Dintlha go tswa Saints Move to Kirtland, ka Sam Lawlor

Moranang 21–27: “Fa Lo Se Bangwefela Ga Lo Ba me”

Dithuto le Dikgolagano 37–40

Go Baitshepi ba pele, Kereke e ne e feta lefelo la go utlwa thero ka Sontaga. Ditshenolo di dirisa mafoko jaaka dira, bogosi, Sione, le, gangwe le gape, tiro. Se e ka tswa e le karolo e e gogetseng batho go Kereke e e tsosolositsweng. Jaaka bontsi bone bo rata dithuto, bontsi le bone bone bo batla sengwe se se boitshepo se ba ka tshwaelang matshelo a bone go sone. Le ntswa go le jalo, go obamela taelo ya Morena ka 1830 go phuthegela kwa Ohio gone go se motlhofo. Go ba bantsi, gone go raya go tlogela magae a bone a a siameng go ya mafelong a ba sa a itseng (bona “Mantswe a Tsosoloso: Phuthegela kwa Ohio”). Gompieno re ka bona sentle se Baitshepi bao ba neng ba se bona fela ka leitlho la tumelo: Morena o ne a na le ditshegofatso tse dikgolo tse di ba emetseng kwa Ohio.

Go tlhoka go phuthegela kwa Ohio go sale go fetile, mme Baitshepi gompieno ba santse ba le seoposengwe mo ntlheng ele nngwe fela: “go tlisa Sione” (Dithuto le Dikgolagano 39:13). Jaaka Baitshepi ba pele, re lalediwa go tlogela “dilo tsa lefatshe” (Dithuto le Dikgolagano 40:2) le go tshepha tsholofetso ya Morena: “Lo tla amogela … tshegofatso e kgolo e e iseng e itsiwe” (Dithuto le Dikgolagano 39:10).

Bona gape Saints, 1:109–11.

Megopolo ya go Ithuta kwa Gae le kwa Kerekeng

Dithuto le Dikgolagano 37–38

Modimo o re phuthela go re segofatsa.

Maloko a Kereke kwa Fayette, New York, ba ne ba tshwanelwa ke go dira setlhabelo se se thata go fudugela kwa Ohio (go feta dimaele tse 250) mo marigeng a 1831. Jaaka o bala ka taelo ya Morena mo go Dithuto le Dikgolagano 37:3–4, o ka akanya ka ga setlhabelo se Morena a se lopileng mo go wena. Ke gone, jaaka o ithutuntsha Dithuto le Dikgolagano 38:1–33, batla boammaaruri ka Mmoloki jo bo go neelang tumelo go sala kgakololo ya Gagwe morago. O ithuta eng go tswa mo ditemaneng 11–33 ka ga ditshegofatso tsa go phuthega jaaka balatedi ba ga Jeso Keresete?

Dithuto le Dikgolagano 38:22

“Utlwa lentswe la me mme ntshala morago.”

O ka dira jang Jeso Keresete “motlhoma molao” wa gago? Go sala morago melao ya Gagwe go le dira jang “batho ba ba gololosegileng”?

Bona gape 2 Nefi 2:26–27.

Dithuto le Dikgolagano 38:30

Fa ke ipaakantse, ga ke a tshwanela go boifa.

Ke leng fa o itemogela molawana o Morena a o senotseng mo go Dithuto le Dikgolagano 38:30: “fa lo ipaakantse ga lo kitla lo boifa”? Jaaka o ithutuntsha karolo 38, lemoga ka fa Morena a baakanyang Baitshepi ba gagwe gore ba ka lebagana le isago ka bopelokgale. O batla o ipaakanyetsa dikgwetlho jang gore o seka wa boifa?

Bona gape David A. Bednar, “We Will Prove Them Herewith,” Liahona, Nov. 2020, 8–11.

Dithuto le Dikgolagano 38:24–27

Modimo o batla “re nna bongwefela.”

