Noka ya Susquehanna gaufi le Harmony, Pennsylvania

Tlhakole 17–23: “Mo go Lona Batlhanka ka Nna”

Dithuto le Dikgolagano 12–17; Joseph Smith—Ditso 1:66–75

Batho ba bantsi go dikologa lefatshe gongwe ga ba ise ba utlwe ka Harmony, Pennsylvania. Morena gantsi o tlhopa mafelo a mannye mo ditiragalong tsa gagwe tse dintsi tse di kgethegileng mo bogosing jwa Gagwe. Mo kgaolong ya sekgwa gaufi le Harmony Motsheganong 15, 1829, Johane wa Mokolobetsi a iponatsa go Joseph Smith le Oliver Cowdery. A baya diatla tsa gagwe mo ditlhogong tsa bone mme a tlhoma Boperesiti jwa ga Arone mo go bone, a ba bitsa “batlhanka ka nna” (Dithuto le Dikgolagano 13:1).

Johane wa Mokolobetsi e ne e le motlhanka yo o tshephegang wa Modimo yo o kolobeditseng Mmoloki le go baakanya tsela ya go tla ga Gagwe (bona Mathaio 3:1–6, 13–17). Go makawana a mabedi a mo dingwageng tsa masome a mabedi, go ne go le boikokobetso, gongwe le gone go sitega, go bidiwa batlhanka le Johane. Ka nako eo, Joseph le Oliver ba ne ba sa itsege, fela jaaka Harmony a ne a ntse. Mme tirelo mo tirong ya Modimo ka metlha e ne e le ka fa re direlang, e seng gore go lemogile mang. Le ntswa matsapa a gago a lebega a le mannye kgotsa a sa bonale ka dinako tse dingwe, le wena o motlhanka mo “tirong e kgolo e e gakgamatsang ya Morena” (Dithuto le Dikgolagano 14:1).

Megopolo ya go Ithuta kwa Gae le kwa Kerekeng

Dithuto le Dikgolagano 12; 14

Ke ka tsaya karolo mo “tirong e kgolo e e gakgamatsang” ya Modimo.

Botlhe Joseph Knight le David Whitmer ba ne ba batla go itse ka fa ba ka thusang ka teng mo tirong ya Morena. Jaaka fa o bala karabo ya Morena go bone (Dithuto le Dikgolagano 12; 14), akanya gore seo se raya eng mo go wena “go batla go tlisa le go tlhomamisa ntlha ya Sione” (12:6; bona gape 14:6). Ke melawana e fe le mekgwa ya se Keresete e o e bonang mo dikarolong tse di ka go thusang go dira se?

Bona gape “The Knight and Whitmer Families,” mo go Revelations in Context, 20–24.

Dithuto le Dikgolagano 13

Jeso Keresete o rometse Johane wa Mokolobetsi go buseletsa Boperesiti jwa ga Arone.

Johane wa Mokolobetsi o biditse Joseph Smith le Oliver Cowdery “batlhanka ka” ene. O akanya gore go raya eng go nna motlhanka le Johane wa Mokolobetsi? (bona Mathaio 3:13–17; Luke 1:13–17; 3:2–20).

Jaaka o bala se Johane wa Mokolobetsi a se buileng ka ga Boperesiti jwa ga Arone mo go karolo 13, tlhatlhanya ka fa dilotlele tsa boperesiti di thusang go diragatsa thomo ya ga Johane go baakanya tsela ya Morena. Ka sekai:

• Ke eng “bodiredi jwa baengele”? (bona 2 Nefi 32:2–3; Moroni 7:29–32; Kaedi ya Dikwalo tse di Boitshepo, “Baengele,” Motlobo wa Efangele).

• Ke eng “efangele ya boikotlhao”? (bona Dithuto le Dikgolagano 84:26–27; Dale G. Renlund, “The Priesthood and the Savior’s Atoning Power,” Liahona, Nov. 2017, 64–67).

Ditao tsa Boperesiti jwa ga Arone (jaaka kolobetso le sakaramente) di ka go thusa jang go go baakanyetsa tsela go amogela Mmoloki mo botshelong jwa gago?

Ke eng dilotlele tsa boperesiti?

