Mopitlo 17–23: “Batla Dilo tsa Lefatshe le le Botoka”

Dithuto le Dikgolagano 23–26

Mo bathong ba bantsi, go kolobediwa ke maitemogela a a masisi, a kagiso. Kolobetso ya ga Emma Smith le ba bangwe, le fa go ntse jalo, e ne ya kgorelediwa ke segopa sa batho ba ba neng ba ba kgoba, ba ba tshosetsa, mme ba ba pateletsa go tshaba. Morago fela jaaka Joseph a ne a tloga a tlhomamisa maloko a masha, o ne a tshwarelwa go kgoreletsa morafe ka go rera ga gagwe. Mo kganetsong e yotlhe, Emma o ne a ka bona tshepiso jang gore o dira selo se se siameng? Mo lefelong lo ne leo le rotlhe re ka e bonang—ka tshenolo e e tswang go Morena. O ne a bua le Emma ka “dilo tsa [lefatshe] le le botoka”—bogosi jwa Gagwe—le bonno jwa gagwe mo go jone. O mmoleletse gore a seka a boifa, “thama mo pelong ya [gagwe] mme a itumele,” le go ngaparela dikgolagano [tse a] di dirileng Mme mafoko ano a kgothatso le kgakololo ke “Lentswe la Gagwe mo go botlhe” (Dithuto le Dikgolagano 25: 9– 10, 13, 16).

Bona le gone Saints, 1:89–90, 94–97.

Megopolo ya go Ithuta kwa Gae le kwa Kerekeng

Dithuto le Dikgolagano 24

Mmoloki o ka ntsholeletsa “go tswa mo dipogisegong [tsa me]”

Tshenolo mo Dithuto le Dikgolagano 24 e ne ya neelwa go “thatafatsa, kgothatsa. Le go kaela” Joseph Smith le Oliver Cowdery ka nako ya motlha wa diteko (setlhogo sa kgaolo; bona le gone Saints, 1:94–96). Batla mafoko mo Dithuto le Dikgolagano 24 a o ikutlwang a ka bo a ne a ba thatafatsa le go ba kgothatsa.

Dikwalo tse di latelang di kaya eng mo go wena mabapi le ka fa Mmoloki a go thusang ka teng ka dikgwetlho tsa gago?

Dithuto le Dikgolagano 24:1–3

Dithuto le Dikgolagano 24:8

Dithuto le Dikgolagano 121:7–8

Isaia 40:28– 31

Mosia 24:14–15

Ntlha go tswa mo He Healed Many of Diverse Diseases, ka J. Kirk Richards

Doctrine and Covenants 25

Ke na le tiro ya botlhokwa e ke tshwanetseng go e dira mo bogosing jwa Modimo.

Jaaka Emma Smitha a lebile Tsosoloso e diragala ka monna wa gagwe, Joseph Smith, o ka tswa a ne a ipotsa gore tiro ya gagwe e ka tswa e le eng. Batla dikarabo tse Modimo a di neetseng mo Dithuto le Dikgolagano 25. A o bona sengwe mo kgaolong ena se o ikutlwang e le lentswe la Gagwe mo go [wena]”? (temana 16).

Bona le gone “Mosadi wa Mokgethwa” (setshwantsho sa motsikinyego), Motlobo wa Efangele; “Thou Art an Elect Lady,” in Revelations in Context, 33–39; Joy D. Jones, “An Especially Noble Calling,” Liahona, Motsheganong 2020, 15–18.

"An Elect Lady"

(D&C 25:2-3) Video portraying events in the life of Emma Smith.

Dithuto le Dikgolagano 25:5, 14

“Tswelela ka mowa wa bopelonolo.”

Seelana “mowa wa bopelonolo” se rayang mo go wena? Akanyetsa go sekaseka kgaolo 25 ka ga mafoko le dieelana tse di go thusang go tlhaloganya gore go raya eng go nna bopelonolo. Molaetsa wa mogolwane David A. Bednar “Meek and Lowly of Heart” le gone o ka go thusa (Liahona, Motsheganong 2018, 30–33). Jeso Keresete ke sekao sa bopelonolo mo go wena jang? (Bona Mathaio 11:28–30). Akanya ka dilo mo botshelong jwa gago tse o ka di dirang “mo moweng wa bopelonolo.”

Dithuto le Dikgolagano 25:10, 13

“Beela fa thoko dilo tsa lefatshe le, mme o batle dilo tsa le le botoka.”

Jaaka o tlhatlhanya ka kgakololo ya Morena mo Dithuto le Dikgolagano 25:10, go ka go thusa go dira lenaneo la “dilo tsa lefatshe” tse A batlang o di “beela fa thoko.” Ke gone o ka dira lenaneo la “dilo tsa [lefatshe] le le botoka” tse A batlang o di senka. O ka itlhopela gongwe selo se le sengwe go tswa mo lenaneong la ntlha gore o tle o se beele fa thoko le selo se le sengwe go tswa mo lenaneo la bobedi se o tla se senkang.

Poresidente Russell M. Nelson o neetse kgakololo le tsholofetso ka go “beela kwa thoko dilo tse dintsi tsa lefatshe le.” E batle mo tsebeng 77 ya molaetsa wa gagwe “Spiritual Treasures” (Liahona, Nov. 2019). O tlaa sala morago kgakololo ya gagwe jang?

Jaaka o bala temana 13, akanya ka dikgolagano tse o di dirileng le Rara wa Legodimo le Jeso Keresete. Go raya eng go “ngaparela” dikgolagano tsena? Dikgolagano tsa gago di go thusa jang “go beela kwa thoko dilo tsa lefatshe le, mme o batle dilo tsa le le botoka”?

