Tlhakole 24–Mopitlo 2: “Botlhokwa jwa Mewa bo Bogolo”

Dithuto le Dikgolagano 18

Go na le ditsela tse dintsi tse re ka lekang go lekanyetsa botlhokwa jwa motho. Talente, thuto, khumo, le ditebego tsotlhe di ka ama ka fa re sekasekang ba bangwe—le rona. Mme mo matlhong a Modimo, botlhokwa jwa rona ke selo se se motlhofo, mme go kaiwa sentle mo go Dithuto le Dikgolagano 18: “Gakologelwa gore botlhokwa jwa mewa bo bogolo mo ponong ya Modimo” (temana 10). Boammaaruri jo bo motlhofo jo bo tlhalosa thata ka se Modimo a se dirang le gore ke eng a se dira. Ke eng a ne a laela Joseph Smith le Oliver Cowdery go tlhomamisa Kereke ya ga Jeso Keresete mo malatsing a rona? (bona ditemana 1–5). Gonne botlhokwa jwa mewa bo bogolo. Ke eng A “laola batho botlhe gongwe le gongwe go ikwatlhaya” le go romela Baaposetole go rera boikotlhao? (temana 9). Gonne botlhokwa jwa mewa bo bogolo. Mme ke eng Jeso Keresete a ne a boga “loso mo nameng” le “botlhoko jwa batho botlhe”? (verse 11). Gonne botlhokwa jwa mewa bo bogolo. Le fa nngwe ya mewa eo e ikgethela go amogela neo ya Mmoloki, O a ipela, gonne” bo bogolo boitumelo mo moweng o o ikwatlhayang” (verse 13).

Megopolo ya go Ithuta kwa Gae le kwa Kerekeng

Dithuto le Dikgolagano 18:1–5

“Aga kereke ya me.”

Mo karolo 18, Morena o neetse Oliver Cowder ditaelo go thusa go baya motheo wa Kereke ya ga Jeso Keresete. O lemoga eng ka kgakololo e a e neetseng—segolobogolo mo go ditemana 1–5? O ka akanya ka fa kgakololo a e neetseng e go amang jaaka o “godisa” tumelo ya gago mo go Keresete. Ka sekai:

• O “eleditse go itse” eng ka Morena? (temana 1).

• Go raya eng mo go wena go “ikaega ka dilo tse di kwadilweng”? (temana 3). Mowa “o go supegeditse” jang gore dilo tse di boammaaruri? (temana 2; bona gape Dithuto le Dikgolagano 6:22–24).

• O aga jang botshelo jwa gago mo “motheong wa efangele ya [Mmoloki] le lejwe la [Gagwe]”? (temana 5).

Botsa dipotso. Dithuto le Dikgolagano ke bosupi gore dipotso di gogela go tshenolo. Jaaka o ithutuntsha dikwalo tse di boitshepo, kwala dipotso tse o nang le tsone. Go tswa foo o tlhatlhanya le go rapela go batla dikarabo.

Dithuto le Dikgolagano 18:10–13

“Botlhokwa jwa mewa bo bogolo mo ponong ya Modimo.”

Re tlhotlhomisa jang botlhokwa jwa selo? Ka sekai, ke eng selo se kwa mmarakeng se le tlhwatlhwa kgolo go feta se sengwe? Jaaka o bala karolo 18 beke e, segolobogolo ditemana 10–13, o ka tshwantshanya ka fa batho gantsi ba tlhotlhomisang boleng jwa selo se se dirang boleng jwa mowa mo matlhong a Modimo. Akanya ka go emisetsa leina la gago mo boemong jwa mafoko “mowa,” “mewa,” le “batho botlhe.” Ditemana tse di ka thusa jang motho yo o botsolotsang botlhokwa jwa gagwe?

Fano ke dikarolo tse dingwe tse di rutang ka ga botlhokwa jwa mowa: Luke 15:1–10; Johane 3:16–17; 2 Nefi 26:24–28; Mošhe 1:39. Go ya ka dikarolo tse, o ka khutshwafatsa jang tsela e Modimo a ikutlwang ka wena ka teng? O ka nna wa batla molaetsa wa Poresidente Dieter F. Uchtdorf’s “You Matter to Him” (Liahona, Nov. 2011, 19–22) go batla mafoko le dipolelwana tse di go thusang go itse ka ga botlhokwa jwa gago mo Modimong.

Modimo o go bontsha jang gore o wa botlhokwa jo bogolo mo go Ene? Se se ama jang tsela e o ikutlwang ka yone le ba bangwe?

Bona gape Joy D. Jones, “Value beyond Measure,” Liahona, Nov. 2017, 13–15; Topics and Questions, “Children of God,” Gospel Library.

Dithuto le Dikgolagano 18:11–16

Morena wa itumela fa re ikwatlhaya.

Lemoga ka fa mafoko jaaka ikwatlhaya le boikwatlhao a dirisitsweng go ralala Dithuto le dikgolagano 18. Tlhatlhanya ka se o se ithutang go tswa mo mafokong a nako le nako fa a dirisiwa. Akanya segolobogolo ditemana 11–16. Ditemana tse di ama jang ka fa o ikutlwang ka teng ka boikotlhao—boikotlhao jwa gago le tiro ya gago ya go laletsa batho ba bangwe go ikwatlhaya le go tokafala? Fano ke tsela nngwe ya go gatisa se o se ithutang: nankola ditsela tse mmalwa o ka feleletsang polelwana “Boikotlhao ke .”

