Abril 14–20: “Ako Mao Siya Kinsa Nabuhi, Ako Mao Siya Kinsa Gipatay”

Pasko sa Pagkabanhaw

Abril 3, 1836, mao ang Dominggo sa Pasko sa Pagkabanhaw. Human nakatabang sa pagpangalagad sa sakramento ngadto sa mga Santos sa bag-o lang nga gipahinungod nga Kirtland Temple, sila si Joseph Smith ug Oliver Cowdery nakakaplag og hilom nga dapit luyo sa usa ka tabil sulod sa templo ug miyukbo diha sa hilom nga pag-ampo. Unya, niining sagrado nga adlaw sa dihang ang mga Kristiyano sa bisan asang dapit nanagsaulog sa Pagkabanhaw ni Jesukristo, ang nabanhaw nga Manluluwas mipakita Mismo nagpakita diha sa Iyang Templo, namahayag, “Ako Mao Siya Kinsa Nabuhi, Ako Mao Siya Kinsa Gipatay” (Doktrina ug mga Pakigsaad 110:4).

Unsay ipasabot nga si Jesukristo mao “siya kinsa nabuhi”? Dili lang kini basta nagpasabot nga Siya mibangon gikan sa lubnganan sa ikatulo nga adlaw ug mipakita ngadto sa Iyang mga disipulo nga Taga-Galilea. Nagpasabot kini nga Siya buhi karon. Siya mamulong pinaagi sa iyang mga propeta karon. Siya naggiya sa Iyang Simbahan karon. Siya nag-ayo sa samaran nga mga kalag ug nagbangotan nga mga kasingkasing karon. Busa makapalanog kita sa mga pulong sa gamhanang pagpamatuod ni Joseph Smith: “Human sa daghan nga mga pagpamatuod nga gihatag mahitungod kaniya, kini mao ang pagpamatuod … nga kami naghatag kaniya: Nga siya buhi!” (Doktrina ug mga Pakigsaad 76:22). Kita makadungog sa Iyang tingog niini nga mga pagpadayag, makasaksi sa Iyang kamot diha sa atong mga kinabuhi, ug makabati “sa katam-is ining pulonga: ‘Manunubos buhi Siya!’” (Mga Himno, nu. 79).

Mga Ideya alang sa Pagkat-on diha sa Panimalay ug sa Simbahan

Si Jesukristo buhi.

Kadaghanan sa mga tawo wala makakita ni Jesukristo sama ni Joseph Smith. Apan kita makahibalo, sama niya, nga ang Manluluwas buhi, nga Siya nasayod sa atong mga kalamposan ug mga pakigbisog, ug nga Siya motabang kanato sa mga panahon sa panginahanglan. Ikonsiderar ang imong kaugalingon nga pagpamatuod sa buhi nga Kristo samtang mamalandong ka sa mga pangutana sa ubos ug magtuon sa nag-uban nga mga kapanguhaan.

• Kinsa si Jesukristo? Ngano nga kita mosimba Kaniya? (tan-awa sa “Ang Buhi nga Kristo: Ang Pagpamatuod sa mga Apostoles”).

• Unsa ang gitudlo sa Espiritu kanako mahitungod sa mga kasinatian ni Joseph Smith ug sa uban nga nakakita sa Manluluwas? Sa unsa nga paagi nga ang ilang mga pagpamatuod nakapalig-on sa akong pagpamatuod? (tan-awa sa Doktrina ug mga Pakigsaad 76:11–14, 20–24; 110:1–10; Joseph Smith—Kasaysayan:17).

• Unsay akong makat-onan mahitungod sa misyon ug pagkabalaan sa Manluluwas gikan sa Iyang kaugalingon nga mga pulong? (tan-awa sa Doktrina ug mga Pakigsaad 29:5; 38:7).

• Sa unsa nga paagi nga ang Manluluwas makatabang kanako karon? (tan-awa sa Isaias 53:3–5; Mga Hebreo 2:17–18; Mosiah 3:7; Alma 7:11–13; 36:3; Ether 12:27; Moises 5:10–12).

Ang gahom gikan sa pagmemorya. Si Elder Richard G. Scott mipasabot: “Talagsaong gahom moabot gikan sa pagmemorya og mga kasulatan. Ang pagmemorya og kasulatan mao ang paghulma og bag-ong pakighigala. Sama sa pagdiskobre og bag-ong tawo nga makatabang panahon sa panginahanglan, makahatag og inspirasyon ug kahupayan, ug mahimong tinubdan sa kadasig sa gikinahanglan nga kausaban” (“Ang Gahom sa Kasulatan,” Liahona, Nob. 2011, 6). Kon ikaw makakita og kasulatan mahitungod sa Manluluwas nga makahuloganon kaayo kanimo—tingali kanang makahatag nimo og kahupayan sa panahon sa panginahanglan—ikonsiderar ang pagmemorya niini.

