Oforisuo 14–20: “Mene Ɔno a Ɔtenaa Ase no, Mene Ɔno a Wɔkumm No no”

Easter

Na Oforisuo 3, 1836, yɛ Easter Kwasiada. Akyire yi a wɔboa maa wɔde adidi kronkron no maa Ahotefoɔ wɔ Kirtland Tɛmpol a na wɔabue ano foforɔ no, Joseph Smith ne Oliver Cowdery nyaa baabi a ɛyɛ dinn wɔ nkatanim bi akyi na wɔbɔɔ mpaeɛ komm. Afei, wɔ saa da kronkron yi mu berɛ a Akristofoɔ a wɔwɔ babiara rekae Yesu Kristo Wusɔreɛ no, Agyenkwa No Ankasa a wasɔre no puee wɔ Ne tɛmpol, paee mu kaa sɛ, “Mene Ɔno a Ɔtenaa Ase no, Mene Ɔno a Wɔkumm No no”, (Nkyerɛkyerɛ ne Apam 110:4).

Deɛn na ɛkyerɛ sɛ obi bɛka sɛ Yesu Kristo yɛ “ɔno a ɔtenaa ase.”? Ɛnyɛ asekyerɛ kɛkɛ ne sɛ Ɔsɔre firii ɔbodan no mu na ɔpuee N’akyidifoɔ so wɔ Galilee. Ɛkyerɛ sɛ Ɔte ase ɛnnɛ. Ɔnam nkɔmhyɔfoɔ so kasa ɛnnɛ Ɔdi N’Asɔre anim ɛnnɛ. Ɔsa akra a wɔapira ne akoma a ɛdi yea yareɛ ɛnnɛ. Ɛno nti yɛbɛtumi ati Joseph Smith tumidie adansedie no mu: “Na afei, adansedie bebree a wɔadi afa ne ho akyire yi no, yei ne adansedie a ɛtwa toɔ koraa, a yɛdi fa ne ho: Sɛ ɔte ase!” (Nkyerɛkyerɛ ne Apam 76:22). Yɛbɛtumi ate Ne nne wɔ saa adiyisɛm yi mu, di Ne nsa a ɛ wɔ yɛn abrabɔ mu ho adanseɛ, na yɛte “anigyeɛ a ɔkasamu yi ma: ‘Menim sɛ me Dimafoɔ te ase!’” (Nnwom, no. 136).

Nsusuiɛ ma Efie ne Asɔre Adesua

Yesu Kristo te ase!.

Yɛn mu pii nhunuu Yesu Kristo te sɛ deɛ Nkɔmhyɛni Joseph Smith hunuui no. Nanso yɛbɛtumi ahunu, sɛdeɛ ɔhunuui no, sɛ Agyenkwa no te ase, sɛ Ɔnim yɛn nkonimdie ne apereapereɛ, na Ɔbɛboa yɛn wɔ hia da mu. Dwene w’ankasa adansedie wɔ Kristo teasefoɔ no ho berɛ a wodwene nsɛmmisa a ɛdidi soɔ yi ho na sua akadeɛ a ɛka ho no.

• Hwan ne Yesu Kristo? Adɛn nti na yɛsom No? (hwɛ “Kristo Teasefoɔ No: Asomafoɔ no Adansedie”).

• Deɛn na Honhom no kyerɛ me fa Joseph Smith ne afoforɔ a wɔhunuu Agyenkwa no suahunu ahodoɔ ho? Sɛn na wɔn adansedie no hyɛ me den? (hwɛ Nkyerɛkyerɛ ne Apam 76:11–14, 20–24; 110:1–10; Joseph Smith—Abakɔsɛm:17).

• Deɛn na mesua fa Agyenkwa no dwumadie ne nyamesu firi Ɔno ara nsɛm mu? (hwɛ Nkyerɛkyerɛ ne Apam 29:5; 38:7).

• Sɛn na Agyenkwa no bɛtumi aboa me ɛnnɛ? (hwɛ Yesaia 53:3–5; Hebrifoɔ 2:17–18; Mosiah 3:7; Alma 7:11–13; 36:3; Ether 12:27; Moses 5:10–12).

Tumi firi nsɛm a wɔkyere gu tiri mu ba. Elder Richard G. Scott kyerɛɛ mu: “Tumi kɛseɛ bɛtumi afiri twerɛnsɛm a wɔkyere gu tiri mu aba. Sɛ worekyere twerɛsɛm agu tiri mu no ne sɛ worehyɛ ayɔnkofa foforɔ bi ase. Ɛte sɛ deɛ woahunu obi foforɔ a ɔbɛtumi aboa wɔ hia da mu, ama nkanyan ne ahotɔ, na wayɛ nkanyan a ɛhia nsakyeraeɛ farebae” (“Twerɛsɛm Tumi,” Ensign, Obubuo 2011, 6). Sɛ wohunu twerɛsɛm bi a ɛfa Agyenkwa no ho a ɛho hia ma wo yie—ebia deɛ ɛbɛtumi ama ahotɔ wɔ hia da mu a—dwene ho kyere gu wo tiri mu.

