Mopitlo 31–Moranang 6: “Jeso Keresete o Tlaa Phuta Batho ba Gagwe”

Dithuto le Dikgolagano 29

Le ntswa Kereke ya ga Jeso Keresete e rulagantswe ka 1830, bontsi jwa boammaaruri jwa efangele bo ne bo santse bo tlaa senolwa, mme maloko a le mmalwa a Kereke a pele a ne a na le dipotso. Ba ne ba badile diperofeso mo Bukeng ya ga Momone mabapi le go phutiwa ga Iseraele le go aga Sione (bona 3 Nefi 21). Se se tlaa diragala jang? Ditshenolo tse Hiram Page a neng a ipateletsa gore o di amogetse di ne tsa kabakanya mo setlhogong seo, tse di neng fela tsa oketsa keletso ya kitso ya maloko (bona Dithuto le Dikgolagano 28). Batho ba bangwe ne ba ipotsa ka Go Wa ga ga Atame le Efa le loso la semowa. Morena o ne a amogela dipotso tsena ka 1830, mme o amogela dipotso tsa rona gompieno. “Le fa e ka bo e le eng fela se lo se kopang mo tumelong,” O boleletse Baitshephi, “lo tshwaraganye mo thapelong go ya ka taelo ya me, lo tlaa se amogela” (Dithuto le Dikgolagano 29:6 Le gale, jaaka tshenolo e nonofileng ya thuto mo Dithuto le Dikgolagano 29 e supa gore, Morena ka dinako dingwe o fetola dipotso tsa rona ka go re neela boammaaruri le kitso go feta thata seo re se kopang.

Megopolo ya go Ithuta kwa Gae le kwa Kerekeng

Dithuto le Dikgolagano 29

Rara wa Legodimo o na le togamaano ya poloko ya bana ba Gagwe.

Dithuto le Dikgolagano 29 e ruta boammaaruri jo bontsi ka togamaano ya Modimo ya gago. Fa o ntse o bala, batla boammaaruri jo o bo ithutang ka dikarolo dingwe le dingwe tse di latelang tsa togamaano ya Gagwe:

• Botshelo pele ga jo (bona ditemana 36–37)

• Tlholego (bona ditemane 31:33)

• Go Wa ga ga Atame le Efa (bona ditemana 40–41)

• Botshelo jwa go swa (bona ditemana 39, 42–45)

• Tetlanyo ya ga Jeso Keresete (bona ditemana 1, 42–43, 46–50)

• Tsogo (bona ditemana 13, 26

• Katlholo ya Bofelo (bona temana 12–13, 27–30)

Ke ditshedimosetso dife tse o di boneng? Fa go go thusa, o ka di kwala mo lefelong le le neilweng le ditshwantsho kwa bokhutlong jwa tshoboko e. Boammaaruri jo bo rotloetsa botshelo jwa gago jang?

Bona le gone Ditlhogo le Dipotso, “Togamaano ya Poloko,” Motlobo wa Efangele.

Ntlha go tswa Tlaya kwa go Nna, ka Jenedy Paige

Dithuto le Dikgolagano 29:1–28

Jeso Keresete o ntaletsa go thusa go phutha ga batho ba Gagwe pele ga go Tla ga Bobedi ga Gagwe.

Jeso Keresete o bua ka go phutega ga batho ba Gagwe, “jaaka koko e phutha dikokwana tsa yone mo diphukeng tsa yone” (Dithuto le Dikgolagano 29: 2). Tshwantshanyo ena e go ruta eng ka ga Jeso Keresete? Ke dikakanyo dife tse di oketsegileng kgotsa dithotloetso tse di tlang kwa go wena fa o ithutuntsha tshwantshanyo ya koko le dikokwana mo tshobokong e? Akanya ka fa o utlwileng Jeso Keresete a go phutha le go go sireletsa.

Jaaka o ithutuntsha Dithuto le Dikgolagano 29:1–11, batla ditshedimosetso ka ga:

• Ke bomang ba ba tlaa phutiwang.

