Mopitlo 10–16: “Go Tsoga ga Kereke ya ga Keresete”

Dithuto le Dikgolagano 20–22

Tiro ya Mmoloki ya go tlisa pele Buka ya ga Momone jaanong e ne e weditswe. Mme tiro ya Gagwe ya Tsosoloso e ne e sa tswa go simologa. Mo tlaleletsong ya go tsosolosa taolo ya dithuto le boperesiti, Morena o ne a tlhalositse ka ditshenolo tsa gale gore le Ene o ne a batla go buseletsa thulaganyo semmuso—Kereke ya Gagwe (bona Dithuto le Dikgolagano 10:53; 18:5). Ka Moranang 6, 1830, badumedi ba feta 40 ba kgobokanela mo legaeng la mapolanka la lelwapa la ga Whitmer mo Fayette, New York, go bona thulaganyo ya Kereke ya ga Jeso.

Batho bangwe ba ipotsa gore ke eng Kereke e rulagantsweng e tlhokega. Karabo e ka bonwa, go le go botlana ka karolo, mo ditshenolong tse di amanang le bokopano joo jwa ntlha jwa Kereke ka 1830. Di tlhalosa ditshegofatso tse di kabong di sa kgonagala fa Kereke ya boammaaruri ya ga Jeso Keresete e ne ya seka ya “rulaganngwa le go tlhomamisiwa” mo malatsing a bofelo (Dithuto le Dikgolagano 20:1).

Bona le gone Saints, 1:84–86; “Build Up My Church,” mo Revelations in Context, 29–32.

Megopolo ya go Ithuta kwa Gae le kwa Kerekeng

Dithuto le Dikgolagano 20–21

Jeso Keresete o tsosolositse Kereke ya Gagwe.

Ke eng re na le Kereke e e rulagantsweng? Gongwe karabo e e botoka ke “Ka ntlha ya gore Jeso Keresete o ne a rulaganya e le nngwe.” Fa o ithutuntsha Dithuto le Dikgolagano 20–21, o ka lemoga go tshwana fa gare ga Kereke e A neng a e tlhomamisitse bogologolo le A e tsosolositseng gompieno. Dirisa ditemana tse di latelang go ithuta ka Kereke ya Mmoloki mo metlheng ya bogologolo: Mathaio 16:15–19; Johane 7:16–17; Baefeso 2:19–22; 3 Nefi 11:23–26; Moroni 4–5. Dirisa ditemana tsena go ithuta ka Kereke e e tsosolositsweng: Dithuto le Dikgolagano 20:17–25, 60, 72–79; 21:1–2. O ka kwala se o se boneng mo nankolong e tshwana le e:

	Thuto	Ditao	Taolo ya Boperesiti	Baperofeti
Kereke ya ga Keresete ya bogologolo	Thuto	Ditao	Taolo ya Boperesiti	Baperofeti
Kereke ya ga Keresete e e tsosolositsweng	Thuto	Ditao	Taolo ya Boperesiti	Baperofeti

O ithuta eng mo tirong ena mabapi le gore ke eng Jeso Keresete a tlhomamisitse—le go tsosolosa—Kereke ya Gagwe?

Bona le gone Dallin H. Oaks, “The Need for a Church,” Liahona, Nov. 2021, 24–26.

Laletsa go abelana. Fa o laletsa batho go abelana se ba ntseng ba se ithuta ka bo bone, ba tlaa ikutlwa ba kgothaletswa go tswelela ka ithutuntsho ya bone ya motho. O ka laletsa ba bangwe go abelana eng?

Dithuto le Dikgolagano 20:37, 75–79; 22

Ditao tse di boitshepo di nthusa go nna jaaka Mmoloki.