Mogolwane Dale G. Renlund le mosadi wa gagwe, Ruth, ba file tlhaloso ka ga dilotlele tsa boperesiti:

“Lereo dilotlele tsa boperesiti le dirisitswe ka tsela tse pedi tse di farologaneng. Ya ntlha e kaya tetla e e rileng kgotsa tshono e e tlhomiwang go botlhe ba ba amogelang Boperesiti jwa ga Arone kgotsa Melekiseteke. … Ka sekai, Batshegetsi ba Boperesiti jwa ga Arone ba amogela dilotlele tsa bodiredi jwa baengele le dilotlele tsa go baakanyetsa efangele ya boikotlhao le ya kolobetso ya go nwetsa go boitshwarelo jwa dibe (bona Dithuto le Dikgolagano 13:1; 84:26–27). Batshegetsi ba Boperesiti jwa ga Melekiseteke ba amogela dilotlele tsa masaitsiweng a bogosi, dilotlele tsa kitso ya Modimo, le dilotlele tsa ditshegofatso tsotlhe tsa semowa tsa Kereke (bona Dithuto le Dikgolagano 84:19; 107:18). …

“Tsela ya bobedi ya lereo dilotlele tsa boperesiti le dirisiwa go kaya boeteledipele. Baeteledipele ba Boperesiti ba amogela tlaleletso ya dilotlele tsa boperesiti, tetla ya go okamela mokgatlho mo makaleng a Kereke kgotsa khoramo. Mo ntlheng e, dilotlele tsa boperesiti ke taolo le thata go kaela, etelelapele, le go busa mo Kerekeng” (The Melchizedek Priesthood: Understanding the Doctrine, Living the Principles [2018], 26).

Joseph Smith a Kolobetsa Oliver Cowdery, ka Del Parson

Joseph Smith—Ditso 1:66–72

Ditao di nneela phitlhelelo ya thata ya Modimo.

Ga o ise o ipotse gore go ka bo go ne go ntse jang go nna le Joseph Smith le Oliver Cowdery mo ditiragalong tse dikgolo tsa Tsosoloso? Jaaka o bala Joseph Smith—Ditso 1:66–75, go akaretsa le dintlha kwa bokhutlong jwa temana 71, o ka tlhaloganya gongwe ka fa ba ka tswang ba ikutlwile ka teng. Ke eng se se kgothatsang ka mafoko a bone? Ntlha, gongwe, ditshegofatso tse ba di amogetseng gonne ba amogetse boperesiti le go kolobediwa. Ke ditshegofatso dife tse Morena a go di neetseng ka ditao tsa boperesiti?

Go ithuta mo gontsi, akanya ka go dira tafole ka ditlhogo Ditao le Ditshegofatso. Ke gone o ka batla dikwalo tse di boitshepo jaaka tse go nankola ditao le ditshegofatso tse di tswang mo go tsone: Johane 14:26; Ditiro 2:38; Dithuto le Dikgolagano 84:19–22; 131:1–4; Joseph Smith—Ditso 1:73–74. Ke dife ditshegofatso tse dingwe tse o ka di tlaleletsang mo lenaaneng le? Ditao tse o di amogetseng di tlisitse jang thata ya Mmoloki mo botshelong jwa gago?

Bona gape David A. Bednar, “With the Power of God in Great Glory,” Liahona, Nov. 2021, 28–30; Saints, 1:65–68; “God of Power, God of Right,” Hymns, no. 20; Topics and Questions, “Covenants and Ordinances,” Gospel Library.

Dithuto le Dikgolagano 15–16

Go tlisa mewa kwa go Keresete go botlhokwa thata.

A o kile wa akanya, jaaka John le Peter Whitmer ba dirile, ke eng “se se botlhokwa thata” mo botshelong jwa gago? (Dithuto le Dikgolagano 15:4; 16:4). Jaaka o bala Dithuto le Dikgolagano 15–16, tlhatlhanya ka gore ke eng go tlisa mewa go Keresete go le botlhokwa thata. O dira eng go “tlisa mewa” go Keresete?

Bona gape Saints, 1:68–71.

Dithuto le Dikgolagano 17

Morena o dirisa basupi go tlhomamisa lefoko la Gagwe.

Mosupi ke eng? Ke eng Morena a dirisa basupi mo tirong ya gagwe? (bona 2 Bakorintha 13:1). tlhatlhanya dipotso tse jaaka o bala mafoko a Modimo go Basupi ba Bararo mo go Dithuto le Dikgolagano 17. (Bona gape “Bopaki jwa Basupi ba Bararo” mo go Buka ya ga Momone.) Basupi ba thusa jang go tlisa “maikaelelo a siameng” a Modimo? (temana 4).

O ka fa bopaki jwa eng?

Bona gape Saints, 1:73–75; “A Day for the Eternities” (video), Gospel Library.

A Day for the Eternities

This film features the experiences of David Whitmer as Joseph Smith and Oliver Cowdery stay with his family in Fayette, New York, to finish the translation of the Book of Mormon.

