Abril 14–20: “Ako Sia nga Nagakabuhi, Ako Sia nga Napatay”

Easter

Ang Abril 3, 1836, Easter Sunday. Pagkatapos nga magbulig panagtag sang sakramento sa mga Santos sa bag-o lang gid nadedikar nga Templo sa Kirtland, nakakita si Joseph Smith kag Oliver Cowdery sang malinong nga lugar sa likod sang belo sang templo kag nagduko sa matinong nga pagpangamuyo. Dayon, sa sining sagrado nga adlaw samtang ginasaulog sang tanan nga Kristiyano sa bisan diin ang Pagkabanhaw ni Jesucristo, nagpakita ang nabanhaw nga Manluluwas Mismo sa Iya templo, nga nagasiling, “Ako sia nga nagakabuhi, ako sia nga napatay” (Doktrina kag mga Kasugtanan 110:4).

Ano ang buot silingon sang si Jesucristo amo “sia nga nagakabuhi”? Wala lamang ini nagakahulugan nga nagbangon Sia sa lulubngan kag nagpakita sa Iya mga disipulo sa Galilea. Nagakahulugan ini nga buhi Sia karon. Nagahambal Sia paagi sa mga propeta sa karon. Ginagiyahan Niya ang Iya Simbahan sa karon nga panahon. Ginaayo Niya ang napilasan nga mga kalag kag nagakasubo nga mga tagipusuon sa karon. Gani mahimo naton suliton ang mga tinaga sa mabaskog nga testimonya ni Joseph Smith: “Pagkatapos sang madamo nga testimonya nga ginhatag parte sa iya, ini ang testimonya … nga ginahatag namon parte sa iya: Nga buhi sia!” (Doktrina kag mga Kasugtanan 76:22). Mabatian naton ang Iya tingug sa sining mga rebelasyon, masaksihan ang Iya impluwensya sa aton mga kabuhi kag mabatyagan ang “kalipay nga ginahatag sining pahayag: ‘Kahibalo ko nga ang akon Manunubos buhi!’” (Hymns, no. 136).

Mga Ideya sa Pagtuon sa Puluy-an kag sa Simbahan

Si Jesucristo buhi.

Kalabanan sa aton wala makakita kay Jesucristo pareho kay Propetang Joseph Smith. Pero mahibal-an naton, pareho sa iya, nga ang Manluluwas buhi, nga nakahibalo Sia sang aton mga kadalag-an kag kabudlayan, kag buligan Niya kita sa oras sang panginahanglan. Pamensara ang imo kaugalingon nga testimonya parte sa buhi nga Cristo samtang ginabinagbinag mo ang mga pamangkot sa idalom kag ginatun-an ang kaupod nga mga balasahon.

• Sin-o si Jesucristo? Ngaa ginasimba naton Sia? (tan-awa sa “Ang Buhi nga Cristo: Ang Panaksihon sang mga Apostoles”).

• Ano ang ginatudlo sang Espiritu sa akon parte sa mga eksperiyensya ni Joseph Smith kag sang iban nga nakakita sang Manluluwas? Paano ginapabakod sang ila mga testimonya ang akon testimonya? (tan-awa sa Doktrina kag mga Kasugtanan 76:11–14, 20–24; 110:1–10; Joseph Smith—Kasaysayan:17).

• Ano ang akon natun-an parte sa misyon sang Manluluwas kag sa pagkadiosnon sang Iya mismo mga ginhambal? (tan-awa sa Doktrina kag mga Kasugtanan 29:5; 38:7).

• Paano ako mabuligan sang Manluluwas sa karon nga panahon? (tan-awa sa Isaias 53:3–5; Mga Hebreo 2:17–18; Mosias 3:7; Alma 7:11–13; 36:3; Eter 12:27; Moises 5:10–12).