• Go raya eng go “phuthegela” kwa go Keresete?

• Ke eng re phuthegela kwa go Ene.

Tlhatlhanya gore ke eng o batla batho ba bangwe ba phutegela kwa go Jeso Keresete. O ikutlwa o tlhotlheletsega go dira eng go thusa?

O ka ipotsa dipotso tse di tshwanang fa o ntse o lebeletse setshwantsho sa motsikinyego “A Witness of God” (Motlobo wa Efangele) kgotsa go bala kgotsa go reetsa sefela ka go phuthega, sekai “Israel, Israel, God Is Calling” (Hymns, no. 7). O utlwa ekete Morena o leka go go ruta eng ka tiro ya Gagwe ya go phuthega?

A Witness of God

Elder Neil L. Andersen describes how all of God's children are pieces of a large puzzle in preparation for the Second Coming of Jesus Christ.

Poresidente Russell M. Nelson o rile: “Jaanong go phuthega go diragala mo tshabeng nngwe le nngwe. Morena o laotse tlhomamiso ya Sione mo bogosing bongwe le bongwe kwa a neetseng Baitshepi ba Gagwe botsalo jwa bone le letso” (“The Gathering of Scattered Israel,” Liahona, Nov. 2006, 81). Go phuthega ka tsela e go re thusa jang go “nna re ipaakantse mo dilong tsotlhe” ka go Tla ga Bobedi ga Mmoloki? (temana 8; bona le gone ditemana 14–28).

Bona le gone Russell M. Nelson and Wendy W. Nelson, “Hope of Israel” (worldwide youth devotional, June 3, 2018), Motlobo wa Efangele; D. Todd Christofferson, “The Doctrine of Belonging,” Liahona, Nov. 2022, 53–56; Topics and Questions, “Gathering of Israel,” Motlobo wa Efangele.

Dithuto le Dikgolagano 29:31–35

“Dilo tsotlhe mo go nna di semowa.”

Fa o ntse o ithutuntsha Dithuto le Dikgolagano 29:31–35, ipotse, “Ke ka tsela efe e ditaelo tsotlhe di leng semowa?” O ka nankola ditaelo di sekae mme wa akanyetsa ka boammaaruri jwa semowa jo bo amanang le nngwe le nngwe ya tsone. Tshekatsheko ya Go Nonofo ya Banana: Kaelo ya go Dira Boitshenkelo e ka thusa—e ruta jo bongwe boammaaruri jwa bosakhutleng jo bo gare ga ditaelo tse di mmalwa tsa Modimo.

Go itse gore “dilo tsotlhe … di semowa” go ama tsela e o lebang ditaelo tsa Modimo jang? Akanyetsa ka go batla bokao jwa semowa kgotsa boikaelelo mo dikarolong tse dingwe tsa botshelo jwa gago le gone.

Bona le gone 2 Nefi 9:39.

Tsepamisa kelelelo mo go Jeso Keresete. “Setlhogo sengwe le sengwe sa efangele [ke] monyetla wa go ruta le go ithuta ka Jeso Keresete” (Teaching in the Savior’s Way, 6). O ithuta eng ka mokgwa wa Gagwe, tiro ya Gagwe, le sekai sa Gagwe fa o bala Dithuto le Dikgolagano 29

Dithuto le Dikgolagano 29:36–50

Jeso Keresete o re rekolola mo go Weng.

O ka dirisa jang Dithuto le Dikgolagano 29:36–50 go tlhalosa gore ke ka ntlha ya eng re tlhoka thekololo ka Jeso Keresete?

Go Wa ga ga Atamo le Efa go tlisitse loso le sebe mo lefatsheng, mme gape go ne ga baakanya tsela ya thekololo le boitumelo ka Keresete. Ka kakanyo eo mo tlhaloganyong, bala ditemana 39–43 mme o kwale mafoko le dielana tse di go tlisetsang boitumelo. Ke eng se se go kgatlhang ka se Atamo le Efa ba se buileng mabapi le go Wa mo Moshe 5:10–12?