Baitshepi ba ba phuthegetseng kwa Ohio ba ne ba tswa mo maemong a a farologaneng. Bangwe ba tshwana le batho ba ba mo wateng ya gago. Mme Morena o laotse batho ba gagwe go “nna bangwefela” (temana 27). Re ka fitlhelela jang mofuta o wa kutlwano? Ke megopolo e feng e tlang mo tlhaloganyong jaaka o bala Dithuto le Dikgolagano 38:24–27? Ke eng re tlhoka go tshwaragana gore re nne batho ba Modimo?

Go bala ditemana tse le gone go ka go rotloetsa go akanya ka botsalano jwa gago—ka sekai, le maloko a lelwapa, maloko a wate, le maloko a khoramo kgotsa a tlelase. Ke eng se se lo itsang go tshwaragana mo go Keresete? Mmoloki o ka lo thusa jang go “nna bangwefela”? Ditshwantsho tsa motsikinyego “A Friend to All” or “Love in Our Hearts” (Gospel Library) di ka go thusa go araba dipotso tse. Le gone o ka bona megopolo mo melaetseng ya ga Mogolwane Dale G. Renlund “The Peace of Christ Abolishes Enmity,” Liahona, Nov. 2021, 83–85.

A Friend to All

Elder Ulisses Soares talks of the need for kindness and acceptance.

Love in Our Hearts

Sister Christina B. Franco discusses the importance of inclusion and respect.

O ka thusa setlhopha se jang go tshwaragana? Ka sekai, akanya ka go romela molaetsa kgotsa mokwalo o o molemo go maloko a khoramo ya gago, tlelase, kgotsa lelwapa. O ikutlwa o tlhotlheletsega go ya kwa go mang?

Ke eng se se go tlhotlheletsang ka ga sekai sa ga Mmoloki Baefeso 2:14, 18–22; 2 Nefi 26:24–28?

Bona gape Quentin L. Cook, “Hearts Knit in Righteousness and Unity,” Liahona, Nov. 2020, 18–21; “Love One Another,” Hymns, no. 308; Topics and Questions, “Belonging in the Church of Jesus Christ,” Gospel Library.

Dithuto le Dikgolagano 38:39; 39–40

Rara wa Legodimo o batla go nneela dikhumo tsa bosakhutleng.

Go ya ka wena, ke eng pharologanyo fa gare ga “dikhumo tsa lefatshe” le “dikhumo tsa bosakhutleng”? (Dithuto le Dikgolagano 38:39). Ke a fe maitemogelo a a go rutileng boleng jwa dikhumo tsa bosakhutleng?

Tshegetsa se mo tlhaloganyong ya gago jaaka o bala ka ga James Covel mo go dikarolo 39–40 (go akaretsa ditso tsa molaetsa mo ditlhogong tsa karolo). Akanya ka fa maitemogelo a gagwe a ka go amang ka teng. Ka sekai, akanya ka dinako tse “pelo ya gago … e neng e siame fa pele ga [Modimo]” (Dithuto le Dikgolagano 40:1). O ne o segofetse jang mo boikanyegong jwa gago? Le gone akanya ka “matshwenyego a lefatshe” a o lebaganeng le one. A ka tswa a go kgoreleditse jang go amogela lefoko la Modimo “ka boitumelo”? (Dithuto le Dikgolagano 39:9; 40:2). O bona eng mo dikarolong tse se se go tlhotlheletsang gore o tswelele ka go obamela Modimo?

Bona gape Mathaio 13:3–23.

Tshwantshanya Dikwalo tse di Boitshepo le Botshelo jwa Gago. Tsela e nngwe e o ka thusang baithuti go bona botlhokwa jwa [dikwalo tse di boitshepo] ke go botsa dipotso jaaka ‘Se se ka go thusa jang ka sengwe se o se itemogelang jaanong? Ke eng go le botlhokwa go bo o itse se? Ke diphetogo dife tse se se ka se dirang mo botshelong jwa gago? (Teaching in the Savior’s Way, 23). Dipotso mo tiragalong e ka ga Dithuto le Dikgolagano 39–40 ke dikai tse dingwe tsa dipotso tse di ka re thusang go diragatsa tshenolo e mo matshelong a rona.

