Moranang 7–13: “Tsholetsang Mantswe a Lona … go Bolelela Efangele Ya Me”

Dithuto le Dikgolagano 30–36

Parley P. Pratt e ne e ntse e le leloko la Kereke e ka nna lobaka la kgwedi fa a bilediwa “mo nageng” go rera efangele (Dithuto le Dikgolagano 32:2). Thomas B. Marsh e ne e ntse e le leloko le e leng nako e nyenyane go feta eo fa a ne a bolelelwa, “Oura ya thomo ya gago e fitlhile” (Dithuto le Dikgolagano 31:3). Orson Pratt, Edward Partridge, le ba bangwe ba bantsi ba ne fela jalo ba se lobaka ba kolobeditswe fa dipitso tsa bone tsa thomo di tla. Gongwe go na le thuto mo sekaong se sa rona gompieno: fa o itse mo go lekaneng go amogela efangele e e tsosolositsweng ka kolobetso, o itse mo go lekaneng go e abelana le ba bangwe. Jaaka go solofetswe, ka metlha re batla go oketsa kitso ya rona ya efangele, mme Modimo ga a ise a ke a etsaetsege go bitsa ba ba “sa rutegang” go rera efangele ya Gagwe (Dithuto le Dikgolagano 35:13). Le gone, O re laletsa rotlhe, “Bula molomo wa gago go bolela efangele ya me” (Dithuto le Dikgolagano 30:5). Mme re dira seo botoka eseng ka botlhale jwa rona le boitemogelo mme “ka thata [ya] Mowa” (Dithuto le Dikgolagano 35:13).

Bona le gone “The Faith and Fall of Thomas Marsh,” “Ezra Thayer: From Skeptic to Believer,” “Orson Pratt’s Call to Serve,” in Revelations in Context, 54–69.

Megopolo ya go Ithuta kwa Gae le kwa Kerekeng

Dithuto le Dikgolagano 30–36

Ke beleditswe go nna mosupi wa ga Jeso Keresete.

O na le kgotsa o sena pitso e e ka fa molaong ya moanamisa efangele, o ka nna mosupi wa ga Jeso Keresete “ka dinako tsotlhe, le mo dilong tsotlhe, le mo mafelong otlhe” (Mosia 18:9 Jaaka o ithutuntsha Dithuto le Dikgolagano 30–36, kwala se o se ithutang ka ga menyetla ya gago go abelana efangele. O ka dira nankolo ya dilo tse Morena a go di lopang le nankolo e nngwe ya ditsholofetso tse Morena a di dirang fa o abelana efangele (sekai, bona Dithuto le Dikgolagano 30:8; 31:3–5; 32:1, 5; 35:13–15, 24). O ka batla le gone melawana e e ka go thusang go abelana efangele. O bona eng se se go tlhotlholetsang go “bolela mafoko a a molemo a boitumelo jo bogolo”? (Dithuto le Dikgolagano 31:3).

Mogolwane Gary E. Stevenson o rutile gore go bolela efangele go “ka fitlhelelwa ka melwana e e motlhofo, e e tlhaloganyesegang motlhofo e e rutiwang mongwe le mongwe wa rona go tswa bongwaneng: rata, abelana, le go laletsa” (“Love, Share, Invite,” Liahona, May 2022, 85). Akanyetsa go ithutuntsha molaetsa wa gagwe fa o akanya ba o tlwaelaneng le bone, ditsala, le lelwapa. Ke megopolo efe e e tlang mo go wena ya ka fa o ka abelanang le bone “se [o] se ratang ka ga efangele ya ga Jeso Keresete”? Ke ka ditsela dife tse o ka ba laletsang go “tla le go bona,” “go tla le go direla,” le “go tla le go nna”? Fa o opela kgotsa go reetsa “I’ll Go Where You Want Me to Go” (Hymns, no. 270) kgotsa sefela se se tsamaelanang le sone, o ka ipotsa, “Gore Morena o batla gore ke bue eng le gore ke nne eng gore ke abelane efangele ya Gagwe?”