Fa kereke e ne e rulaganngwa, Morena o ne a ruta Baitshepi ba Gagwe ka ditao tse di boitshepo, go akaretsa kolobetso le sakaramente. Fa o ntse o bala ka ditao tsena, tlhatlhanya ka fa di go thusang ka teng go ikutlwa o golagane le Mmoloki. Sekai, ditao tsena di go thusa jang go tshegetsa “maikaelelo a gago go direla [Jeso Keresete] go ya bokhutlong”? (temana 37). O ka bala gape dithapelo tsa sakaramente (ditemana 77, 79) mme o akanye gore o di utlwa lantlha. Ke ditshedimosetso dife tse o di amogelang?

Bonale gone D. Todd Christofferson, “Why the Covenant Path,” Liahona, Motsheganong 2021, 116–19.

Dithuto le Dikgolagano 20:38–60

Tirelo ya boperesiti e segofatsa maloko a Kereke le malwapa a bone.

A o kile wa akanya ka gore ke eng go ne go le botlhokwa mo go Mmoloki go tsosolosa boperesiti mo Kerekeng ya Gagwe? Go bala se a kopang batshwara boperesiti go se dira mo Dithuto le Dikgolagano 20:38–60 go ka go neela di tshedimosetso dingwe. Mmoloki o go segofaditse jang le lelwapa la gago ka tiro e e tlhalositsweng mo ditemaneng tsena?

Mo tlaleletsong mo go bao ba ba tlhomilweng mo boperesiting, basadi ba ba lomolotsweng go direla mo Kerekeng le bone ba dirisa taolo ya Modimo jaaka ba tsaya karolo mo tirong ya Gagwe. Go itse gore jang, bona molaetsa wa ga Poresidente Dallin H. Oaks “The Keys and Authority of the Priesthood” (Liahona, Motsheganong 2014, 49–52).

Bona le gone Ditlhogo le Dipotso, “Joseph Smith’s Teachings about Priesthood, Temple, and Women,” Motlobo wa Efangele.

Dithuto le Dikgolagano 21

Go obamela lefoko la Modimo ka baperofeti ba Gagwe go tlaa go neela tshireletso ya selegodimo.

Dithuto le Dikgolagano 21:4–9 e na le ditaletso go sala morago moperofeti wa Morena le ditsholofetso tse di maatla ka ga batho ba ba dirang jalo. Megopolo e e latelang e ka go thusa go tlhatlhanya ka ditemana tse:

• Ke mafoko afe mo ditemaneng 4–5 a a tlhalosang se Mmoloki a batlang gore o se dire ka mafoko a moperofeti wa Gagwe yo o tshelang? Ke eng o ikutlwa gore “bopelotelele le tumelo” di tlhokega go dira se?

• Tlhatlhanya ka setshwantsho se Mmoloki a se dirisang mo temaneng 6 go tlhalosa ditshegofatso tsa go sala morago moperofeti wa Gagwe. O akanya gore go tewa eng ka “dikgoro tsa molete”? Morena o go “tlosetsa dithata tsa lefifi” jang? Go raya eng gore “magodimo a tlaa tshikinyegela molemo wa gago“?

• Ke eng se Morena a kopang gore o se dire ka Poresidente ya Kereke ya bosheng? Morena o diragaditse ditsholofetso tsa Gagwe jang jaaka o sala morago kgakololo ya gagwe?

Nankola ditshedimosetso tse dingwe tse o di bonang mo dikarolong tse di latelang tsa molaetsa wa ga Mogolwane Neil L. Andersen “The Prophet of God” (Liahona, Motsheganong 2018, 24–27):

• Ke eng Re Sala Moperofeti morago:

• Molebedi mo Toreng

• O Se ka wa Gakgamala:

Bona le gone setshwantsho sa motshikinyego “Molebedi mo Toreng”,ChurchofJesusChrist.org; Topics and Questions, “Prophets,” Motlobo wa Efangele; “We Listen to a Prophet’s Voice,” Hymns, no. 22.

Watchman on the Tower

(Ezekiel 33:1-7) The Lord calls prophets to be the "watchmen" on the tower.

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 20–21

Kereke ya ga Jeso Keresete e tsosolositswe.