Fa ke dingwe tsa dikwalo tse di ka go thusang go lemoga fa gare “dilo tsa lefatshe le” le “dilo tsa le le botoka”: Mathaio 6:19, 21, 25–34; Luke 10:39–42; 2 Nefi 9:51.

Bona le gone Ditlhogo le Dipotso, “Sacrifice,” Motlobo wa Efangele.

Laletsa go abelana. Fa o ruta ba bangwe mabapi le ka fa o ka “beelang kwa thoko dilo tsa lefatshe,” akanyetsa ka ditsela tse o ka ba laletsang go abelana se ba se dirang go sala kgakololo e morago. Re ka bona thata e kgolo le thotloetso ka go utlwa ditshedimosetso le maitemogelo a mongwe le mongwe.

Dithuto le Dikgolagano 25:11–12

Morena o kgatlhegela “dipina tsa me tsa pelo.”

Ke dingwe dife “dipina tsa gago tsa pelo”—dipina tse di buang maikutlo a gago ka ga Rara wa Legodimo kgotsa Jeso Keresete? Akanyetsa go opela kgotsa go reetsa di se kae tsa tsone. Ke eng ka dipina tse se se dirang gore e nne tse di kgethegileng mo go wena?

O ka tlhatlhanya gape ka fa difela tsena di tshwanang le thapelo ka teng. Dipina tse di boitshepo le thapelo di tshwana jang? Dipina tsa gago tse di boitshepo di “arabilwe jang ka tshegofatso”?

Bona le gone “Oh, What Songs of the Heart,” Hymns, no. 286.

Dithuto le Dikgologano 26:2

“Dilo tsotlhe di tlaa dirwa ka tumalano e tlhakanetsweng”

Seelana “tumalano e e tlhakanetsweng” mo temaneng ena se raya tiro ya go tsholetsa matsogo go supa gore re rotloetsa le go tshegetsa motho yo o amogelang pitso kgotsa tlhomo mo boperofeting. O ka tlhalosetsa jang moeti mo bokopano jwa Kereke gore go raya eng ga re rotloetsa mongwe? Ke dikarabo dife tse o di bonang mo molaetseng wa ga Poresidente Henry B. Eyring “The Power of Sustaining Faith”? (Liahona, Motsheganong 2019, 58–60).

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Dithuto le Dikgolagano 24:1, 8

Mmoloki o ka ntsha “mo dipogisegong [tsa me]”

• Go ithuta ka dingwe tsa dipogisego kgotsa dikgwetlho tse Joseph Smith le Baitshepi ba pele ba neng ba lebagana le tsone, o ka sekaseka “Kgaolo 11: Batho ba bantsi ba Golagana le Kereke,” mo Dipolelong tsa Dithuto le Dikgolagano, 46–47, kgotsa setshwantsho sa motsikinyego se se tsamaelanang le tsone mo Motlobong wa Efangele. Ke gone wena le bana ba gago le ka lemoga se Morena a se buileng le Joseph mabapi le dipogisego tsa gagwe mo Dithuto le Dikgolagano 24:1, 8. Lo ka abelelana ka fa Morena a le thusang ka teng ka nako ya metlha e e thata.

  Chapter 11: More People Join the Church: April–June 1830

• Go ithuta gore go raya eng go nna “pelotelele mo dipogisegong tsa [rona],” wena le bana ba gago le ka dira gape tekeletso mo setshwantshong sa motsikinyego “Tswelelang ka Bopelotelele: (Motlobo wa Efangele). Dithuto le Dikgolagano 24:8 e re ruta eng ka bopelotelele? Mmoloki o re itsesi jang gore O “na le [rona]” ka nako ya dipogisego tsa rona?

  Continue in Patience

  Patience requires that we obey God's commandments and faithfully wait for His will to be fulfilled.

Dithuto le Dikgolagano 25:11–12

Jeso o rata “pina ya pelo.”

• Fa lo sena go bala Dithuto le Dikgolagano 25:12, le ka bolelelana ka sefela se le se ratang kgotsa pina ya Kereke—“pina ya lona ya pelo”—mme le di opele mmogo. Abelelanang gore ke eng le rata dipina tsena. Ke eng Morena a itumela fa re opela dipina tsena? Go opela ga rona go tshwana jang le “thapelo mo go [Ene]”?

Dithuto le Dikgolagano 25:13, 15

Dikgolagano tsa me le Rara wa Legodimo di ntlisetsa boitumelo.

• Go tlhaloganya gore go raya eng go “ngaparela dikgolagano” (Dithuto le Dikgolagano 25:13), bana ba gago ba ka fapaana ba itshwareletse ka sengwe ka thata jaaka ba ka kgona. Ke gone wena le bana ba gago le ka bua ka fa le “ngaparelang” kgotsa le tshegetsang dikgolagano. Fa go tlhokega, sekaseka le bana ba gago dikgolagano tse re di dirang (Bona Mosia 18:8–10; Dithuto le Dikgolagano 20:37; le tsebe e ya tiro ya beke le beke).

• Go neela bana ba gago seemo sa Dithuto le Dikgolagano 25:13, o ka supa gore se ke sengwe se Morena a neng a se bolelela Emma Smith fela morago ga kolobetso ya gagwe. Ke eng se e ka nna kgakololo e e molemo mo mongweng yo o neng a sa tswa go kolobediwa mo bosheng?

Ka ga megopolo e mentsi, bona kgatiso ya kgwedi e ya Friend makasine.

Emma’s Hymns, ka Liz Lemon Swindle