M̧aaj 31–Eprōļ 6: “Jisōs Kraist Enaaj Aintok Armej ro An”

Katak im Bujen Ko 29

Men̄e Kabun̄ eo an Jisōs Kraist eaar ejaak ilo 1830 eo, elōn̄ m̧ool ko an gospel rekar jab waļo̧k, im jejjo membōr ro an Kabun̄ in m̧okta ekar wōr aer kajjitōk. Raar riiti kanaan ko ilo Bok in Mormon kōn aintok eo an Israel im ekkal eo an Zaion (lale 3 Nipai 21). Ekōjkan an naaj kar waļo̧k? Revelesōn ko Hiram Page ekar ba ekar būki elmakot ko kōn unin kōnono jab eo, eo ekar kōļapļo̧k wōt ikdeelel eo an membōr ro (lale Katak im Bujen Ko 28). Armej ro jet raar ļōmņak kōn Wōtlo̧k eo an Adam im Iv im mej ilo jetōb. Irooj ekar karuwaineneik kajjitōk kein ilo 1830 eo, im E ej karuwaineneik kajjitōk ko ad rainin. “Jabdewōt kom̧ naaj kajjitōk ilo tōmak,” Eaar jiron̄ Armej ro Rekwojarjar, “juon wōt ilo jar ekkar n̄an Aō jiron̄, kom̧ naaj bōk” (Katak im Bujen ko 29:6). Ilo m̧ool, āinwōt ilo revelesōn eo aorōk ilo Katak im Bujen Ko 29 ej kwaļo̧k, jet iien Irooj ej uwaaki kajjitōk ko ad ilo an letok n̄an kōj m̧ool eo im jeļāļo̧kjeņ eo eļapļo̧k jān ta eo jej kajjitōk.

Ļōmnak ko n̄an Ekatak ilo M̧weeo im ilo Kabun̄ in

Katak im Bujen Ko 29

Jemedwōj Ilan̄ ewōr juon an karōk n̄an ļomo̧o̧r eo an ajri ro Nejin.

Katak im Bujen ko 29 ej kwaļo̧k elōn̄ m̧ool ko kōn karōk eo an Anij n̄an kwe. Ilo am̧ riit, pukōt m̧ool ko kwoj katak kōn kajjojo iaan m̧ōttan kein an karōk eo An:

• Mour eo m̧okta (lale eoon 36–37).

• Kōm̧anm̧an eo (lale eoon 31–33).

• Wōtlo̧k eo an Adam im Iv (lale eoon 40–41).

• Mour in (lale eoon 39, 42–45)

• Pinmuur eo an Jisōs Kraist (lale eoon 1, 42–43, 46–50)

• Jerkakpeje eo (lale eoon 13, 26)

• Ekajet eo Āliktata (lale eoon 12–13, 27–30)

Ta kōļmenļo̧kjeņ ko kwar būki? Eļan̄n̄e ejipan̄ eok, kwomaron̄ jei ilo jikin eo ejjeļo̧k kobban kar kōpooje ippān pija ko ilo jem̧ļo̧kin unin tōl in. Ekōjkan an m̧ool kein kadeel mour eo am̧?

Bar lale Unin Kōnono ko im Kajjitōk ko, “Plan of Salvation,” Gospel Library eo.

Meļeļe ko jān Itok n̄an Ippa, jān Jenedy Paige

Katak im Bujen Ko 29:1–28

Jisōs Kraist ej kajjitōk ippa n̄an jipan̄ aintok armej ro An m̧okta jān Itok eo An Kein Karuo.

Jisōs Kraist ej kōnono kōn aintok eo an armej ro An “āinwōt juon lo̧lo̧ ej aini jojo ko nejin ium̧win pā ko pein” (Katak im Bujen ko 29:2). Ta eo ilo oktak in ej katakin eok kōn Jisōs Kraist? Ta ļōmņak ko jet ak im̧we ko rej itok n̄an kwe ilo am̧ ekkatak kōmeļeļe eo an juon lo̧lo̧ im bao ko ilo unin tōl in? Ļōmņak ekōjkan am̧ kar en̄jake an Jisōs Kraist aintok im kōjparok eok.

Ilo am̧ riiti Katak im Bujen Ko 29:1–11, kappukōt ļōmņak ko kōn:

• Wōn ro renaaj aindoon.

• Ta meļeļe in “aindoon” n̄an Kraist.

• Etke jej aindoon n̄an Ippān.

