Moriti wa mokwalo wa ntlha wa Buka ya ga Momone

Tlhakole 10–16: “Gore O Nne Mofenyi”

Dithuto le Dikgolagano 10–11

Jaaka thanolo ya Buka ya ga Momone e ntse e tsweletse, potso e ne ya tla: Joseph Smith le Oliver Cowdery ba tshwanetse go dira eng ka ditsebe tse di latlhegileng tsa thanolo? Go ka tlhaloganyesega go ranola gape karolo eo, mme Morena o ne a bona sengwe se ba sa kakeng ba se kgona: baba ba bone ba ne ba rera go fetola mafoko a a mo ditsebeng tseo go tsenya pelaelo mo tirong ya ga Joseph e e tlhotlheleditsweng. Modimo o ne a na le togamaano go tila bothata joo le go tshegetsa tiro e tswelele pele. Dingwaga di le didikadike pele, Modimo o ne a tlhotlheletsa Nefi go kwala pego ya bobedi e e neng e akaretsa motlha one oo “ ka boikaelo jwa botlhale mo go Ene” (1 Nefi 9:5).

“Tlhalefo ya me,” Morena a raya Joseph, “e kgolo go feta boferefere jwa ga diabolo” (Dithuto le Dikgolagano 10:43 Seo ke molaetsa o o kgothatsang mo letsatsing le le tshwanang le la rona, fa mmaba o thatafatsa maiteko a gagwe go koafatsa tumelo. Jaaka Joseph, re ka nna “boikanyego mme ra tswelela pele” mo tirong e Modimo a re bileditseng go e dira (temana 3). Ke gone re tlaa bona gore o setse a dirile tsela gore “dikgoro tsa molete di se kitla di fenya” kgatlhanong le rona (temana 69).

Bona Saints, 1:51–61

Megopolo ya go Ithuta kwa Gae le kwa Kerekeng

Dithuto le Dikgolagano 10:1–33

Modimo ga “kitla ke leseletsa gore Satane a fitlhelele togamaano ya gagwe ya bosula.”

Satane o ka rata gore re lebale gore o teng—kgotsa gore re ka tlholega go lemoga maiteko a gagwe go re tlhotlheletsa (bona 2 Nefi 28:22–23). Mme lefoko la Morena mo Dithuto le Dikgolagano 10 le rurifatsa gore Satane o teng—mme o ganetsa tiro ya Morena ka tlhagafalo. Mo ditemaneng 1–33, supa se Modimo a se itseng ka maiteko a ga Satane (bona le gone ditemana 62–63). Le gone o ka kopa Morena go go thusa go bona ka fa Satane a go lekang ka teng. Jaaka o bala kgaolo 10, tlhatlhanya ka fa di go thusang ka teng go ikutlwa o golagane le Mmoloki.

Dithuto le Dikgolagano 10:34–52

“Tlhalefo ya Morena e kgolo go feta boferefere jwa ga diabolo.”

Nefi o ne a sa itse gore ke eng a ne a tlhotlhelediwa go dira disete tse pedi tsa dipego tsa batho ba gagwe, Le Momone o ne a sa itse gore ke eng a ne a tlhotlhelediwa go akaretsa set ya bobedi le dipapetlana tsa gauta. Baperofeti boo ba bedi ba ne ba tshepa Modimo “ka boikaelela jwa botlhale” (1 Nefi 9:5; Mafoko a ga Momone 1:7). Gompieno re itse bobotlana jwa karolo ya boikaelelo joo: go emisetsa ditsebe tse 116 tse di latlhegileng tsa Buka ya ga Momone. O akanya gore Morena o batla o ithuta eng mo go tse tsotlhe? Tlhatlhanya ka potso eo fa o ntse o bala Dithuto le Dikgolagano 10:34-52. Le gone o ka dira nankolo ya boammaaruri jo o bo ithutang ka Morena go tswa mo ditemaneng tse. Boammaaruri jo bo ama jang kamano ya gago le Ene? Ke eng se se go kgatlhang ka botlhale jwa Morena le ponelopele mo go baakanyetseng tatlhegelo ya ditsebe tse 116?

O ka ikutlwa o tlhotlheletsegile go batla bosupi jwa botlhale jwa Gagwe le ponelopele mo botshelong jwa gago. Bala polelo mo molaetseng wa ga Mogolwane Ronald A. Rasband “By Divine Design”—di ka tlisa dikai mo tlhaloganyong ya gago (Liahona, Nov. 2017, 55–57). Akanyetsa go di kwala jaaka di tla kwa go wena. Morena o ntse a bereka jang mo botshelong jwa gago? Sekai, ke “ditirafalo” dife tse A di baakantseng? O theile motheo ofe wa ditshegofatso tsa gago. O go gogile leng go direla yo mongwe yo o tlhokang?

Bona le gone Baroma 8:28; Dithuto le Dikgolagano 90:24; Ditlhogo le Dipotso, “Togamaano ya Poloko,” Motlobo wa Efangele.

Dintlha go tswa Momone a Khutshwafatsa Dipapetlana, ka Tom Lovell

Dithuto le Dikgolagano 11

“Tshepha Mowa wa [Morena].”

