Moranang14–20: “Ke Nna Ene Yo o Tshedileng, Ke Nna Ene Yo o Bolailweng”

Paseka

Moranang 3, 1836, ene e le Sontaga sa Paseka. Morago ga go thusa go direla sakaramente go Baitshepi mo Tempeleng ya Kirtland e e tshwaetsweng mo bosheng, Joseph Smith le Oliver Cowdery ba bona lefelo le le didimetseng ka fa morago ga sesiro mme ba khubama go rapela. Ke gone, mo letsatsing le le boitshepo fa Bakeresete gongwe le gongwe ba le mo segopotsong sa Tsogo ya ga Jeso Keresete, Mmoloki yo o tsogileng ka Boene a iponatsa mo tempeleng ya Gagwe, a bolela, “Ke nna ene yo o tshedileng, Ke nna ene yo o bolailweng” (Dithuto le Dikgolagano 110:4).

Go raya eng gore Jeso Keresete ke “ene yo o tshedileng”? Ga go reye fela gore O tsogile mo lebitleng mme a bonala go barutwana ba Gagwe kwa Galalea. Go raya gore O a tshela gompieno. O bua ka baperofeti gompieno. O etelela pele Kereke ya Gagwe gompieno. O fodisa mewa e e dintho le dipelo tse di robegileng gompieno. Re ka boelela mafoko a ga Joseph Smith a bopaki jo bo thata: “Morago ga bopaki jo bontsi jo bo neetsweng ka ene, se ke bopaki … jo re bo neelang ka ene: Gore o tshedile!” (Dithuto le Dikgolagano 76:22). Re ka utlwa lentswe la Gagwe mo ditshenolong tse, bona seatla sa Gagwe mo matshelong a rona, le go utlwa “boitumelo jo seele se bo se neelang: ‘Ke a itse gore Morekolodi wa me o tshedile!’” (Hymns, no. 136).

Megopolo ya go Ithuta kwa Gae le kwa Kerekeng

Jeso Keresete o tshedile.

Bontsi jwa rona ga re ise re bone Jeso Keresete jaaka Joseph Smith a mmone. Mme re ka itse, jaaka a itsile, gore Mmoloki o tshedile, gore o itse dikatlego tsa rona le ditshokolo, le gore o tlaa re thusa fa go tlhokega. Akanya ka bopaki jwa gago ja ga Keresete yo a tshelang jaaka o tlhatlhanya dipotso tse di fa tlase le go ithutuntsha di dirisiwa tse di latelang.

• Jeso Keresete ke Mang? Ke eng re mo obamela? (bona “Keresete yo Tshelang: Bopaki jwa Baaposetole”).

• Mowa o nthuta eng ka ga maitemogelo a ga Joseph Smith le ba bangwe ba ba boneng Mmoloki? Bopaki jwa bone bo nonotsha jwa me jang? (bona Dithuto le Dikgolagano 76:11–14, 20–24; 110:1–10; Joseph Smith—Ditso:17).

• Ke ithuta eng ka ga thomo ya Mmoloki le semodimo go tswa mo mafokong a Gagwe? (bona Dithuto le Dikgolagano 29:5; 38:7).

• Mmoloki o ka nthusa jang gompieno? (bona Isaia 53:3–5; Bahebera 2:17–18; Mosia 3:7; Alema 7:11–13; 36:3; Ethere 12:27; Mošhe 5:10–12).

Thata e tla ka go tsenya mo tlhogong. Mogolwane Richard G. Scott o tlhalosa: “Thata e kgolo e ka tla go tswa mo go tsenyeng mo tlhogong dikwalo tse di boitshepo. Go tsenya mo tlhogong dikwalo tse di boitshepo ke go tsweledisa botsalano jo bosha. Go tshwana le jaaka o lemoga motho yo mosha yo o ka go thusang ka nako ya go tlhokega, neela tlhotlheletso le kgomotso, le go nna motswedi wa kgothatso go phetogo e e tlhokegang” (“The Power of Scripture,” Ensign, Nov. 2011, 6). Fa o bona dikwalo tse di boitshepo ka ga Mmoloki se se nang le boleng segolo bogolo mo go wena—gongwe sengwe se se ka go neelang kgomotso fa go tlhokega—akanya ka go se tsenya mo tlhogong.

Mo setshwantshong sa motshikinyego “My Spiritual Goal,” lekgarebe la swetsa ka go tsenya mo tlhogong “Keresete Yo o Tshelang” (Gospel Library). Ke eng se se go kgatlhang ka maitemogelo a Gagwe? O ikutlwa o tlhotlheletsega go dira eng go amogela boammaaruri mo go “Keresete yo Tshelang” mo pelong ya gago le tlhaloganyo?

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

Go ithuta mo go oketsegileng ka fa Mmoloki a re segofatsang ka teng gompieno, o ka ithutuntsha, reetsa kgotsa opela “I Know That My Redeemer Lives” (Hymns, no. 136). Go ka rotloetsa go batla boammaaruri mo sefeleng se jo bo rutiwang le gone mo go Dithuto le Dikgolagano 6:34; 84:77; 98:18; 138:23.

Bona gape Topics and Questions, “Jesus Christ,” Gospel Library.

Ka ntlha ya ga Jeso Keresete, ke tla tsosiwa.

Joseph Smith o ne a itse gore go utlwala jang go hutsafalela yo o mo ratang a sule, go akaretsa rraagwe le barwarraagwe ba babedi. Joseph le Emma ba fitlhile bana ba bone ba barataro, mongwe le mongwe a le kwa tlase ga dingwaga tse pedi. Go tswa mo tshenolong e Modimo a e neetseng Joseph le Emma ba amogela temogo ya bosakhutleng.