May gahum sa pagsaulo. Si Elder Richard G. Scott nagpaathag: “May dako nga gahum nga nagahalin sa pagsaulo sang balaan nga mga kasulatan. Ang pagsaulo sang balaan nga kasulatan amo ang paghimo sang bag-o nga pag-abyanay. Daw pareho ini sang pagdiskubre sang bag-o nga indibidwal nga makabulig sa oras sang panginahanglan, makahatag sang inspirasyon kag kaumpawan, kag ginhalinan sang kaisog sa kinahanglanon nga pagbag-o” (“The Power of Scripture,” Ensign, Nob. 2011, 6). Kon may balaan nga kasulatan parte sa Manluluwas nga may kahulugan gid para sa imo—inang makahatag sa imo sang kaumpawan sa oras sang panginahanglan—sauloha ini.

Ano ang nabatyagan mo nga dapat himuon para mabaton ang mga kamatuoran sa “Ang Buhi nga Cristo” sa imo tagipusuon kag hunahuna?

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

Para tun-an pa gid kon paano kita ginabugayan sang Manluluwas sa karon, pwede mo tun-an, pamatian, ukon kantahon ang “I Know That My Redeemer Lives [Buhi ang Manunubos Ko” (Mga Himno kag mga Ambahanon sang Kabataan, no. 38). Mahimo nga makainspirar nga pangitaon ang mga kamatuoran sa sining himno nga ginatudlo man sa Doktrina kag mga Kasugtanan 6:34; 84:77; 98:18; 138:23.

Tungod kay Jesucristo, mabanhaw ako.

Nahibal-an ni Joseph Smith kon daw ano ang pamatyag sang magkalisod sa kamatayon sang mga mahal sa kabuhi, dala na sang iya amay kag duha ka utod nga lalaki. Ginlubong nanday Joseph kag Emma ang anum nila ka kabataan, ang kada isa wala pa magduha ka tuig ang edad. Sa mga rebelasyon nga ginhatag sang Dios, nakabaton si Joseph kag Emma sang wala katapusan nga perspektibo.

Pangitaa ang mga kamatuoran parte sa kamatayon kag wala katapusan nga plano sang Dios sa Doktrina kag mga Kasugtanan 29:26–27; 42:45–46; 63:49; 88:14–17, 27–31; 93:33–34. Ano ang epekto sining mga kamatuoran sa imo panan-aw sa kamatayon? Paano ini nagaapekto sa imo pagpangabuhi?

Tan-awa man sa 1 Mga Taga-Corinto 15; .Easter.ChurchofJesusChrist.org.

Si Jesucristo naghikot sang “perpekto nga pagbayad-sala” para sa akon.

Isa ka paagi para magtutok sa Manluluwas sa tion sang Easter amo ang pagtuon sang mga rebelasyon sa Doktrina kag mga Kasugtanan nga nagatudlo parte sa Iya nagabayad-sala nga sakripisyo. Ang iban makita sa Doktrina kag mga Kasugtanan 18:10–13; 19:16–19; 45:3–5; 76:69–70. Pamensara nga ilista ang mga kamatuoran nga imo makita sa sining mga bersikulo. Para pauswagon ang imo pagtuon, pwede mo dugangan ang imo listahan paagi sa pagpangita sa Lucas 22:39–44; 1 Juan 1:7; 2 Nefi 2:6–9; Mosias 3:5–13, 17–18; Moroni 10:32–33.

Ari ang pila ka pamangkot nga mahimo makagiya sa imo pagtuon:

• Ano ang Pagbayad-Sala ni Jesucristo?

• Ngaa ginpili ni Jesucristo nga mag-antos kag mapatay para sa aton?

• Ano ang kinahanglan ko himuon para mabaton ang mga bugay sang Iya pagsakripisyo?

• Ano ang akon nabatyagan parte kay Jesucristo pagkatapos basahon ining mga bersikulo?

Tan-awa man sa Giya sa Balaan nga mga Kasulatan, “Pagbayad-Sala.”