Wɔ sini “Me Honhom mu Botaeɛ,” abaayewa bi si gyinaeɛ sɛ ɔbɛkyere agu ne tiri mu “Kristo Teasefoɔ no” (Asɛmpa Akoraeɛ). Deɛn na ɛyɛ wo anigyeɛ fa wɔn suahunu ho? Deɛn na wote nka sɛ ɛkanyan wo a wobɛyɛ de agye nokorɛ ahodoɔ a ɛwɔ “Kristo Teasefoɔ no” mu wɔ w’akoma mu?

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

Sɛ wobɛsua bebree fa sɛdeɛ Agyenkwa no hyira yɛn ɛnnɛ ho a, wobɛtumi asua, atie anaasɛ ato nnwom “Menim Sɛ Me Dimafoɔ Te ase” (Nnwom, no. 136). Ɛbɛtumi ayɛ nkanyan sɛ wohwehwɛ nokorɛ ahodoɔ wɔ saa dwom yi a wɔakyerɛ wɔ Nkyerɛkyerɛ ne Apam 6:34; 84:77; 98:18; 138:23.

San hwɛ Tinsɛm ne Nsɛmmisa, “Yesu Kristo,”Asɛmpa Akoraeɛ

Yesu Kristo nti, wɔbɛnyane me.

Na Joseph Smith nim sɛdeɛ wɔsu adɔfoɔ wuo atenka teɛ, a ne papa ne ne nuanom mmarima baanu ka ho. Joseph ne Emma siee wɔn mma baasia, a na wɔn mu biara nnii mfeɛ mmienu. Joseph ne Emma nyaa ɛnniawieeɛ nhunumu firii adiyisɛm a Onyankopɔn de maeɛ no mu.

Hwehwɛ nokorɛ ahodoɔ a ɛfa owuo ne Onyankopɔn ɛnniawieeɛ nhyehyɛeɛ ho wɔ Nkyerɛkyerɛ ne Apam 29:26–27; 42:45–46; 63:49; 88:14–17, 27–31; 93:33–34. Sɛn na saa nokorɛ ahodoɔ yi nya nsunsuansoɔ wɔ sɛdeɛ wohunu owuo so? Sɛn na wɔnya nsunsuansoɔ wɔ sɛdeɛ wobɔ wo bra so?

San hwɛ 1 Korintofoɔ 15; Asɔre no Atitenafoɔ Nkyerɛkyerɛ : Joseph Smith (2007), 174–76; Easter.ChurchofJesusChrist.org.

Yesu Kristo wiee “mpata bi a ɛyɛ pɛ” de maa me.

Ɔkwan baako a wɔfa so twe adwene si Agyenkwa no Easter so ne sɛ yɛsua adiyisɛm ahodoɔ wɔ Nkyerɛkyerɛ ne Apam no mu. Wobɛhunu ɛbi wɔ Nkyerɛkyerɛ ne Apam 18:10–13; 19:16–19; 45:3–5; 76:69–70. Dwene ho twerɛ nokorɛ ahodoɔ a wohunu wɔ saa nkyekyɛmu yi mu. Sɛdeɛ wobɛdɔ w’adesua mu asukɔ no, wobɛtumi de bi aka deɛ woatwerɛ no ho berɛ a worehwehwɛ Luka 22:39–44; 1 Yohane 1:7; 2 Nephi 2:6–9; Mosiah 3:5–13, 17–18; Moroni 10:32–33.

Nsɛmmisa bi a ɛbɛtumi akyerɛ w’adesua kwan nie:

• Deɛn ne Yesu Kristo Mpata no.

• Adɛn nti na Yesu Kristo yii sɛ ɔbɛhunu amane na wawu ama yɛn?

• Deɛn na ɛsɛ sɛ meyɛ de nya N’afɔrebɔ no nhyira?

• Atenka bɛn na menya fa Yesu Kristo ho berɛ a makenkan saa nkyekyɛmu yi akyi?

San hwɛ Akwankyerɛ ma Twerɛnsɛm no, “Mpata,” Asɛmpa Akoraeɛ; “Agyenkwa no Hunu Amane wɔ Gethsemane” (sini), Asɛmpa Akoraeɛ Library.

