Eprōļ 21–27: “Eļan̄n̄e Kom̧ij Jab Juon Kom̧ij Jab Aō”: Katak im Bujen Ko 37–40,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 37–40,” Itok, Ļoor Eō—N̄an M̧weeo im Kabun̄ in: Katak im Bujen Ko: 2025
Meļeļe ko jān Rikwojarjar ro rej Em̧makūtļo̧k n̄an Kirtland, jān Sam Lawlor
Eprōļ 21–27: “Eļan̄n̄e Kom̧ij Jab Juon Kom̧ij Jab Aō”
Katak im Bujen Ko 37–40
N̄an Rikwojarjar ro jinointata, Kabun̄ in eaar ļapļo̧k jān juon jikin n̄an ron̄jake jet kwaļo̧k ilo Jabōt. Revelesōn ko kar kōjerbali āinwōt unin, aelōn̄ in kiin̄, Zaion, im, emakijkij, jerbal. Bōlen emaron̄ kar m̧ōttan ta eo ekar kan̄ōltok armej ro n̄an Kabun̄ eo kar kōjepļaaktok. To̧o̧n wōt aer kar iakwe katak eo, elōn̄ barāinwōt raar kōņaan juon men ekwojarjar raar maron̄ ajeļo̧k mour eo aer n̄an e. Em̧ool jekdo̧o̧n, pokake kean̄ eo an Irooj ilo 1830 eo n̄an aindoon ilo Ohio ekar jab pidodo. N̄an elōn̄, ekar meļeļe in ilo̧k jān im̧ōko im̧weer reiineem̧m̧an n̄an juon jikin jab jeļā kake (lale “Voices of the Restoration: Gathering to Ohio”). Rainin jemaron̄ lo ilo alikkar ta eo Armej ro Rekwojarjar remaron̄ in kar loe wōt kōn mejān tōmak: Elōn̄ kōjeraam̧m̧an ko rem̧m̧an an Irooj rej kōttar er ilo Ohio.
Aikuj eo n̄an aindoon n̄an Ohio ekar jako wōt etto, bōtaab Armej ro Rekwojarjar rainin rej kobaļo̧k wōt ilo ejja jibadbad eo wōt: n̄an “kōjerkak tok Zaion” (Katak im Bujen Ko 39:13 Ejja āinwōt Armej ro Rekwojarjar ilo jinoin, kar kajjitōk ippād n̄an meļo̧kļo̧k “waan ko an laļ” (Katak im Bujen Ko 40:2) kōnke jej lōke kallim̧ur eo an Irooj: “Kwo naaj bōk … kōjeraam̧m̧an eo ekanooj ļap im kwo jan̄in kar jeļā kake” (Katak im Bujen Ko 39:10
Bar lale Armej ro Rekwojarjar, 1:109–11.
Ļōmnak ko n̄an Ekkatak ilo M̧weeo im ilo Kabun̄ in
Anij ej aiin kōj n̄an kōjeraam̧m̧an kōj.
Membōr ro an Kabun̄ in ilo Fayette, New York, raar aikuj in kōm̧m̧ani kaarmejete ko n̄an em̧m̧akūt n̄an Ohio (elōn̄ļo̧k jān 250 m̧aiļ ko rettoļo̧k) ilo winter in 1831 eo. Ilo am̧ riit kōn kean̄ eo an Irooj ilo Katak im Bujen Ko 37:3–4, Kwomaron̄ ļōmņak kōn kaarmjete ko Irooj ekar kajjitōk ippam̧ kaki. Innām, ilo am̧ ekkatak Katak im Bujen Ko 38:1–33, kappukōt m̧ool ko kōn Rilo̧mo̧o̧r eo me rekar lewaj n̄an eok tōmak n̄an ļoor kapilōk eo An. Ta eo kwoj katak jān eoon 11–33 kōn kōjeraam̧m̧an ko an ain doon eo āinwōt rikaļoor ro an Jisōs Kraist?
“Ron̄jake ainikiō im ļoor eō.”
Ekōjkan ad maron̄ kōm̧m̧an bwe Jisōs Kraist en am̧ “rileļo̧k kien”? Ekōjkan an ļoor kien ko An kōm̧m̧an bwe kwon “juon armej reanemkwōj”?
Bar lale 2 Nipai 2:26–27.
Eļan̄n̄e ij pojak, ijjab aikuj mijak.
N̄āāt eo kwar en̄jake an pedped in katak eo Irooj kar kwaļo̧k ilo Katak im Bujen Ko 38:30: “Eļan̄n̄e kom̧ij pojak kom̧ jamin mijak”? Ilo am̧ ekkatak jekjōn 38, kile ekōjkan an Irooj kōpooj Armej ro An Rekwojarjar bwe ren maron̄ jelm̧ae ilju im jekļaj kōn peran. Ekōjkan An kōņaan bwe kwon m̧aanjabpopo n̄an idajon̄jon̄ ko bwe kwon maron̄ jab aikuj mijak?
