Mopitlo 24–30: “Dilo Tsotlhe di Tshwanetse go Dirwa ka Thulaganyo”

Dithuto le Dikgolagano 27– 28

Tshenolo e ne e santse e le mogopolo o mosha mo Baitsheping fa Tsosoloso e ntse e tswela pele. Maloko a pele a Kereke ba ne ba itse gore Moperofeti Joseph Smith o ka amogela tshenolo ka ga Kereke. Mme a ba bangwe? Dipotso tse di tshwanang le tse tsa nna fa Hiram Page, mongwe wa Basupi ba ba boferabobedi ba dipapetlana tsa gauta, a dumela gore o amogetse ditshenolo ka ga Kereke. Baitshepi ba bantsi ba ba boikanyego ba ne ba dumela gore ditshenolo tsena di ne di tswa kwa Modimong. Morena o ne a fetola ka go ruta gore mo Kerekeng ya Gagwe “dilo tsotlhe di tshwanetse go dirwa ka thulaganyo” (Dithuto le Dikgolagano 28: 13). Se se ne se raya go nna le motho a le mongwefela yo o “tlhomilweng go amogela ditaelo le ditshenolo ka ga Kereke yotlhe (Dithuto le Dikgologano 28:2). Ba bangwe, le fa gontse jalo, ba ka amogela tshenolo ya motho ka ga karolo ya bone mo tirong ya Morena. Le gale, mafoko a Morena mo go Oliver Cowdery ke kgakololo mo go rona rotlhe: “O tlaa neelwa … se o tlaa se dirang” (Dithuto le Dikgolagano 28:15).

Bona le gone “All Things Must Be Done in Order,” mo Revelations in Context, 50–53.

Megopolo ya go Ithuta kwa Gae le kwa Kerekeng

Dithuto le Dikgolagano 27:1–4

Ke ja sakaramente mo kgakologelong ya ga Jeso Keresete.

Sally Knight le Emma Smith ba kolobeditswe ka Seetebosigo 1830, mme ditlhomamiso tsa bone di ne tsa kgorelediwa ke segopa sa batho. Kgwedi tse pedi morago, Sally le monna wa gagwe, Newel, ba ne ba etela Emma le Joseph, mme go ne ga tsewa tshwetso ya gore jaanong ba tlaa tlhomamisiwa le gore setlhopha se tlaa ja sakaramente botlhe. Fa a le motseleng ya gagwe go tsaya mofine wa sakaramente, Joseph o ne a emisiwa ke moengele.

Bala Dithuto le Dikgolagano 27:1–4 go bona se moengele a mo rutileng sone ka ga sakaramente. Ditemana tse di kaya eng ka ga se Mmoloki a batlang o atamela sakaramente ka teng? O akanya gore go se ja ka leitlho le le lebeletseng kgalalelo ya Gagwe fela gore raya eng? Tlhatlhanya ka se—mme o batle ditshedimosetso tse dingwe ka sakaramente—fa o bala Luke 22:19–20 le 3 Nefi 18:1–11. (Bona le gone ditshwantsho tsa motsikinyego “The Last Supper,” “Jesus Christ Blesses Bread in Remembrance of Him,” le “Jesus Christ Blesses Wine in Remembrance of Him,” Motlobo wa Efangele).

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Go ithuta ka ga go dira sakaramente kobamelo e e nang le maitemogelo, akanyetsa go ithuta molaetsa wa ga Mogolwane D. Todd Christofferson “The Living Bread Which Came Down from Heaven” (Liahona, Nov. 2017, 36–39). Ke eng se Mogolwane Christofferson a se rutang se se ka go thusang go utlwa kgolagano e kgolo le Mmoloki ka sakaramente? Tlhatlhanya ka se o ka se dirang go ipaakanya botoka go ja dikano tsa Tetlanyo ya Mmoloki mme wa di tsaya ka tlotlo e kgolo kgotsa boikaelelo.

Akanyetsa go opela, reetsa, kgotsa go bala sefela sa sakaramente, jaaka “As Now We Take the Sacrament” (Hymns, no. 169), le go kwala maikutlo a gago ka go tsaya karolo mo taong ena e e boitshepo.

Dirisa moopelo. Moopelo o o boitshepo o laletsa Mowa go paka ka boammaaruri jwa efangele. O ka go thusa go tlhaloganya le go utlwa boammaaruri jona ka tsela e e gopotsang. Moopelo le gone o thusa go dira go ithuta go nne monate.