Ka ga megopolo e mentsi, bona kgatiso ya kgwedi e ya Liahona le Go Nonofo ya Banana dimakasine.

Megopolo o ya Go Ruta Bana

Dithuto le Dikgolagano 37; 38:31–33

Modimo o re phuthela go re segofatsa.

• map le activity page kwa bofelong jwa setshwantsho seno go ka thusa bana ba gago go tlhaloganya se Modimo a se laetseng mo go Dithuto le Dikgolagano 37:3. Gongwe o ka ba thusa go bona mafelo a a umakilweng mo tshenolong e. Le gone o ka ba thusa go bona polelwana go tswa mo go Dithuto le Dikgolagano 38:31–33 e e tlhalosang go re ke eng Modimo a batla batho ba Gagwe ba phuthega mmogo.

Dithuto le Dikgolagano 38:24–27

Modimo o batla re “nna bongwefela.”

• Jaaka o bala Dithuto le Dikgolagano 38:24–25 le bana ba gago, bua gore go raya eng go tsaya mokaulengwe kgotsa kgaitsadio jaaka o itsaya (bona gape Mathaio 7:12). Ba thuse go boeletsa dikwalo tse di boitshepo, ba emisetsa “mokaulengwe” ka leina la yo mongwe.

• Go ruta bana ga gago go re go rayang go “nna bongwefela” (Dithuto le Dikgolagano 38:27), o ka ba thusa go tshwantsha palo e tona 1 mme o e kgabise ka maina le ditshwantsho kgotsa dinepe tsa motho mongwe le mongwe kgotsa tlelase. Gaufi le 1, o ka kwala dilo tse o ka di dirang go utlwana thata.

• Akanya ka go abelana thuto e e supang ka fa dilo di ka kopanngwang kgotsa utlwanang go nna dingwe, jaaka dingathwana tsa letsela le le dirang kobo kgotsa metswako e e dirang lofo ya borotho e le nngwe. Dikai tse di ruta eng ka ga go nna bongwe ga batho ba Modimo?

Dithuto le Dikgolagano 38:30

Fa ke ipaakantse, ga ke a tshwanela go boifa.

• Jaaka le bala mmogo Dithuto le Dikgolagano 38:30, wena le bana ba gago le ka bua ka maitemogele a bosheng a a neng a tlhoka ipaakanyetso. Ke gone o ka kopa bana ba gago ka ga dilo tse Rara wa Legodimo a batlang re di ipaakanyetsa. Abelana le bana ba gago maitemogelo a ka fa go ipaakanya go go thusitseng go sa boifa. Le gone le ka lebelela mmogo setshwantsho sa motshikinyego “Men’s Hearts Shall Fail Them” (Gospel Library).

Men's Hearts Shall Fail Them

Elder Russell M. Nelson shares a personal story to give encouragement for when we feel "weak in the heart."

Dithuto le Dikgolagano 39:6, 23

Ke amogetse neo ya Mowa o o Boitshepo fa ke tlhomamisiwa.

• Akanya ka go supa setshwantsho sa mongwe a tlhomamisiwa. Botsa bana ba gago go tlhalosa se se diragalang mo setshwantshong. Le gone o ka ba laletsa go supa setshwantsho fa ba utlwa lefoko Mowa o o Boitshepo mo go Dithuto le Dikgolagano 39:6, 23 (kgotsa mo pineng jaaka “The Holy Ghost,” Children’s Songbook, 105). Morago ga go kolobediwa, re amogela neo ya Mowa o o Boitshepo mo taong e e bidiwang tlhomamiso.

Ka ga megopolo e mentsi, bona kgatiso ya kgwedi e ya Friend makasine.