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma.

Nsusuiɛ ma Nkwadaa Adekyerɛ

Yesu Kristo nti, mensuro hwee.

• Sɛ wobɛkyerɛ wo nkwadaa fa owusɔreɛ ho a, wobɛtumi akyerɛ wɔn Agyenkwa no wuo ne Owusɔreɛ mfonini. Ma wo nkwadaa nkyɛ deɛ wɔnim fa saa dwumadie ahodoɔ yi ho. Mobɛtumi nso ato dwom te sɛ “Enti Yesu Tenaa Ase Bio Ampa?” (Nkwadaa Nnwomnwoma, 64).

• Dwene adeɛ bi adesua a ɛbɛtumi aba wo nkwadaa ama wɔate deɛ ɛsi berɛ a yeawuo no ase (yɛn honhom ne honam ntam tete) na sɛ yɛsɔre a (yɛn honhom ne honam san bɛka bom, na yɛn honam bɛyɛ pɛ na ɛnwu bio). Nhwɛsoɔ, deɛn na ɛsi berɛ a yɛyi batere firi tɔɔkye bi mu anaasɛ inki firi pɛn mu? Deɛn na ɛsi berɛ a wɔsan kabom? (Hwɛ Alma 11:44–45.)

• Wo nkwadaa nim obi a wawuo? Ma wɔnnkyɛ biribi ketewa bi mfa saa ankorankoro yi ho, na afei wɔnkenkan mmom Nkyerɛkyerɛ ne Apam 138:17. Mo ne mo ho nkasa mfa sɛdeɛ atenka no teɛ sɛ yɛbɛhunu sɛ yɛn adɔfoɔ bɛsɔre na wɔanya honam bio.

• Sɛ wowɔ nkwadaa mpanimfoɔ a, wobɛtumi ama wɔahwehwɛ Easter nkrasɛm wɔ nkyekyɛmu ahodoɔ a ɛdidi soɔ yi: Nkyerɛkyerɛ ne Apam 63:49; 88:14–17, 27; 138:11, 14–17. Wɔbɛtumi de sini no ayɛ saa “Ɔte aseɛ Nti” (Asɛmpa Akoraeɛ). Sɛn na yɛne afoforɔ bɛtumi akyɛ saa nkrasɛm yi?

Nkɔmhyɛni Joseph Smith hunuu Yesu Kristo.

• Wo ne wo nkwadaa ani bɛgye sɛ mokenkan fa mprɛnsa so a Yesu Kristo puee Joseph Smith ne afoforɔ so wɔ Joseph Smith—Abakɔsɛm 1:14–17; Nkyerɛkyerɛ ne Apam 76:11–24; 110:1–10. Wo nkwadaa nso bɛtumi ahwɛ mfonini a ɛwɔ saa dwumadie ahodoɔ yi mu wɔ nnawɔtwe yi dwumadie krataafamu. Deɛn na yɛsua fa Yesu Kristo ho firi saa suahunu yi mu biara ho? Adɛn nti na ɛyɛ nhyira sɛ yɛhunu sɛ Joseph Smith ne afoforɔ hunuu Agyenkwa a wasɔre no?

Yesu Kristo nti, wɔbɛtumi de me bͻne akyɛ me.

• Nokorɛ ahodoɔ a Joseph Smith nam Kristo so sua faa bɔnefakyɛ ho bɛtumi ama wo nkwadaa anidasoɔ sɛ wɔbɛtumi anya wɔn mfomsoɔ ne bɔne ho bɔnefakyɛ. Dwene ho ma wo nkwadaa nyɛ ɛpono mma saa tinsɛm yi: Deɛ Agyenkwa no yɛ maa me ne Deɛ ɛwɔ sɛ meyɛ a mɛnya Ne bɔnefakyɛ. Boa wo nkwadaa ma wɔnhwehwɛ nkrataafa a ɛdidi soɔ yi mu nneɛma a ɛka saa tinsɛm yi ho: Nkyerɛkyerɛ ne Apam 18:10–13; 19:16–19; 45:3–5; 58:42–43. Mo ne mo ho nkyɛ mo anigyeɛ ne anisɔ mfa deɛ Agyenkwa yɛ maa yɛn no ho.

• Wobɛtumi ne wo nkwadaa nso ahwɛ sini “Basekere a Ɛhyerɛn” no (Asɛmpa Akoraeɛ) na moakyɛ suahunu ahodoɔ berɛ a wotee Agyenkwa no bɔnefakyɛ nka berɛ a wosakyeraeɛ.

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

Wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Kristo ne Mary wɔ Ɔbodanho, ɛfiri Joseph Brickey hɔ