Ka megopolo tlaleletso, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Dithuto le Dikgolagano 13; Joseph Smith—Ditso 1:68–74

Johane wa Mokolobetsi o buseleditse Boperesiti jwa ga Arone.

• Ditshwantsho mo kgaolong e e ka thusa bana go akanyetsa tsosoloso ya Boperesiti jwa ga Arone (bona gape “Chapter 6: Joseph and Oliver Are Given the Priesthood,” mo go Doctrine and Covenants Stories, 26–27, or the corresponding video in Gospel Library). A ba ka itumelela go tshwantsha setshwantsho sa tiragalo ba beile mo go se o se balang le bone Joseph Smith—Ditso 1:68–74?

  Chapter 6: Joseph and Oliver Are Given the Priesthood: May 1829

• Le gone o ka supa setshwantsho sa ga Johane Mokolobetsi fa lebala mmogo Mathaio 3:13–17; Joseph Smith—Ditso 1:68–70. Ke eng gone go le botlhokwa gore Morena a romele Johane Mokolobetsi go neela Joseph Smith taolo ya boperesiti go kolobetsa?

Go baakanyetsa bana ba gago botshelo jotlhe jwa tsela ya kgolagano le Modimo Ka ga megopolo e mentsi go thusa bana ba gago go ithuta ka thata ya boperesiti, taolo, le dilotlele, bona appendix A or appendix B.

Setshwantsho sa ga Jeso a kolobediwa, ka Dan Burr

Dithuto le Dikgolagano 13

Rara wa Legodimo o ntshegofatsa ka Boperesiti jwa ga Arone.

• Go rotloetsa puisano ka ga dilotlele tse di umakilweng mo go Dithuto le Dikgolagano 13, wena le bana ba gago lo ka lebelela setlhopha sa dilotlele mme le bue ka se dilotlele di re letlelelang go se dira. Gongwe o ka ba thusa go batla lefoko dilotlele mo karolong 13. Ke mafoko afe le dipolelwana dingwe mo go Dithuto le Dikgolagano 13 tse di tlhalosang ditshegofatso tsa Boperesiti jwa ga Arone? Bana ba gago ba ka kaya ditsela tse Rara wa legodimo a re segofatsang ka boperesiti mo setshwantshong sa motshikinyego “Blessings of the Priesthood” (Gospel Library).

Blessings of the Priesthood

The priesthood is the power of God, which is given to man to act in His name.

Dithuto le Dikgolagano 15:4–6; 16:4–6

Go thusa ba bangwe go tla go Jeso Keresete ke “gwa botlhokwa thata”

• John le Peter Whitmer ba ne ba batla go itse se se ka nnang botlhokwa mo go bone (bona Dithuto le Dikgolagano 15:4; 16:4). Gongwe wena le bana ba gago le ka bua ka dilo tse di botlhokwa thata mo go lona. Jaaka o bala Dithuto le Dikgolagano 15:6 kgotsa 16:6, kopa bana ba gago go tsholetsa diatla tsa bone fa ba utlwa se Morena a reng ke se se “botlhokwa thata.”

• Go raya eng go “tlisa mewa go [Jeso Keresete]”? Thusa bana ba gago go dira nankolo ya megopoloo, jaaka go nna ditsala le ba bangwe, go abelana dikwalo tse di boitshepo le tsala, kgotsa go rapelela mongwe yo o tlhokang. Bana ba gago ba ka leba ditshwantsho tsa dilo tse mo dimakasineng tsa Kereke kgotsa mo go Gospel Art Book. Kgotsa ba ka tshwantsha ditshwantsho tsa bone. Ba laletse go tsaya sengwe go tswa mo nankolong ya bone se ba ka se dirang. Le gone le ka opela mmogo temana ya bone ya “I Feel My Savior’s Love” (Children’s Songbook, 74–75).

Dithuto le Dikgolagano 17

Ke ka nna mosupi wa Buka ya ga Momone.

• “Chapter 7: Witnesses See the Gold Plates” (mo go Doctrine and Covenants Stories, 31–33, kgotsa setshwantsho sa motsikinyego se se tsamaisanang mo go Motlobo wa Efangele) eka thusa bana go ithuta ka Basupi ba Bararo. Morago ga go bala Dithuto le Dikgolagano17:5–6, bolelela bana ba gago ka fa o itseng gore Buka ya ga Momone e boammaaruri. Re ka nna jang basupi ba Buka ya ga Momone?

  Chapter 7: Witnesses See the Gold Plates: 1829–1830

Ka ga megopolo e mentsi, bona kgatiso ya kgwedi e Friend makasine

Mo go Lona Batlhanka ka Nna, ka Linda Curley Christensen