Kejekļo̧kjeņ etke kwoj kōņaan bwe armej ro jet ren aindoon n̄an ippān Jisōs Kraist. Ta eo kwoj en̄jake eim̧we n̄an kōm̧m̧ane n̄an jipan̄?

Kwomaron̄ kajjitōk ippam̧ make ejja kajjitōk ko wōt ilo am̧ alooje pija in alooj eo “A Witness of God” (Gospel Library)ak riit ak ron̄jake juon al kōn aindoon, eo āinwōt “Israel, Israel, God Is Calling” (Hymns, nō. 7). Ta eo kwoj en̄jake Irooj ej kajjieon̄ katakin eok kōn jerbal in aintok eo An?

A Witness of God

Elder Neil L. Andersen describes how all of God's children are pieces of a large puzzle in preparation for the Second Coming of Jesus Christ.

Būreejtōn Russell M. Nelson ekar ba: “Kiiō aintok ej bōk jikin ilo kajjojo laļ. Irooj ekar kōllaajrake jutak eo an Zaion ilo kajjojo laļ ijo E ekar leļo̧k n̄an Armej ro Rekwojarjar An jikin aer ļotak im laļ eo aer” (“The Gathering of Scattered Israel,” Liahona, Nob. 2006, 81). Ekōjkan an aindoon ilo jekjek in jipan̄ kōj “pojak ilo men otemjeļo̧k” n̄an Itok Eo Kein Karuo an Rilo̧mo̧o̧r? (eoon 8; bar lale eoon 14–28).

Bar lale Russell M. Nelson im Wendy W. Nelson, “Hope of Israel” (worldwide youth devotional, June 3, 2018), Gospel Library; D. Todd Christofferson, “Katak eo kōn Kobatok,” Liaona, Nob. 2022, 53–56; Unin Kōnono ko im Kajjitōk ko, “Gathering of Israel,” Gospel Library eo.

Katak im Bujen Ko 29:31–35

“Aolep men ko otemjeļo̧k n̄an eō rej jetōb.”

Ilo am̧ ekkatak Katak im Bujen Ko 29:31–35, kajjitōk ippam̧ make, “Ilo ļamļam rōt rej aolep kien ilo jetōb?” Kwomaron̄ kōllaajrak jejjo kien ko im ļōmņak kōn m̧ool ko ilo jetōb rej iookļo̧k kajjojo. Juon etale an N̄an Kōkajoorļo̧k Jodikdik ro: Juon Unin Tōl n̄an Kōm̧m̧ani Kāālet ko emaron̄ jipan̄—ej katakin jet iaan m̧ool ko indeeo ikijeen jejjo kien an Anij.

Ekōjkan an jeļā bwe “aolep men ko … rej jetōb” jelet wāween am̧ kalimjōk kien ko an Anij? Ļōmņak in kappukōt meļeļe in ilo jetōb ak jibadbad eo ilo wāween ko jet an mour eo am̧ barāinwōt.

Bar lale 2 Nipai 9:39.

Pedped ioon Jisōs Kraist. “Aolep unin kōnono an gospel eo [ej] juon iien em̧m̧an n̄an katakin im katak kōn Jisōs Kraist” (Teaching in the Savior’s Way, 6). Ta eo kwoj katak kōn m̧wil ko M̧wilin, jerbal ko An, im waanjon̄ak eo An ilo am̧ riiti Katak im Bujen Ko 29?

Katak im Bujen ko 29:36–50

Jisōs Kraist ej lo̧mo̧o̧ren kōj jān Wōtlo̧k eo.

Ekōjkan am̧ maron̄ kōjerbal Katak im Bujen Ko 29:36–50 n̄an kōmeļeļeik etke jej aikuj pinmuur kōn Jisōs Kraist?

Wōtlo̧k eo an Adam im Iv kar bōktok mej im jerawiwi n̄an laļ in, ak ej barāinwōt kōpooj iaļ eo n̄an pinmuur eo im lan̄lōn̄ eo kōn Kraist. Ippān ļōmņak jab in ilo ļōmņak, riiti eoon 39–43 im je naan ko im eoon ko me rej bōktok n̄an eok lan̄lōn̄. Ta eo ej im̧we eok kōn ta eo Adam im Iv raar ba kōn Wōtlo̧k eo ilo Moses 5:10–12?

Bar lale “Why We Need a Savior” (video), Gospel Library eo.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

N̄an ļōmņak ko reļļapļo̧k, lale ennaan eo an allōn̄ in an Liaona im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Katak im Bujen Ko 29

Jemedwōj Ilan̄ ewōr juon an karōk n̄an ļomo̧o̧r eo an ajri ro Nejin.

