Dintlha go tswa go Gethsemane’s Path, ka Steve McGinty

Mopitlo 3–9: “Ithute mo go Nna”

Dithuto le Dikgolagano 19

Go tsere Martin le Lucy Harris dingwaga go nna le nngwe ya ditshimo tse di siameng thata mo Palmyra, New York. Fela ka 1829 gone ga tlhamalala gore Buka ya ga Momone e ka anamisiwa fela fa Martin a ka neela tshimo ya gagwe go baadimisi ba madi go duela mogatisi. Martin o ne a na le bopaki jwa Buka ya ga Momone, mme Lucy o ne a sena bone. Fa Martin a ka tswelela ka go neela baadimisi ba madi mme Buka ya ga Momone e se rekise sentle, o ne a ka latlhegelwa ke tshimo, a tsenya lenyalo la gagwe mo kotsing, le go senya seriti sa gagwe mo bathong. Le ntswa maemo a rona a farologane le a ga Martin, nako nngwe re lebagana le dipotso tse di thata jaaka tse a lebaganeng le tsone: Efangele ya ga Jeso Keresete e botlhokwa jang mo go nna? Ke rata go ntsha eng setlhabelo go thusa go aga bogosi jwa Modimo? Martin Harris kgabagare a swetsa ka gore o tla neela baadimisi ba madi tshimo ya gagwe gore dikgatiso tse 5,000 tsa Buka ya ga Momone di ka gatisiwa. Mme le e leng setlhabelo se—le sepe setlhabelo se re ka se dirang—se sennye go tshwantshanngwa le setlhabelo sa ga Jeso Keresete, “se segolo bogolo go tsotlhe” (Dithuto le Dikgolagano 19:18), yo o tsholotseng madi ka leroba lengwe le lengwe go boloka ba ba ikwatlhayang.

Ka tshedimosetso e ntsi ka ga kgatiso ya Buka ya ga Momone, bona Saints, 1:76–84.

Megopolo ya go Ithuta kwa Gae le kwa Kerekeng

Dithuto le Dikgolagano 19:1–12

“Nna, Modimo, ke bosenang bokhutlo.”

Joseph Smith o tlhalositse gore tshenolo ee mo karolong 19 ke “taelo … go Martin Harris, e e neetsweng ke ene yo o e leng Bosakhutleng” (setlhogo sa karolo). Batla mafelo mo ditemana1–12 kwa Morena a gateletseng tlholego ya Gagwe ya bosakhutleng. Ke eng o akanya gore go botlhokwa gore Martin Harris a itse se ka Morena? Ke eng go le botlhokwa gore o e itse?

Ke eng o akanya gore Jeso Keresete o bidiwa “tshimologo le bokhutlo”? (temana 1).

Dithuto le Dikgolagano 19:15–20

Jeso Keresete o bogile gore Ke ka ikwatlhaya le go tla kwa go Ene.

Kgolagano e Ntšha e tlhalosa go boga ga ga Mmoloki mo Gethesemane go tswa ka ponelopele ya batho ba ba e boneng. Mo Dithuto le Dikgolagano 19:15–20, Jeso Keresete o buile ka go boga ga Gagwe ka ponelopele ya Gagwe. Jaaka o bala pego e e boitshepo e, batla ka fa Mmoloki a tlhalositseng go boga ga Gagwe. Akanya ka se lefoko lengwe le lengwe kgotsa polelwana e se go rutang. Ke eng Mmoloki a ne a rata go boga? O ka bona mo gontsi mo go Johane 15:13; Mosia 3:7; Alema 7:11–12; Dithuto le Dikgolagano 18:10–13.

Maikutlo a o nang le one jaaka o ithutuntsha go boga ga Mmoloki go ka tlhotlheletsa dipotso jaaka e: Ke eng Mmoloki a ne a tshwanetse go bogela dibe tsa me? Ke eng ke tlhoka go ikwatlhaya go amogela ditshegofatso tsa setlhabelo sa Gagwe ka botlalo? O ka bona megopolo ka ga dipotso tse le tse dingwe mo molaetseng wa ga Mogolwane Ulisses Soares “Jesus Christ: The Caregiver of Our Soul” (Liahona, May 2021, 82–84). Jaaka o ithutuntsha dikwalo tse di boitshepo, ke dipotso dife tse di tlang mo tlhaloganyong ya gago? Akanya ka go gatisa maikutlo a gago ka ga Jeso Keresete le setlhabelo sa Gagwe go wena.

Jaaka karolo ya go ithutuntsha le kobamelo, o ka leba sefela se o ka se reetsang kgotsa go se opela se se kayang malebogo a gago go Mmoloki go boga mo boemong jwa gago. “I Stand All Amazed” (Hymns, no. 193) ke sekai se se molemo.

O ikutlwa jang gore Rara wa Legodimo le Jeso Keresete ba ka batla o dira jaaka maduo a se o se utlwileng le go se ithutuntsha?

Bona gape“Jesus Christ will help you,” For the Strength of Youth: A Guide for Making Choices (2022), 6–9; Topics and Questions, “Atonement of Jesus Christ,” “Repentance,” Gospel Library; D. Todd Christofferson, “The Divine Gift of Repentance,” Liahona, Nov. 2011, 38–41; “Jesus Suffers in Gethsemane” (video), Gospel Library.

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Dithuto le Dikgolagano 19:23

Kagiso e tla mo go ithuteng ka ga Jeso Keresete le go mo sala morago.