Bona le gone “Why We Need a Savior” (setshwantsho sa motshikenyego), Motlobo wa Efangele.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 29

Rara wa Legodimo o na le togamaano ya poloko ya bana ba Gagwe.

• Go simolodisa puisano ka togamaano ya Rara wa Legodimo ya rona, wena le bana ba gago le ka bua ka nako e ka yone lo dirileng togamaano, sekai ya loeto kgotsa ya go diragatsa tiro. Le gone o ka abelana dikai tsa ditogamaano, sekai khalendara e na le ditiro tse di kwadilweng mo go yone kgotsa ditaolo go dira sengwe. Ke eng ditogamaano di le molemo? Ke gone o ka buang ka se Rara wa Legodimo a batlang go se fitlhelela le ka fa togamaano ya Gagwe e re thusang go se fitlhelela.

• O ka dirisa ditshwantsho tse di kwa bofelong jwa tshoboko e go thusa bana ba gago go bona ditemana mo Dithuto le Dikgolagano 29 tse di rutang ka dikarolo tse di farologanyeng tsa togamaano ya ga Rara wa Legodimo. Le gone o ka sega ditshwantsho mme wa kopa bana ba gago go di baya ka thulaganyo e e tsepameng. Ke eng re itumelela go itse gore Rara wa Legodimo o na le togamaano ya rona? Go itse ka yone go rotloetsa matshelo a rona a letsatsi le letsatsi jang?

Dithuto le Dikgologano 29: 1–2, 7–8

Jeso Keresete o phutha batho ba Gagwe pele ga A tla gape.

• Tshwantshiso e e fa tlase ya koko e phutha dikokwana tsa yone kgotsa setshwantsho sa motshikenyego “Dikokwana le Dikoko” (ChurchofJesusChrist.org) e ka thusa bana ba gago go akanyetsa tshwantshanyo e mo Dithuto le Dikgolagano 29:1–2 Ke gone le ka balang ditemana tsena mmogo mme la buisane mabapi le ka fa koko e sireletsang dikokwana tsa yone le gore seo se tshwanang jang le se Mmoloki a ka re direlang sone.

  Chicks and Hens

  

  Ke Tlaa Lo Phutha, ka Liz Lemon Swindle

• Ke eng se se ka tlhotlheletsang bana ba gago go batla go thusa Mmoloki go phutha batho ba Gagwe? Gongwe ba ka rata go utlwa maitemogelo a mongwe yo o “phuthegetseng” kwa go ene ka go golagana le Kereke ya Gagwe. Sekai, ke mang yo o itsisitseng lelwapa la gago ka Kereke? Re segofaditswe jang ka go amogela pitso ya Mmoloki ya go phuthegela kwa go Ene. Re ka thusa ba bangwe jang go phuthegela kwa go Ene? (Bona “Molaetsa wa bana go tswa mo go Poresidente Russell M. Nelson” [setshwantsho sa motshikenyego], ChurchofJesusChrist.org.)

  Video: A Message for Children from President Russell M. Nelson

  In the 2021 Friend to Friend event, President Russell M. Nelson gave this message to children around the world.

Dithuto le Dikgolagano 29:11

Jeso Keresete o tlaa tla gape.

• Setshwantsho sa Go Tla ga Bobedi ga Mmoloki (sekai Gospel Art Book, no. 66) kgotsa pina ka ga gone (sekai “When He Comes Again,” Children’s Songbook, 82–83) e ka go thusa wena le bana ba gago go buisana ka Dithuto le Dikgolagano 29:11 Thusa bana ba gago go lemoga diele mo lokwalong tse di amanang le sengwe mo setshwantshong kgotsa pina. Abelanang ka fa lo ikutlwang ka teng mabapi le go tla gape ga ga Jeso Keresete mo lefatsheng.

Ka ga megopolo e mentsi, bona kgatiso ya kgwedi e ya Friend makasine.