Bona le gone Dithuto le Dikgolagano 20:77, 79; 59:9–13; Ditlhogo le Dipotso, “Sakaramente,” Motlobo wa Efangele; “Obtaining and Retaining a Remission of Sins through Ordinances,” mo David A. Bednar, “Always Retain a Remission of Your Sins,” Liahona, Motsheganong 2016, 60–62.

Always Retain a Remission of Your Sins

Elder Bednar teaches about how priesthood ordinances help us retain a remission of our sins.

Dithuto le Dikgolagano 27:5–14

Morena o neela batlhanka ba Gagwe dilotlele tsa boperositi go kaela tiro ya Gagwe.

O itse eng ka ga baperofiti ba ba umakilweng mo ditemaneng tse? O ka batlisisa kitso ka bone mo Guide to the Scriptures. Ke ditshegofatso dife tse o di lotlololetsweng ka dilotlele tse baporefiti ba ba ditshwereng

Dithuto le Dikgolagano 27:15–18

Seaparo sa iphemelo sa Modimo se thusa go ema kgatlhanong le bosula.

Poresidente M. Russell Ballard o rile: “Ga go na selo sepe se segolo le se se tona se re ka se dirang go iphemela semowa. Thata ya boammaaruri ya semowa e ntse mo ditirong tse dintsi tse dinnyennyane tse di logilweeng mo letseleng la tshireletso semowa e e sireletsang le go femela mo bosuleng jotlhe” (“Be Strong in the Lord,” Ensign, Phukwi 2004, 8).

Fa o ithuta ka ga tlhomelo ya Modimo mo Dithuto le Dikgolagano 27:15–18, o ka dira lomati le le tshwana le le. O dira eng go apara kabetlana nngwe le nngwe ya seaparo sa phemelo sa Modimo?

Kabetlana ya seaparo sa phemelo	Dikarolo tsa mmele tse di sireleditsweng	Se karolo eo e ka se kayang
Kabetlana ya seaparo sa phemelo Seiphemelo sehubeng sa tshiamo	Dikarolo tsa mmele tse di sireleditsweng pelo	Se karolo eo e ka se kayang Dikeletso tsa me le dithato
Kabetlana ya seaparo sa phemelo Tlhoro ya phemelo ya poloko	Dikarolo tsa mmele tse di sireleditsweng Tlhogo kgotsa tlhaloganyo	Se karolo eo e ka se kayang
Kabetlana ya seaparo sa phemelo	Dikarolo tsa mmele tse di sireleditsweng	Se karolo eo e ka se kayang
Kabetlana ya seaparo sa phemelo	Dikarolo tsa mmele tse di sireleditsweng	Se karolo eo e ka se kayang

Bona le gone Baefesia 6:11–18; Jorge F. Zeballos, “Building a Life Resistant to the Adversary,” Liahona, Nov. 2022, 50–52.

Dithuto le Dikgolagano 84

Jeso Keresete o kaela Kereke ya Gagwe ka moperofeti wa Gagwe yo o tshelang.

Akanya gore go ka nna jang fa mongwe a ka amogela ditaelo le tshenolo ka ga Kereke yotlhe. Fa Hiram Page a ne a bolela gore o amogetse tshenolo e e ntseng jalo, maloko a mantsi a Kereke a ne a tsietsega. Mo Dithuto le Dikgolagano 28, Morena o senotse thulaganyo ya tshenolo mo Kerekeng ya Gagwe. O ithuta eng mo kgaolong e ka ga tiro e e kgethegileng ya Poresidente wa Kereke? O ithuta eng ka ga gore Modimo o ka go kaela jang?

Bona le gone Dale G. Renlund, “A Framework for Personal Revelation,” Liahona, Nov. 2022, 16–19.

Dithuto le Dikgolagano 28:8–9

Ke eng thomo go ya kwa Balamaneng e ne e le botlhokwa?

Boikaelelo bo le bongwe jwa Buka ya ga Momone ke “gore Balamane ba ka tla mo kitsong ya borraabone, le gore ba ka itse ditsholofetso tsa Morena” (Dithuto le Dikgolagano 3:20). Se se ne se tsamaelana le ditsholofetso tse Morena a di dirileng mo baperofeting ba bantsi ba Buka ya ga Momone (bona, sekai, 1 Nefi 13:34–41; Enose 1:11–18; Helamane 15:12–13). Maloko a Kereke a pele ba ne ba tsaya Maindia a Maamerika go nna dikokomane tsa batho ba Buka ya ga Momone. (Maemo a semmuso a Kereke gompieno ke gore Balamane “ba mogare ga bagologolo ba Maindia ba Maamerika” [ketapele ya Buka ya ga Momone].)