• Akanyetsa go dirisa setlhogo sa kgaolo sa Dithuto le Dikgolagano 21, kgaolo 9 ya Dipolelo tsa Dithuto le Dikgolagano, kgotsa setshwantsho sa motshikinyego “Thulaganyo ya Kereke” (ChurchofJesusChrist.org) go thusa bana ba gago go tlhaloganya se se neng sa diragala mo letsatsing le Kereke e neng e rulaganngwa ka lone.

  Chapter 9: Organization of the Church of Jesus Christ: 6•April 1830

• Gongwe bana ba gago ba ka bapisa ditshwantsho tsa ga Jeso Keresete, mongwe a direla, kolobetso, le sakaramente le ditemana mo kgaolo 20 (bona ditemana 21–23, 47, 72–74, 75–79). Dirisa ditshwantsho tse le ditemana go buisana ka ditshegofatso tse re nang le tsone ka ntlha ya gore Jeso Keresete o tsosolisitsweng Kereke ya Gagwe.

Dithuto le Dikgologano 20:37, 41, 71– 74

Fa Ke kolobediwa le tlhomamisiwa, ke solofetsa go sala morago Jeso Keresete.

• Bana ba gago ba ka itumela go bona setshwantsho sa ngwana a kolobediwa le tlhomamisiwa. Ba ka supa gore e tshwana jang le ditaolo mo Dithuto le Dikgolagano 20:41, 71– 74. Re ithutang mo Dithuto le Dikgolagano 20:37 ka batho ba ba batlang go kolobediwa? Le gone o ka opela “When I Am Baptized” mmogo (Children’s Songbook, 103) kgotsa lebelela setshwantsho sa motshikinyego “The Baptism of Jesus” (Motlobo wa Efangele).

  The Baptism of Jesus

  Jesus seeks out John the Baptist and is baptized in order to fulfill all righteousness.

  

• Fa e le gore bana ba gago ba setse ba kolobeditswe le tlhomamisitswe, ba botse ka ga maitemogelo a bone. A ba na le ditshwantsho tse ba ka di abelanang? Bua le bone ka se ba se dirang go sala Jeso Keresete morago le ka fa a ba segofatsang ka teng.

Dithuto le Dikgolagano 20:75–79

Ke ka tsaya leina la ga Jeso mo go nna mme ka metlha ka Mo gakologelwa.

• Bana ba gago ba ka batla lefoko “go rata” gotlhe mo Dithuto le Dikgolagano 20:37 (ka kolobetso) letemana 77 (thapelo ya sakaramente). Jeso Keresete re rata go dira eng? Gongwe bana ba gago ba ka leba sengwe se se nang le leina mo go sone (sekai leina la kgwebo kgotsa leina la motho). Leina le re bolelela eng ka selo se? Go raya eng go tsaya leina la ga Jeso Keresete mo go rona?

• Akanyetsa go bala mmogo Dithuto le Dikgologano 20:77 mme o botsa bana ba gago go supa ditsholofetso tse re di dirang e le karolo ya sakaramente. Gongwe ba ka faapana ba diragatsa sengwe se ba ka se dirang go “gakologelwa ka metlha” Mmoloki mme ba fopholetsa gore ditiragatso tsa yo mongwe le mongwe ke dife. Go yeng ka temana 77, re segofadiwa jang fa re gakologelwa Mmoloki ka metlha?

Dithuto le Dikgolagano 21:4–6

Jeso o a ntshegofatsa jaaka ke sala moperofiti wa gagwe morago.

• Fa re sena go lemoga ditaletso le ditsholofetso mo Dithuto le Dikgolagano 21:4–6, bana ba gago ba ka leba setshwantsho sa moperofiti wa bosheng mme ba abelana sengwe se ba se ithutileng kgotsa se ba se utlwileng mo go ene. Abelelanang ditsela tse Jeso Keresete a le segofaditseng ka tsone ka go sala moperofeti wa Gagwe morago.

Ka ga megopolo e mentsi, bona kgatiso ya kgwedi e ya Friend makasine.

Oliver Cowdery o tlhoma Joseph Smith, ka Walter Rane