Bar lale David A. Bednar, “Jenaaj Mālejjon̄e Er Kake,” Liaona, Nob. 2020, 8–11.
Anij ekōņaan bwe jen “juon.”
Armej ro Rekwojarjar me raar aiin doon ilo Ohio raar itok jān elōn̄ kain jekjek ko. Ejja menin wōt ebarāinwōt m̧ool kōn armej ro ilo ward eo am̧. Bōtaab Irooj ej kean̄ armej ro An n̄an “juon” (eoon 27). Ekōjkan ad maron̄ kōtōprak kain bōro kuk in? Ta ļōmņak ko rej itok n̄an kōļmenļo̧kjeņ ilo am̧ riiti Katak im Bujen Ko 38:24–27? Etke jej aikuj in bōro kuk n̄an maron̄ erom armej ro an Anij?
Riiti eoon kein remaron̄ barāinwōt im̧we eok n̄an ļōmņak kōn jemjerā ko am̧—n̄an waanjon̄ak, ippān ro uwaan baam̧ļe, ward membōr ro, im membōr ro an doulul ak kūlaaj. Ta eo emaron̄ in dāpij eok jān erom bōro kuk ilo Kraist? Ekōjkan an Rilo̧mo̧o̧r eo maron̄ jipan̄ eok n̄an erom “juon”? Pija in alooj eo “A Friend to All” ak “Love in Our Hearts” (Gospel Library) maron̄ jipan̄ eok uwaaki kajjitōk kein. Kwomaron̄ barāinwōt lo ļōmņak ko ilo ennaan eo an Elder Dale G. Renlund “Aenōm̧m̧an eo an Kraist ej Joļo̧k Kōjdāt,” Liaona, Nob. 2021, 83–85.
A Friend to All
Elder Ulisses Soares talks of the need for kindness and acceptance.
Love in Our Hearts
Sister Christina B. Franco discusses the importance of inclusion and respect.
Ekōjkan am̧ maron̄ jipan̄ kumi kein ļapļo̧k aer bōro kuk? N̄an waanjon̄ak, ļōmņak in jilkinļo̧k ak text juon kakeememej n̄an membōr ro an doulul eo am̧ ak kūlaaj eo, ak baam̧le eo. Wōn eo kwoj en̄jake n̄an lo̧ļo̧k?
Ta eo ej im̧we eok kōn waanjon̄ak eo an Rilo̧mo̧o̧r ilo Epesōs 2:14, 18–22; 2 Nipai 26:24–28?
Bar lale Quentin L. Cook, “Bōrokuk ilo Kwojarjar im Ippen Doon,” Liaona, Nob. 2020, 18–21; “Love One Another,” Hymns, nō. 308; Unin Kōnono ko im Kajjitōk ko, “Belonging in the Church of Jesus Christ,”
Katak im Bujen Ko 38:39; 39–40
Jemedwōj Ilan̄ ej kōņaan letok n̄an eō m̧weiie ko an indeeo.
Ilo am̧ ļōmņak, ta oktak eo ikōtaan “m̧weiie ko an laļ in” im “m̧weiie ko an indeeo”? (Katak im Bujen Ko 38:39). Ta en̄jake ko raar katakin eok n̄an kaorōk m̧wiie ko an indeeo?
Likūt ilo kōļmeņļo̧kjeņ ilo am̧ riit kōn James Covel ilo jekjōn 39–40 (ekoba bwebwenato in bwebwenato eo an ilo jekjōn heading ko). Ļōmņak ekōjkan an en̄jake eo an maron̄ jerbal n̄an eok. N̄an waanjon̄ak, ļōmņak kōn iien ko me būruwōm̧ “ekar … jim̧we im̧aan [Anij]” (Katak im Bujen Ko 40:1). Ekōjkan am̧ kar jeraam̧m̧an kōn am̧ tiljek? Barāinwōt ļōmņak kōn ta eo “wōj waan ko an laļ” kwoj jelm̧ai. Ekōjkan aer maron̄ bōbrae eok jān bōk naan eo an Anij “kōn m̧ōņōņō”? (Katak im Bujen Ko 39:9; 40:2). Ta eo kwoj loe ilo jekjōn kein me rej im̧we eok n̄an kōļapļo̧k am̧ jab m̧ōk in pokake Anij?
Lale barāinwōt Matu 13:3–23.