Go bala thata ka ga thomo ya ga Oliver Cowdery go ya kwa Maindia a Maamerika a gaufi, bona, “A Mission to the Lamanites,” Revelations in Context, 45–49. Thomo ena e go ruta eng ka Morena le tiro ya Gagwe?

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 27:1–2

Sakaramente e nthusa go gakologelwa Jeso Keresete.

• Bana ba ka gakgamalela gore ke eng re dirisa metsi ka sakaramente fa Jeso a ne a dirisa mofine (bona Luke 22:19–20; 3 Nefi 18:1–11). Lo ka bala Dithuto le Dikgolagano 27:1–2 mmogo mme la buisana gore go raya eng go tsaya sakaramente “leitlho le le lengwe le le lebeletseng fela kgalalelo ya [Modimo]” (temana 2). Re ka dira eng go tsepama mo Mmoloking fa re tsaya sakaramente?

• Gongwe go nna le ditshwantso, ditemana tsa dikwalo, kgotsa mafoko a pina ka ga Mmoloki go ka thusa bana ba gago go Mo gakologelwa fa ba tsaya sakaramente. Ba ka itumelela go dira bukana ka dingwe tsa ditshwantsho tsena, ditemana, le mafoko a pina. Ba ka taka ditshwantsho tsa bone kgotsa ba bona tse dingwe mo Friend makasine.

Ntlha go tswa Selalelo Sa Bofelo, ka Simon Dewey

Dithuto le Dikgolagano 27:15–18

Seaparo sa phemelo sa Modimo se a ntshireletsa.

• O ka bontsha bana ba gago setshwantsho sa seaparo sa phemelo se se tshwanang le se se mo nankolong e kgotsa mo tsebeng ya ditiragalo mo nankolong ya Baefesia mo Tlayang,Ntshaleng morago—Ya Poraemari: Kgolagano e Ntsha. Jaaka o ithutuntsha Dithuto le Dikgolagano 27:15–18, ba thuse go bona dikapetlana tsa seaparo sa phemelo mo setshwantshong. Seaparo sa phemelo se ka re thusa jang go “ema mo letsatsing la bosula”? (temana 15).

Dithuto le Dikgologano 28: 2, 6–7

Moperofiti o amogela tshenolo ya Kereke; ke amogela tshenolo ya botshelo jwa me.

• Fa o na le bana ba le mmalwa. O ka nna wa ba laletsa go tshameka “sala morago moeteledipele,” mme o kope bana ba babedi kgotsa go feta gore e nne moeteledipele ka nako e le nngwe. Go diragala eng fa go na le baeteledipele ba ba fetang bongwe? Ke gone o ka ithutang ka ga Hiram Page (bona “Chapter 14: The Prophet and Revelations for the Church,” mo dipolelong tsa Dithuto le Dikgolagano, 56–57, kgotsa setshwantsho sa motsikinyego se se tsamaelang le sone mo Motlobong wa Efangele; kgotsa setlhogo sa kgaolo sa Dithuto le Dikgolagano 28). Rara wa Legodimo o ne a siamisa jang tsietsego ya maloko a Kereke a pele? O etelelapele jang Kereke gompieno ?(bona Dithuto le Dikgolagano 28:2). Abelana bopaki jwa gago jwa gore moperofeti wa bosheng o biditswe ke Morena go etelelapele Kereke ya Gagwe mo motlheng wa rona.

  Chapter 14: The Prophet and Revelations for the Church: September 1830

• Le fa tshenolo ya Kereke ka metlha e neelwa ka moperofeti, rotlhe re ka kaelwa ke Mowa o o Boitshepo.a O ka thusa bana ba gago go batlisisa tse dingwe tsa dikwalo tse di latelang mme o dire nankolo ya ditsela tse Mowa o o Boitshepo o ka re kaelang ka tsone: Dithuto le Dikgolagano 28:1,4, 15; Johane 14:26; Moroni 8:26; 10:4-5. Abelanang ka fa lo kaetsweng ka teng ke Mowa o o Boitshepo.

Ka ga megopolo e mentsi, bona kgatiso ya kgwedi e ya Friend makasine.