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Para sa dugang nga mga ideya, tan-awa sa mga isyu sang Liahona kag Para sa Kusog sang mga Lamharon nga mga magasin sini nga bulan.

Mga Ideya para sa Pagtudlo sang mga Kabataan

Tungod kay Jesucristo, mabanhaw ako.

• Para tudloan ang imo kabataan parte sa pagkabanhaw, pwede ka magsugod paagi sa pagpakita sa ila sang mga litrato sang kamatayon kag Pagkabanhaw sang Manluluwas. Tugoti ang imo kabataan nga iistorya kon ano ang ila mga nahibal-an parte sa sining mga hitabo.

• Magpamensar sang object lesson nga makabulig sa imo kabataan nga maintiendihan kon ano ang matabo kon mapatay kita (ang aton mga espiritu kag lawas nagaseparar) kag kon mabanhaw kita (ang aton mga espiritu kag lawas nagaupod liwat, kag ang aton mga lawas perpekto kag imortal). Halimbawa, ano ang matabo kon kakson naton ang baterya sa flashlight ukon ang suludlan sang tinta sa bolpen? Ano ang matabo kon mag-upod sila liwat? (Tan-awa sa Alma 11:44–45.)

• May kilala bala ang imo kabataan nga nagtaliwan na? Ipaistorya sa ila sing makadali ang parte sining mga indibidwal, kag dayon basaha sing ululupod ang Doktrina kag mga Kasugtanan 138:17. Hambali upod sa isa kag isa kon ano ang pamatyag nga makahibalo nga ang aton mga mahal sa kabuhi mabanhaw kag may lawas na liwat.

• Kon may mas dalagko ka nga kabataan, pwede mo sila hagaron nga mangita sang mga dinalan nga nagalarawan sang mensahe sang Easter sa masunod nga mga dinalan: Doktrina kag mga Kasugtanan 63:49; 88:14–17, 27; 138:11, 14–17. Paano naton ipakigbahin ining mensahe sa iban?

Ang Propetang Joseph Smith nakakita kay Jesucristo.

• Basi interesado kamo sang imo kabataan nga basahon ang parte sa tatlo ka beses nga nagpakita si Jesucristo kay Joseph Smith kag sa iban pa, nga nasulat sa Joseph Smith—Kasaysayan 1:14–17; Doktrina kag mga Kasugtanan 76:11–24; 110:1–10. Pwede man magtan-aw ang imo kabataan sang mga litrato sining mga hitabo sa pahina sang kahiwatan sining semana. Ano ang aton matun-an parte kay Jesucristo sa tagsa sining mga eksperiyensya? Ngaa bugay ang mahibal-an nga nakita ni Joseph Smith kag sang iban pa ang nabanhaw nga Manluluwas?

Tungod kay Jesucristo, mapatawad ako sang akon mga sala.

• Ang mga kamatuoran nga natun-an ni Joseph Smith parte sa kapatawaran paagi kay Cristo makahatag sa imo kabataan sang paglaum nga pwede sila mapatawad sa ila mga sayop kag kasal-anan. Pamensara nga hagaron ang imo kabataan nga maghimo sang tsart nga may mga tig-ulo pareho sini: Ang ginhimo sang Manluluwas para sa akon kag Ano ang kinahanglan ko himuon para mabaton ang Iya kapatawaran. Buligi ang imo kabataan nga tan-awon ang masunod nga mga dinalan para makita ang mga butang nga sakop sining mga tig-ulo: Doktrina kag mga Kasugtanan 18:10–13; 19:16–19; 45:3–5; 58:42–43. Iistorya sa isa kag isa ang inyo kalipay kag pagpasalamat para sa ginhimo sang Manluluwas para sa aton.

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

Para sa dugang nga mga ideya, tan-awa sa isyu sang Abyan nga magasin sini nga bulan.

Christ and Mary at the Tomb [Si Cristo kag Maria sa Lulubngan], ni Joseph Brickey