Morwarragwe Joseph yo mogolwane Hyrum o ne a eletsa go itse thato ya Morena ka ene, jalo a kopa Joseph go batla tshenolo mo boemong jwa gagwe. Moperofeti o ne a itumelela go dira jalo, mme ka bobotlana o le mongwe molaetsa mo tshenolong eo (Dithuto le Dikgolagano Covenants 11) ke gore Hyrum le ene o ka ipatlela tshenolo. Mme go jalo le ka “botlhe ba ba nang le keletso e molemo, mme ba latlhetse sekele tsa bona go roba” (temana 27). Jaaka o bala kgaolo 11, o ikutlwa gore Morena o rutang ka tshenolo ya motho? Se se amana jang le se A se rutileng Oliver Cowdery mo dikgaolong 6-9? Ke melaetsa efe e mengwe e a nang le yone ya gago?

Bona le gone “Let the Holy Spirit Guide,” Hymns, no. 143.

Laletsa baithuti go botsa dipotso. Dipotso gantsi di gogela kwa tshenolong. Fa e le gore o ruta lelwapa la gago kgotsa tlelase ya Kereke, ba kgothatse go botsa dipotso, mme o ba thuse go bona dikarabo mo dikwalong. Sekai, Fa ba na le dipotso ka ga tshenolo ya motho, leba mmogo dikarabo mo Doctrine and Covenants 11:12–14.

Dithuto le Dikgolagano 11:15–26

Jaaka ke batla go “amogela lefoko la [Modimo],” ke tlaa amogela Mowa wa Gagwe le thata.

Le pele Buka ya ga Momone e ne e ranolwa, Hyrum Smith o ne a na le phisego ya go thusa mo tirong ya Tsosoloso. Jaaka o bala phetolo ya Morena ya dikeletso tsa gagwe, akanyetsa gore go raya eng go “amogela lefoko la [Modimo]” (temana 21 Go amogela Lefoko la Modimo go go thusa jang go mo direla ka maatla?

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgologano 10:5

Jaaka ke rapela ka metlha, ke amogela thata ya Modimo.

• Go itsise temana e mo baneng ba gago, o ka ba botsa ka dilo tse ba dirang ka “metlha.” Ke eng se Morena a reng re tshwanetse go se dira ka metlha mo Dithuto le Dikgolagano 10:5? Ke eng A batla re dira se ?

• O ka thusa bana ba gago go gakologelwa go rapela ka metlha? Gongwe ba ka kgobokanya matlapa a mannye a se kae, a a borethe mme ba a taka “Dithuto le Dikgologano 10:5” kgotsa“Rapela ka Metlha.” Ba ka baya matlapa a bone mo mafelo a a farologanyeng kwa ba batlang go nna ba gakololwa go rapela teng, jaaka go bapa le bolao, le dibuka tsa bone tsa sekolo, kgotsa kwa ba jelang teng dijo. Go yeng ka Dithuto le Dikgologano 10:5, Modimo o re segofatsa jang fa re rapela? Bana ba gago ba ka bona dikarabo tse dingwe mo pineng e tshwana “A Child’s Prayer” (Children’s Songbook, 13).

Dithuto le Dikgolagano 11:12–13

Mowa o o Boitshepo o nkgogela go dira molemo.

• Bana ba ka ithuta go lemoga fa Mowa o bua le bone. Go ba thusa, o ka fitlha di balebo tsa dipone kgotsa folashe laete le setshwantsho sa sefatlhogo se se itumetseng gologongwe mo ntlwaneng; mme o kope bana ba gago go batla dilwana tse. Bala Dithuto le Dikgologano 11:13, mme o thuse bana ba gago go supa mafoko a a amanang le dilo tse ba di boneng. Mafoko ana a re ruta eng mabapi le ka fa Mowa o o Boitshepo o re thusang ka teng?

• Go abelana maitemogelo a gago a semowa go ka thusa bana ba gago go lemoga tlhotlheletso ya Mowa o o Boitshepo mo matshelong a bone. Jaaka o abelana, ba kope go abelana maitemogelo a bone le bone. Le gone lo ka bala mmogo Dithuto le Dikgolagano 11:12–13, lo batla ka fa re ka lemogang fa Mowa o o Boitshepo o re kaela. Paka gore Rara wa Legodimo o batla go re kaela ka Mowa o o Boitshepo.

Dithuto le Dikgolagano 11:21, 26

Ke batla go itse efangele gore nka thusa ba bangwe go bona boammaaruri.

• Fela jaaka Hyrum Smith, bana ba gago gongwe ba tlaa nna le menyetla e mentsi go abelana efangele le ba bangwe. Le ka bala mmogo Dithuto le Dikgologano 11:21, 26:, mme kopa bana ba gago go batla se Morena a se boleletseng Hyrum gore o tlhoka go se dira gore a tle a rute efangele. Go raya eng go “amogela” lefoko la Modimo? Re ka dira se jang? Re “boloka” jang lefoko la Modimo mo dipelong tsa rona? Gongwe bana ba gago ba ka tshameka-pontsho go abelana sengwe ka Jeso kgotsa Buka ya ga Momone le ba bangwe.

Ka ga megopolo e mentsi, bona kgatiso ya kgwedi e ya Friend.

Joseph le Hyrum Smith, ka Ken Corbett