Bona le gone Marcos A. Aidukaitis, “Lift Up Your Heart and Rejoice,” Liahona, Motsheganong 2022, 40–43; Ditlhogo le Dipotso, “Go laletsa botlhe go Amogela Efangele ya ga Jeso Keresete,” “Go direla jaaka Mmoloki a dira,” Motlobo wa Efangele; “Go laletsa Botlhe go Tla mo go Keresete: Go Abelana Efangele” (setshwantsho sa motsikenyego), Motlobo wa Efangele.

Inviting All to Come unto Christ: Sharing the Gospel

When Junior, a young man in a small Florida branch, decided he didn’t want to be alone in his belief in Christ, he invited a friend. One friend joined, then another, and another . . .

Dithuto le Dikgolagano 31:1–2, 5–6, 9, 13

Morena o ka nthusa ka dikamano tsa me le lelwapa.

Malwapa ka bo 1830 ba ne ba sokola ka mathata a mantsi a a tshwanang le a malwapa a lebaganang le one gompieno. Ke kaelo le ditsholofetso dife tse Morena a di neetseng Thomas B. Marsh ka ga lelwapa la gagwe mo Dithuto le Dikgolagano 31? (bona bogolo thata ditemana 1–2, 5–6, 9, 13). Lefoko la Gagwe le ka go thusa jang mo dikamanong tsa gago lelwapa?

Kitso ya tlaleletso ka Thomas B. Marsh, bona Saints, 1:79–80, 119–20.

Dithuto le Dikgologano 32– 33; 35

Morena o mpaakanyetsa tiro e A batlang ke e dira.

Go ithuthuntsha ka matshelo a batho ba go builweng ka bone mo Dithuto le Dikgolagano 32–33; 35 go ka go thusa go lemoga ka fa Morena a go baakanyetsang tiro ya Gagwe. Sekai, o ka bala ka ga kamano fa gare ga ga Parley P. Pratt le Sidney Rigdon mo “Mantswe a Tsosoloso: Basokologi ba Pele.” Kamano e e segofaditse jang bana ba Modimo? (bona Dithuto le Dikgolagano 35).

Fano ke sekai se sengwe: Ezra Thayer o kwadile gore nako nngwe pele ga a kolobediwa, o ne a nna le ponatshegelo e mo go yone “monna a neng a tla mme a ntlisetsa rolo ya pampiri mme a e nneela, mme gape le porompeta mme a mpolelela gore ke e [tshameke]. Ke ne ka mmolelela gore ga ke ise nke ke [tshameke] epe mo botshelong jwa me. O ne a re o ka e [tshameka], e leke. … E ne ya dira modumo o monate thata o nkile ka utlwa” (“Revelation, October 1830–B, Revelation Book 1,” historical introduction, josephsmithpapers.org). Fa Joseph Smith moragonyana a amogela tshenolo ya ga Ezra Thayer le Northrop Sweet, e jaanong e kwadileng e le Dithuto le Dikgolagano 33, Ezra o ne a tlhalosa tshenolo e le rolo ya pampiri mo ponatshegelong ya gagwe. Morena o ne a baakanyetsa jang Ezra thomo e A mo e neileng Dithuto le Dikgolagano 33:1–13?

Ke bosupi bofe jo o bo bonang jwa gore seatla sa Morena se ne se le mo matshelong a maloko ana a Kereke a pele? Ke mang yo Morena a mmeileng mo botshelong jwa gago go go thusa go tla kwa go Keresete? O go baakanyetsa jang go segofatsa ba bangwe ka boikanyego jwa gago, lorato, kgotsa taletso?

Bona le gone “A Mission to the Lamanites,” in Revelations in Context, 45–49.

Dithuto le Dikgolagano 33:12–18

Fa ke aga botshelo jwa me mo efangeleng ya Mmoloki, ga ke kitla ke wa.

