipapetlana tsa gauta?

  • Ke eng fa go bona dipapetlana go ka se lemose mongwe gore Buka ya ga Momone e boammaaruri?

  • Re ka dirang go nna basupi ba Buka ya ga Momone? (bona Dithuto le Dikgolagano 5:16; Moroni 10:3–5).

Ka ga megopolo e mentsi, bona kgatiso ya kgwedi e ya Friend makasine.

Devastating Weight of 116 Pages, ka Kwani Povi Winder