Batla boammaaruri ka ga loso le togamaano ya bosakhutleng ya Modimo mo go Dithuto le Dikgolagano 29:26–27; 42:45–46; 63:49; 88:14–17, 27–31; 93:33–34. Boammaaruri jo bo ama jang tsela e o lebang loso ka jone? Di ama jang tsela e o tshelang ka yone?

Bona gape 1 Bakorintha 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Jeso Keresete o fitlheletse “tetlanyo e e itekanetseng” mo go nna.

Tsela nngwe e o ka lebelelang go Mmoloki ka nako ya Paseka ke go ithutuntsha ditshenolo mo go Dithuto le Dikgolagano tse di rutang ka ga setlhabelo sa go lefela ga Gagwe. Dingwe di ka bonwa mo go Dithuto le Dikgolagano 18:10–13; 19:16–19; 45:3–5; 76:69–70. Akanya ka go dira nankolo ya boammaaruri jo o bo bonang mo ditemaneng tse. Go natlafatsa ithutuntsho ya gago, o ka tlalaletsa mo nankolong ya gago ka go batla Luke 22:39–44; 1 Johane 1:7; 2 Nefi 2:6–9; Mosia 3:5–13, 17–18; Moroni 10:32–33.

Fano ke dipotso dingwe tse di ka kaelang ithutuntsho ya gago:

• Tetlanyo ya ga Jeso Keresete ke eng?

• Ke eng fa Jeso Keresete a ikgethetse go boga le go re swela?

• Ke ka dira eng go amogela ditshegofatso tsa setlhabelo sa Gagwe?

• Ke ikutlwa jang ka ga Jeso Keresete morago ga go bala ditemana tse?

Bona gape Guide to the Scriptures, “Atonement,” Gospel Library; “The Savior Suffers in Gethsemane” (video), Gospel Library.

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Ka ga megopolo e mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo ya Go Ruta Bana

Ka ntlha ya ga Jeso Keresete, ke tla tsosiwa.

• Go ruta bana ka tsogo ya baswi, o ka simolola ka go ba bontsha ditshwantsho tsa loso le Tsogo ya Mmoloki. Letla bana ba gago go abelana se ba se itseng ka ga ditiragalo tse. Le gone o ka opela pina jaaka “Did Jesus Really Live Again?” (Children’s Songbook, 64).

• Akanya ka thuto ya sedirisiwa e e ka thusang bana ba gago go tlhaloganya se se diragalang fa re swa (mewa ya rona le mmele di kgaogana) le fa re tsososiwa (mewa ya rona le mmele e kopana, mme mmele ya rona e itekanetse le ya bosasweng). Ka sekai, go diragala eng fa re ntsha lelatlha mo leboneng kgotsa inki mo peneng? Go diragala eng fa dikopana? (Bona Alema 11:43–45.)

• A bana ba gago ba itse mongwe yo o tlhokafetseng? A ba abelane mo gonnye ka batho bao, mme le bale mmogo Dithuto le Dikgolagano 138:17. Buisanang gore go utlwala jang gore bao re ba ratang ba tla tsosiwa le go nna le mmele gape.

• Fa o na le bana ba bagolwane, o ka ba laletsa go leba dipolelwana tse di kayang molaetsa wa Paseka mo dieeleng tse di latelang: Dithuto le Dikgolagano 63:49; 88:14–17, 27; 138:11, 14–17. Ba ka dira mo go tshwanang ka setshwantsho sa motshikinyego “Because He Lives” (Gospel Library). Re ka abelana molaetsa o jang le ba bangwe?

Moperofeti Joseph Smith o bone Jeso Keresete.

• Wena le bana ba gago le ka kgatlhegela go bala ka makgetlho a mararo a Jeso Keresete a iponaditseng go Joseph Smith le ba bangwe, jaaka go gatisitswe mo go Joseph Smith—Ditso 1:14–17; Dithuto le Dikgolagano 76:11–24; 110:1–10. Le gone bana ba gago ba ka leba ditshwantsho tsa ditiragalo tse mo bekeng e mo activity page. Re ithuta eng ka ga Jeso Keresete mo go nngwe le nngwe ya maitemogelo a? Ke eng e le tshegofatso go itse gore Joseph Smith le ba bangwe ba bone Mmoloki yo o tsogileng?

Ka ntlha ya ga Jeso Keresete, ke ka itshwarelwa dibe tsa me.

• Boammaaruri jo Joseph Smith a bo ithutileng ka boitshwarelo ka Keresete go ka neela bana ba gago tsholofelo gore ba ka itshwarelwa diphoso tsa bone le dibe. Akanya ka go laletsa bana ba gago go dira tafole ka ditlhogo jaaka tse: Se Mmoloki a se ntiretseng le Le se ke tshwanetseng go se dira go amogela boitshwarelo jwa Gagwe. Thusa bana ba gago go batla diele tse dilatelang go batla dilo tse e leng tsa ditlhogo tse: Dithuto le Dikgolagano 18:10–13; 19:16–19; 45:3–5; 58:42–43. Abelana le mongwe le mongwe boitumelo jwa gago le malebogo jwa se Mmoloki a se re diretseng.

• Le gone o ka lebelela setshwantsho sa motshikinyego “The Shiny Bicycle” with your children (Gospel Library) mme o abelane maitemogelo a fa o utlwa maitshwarelo a Mmoloki jaaka o ne o ikwatlhaya.

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

Ka ga megopolo e mentsi, bona kgatiso ya kgwedi e ya Friend makasine.

Christ and Mary at the Tomb, ka Joseph Brickey