Dithuto le Dikgolagano 33 e ne e lebagantswe le Northrop Sweet le Ezra Thayer, maloko a mabedi a masha a Kereke. Northrop o ne a tlogela Kereke ka pela fela morago ga tshenolo ena e neelwa. Ezra o ne a direla ka boikanyego ka lobakanyana, mme le ena kwa pheletsong o ne a wa. Go bala ka ga bone mo kgaolong e go ka go tlhotlheletsa go akanyetsa ka fa o agilweng ka nitamo “mo lefikeng” (temana 13) la efangele. Ke boammaaruri bofe mo ditemaneng tsena jo bo ka go thusang go nna boikanyego mo go Mmoloki?

Bona le gone Helamane 5:12.

Ka megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 30:1–2

Ke tshwanetse go tsepama thata mo dilong tsa Modimo go na le dilo tsa lefatshe.

• Go ka nna monate mo baneng ba gago go leka go dira ditiro tse pedi ka nako e lengwe, jaaka go boeletsa mafoko a pina e ba e ratang fa ba kwala maina a maloko otlhe a lelwapa la bone. Ke eng go le thata go dira dilo tse pedi ka nako e lengwe? Ke gone o ka bala Dithuto le Dikgolagano 30:1– 2 mmogo. Ke dife dingwe tsa “dilo tsa lefatshe” tse di ka re kgoreletsang go gakologelwa Jeso Keresete le efangele ya Gagwe? Re ka tshegetsa jang tsepamo ya rona mo go Ene?

Dithuto le Dikgologano 33: 2–3, 6–10

Ke ka abelana Efangele ya ga Jeso Keresete.

• Go thusa bana ba gago go tlhaloganya Dithuto le Dikgolagano 33:8–10, o ka ba laletsa go leka go bua seele ka melomo ya bone e tswetswe fa wena le bana ba bangwe ba gago le fopholetsa se ba se buang. Bala ditemana 8–10 mme o ba kope go bula melomo ya bone nako nngwe le nngwe seele “bulang melomo ya bone” e boelediwa. Ke eng Rara wa Legodimo a batla re bula melomo ya rona mme re abelane efangele le ba bangwe? Re ka bolelela lelwapa la rona le ditsala eng ka ga Mmoloki kgotsa efangele ya gagwe? Le gone o ka opela pina ka go abelana efangele, jaaka “We’ll Bring the World His Truth” (Children’s Songbook, 172–73).

• Akanyetsa go abela maitemogelo a o nnileng le one a a tsamaisanang le melawana kgotsa ditsholofetso mo Dithuto le Dikgolagano 30–34. O ithutile eng kgotsa o ikutlwa jang ka Mmoloki le tiro ya Gagwe fa o ntse o Mo direla?

Go na le ditsela tse dintsi tsa go abelana efangele.

Paka ka ditshegofatso tse di solofeditsweng. Fa o laletsa bana go tshela molawana wa efangele, o ka abelana ditsolofetso tse Modimo a di dirileng mo bathong ba ba tshelang ka molawana oo. Sekai, o ka paka ka ditshegofatso tse A di re neelang fa re bula melomo ya rona le go abelana efangele.

Dithuto le Dikgolagano 33:12–13

Ke ka aga botshelo jwa me mo efangeleng ya ga Jeso Keresete.

• O ka isa bana ba gago kwa ntle go bona motheo wa legae la bone kgotsa kago ya Kereke mme o ba kope go o tlhalosa. Ke eng kago e tlhoka motheo o o tiileng, o o tsepameng? Bala le bone Dithuto le Dikgolagano 33:12–13, mme lo abelelane maikutlo a lona ka gore ke eng Morena a batla re aga matshelo a rona mo efangeleng ya Gagwe. Ke eng “lefika” e le lefoko le le molemo go tlholosa efangele? Re ka aga matshelo a rona jang mo lefikeng la efangeleng? (bona le gone Mathaio 7:24–29

Ka ga megopolo e mentsi, bona kgatiso ya kgwedi e ya Friend makasine.

Go into the Wilderness, ka Robert T. Barrett