Kōjerbal jeje ko rekwojarjar n̄an mour eo am̧. “Juon wāween kwomaron̄ jipan̄ rikkatak ro loe [eoon ko] rekkar ej kōn kajjitōk kajjitōk ko āinwōt ‘Ekōjkan an menin jipan̄ eok kōn juon men eo kwoj en̄jaki kiiō?’ ‘Etke eaorōk ippām n̄an jeļā menin?’ “Ta oktak eo menin emaron̄ kōm̧m̧ane n̄an mour eo am̧?” (Teaching in the Savior’s Way, 23). Kajjitōk ko ilo m̧akūtkūt in kōn Katak im Bujen Ko 39–40 rej barāinwōt kajjitōk ko jet me remaron̄ jipan̄ kōj kōjerbal revelesōn kein n̄an mour ko ad.
N̄an ļōmņak ko reļļapļo̧k, lale bok eo an allōn̄ in an Liaona eo im N̄an Kōkajoorļo̧k Jodikdik ro māākjin ko.
Ļōmņak ko n̄an Katakin Ajri ro
Katak im Bujen Ko 37; 38:31–33
Anij ej aiin kōj n̄an kōjeraam̧m̧an kōj.
-
Mab im peij in m̧akūtkūt eo ilo jem̧ļo̧k kōllaajrak in emaron̄ jipan̄ ajri ro nejūm̧ meļeļe ta eo Anij ekar kean̄ kake ilo Katak im Bujen Ko 37:3. Bōlen kwomaron̄ jipan̄ er lo jikin ko kar kōnono kaki ilo revelesōn kein. Kwomaron̄ barāinwōt jipan̄ er lo juon eoon jān Katak im Bujen Ko 38:31–33 me ej kōmeļeļeik etke Anij ej kōņaan bwe armej ro An ren aindoon.
Anij ej kōņaan bwe jen “juon.”
-
Ilo am̧ riiti Katak im Bujen Ko 38:24–25 ippān ajri ro nejūm̧, kōnono kōn ta kar meļeļe in n̄an kautiej eo jeiūm̧ ak jatūm̧ āinwōt kwe make (bar lale Matu 7:12). Jipan̄ er bar āliji eoon eo, bōk jikin “ļeo jein ak jatin” kōn etaer kajjojo.
-
N̄an katakin ajri ro nejūm̧ ta meļeļe in n̄an “juon” (Katak im Bujen Ko 38:27), kwomaron̄ jipan̄ er jin̄aik juon nōm̧ba 1 kileplep im kainōknōke kōn āt ko im jin̄a ko ak pija ko kōn kajjojo armej ilo baam̧le eo ak kūlaaj eo am̧. Turinļo̧k 1, kwomaron̄ je men ko kwonaaj kōm̧m̧ani n̄an bōro kuk ļo̧k wōt.
-
Ļōmņak in kwaļo̧k juon men in katak me ej kwaļo̧k ekōjkan an men ko maron̄ koba ak koba ippān doon n̄an erom juon wōt, ko āinwōt m̧ōttan nuknuk ko me rej kōm̧m̧ane juon quilt ak iiōk ko me rej kōm̧m̧an juon ļoob in pilawe. Ta eo waanjon̄ak kein rej katakin kōj kōn erōm̧ juon āinwōt armej ro an Anij?
Eļan̄n̄e ij pojak, ijjab aikuj mijak.
-
Ilo ami riiti ippān doon Katak im Bujen Ko 38:30, kwe im ajri ro nejūm̧ maron̄ kōnono kōn en̄jake kiiō repaak me raar aikuji kōppopo eo. Innām kwomaron̄ kajjitōk ippān ajri ro nejūm̧ kōn men ko Jemedwōj Ilan̄ ej kōņaan bwe jen kōppopo n̄ani. Kwaļo̧k ippān ajri ro nejūm̧ juon en̄jake eo me kōn kōppopo ekar jipan̄ eok n̄an jab mijak. Kwomaron̄ barāinwōt kwaļo̧k pija in alooj eo “Men’s Hearts Shall Fail Them” (Gospel Library).
Men's Hearts Shall Fail Them
Elder Russell M. Nelson shares a personal story to give encouragement for when we feel "weak in the heart."
Ij bōk menin letok eo an Jetōb Kwojarjar n̄e ij kapen.
-
Ļōmņak in kwaļo̧k juon pija in juon eo me kar kapene. Kajjitōk ippān ajri ro nejūm̧ n̄an kōmeļeļeik ta eo ej waļo̧k ilo pija eo. Kwomaron̄ barāinwōt kajjitōk ippāer n̄an jitōn̄e ilo pija eo jabdewōt iien rej ron̄ naan ko Jetōb Kwojarjar ilo Katak im Bujen Ko 39:6, 23 (ak ilo juon al āinwōt “The Holy Ghost,” Children’s Songbook, 105). Kwaļo̧k ippān doon ekōjkan an menin letok eo an Jetōb Kwojarjar kar kōjeraam̧m̧an eok.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin eo.