Bona gape Alema 36:18–21; Guide to the Scriptures, “Repentance,” Gospel Library; Dale G. Renlund, “Repentance: A Joyful Choice,” Liahona, Nov. 2016, 121–24.

Dintlha go tswa mo go The Prodigal Son, ka Clark Kelley Price

Dithuto le Dikgolagano 18:14–16

Boitumelo bo tla ka go thusa ba bangwe go tla go Keresete.

Jaaka o bala ditemana 14–16, tlhatlhanya gore go raya eng go “bolela boikotlhao”—le gore ke goreng go tlisa boitumelo jalo. Ke ditsela dife tse o di boneng go thusa ba bangwe go tla go Mmoloki le go amogela boitshwarelo? Batho ba bangwe ba go diretse jang jalo?

Bona gape Craig C. Christensen, “There Can Be Nothing So Exquisite and Sweet as Was My Joy,” Liahona, May 2023, 45–47.

Dithuto le Dikgolagano 18:34–36

Ke ka utlwa lentswe la Morena mo dikwalong tse di boitshepo.

Fa mongwe a ka go botsa gore lentswe la Morena le ntse jang, o tlaa reng? Akanya ka potso e jaaka o bala Dithuto le Dikgolagano 18:-34–36? O ithutile eng ka lentswe la Morena fa o bala Dithuto le Dikgolagano? O ka dira eng go utlwa lentswe la Gagwe sentle?

Bona gape “As I Search the Holy Scriptures,” Hymns, no. 277.

Ka ga megopolo e mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Dithuto le Dikgolagano 18:10–13

Mongwe le mongwe wa rona ke wa botlhokwa jo bogolo go Modimo.

• Jaaka wena le bana ba gago le bala Dithuto le Dikgolagano 18:10–13, akanya ka go emisetsa leina le mongwe le mongwe mo boemong jwa mafoko “mowa,” “mewa,” le “batho botlhe.” O ne oka kgona go bua ka fa ditemana tse di re thusang go tlhaloganya ka fa Rara wa Legodimo a ikutlwang ka mongwe le mongwe wa rona.

• Le wena o ka nna wa botsa bana ba gago ka dilo tse batho ba di tsayang di le boleng. Kgotsa o ka ba bontsha sengwe se se boleng go wena. Re tsaya jang dilo tse di boleng mo go rona? Ke gone ba letle go tlhatlhologana go iteba mo seiponeng. Jaaka ba dira, bolelela ngwana mongwe le mongwe gore ke bana ba Modimo mme ke ba botlhokwa jo bogolo. Re ka supetsa ba bangwe jang gore “botlhokwa jwa mewa ya [bone] e kgolo” mo ponong ya rona?

• Go gatelela gore batho botlhe ba botlhokwa jo bogolo go Rara wa Legodimo, bana ba gago ba ka leba setshwantsho kwa bokhutlong jwa palo e fa o bala Dithuto le Dikgolagano 18:10–13. Opelang pina mmogo jaaka “Every Star Is Different” (Children’s Songbook, 142–43) go ka thusa go gatelela ntlha e.

Dintlha go tswa go Worth of a Soul, ka Liz Lemon Swindle

Dithuto le Dikgolagano 18:13–16

Go abelana efangele go tlisa boitumelo jo bogolo.

• Go rotloetsa bana ba gago go abelana efangele ya ga Jeso Keresete, le ka buisana ka ga maitemogelo a fa lo boneng selo se o batlang go se abelana le ditsala tsa gago kgotsa lelwapa. Ke eng one o batla go se abelana, mme go se abelana go dirile gore o ikutlwe jang? Le gone o ka bala Dithuto le Dikgolagano 18:13, 16. Ke eng se se tlisetsang Morena boitumelo? A re ke eng se se ka re tlisetsang boitumelo? Wena le Bana ba gago le ka bua ka maitemogelo mangwe ao kileng wa nna le one ka boitumelo jwa go abelana efangele ya ga Mmoloki.

• Pina ka ga go abelana efangele, jaaka “I Want to Be a Missionary Now” (Children’s Songbook, 168), e ka thusa bana ba gago go akanya ka ditsela tse ba ka abelanang efangele.

Dithuto le Dikgolagano 18:34–36

Ke ka utlwa lentswe la Morena mo dikwalong tse di boitshepo.

• Bana ba gago ba ka kgatlhegela motshameko mo ba ka lekang go lemoga mantswe a batho ba ba farologaneng, jaaka maloko a lelwapa, ditsala, kgotsa baeteledipele ba Kereke. Re lemoga jang mantswe a rona? Re lemoga jang lentswe la Morena? Lo ka bala mmogo Dithuto le Dikgolagano 18:34–36 go buisana ka potso e. Le gone o ka abelana le ba bangwe ka fa o utlwileng lentswe la Morena ka teng mo dikwalong tse di boitshepo.

Ka ga megopolo e mentsi, bona kgatiso ya kgwedi e ya Friend makasine.

Mowa mongwe le mongwe o a tlhokega mo Modimong.