Sa bidyo nga “My Spiritual Goal,” [Ang Akong Espirituwal nga Tumong] usa ka batan-ong babaye nakahukom sa pagmemorya sa “Ang Buhi nga Kristo” (Gospel Library). Unsa ang nakapadani kanimo sa iyang kasinatian? Unsay imong gibati nga nadasig nga buhaton aron makadawat sa mga kamatuoran sa “Ang Buhi nga Kristo” sa imong kasingkasing ug hunahuna?

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

Aron makat-on og dugang mahitungod sa unsa nga paagi ang Manluluwas mopanalangin nato karon, mahimo kang magtuon, maminaw, o mokanta sa “Buhi ang Manunubos Ko, Niini Nasayod Ako” (Mga Himno, nu. 80). Makapadasig ang pagpangita sa mga kamatuoran niini nga himno nga gitudlo usab sa Doktrina ug mga Pakigsaad 6:34; 84:77; 98:18; 138:23.

Tan-awa usab sa Topics and Questions [Mga Hilisgotan ug mga Pangutana], “Jesus Christ [Jesukristo],” Gospel Library.

Tungod ni Jesukristo, ako mabanhaw.

Nasayod si Joseph Smith unsay bation sa magbangotan sa kamatayon sa mga minahal, lakip sa iyang amahan ug duha sa iyang mga igsoong lalaki. Si Joseph ug Emma milubong sa ilang unom ka anak, matag usa wala pay dos anyos. Gikan sa mga pagpadayag nga gihatag sa Dios, si Joseph ug si Emma nakaangkon og mahangtorong panglantaw.

Pangitaa ang mga kamatuoran mahitungod sa kamatayon ug sa mahangtorong plano sa Dios diha sa Doktrina ug mga Pakigsaad 29:26–27; 42:45–46; 63:49; 88:14–17, 27–31; 93:33–34. Sa unsa nga paagi kini nga mga kamatuoran nakaapekto sa paagi sa imong pagtan-aw sa kamatayon? Sa unsa nga paagi kini nakaapekto sa paagi sa imong pagpakabuhi?

Tan-awa usab sa 1 Mga Taga-Corinto 15; Mga Pagtulon-an sa mga Presidente sa Simbahan: Joseph Smith (2007), 205–208; Easter.ChurchofJesusChrist.org.

Natuman ni Jesukristo ang usa ka “hingpit nga pag-ula” alang kanako.

Usa ka paagi aron makatutok diha sa Manluluwas atol sa panahon sa Pasko sa Pagkabanhaw mao ang pagtuon sa mga pagpadayag diha sa Doktrina ug mga Pakigsaad nga nagtudlo mahitungod sa Iyang maulaon nga sakripisyo. Ang pipila niini makita diha sa Doktrina ug mga Pakigsaad 18:10–13; 19:16–19; 45:3–5; 76:69–70. Ikonsiderar ang paghimo og lista sa mga kamatuoran nga imong makita niini nga mga bersikulo. Sa pagpalawom sa imong pagtuon, mahimong imong idugang ngadto sa imong lista pinaagi sa pagsiksik sa Lucas 22:39–44; 1 Juan 1:7; 2 Nephi 2:6–9; Mosiah 3:5–13, 17–18; Moroni 10:32–33.

Ania ang pipila ka pangutana nga makagiya sa imong pagtuon:

• Unsa ang Pag-ula ni Jesukristo?

• Nganong mipili man si Jesukristo sa pag-antos ug pagpakamtay alang kanato?

• Unsa ang kinahanglan nakong buhaton aron madawat ang mga panalangin sa Iyang sakripisyo?

• Unsa ang akong gibati mahitungod ni Jesukristo human mabasa kini nga mga bersikulo?

Tan-awa usab sa Ang Giya ngadto sa mga Kasulatan, “Pag-ula,” Gospel Library; “The Savior Suffers in Gethsemane” [Ang Manluluwas Nag-antos diha sa Getsemani] (bidyo), Gospel Library.

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Ideya sa Pagtudlo sa mga Bata

Tungod ni Jesukristo, ako mabanhaw.