• N̄an jino juon iien bwebwenato kōn karōk eo an Jemedwōj Ilan̄ n̄an kōj, kwe im ajri ro nejūm maron̄ kōnono kōn juon iien ke kwa kom̧ kar kōm̧m̧ane juon karōk, eo āinwōt juon tūreep ak n̄an kadedeļo̧k juon jerbal. Komaron̄ barāinwōt kwaļo̧k waanjon̄ak ko kōn karōk ko, ko āinwōt juon kōļōnta kōn m̧akūtkūt ko kar je ioon ak naan in kōmeļeļe ko n̄an kōm̧m̧ane juon men. Etke karōk ko ewōr tokjān? Innām̧ kom̧ maron̄ kōnono kōn ta eo Jemedwōj Ilan̄ ej kōņaan kōtōprak im ekōjkan an karōk eo An jipan̄ kōj kōtōpake.

• Kwomaron̄ kōjerbal pija ko ilo jem̧ļo̧kin unin tōl in n̄an jipan̄ ajri ro nejūm̧ lo eoon eko ilo Katak im Bujen Ko 29 me rej katakin kōn m̧ōttan ko rooktak an karōk eo an Jemedwōj Ilan̄. Kwomaron̄ barāinwōt m̧wijitiļo̧k pija ko im kajjitōk ippān ajri ro n̄an karōki ekkar n̄an laajrak eo ejim̧we. Etke jej kam̧m̧oolol n̄an jeļā bwe Jemedwōj Ilan̄ ewōr juon an karōk n̄an kōj? Ekōjkan jeļā kake ekadeel mour ko ad aolep raan?

Katak im Bujen Ko 29: 1–2, 7–8

Jisōs Kraist ej aintok armej ro An m̧okta jān An bar itok.

• Kōmeļeļe eo itulaļ kōn juon lo̧lo̧ ej ain jojo ko nejin ak pija in alooj eo “Chicks and Hens” (ChurchofJesusChrist.org) maron̄ jipan̄ ajri ro nejūm̧ pijaiļo̧k waanjon̄ak eo ilo Katak im Bujen Ko 29:1–2. Innām kom̧ maron̄ riiti eoon kein ippān doon im kōnono ippān doon kōn ekōjkan an juon lo̧lo̧ kōjparok jojo ko nejin im ekōjkan an men jab in ainļo̧k wōt ta eo Rilo̧mo̧o̧r eo emaron̄ kōm̧m̧ane n̄an kōj.

  Chicks and Hens

  

  Inaaj Aintok Eok, jān Liz Lemon Swindle

• Ta eo enaaj im̧we ajri ro nejūm̧ n̄an kōņaan jipan̄ Rilo̧mo̧o̧r eo aintok armej ro An? Bōlen rej kōņaan ron̄ en̄jake eo an juon eo me “ekar kobaļo̧k” n̄an E ilo kobatok ilo Kabun̄ eo An. N̄an waanjon̄ak, eo eaar kwaļo̧k kadkad in baam̧le eo am̧ n̄an Kabun̄ in? Ekōjkan ad kar jeraam̧m̧an kōn bōk kūr eo an Rilo̧mo̧o̧r n̄an kobaļo̧k n̄an E? Ekōjkan ad maron̄ jipan̄ ro jet kobaļo̧k n̄an E? (Lale “A Message for Children from President Russell M. Nelson” [video], ChurchofJesusChrist.org.)

  Video: A Message for Children from President Russell M. Nelson

  In the 2021 Friend to Friend event, President Russell M. Nelson gave this message to children around the world.

Katak im Bujen Ko 29:11

Jisōs Kraist enaaj bar itok.

• Juon pija in Itok eo Kein Karuo an Rilo̧mo̧o̧r eo (eo āinwōt Bok in Gospel Pija, nō. 66) ak juon al kake (eo āinwōt “When He Comes Again,” Children’s Songbook, 82–83) maron̄ jipan̄ kwe im ajri ro nejūm̧ ekōnono kōn Katak im Bujen Ko 29:11. Jipan̄ ajri ro nejūm kile eoon ko ilo jeje ko rekwojarjar me rej iookļo̧k juon men ilo pija eo ak al eo. Kwaļo̧k ippān doon ekōjkan am̧ en̄jake kōn itok eo an Jisōs Kraist n̄an laļ in bar juon alen.

N̄an ļōmņak ko reļļapļo̧k, lale ennaan eo an allōn̄ in an Jera māākjin eo.