Akanya ka taletso ya ga Mmoloki: “Ithute mo go nna.” O ithutang ka ga Jeso Keresete mo go Dithuto le Dikgolagano 19? Kwala dikakanyo tsa gago, le go tlhatlhanya ka fa boammaaruri jo ka ga Mmoloki bo go thusang go batla kagiso. Go raya eng mo go wena go “tsamaya mo bopelonolong jwa Mowa wa [Gagwe]”?

Bona gape Henry B. Eyring, “Finding Personal Peace,” Liahona, May 2023, 29–31; “Peace in Christ” (video), Gospel Library.

Peace in Christ

Dithuto le Dikgolagano 19:26–41

Ditshegofatso tsa Modimo di dikgolo thata go feta matlotlo a lefatshe.

Buka ya ga Momone e ne ya seka ya rekwa sentle mo Palmyra. Ka seo, Martin Harris a tlamega go rekisa karolo e tona ya tshimo ya gagwe go duela sekoloto sa mogatisi (bona “The Contributions of Martin Harris,” mo go Revelations in Context, 7–8). Tlhatlhanya setlhabelo sa ga Martin—le ditshegofatso tse o di amogetseng ka ntlha ya sone—jaaka o bala Dithuto le Dikgolagano 19:26–41. Le gone o ka akanya ka ga se Morena a se lopileng mo go wena go ntsha setlhabelo. O bona eng mo ditemaneng tse se se go rotloetsang go dira setlhabelo ka go “itumela” le “boipelo”? (bona gape ditemana 15–20).

Ditlha go tswa go Martin Harris Farm, ka Al Rounds

Ka ga megopolo e mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Dithuto le Dikgolagano 19:16–19

Jeso Keresete o mpogetse.

• O ka thusa bana ba gago go utlwa tshisibalo le malebogo go Mmoloki ka go bala mmogo Dithuto le Dikgolagano 19:16–19 kgotsa “Chapter 51: Jesus Suffers in the Garden of Gethsemane,” mo go New Testament Stories, 129–32, kgotsa setshwantsho sa motsikinyego se se tshwanang mo Motlobong wa Efangele. Akanya ka go emisa nakwana go netefatsa gore bana ba gago ba a tlhaloganya le go ba letla go supa maikutlo a bone. Ka sekai, mo go temana 16, what are “these things” Jesus suffered for us? (bona Mosia 3:7; Alema 7:11–12). Re ithuta eng mo tlhalosong ya Gagwe ya go boga ga Gagwe? O ka supa jang malebogo a se a se re diretseng?.

Chapter 51: Jesus Suffers in the Garden of Gethsemane

Thusa bana go ithuta go tswa mo dikwalong tse di boitshepo. Bana ba bangwe go thata gore ba bale dikwalo tse di boitshepo. Go tlhoma mogopolo mo temaneng e le nngwe kgotsa polelwana go ka ba thusa.

• Wena le bana ba gago le ka leba mo go Hymns kgotsa Children’s Songbook go dipina tse di go thusang go supa maikutlo a gago ka ga Jeso Keresete (bona diintekese tsa setlhogo mo dibukeng tse).

Dithuto le Dikgolagano 19:18–19, 24

Jeso Keresete o obametse Rara wa Legodimo, le fa gone go le thata.

• Go bogela dibe tsa rona gone go le thata tota, mme Jeso Keresete o ne a rata go go dira go obamela Rraagwe le go supa lorato mo go Ene le go rona. Lo ka lebelela mmogo setshwantsho sa go boga ga Jeso Keresete mo Gethesemane (jaaka tseo mo pading e) mme kopa bana ba gago go go bolelela se ba se itseng ka se se diragalang mo setshwantshong. Lo ka bala mmogo Dithuto le Dikgolagano 19:18–19, 24 go gatelela go bogela dibe tsa rona e ne e le selo se se thata se ope a kileng a se dira, gonne Jeso o ratile Rraagwe le rona, O ne a obamela go rata ga Modimo (bona gape Mosia 3:7). Modimo o lopa re dire eng sa dilo tse dithata? Re ka bona jang bopelokgale go mo obamela?

Dithuto le Dikgologano 19:23

“Ithute mo go nna, mme o reetse mafoko a me.”

• O ka thusa bana ba gago go akanya ditiro tse di motlhofo tse di tsamaelanang le dipolelwana mo go Dithuto le Dikgolagano 19:23. Bala temana go ka nna ga mmalwa jaaka ba dira. Ke dife ditsela tse re ka di ithutang ka ga Jeso le go reetsa lentswe la Gagwe?

Dithuto le Dikgologano 19:38

Ditshegofatso tsa Modimo di dikgolo thata go feta matlotlo a lefatshe.

• Wena le bana ba gago le ka tlhatlhologana ka go tsholetsa Buka ya ga Momone le go abelana se o se ratang ka yone. Ka bokhutshwane buang ka setlhabelo sa ga Martin Harris gore Buka ya ga Momone e gatisiwe (bona Doctrine and Covenants Stories, 33). Morena o ne a reng go Martin mo go Dithuto le Dikgolagano 19:38 se se mo thusitseng go nna boikanyego le go obamela? Thusa bana ba gago go akanya ka sengwe se ba ka se ntshang setlhabelo go obamela Modimo kgotsa go thusa mo tirong ya Gagwe.

  Chapter 7: Witnesses See the Gold Plates: 1829–1830

Ka ga megopolo e mentsi, bona kgatiso ya kgwedi e ya Friend makasine.

Christ Praying in the Garden of Gethsemane, ka Hermann Clementz