• Tudloi ang imong mga anak mahitungod sa pagkabanhaw, mahimong sugdan nimo pinaagi sa pagpakita kanila og mga litrato sa kamatayon ug Pagkabanhaw sa Manluluwas. Tugoti ang inyong mga bata sa pagpakigbahin sa unsay ilang nahibaloan mahitungod niini nga mga hitabo. Mahimo usab imong kantahon ang usa ka kanta sama sa “Nabuhi ba Gayud Pag-usab si Jesus?” (Songbook sa mga Bata, 45).

• Paghunahuna og leksiyon nga naggamit og butang nga makatabang sa mga bata sa pagsabot kon unsa ang mahitabo kon kita mamatay (ang atong mga espiritu ug mga lawas magbulag) ug kon kita mabanhaw (ang atong mga espiritu ug mga lawas mobalik sa pagkahiusa, ug ang atong mga lawas mahimong hingpit ug imortal). Pananglitan, unsa ang mahitabo kon atong tangtangon ang bateriya gikan sa flashlight o ang sudlanan sa tinta gikan sa usa ka bolpen? Unsa ang mahitabo kon kining mga butang maghiusa pag-usab? (Tan-awa sa Alma 11:44–45.)

• Aduna bay nailhan ang imong mga bata nga usa ka tawo nga namatay? Tugoti sila nga mopakigbahin og gamay mahitungod niini nga mga indibidwal, ug dayon magdungan sa pagbasa sa Doktrina ug mga Pakigsaad 138:17. Pag-istorya sa usag usa mahitungod sa unsay bation nga makahibalo nga atong mga minahal mabanhaw ug makabaton og mga lawas pag-usab.

• Kon ikaw dunay mas dagko nga mga bata, mahimong dapiton nimo sila sa pagpangita og hugpong sa mga pulong nga nakakuha sa mensahe sa pasko sa Pagkabanhaw sa mosunod nga mga tudling: Doktrina ug mga Pakigsaad 63:49; 88:14–17, 27; 138:11, 14–17. Mahimo usab nilang buhaton sa bidyo “Because He Lives [Tungod kay Siya Buhi]” (Gospel Library). Unsaon nato sa pagpakigbahin niini nga mensahe ngadto sa uban?

Ang Propeta nga si Joseph Smith nakakita ni Jesukristo.

• Ikaw ug ang imong mga anak tingali interesado nga mobasa mahitungod sa tulo ka lain-laing mga panahon nga nagpakita si Jesukristo ngadto ni Joseph Smith ug sa uban, sumala sa narekord sa Joseph Smith—Kasaysayan 1:14–17; Doktrina ug mga Pakigsad 76:11–24; 110:1–10. Ang imong mga anak mahimo usab nga motan-aw sa mga litrato niini nga mga panghitabo sa pahina sa kalihokan niini nga semana. Unsay atong makat-onan mahitungod ni Jesukristo gikan niini nga mga tudling? Ngano nga usa ka panalangin nga makahibalo nga si Joseph Smith ug ang uban nakakita sa nabanhaw nga Manluluwas?

Tungod ni Jesukristo, ako mapasaylo sa akong mga sala.

• Ang mga kamatuoran nga nakat-onan ni Joseph Smith mahitungod sa pagpasaylo pinaagi ni Jesukristo makahatag sa imong mga anak og paglaom nga sila mapasaylo sa ilang mga sayop ug mga sala. Ikonsiderar ang pagdapit sa imong mga bata sa paghimo og tsart nga adunay mga ulohan sama niini: Unsa ang gihimo sa Manluluwas alang kanako ug Unsay akong buhaton aron makadawat sa Iyang kapasayloan. Tabangi ang imong mga anak sa pagsiksik sa mosunod nga mga tudling aron makakita sa mga butang nga ubos niini nga mga ulohan: Doktrina ug mga Pakigsaad 18:10–13; 19:16–19; 45:3–5; 58:42–43. Pakigbahin sa usag usa sa imong hingpit nga kalipay ug pasalamat alang sa unsay nabuhat sa Manluluwas alang kanato.

• Mahimo usab nga imong tan-awon ang bidyo “The Shiny Bicycle” [Ang Sinaw nga Biseklita] uban sa imong mga anak (Gospel Library) ug mopakigbahin og kasinatian sa dihang imong gibati ang pagpasaylo sa Manluluwas samtang ikaw naghinulsol.

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

Alang sa dugang nga mga ideya, tan-awa ang isyu karong bulana sa Higala nga magasin.

Christ and Mary at the Tomb [Si Kristo ug si Maria diha sa Lubnganan], ni Joseph Brickey